SBI ਦੇ ਗਾਹਕਾਂ ਨੂੰ ਝਟਕਾ! ਬੈਂਕ ਨੇ 1 ਫਰਵਰੀ ਤੋਂ ਵਧਾਏ ਚਾਰਜ, ਹੋਵੇਗਾ 20 ਰੁਪਏ+ਜੀ.ਐੱਸ.ਟੀ ਦਾ ਖ਼ਰਚਾ

ਸਟੇਟ ਬੈਂਕ ਆਫ ਇੰਡੀਆ (SBI) 1 ਫਰਵਰੀ 2022 ਨੂੰ ਇੱਕ ਹੋਰ ਚਾਰਜ ਵਧਾਉਣ ਜਾ ਰਿਹਾ ਹੈ। ਅਜਿਹੇ 'ਚ ਜੇਕਰ ਤੁਹਾਡਾ ਵੀ ਬੈਂਕ 'ਚ ਖਾਤਾ ਹੈ ਤਾਂ ਤੁਹਾਨੂੰ ਵੱਡਾ ਝਟਕਾ ਲੱਗਣ ਵਾਲਾ ਹੈ। SBI ਦੀ ਵੈੱਬਸਾਈਟ ਦੇ ਮੁਤਾਬਕ, 1 ਫਰਵਰੀ 2022 ਤੋਂ IMPS ਟ੍ਰਾਂਜੈਕਸ਼ਨਾਂ ਲਈ ਇੱਕ ਨਵਾਂ ਸਲੈਬ ਜੋੜਿਆ ਗਿਆ ਹੈ। ਇਹ 2 ਲੱਖ ਤੋਂ 5 ਲੱਖ ਰੁਪਏ ਹੈ।

  • Share this:
ਜਿਵੇਂ ਕਿ ਹਰ ਕੋਈ ਜਾਣਦਾ ਹੈ ਕਿ 1 ਜਨਵਰੀ ਤੋਂ, ATM ਤੋਂ ਪੈਸੇ ਕਢਵਾਉਣ ਸਮੇਤ ਬਹੁਤ ਸਾਰੇ ਖਰਚੇ ਵਧ ਗਏ ਹਨ। ਇਸ ਦੇ ਨਾਲ ਹੁਣ ਦੇਸ਼ ਦਾ ਸਭ ਤੋਂ ਵੱਡਾ ਬੈਂਕ ਸਟੇਟ ਬੈਂਕ ਆਫ ਇੰਡੀਆ (SBI) 1 ਫਰਵਰੀ 2022 ਨੂੰ ਇੱਕ ਹੋਰ ਚਾਰਜ ਵਧਾਉਣ ਜਾ ਰਿਹਾ ਹੈ। ਅਜਿਹੇ 'ਚ ਜੇਕਰ ਤੁਹਾਡਾ ਵੀ ਬੈਂਕ 'ਚ ਖਾਤਾ ਹੈ ਤਾਂ ਤੁਹਾਨੂੰ ਵੱਡਾ ਝਟਕਾ ਲੱਗਣ ਵਾਲਾ ਹੈ। SBI ਦੀ ਵੈੱਬਸਾਈਟ ਦੇ ਮੁਤਾਬਕ, 1 ਫਰਵਰੀ 2022 ਤੋਂ IMPS ਟ੍ਰਾਂਜੈਕਸ਼ਨਾਂ ਲਈ ਇੱਕ ਨਵਾਂ ਸਲੈਬ ਜੋੜਿਆ ਗਿਆ ਹੈ। ਇਹ 2 ਲੱਖ ਤੋਂ 5 ਲੱਖ ਰੁਪਏ ਹੈ।

ਜਾਣੋ ਹੁਣ ਕਿੰਨਾ ਲੱਗੇਗਾ ਚਾਰਜ?
ਐਸਬੀਆਈ ਦੀ ਵੈੱਬਸਾਈਟ ਦੇ ਅਨੁਸਾਰ, 2 ਲੱਖ ਰੁਪਏ ਤੋਂ 5 ਲੱਖ ਰੁਪਏ ਦੇ ਵਿਚਕਾਰ IMPS ਰਾਹੀਂ ਪੈਸੇ ਭੇਜਣ ਦੀ ਫੀਸ 20 ਰੁਪਏ + ਜੀਐਸਟੀ ਹੋਵੇਗੀ। ਦੱਸ ਦੇਈਏ ਕਿ ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਅਕਤੂਬਰ 2021 ਵਿੱਚ IMPS ਰਾਹੀਂ ਲੈਣ-ਦੇਣ ਕੀਤੀ ਜਾਣ ਵਾਲੀ ਰਕਮ ਦੀ ਸੀਮਾ 2 ਲੱਖ ਰੁਪਏ ਤੋਂ ਵਧਾ ਕੇ 5 ਲੱਖ ਰੁਪਏ ਕਰ ਦਿੱਤੀ ਸੀ।

ਜਾਣੋ ਕੀ ਹੈ IMPS?
IMPS ਨੂੰ ਤੁਰੰਤ ਮੋਬਾਈਲ ਭੁਗਤਾਨ ਸੇਵਾ (Immediate Payment Service) ਕਿਹਾ ਜਾਂਦਾ ਹੈ। IMPS ਬੈਂਕਾਂ ਦੁਆਰਾ ਪੇਸ਼ ਕੀਤੀ ਜਾਂਦੀ ਇੱਕ ਪ੍ਰਸਿੱਧ ਭੁਗਤਾਨ ਸੇਵਾ ਹੈ, ਜੋ ਐਤਵਾਰ ਅਤੇ ਛੁੱਟੀਆਂ ਸਮੇਤ ਰੀਅਲ-ਟਾਈਮ ਅੰਤਰ-ਬੈਂਕ ਫੰਡ ਟ੍ਰਾਂਸਫਰ ਦੀ ਆਗਿਆ ਦਿੰਦੀ ਹੈ ਇਹ ਪ੍ਰਣਾਲੀ 24 X 7 ਉਪਲਬਧ ਹੈ।

ATM ਤੋਂ ਪੈਸੇ ਕਢਵਾਉਣਾ ਹੋਇਆ ਮਹਿੰਗਾ
ਜਨਵਰੀ 2022 ਤੋਂ ATM ਤੋਂ ਨਕਦੀ ਕਢਵਾਉਣਾ ਮਹਿੰਗਾ ਹੋ ਜਾਵੇਗਾ। ਗਾਹਕ ਨੂੰ ਨਿਰਧਾਰਤ ਸੀਮਾ ਤੋਂ ਵੱਧ ATM ਤੋਂ ਪੈਸੇ ਕਢਵਾਉਣ 'ਤੇ ਜ਼ਿਆਦਾ ਚਾਰਜ ਦੇਣੇ ਹੋਣਗੇ। ਰਿਜ਼ਰਵ ਬੈਂਕ ਦੇ ਦਿਸ਼ਾ-ਨਿਰਦੇਸ਼ਾਂ ਦੇ ਅਨੁਸਾਰ, ਐਕਸਿਸ ਬੈਂਕ ਜਾਂ ਹੋਰ ਬੈਂਕਾਂ ਦੇ ਏਟੀਐਮ 'ਤੇ ਮੁਫਤ ਸੀਮਾ ਤੋਂ ਵੱਧ ਵਿੱਤੀ ਲੈਣ-ਦੇਣ 'ਤੇ 21 ਰੁਪਏ ਅਤੇ ਜੀਐਸਟੀ ਲੱਗੇਗਾ। ਇਹ ਸੋਧੀਆਂ ਦਰਾਂ 1 ਜਨਵਰੀ 2022 ਤੋਂ ਲਾਗੂ ਹੋਣਗੀਆਂ।

ਨਵੀਂ ਸੀਮਾ
ਅਗਲੇ ਮਹੀਨੇ ਤੋਂ, ਗਾਹਕਾਂ ਨੂੰ 20 ਰੁਪਏ ਦੀ ਬਜਾਏ 21 ਰੁਪਏ ਪ੍ਰਤੀ ਟ੍ਰਾਂਜੈਕਸ਼ਨ ਦਾ ਭੁਗਤਾਨ ਕਰਨਾ ਹੋਵੇਗਾ ਜੇਕਰ ਉਹ ਮੁਫਤ ਲੈਣ-ਦੇਣ ਦੀ ਮਹੀਨਾਵਾਰ ਸੀਮਾ ਨੂੰ ਪਾਰ ਕਰਦੇ ਹਨ। ਆਰਬੀਆਈ ਨੇ ਕਿਹਾ ਸੀ ਕਿ ਜ਼ਿਆਦਾ ਇੰਟਰਚੇਂਜ ਚਾਰਜ ਅਤੇ ਆਮ ਲਾਗਤ ਵਿੱਚ ਵਾਧੇ ਦੇ ਕਾਰਨ, ਉਸਨੇ ਟ੍ਰਾਂਜੈਕਸ਼ਨ 'ਤੇ ਚਾਰਜ ਨੂੰ 21 ਰੁਪਏ ਤੱਕ ਵਧਾਉਣ ਦੀ ਇਜਾਜ਼ਤ ਦਿੱਤੀ ਹੈ।
Published by:Anuradha Shukla
First published: