ਇੰਸਟਾਗ੍ਰਾਮ 'ਤੇ ਆਇਆ ਪੋਸਟ ਸ਼ਡਿਊਲ ਕਰਨ ਦਾ ਫੀਚਰ, ਇੰਝ ਕੀਤੀ ਜਾ ਸਕਦੀ ਹੈ ਵਰਤੋਂ

ਮਸ਼ਹੂਰ ਫੋਟੋ-ਵੀਡੀਓ ਸ਼ੇਅਰਿੰਗ ਐਪ ਇੰਸਟਾਗ੍ਰਾਮ 'ਚ ਇਕ ਨਵਾਂ ਫੀਚਰ ਸ਼ਾਮਲ ਕੀਤਾ ਗਿਆ ਹੈ, ਜਿਸ ਦੀ ਮਦਦ ਨਾਲ ਯੂਜ਼ਰ ਪੋਸਟ ਨੂੰ ਸ਼ਡਿਊਲ ਕਰ ਸਕਣਗੇ। ਹੁਣ ਤੱਕ ਅਜਿਹਾ ਕਰਨ ਲਈ ਥਰਡ-ਪਾਰਟੀ ਐਪਸ ਅਤੇ ਟੂਲਸ ਦੀ ਮਦਦ ਲੈਣੀ ਪੈਂਦੀ ਸੀ ਪਰ ਹੁਣ ਸੋਸ਼ਲ ਮੀਡੀਆ ਪਲੇਟਫਾਰਮ ਨੇ ਇਨ-ਐਪ ਸ਼ਡਿਊਲਿੰਗ ਫੀਚਰ ਨੂੰ ਰੋਲਆਊਟ ਕਰਨ ਦਾ ਫੈਸਲਾ ਕੀਤਾ ਹੈ। ਇੰਸਟਾਗ੍ਰਾਮ ਦੇ ਮੁਖੀ ਐਡਮ ਮੋਸੇਰੀ ਨੇ ਨਵੰਬਰ ਦੀ ਸ਼ੁਰੂਆਤ 'ਚ ਆਪਣੇ ਟਵਿੱਟਰ ਅਕਾਊਂਟ ਤੋਂ ਇਸ ਨਵੇਂ ਫੀਚਰ ਦੀ ਜਾਣਕਾਰੀ ਦਿੱਤੀ ਸੀ ਅਤੇ ਕਿਹਾ ਸੀ ਕਿ ਇਹ ਫੀਚਰ ਐਪ 'ਚ ਪਹਿਲਾਂ ਹੀ ਉਪਲੱਬਧ ਹੋਣਾ ਚਾਹੀਦਾ ਸੀ ਅਤੇ ਲੰਬੇ ਇੰਤਜ਼ਾਰ ਤੋਂ ਬਾਅਦ ਇਸ ਨੂੰ ਸੋਸ਼ਲ ਐਪ ਦਾ ਹਿੱਸਾ ਬਣਾਇਆ ਜਾ ਰਿਹਾ ਹੈ ਅਤੇ ਯੂਜ਼ਰਸ ਨੂੰ ਇਸ ਦਾ ਹਿੱਸਾ ਬਣਾਇਆ ਜਾ ਰਿਹਾ ਹੈ। ਟੂਲ ਬਾਰੇ ਫੀਡਬੈਕ ਲਈ ਜਾਵੇਗੀ, ਤਾਂ ਜੋ ਇਸ ਵਿੱਚ ਲੋੜੀਂਦੇ ਸੁਧਾਰ ਕੀਤੇ ਜਾ ਸਕਣ।

ਪੋਸਟ ਨੂੰ 75 ਦਿਨਾਂ ਤੱਕ ਸ਼ਡਿਊਲ ਕੀਤਾ ਜਾ ਸਕੇਗਾ : ਐਪ ਵਿੱਚ ਦਿੱਤੇ ਗਏ ਨਵੇਂ ਫੀਚਰ ਦੇ ਨਾਲ, ਉਪਭੋਗਤਾਵਾਂ ਨੂੰ 75 ਦਿਨਾਂ ਤੱਕ ਪੋਸਟਾਂ ਨੂੰ ਸ਼ਡਿਊਲ ਕਰਨ ਦਾ ਵਿਕਲਪ ਦਿੱਤਾ ਜਾ ਰਿਹਾ ਹੈ। ਹਾਲਾਂਕਿ, ਇਹ ਫੀਚਰ ਸਿਰਫ ਕ੍ਰਿਏਟਰਾਂ ਅਤੇ ਬਿਜਨੈਸ ਅਕਾਉਂਟ ਲਈ ਉਪਲਬਧ ਹੈ ਅਤੇ ਹਰ ਕੋਈ ਇਸਦਾ ਲਾਭ ਨਹੀਂ ਲੈ ਸਕੇਗਾ। ਐਂਡ੍ਰਾਇਡ ਡਿਵਾਈਸ ਤੋਂ ਬਾਅਦ ਇਹ ਫੀਚਰ iOS ਯੂਜ਼ਰਸ ਲਈ ਵੀ ਰੋਲਆਊਟ ਕੀਤਾ ਜਾਵੇਗਾ।

ਕਿਸੇ ਪੋਸਟ ਨੂੰ ਸ਼ਡਿਊਲ ਕਰਨ ਲਈ, ਉਪਭੋਗਤਾਵਾਂ ਨੂੰ ਫੋਟੋ, ਵੀਡੀਓ ਜਾਂ ਪੋਸਟ ਨੂੰ ਸ਼ੇਅਰ ਕਰਨ ਵਰਗੀ ਪ੍ਰਕਿਰਿਆ ਵਿੱਚੋਂ ਲੰਘਣਾ ਪੈਂਦਾ ਹੈ। ਹਾਲਾਂਕਿ, ਅਖੀਰ ਵਿੱਚ ਪੋਸਟ ਪਬਲਿਸ਼ ਕਰਨ ਤੋਂ ਪਹਿਲਾਂ ਹੇਠਾਂ ਦਿੱਤੇ ਗਏ ਐਡਵਾਂਸ ਸੈਟਿੰਗਜ਼ ਵਿਕਲਪ 'ਤੇ ਜਾਣਾ ਹੋਵੇਗਾ। ਜੇਕਰ ਤੁਹਾਡੀ ਐਪ ਨਵੀਨਤਮ ਵਰਜ਼ਨ 'ਤੇ ਅੱਪਡੇਟ ਕੀਤੀ ਗਈ ਹੈ ਅਤੇ ਤੁਹਾਨੂੰ ਨਵਾਂ ਫੀਚਰ ਮਿਲ ਗਿਆ ਹੈ ਤਾਂ ਤੁਹਾਨੂੰ 'ਇਸ ਪੋਸਟ ਨੂੰ ਸ਼ਡਿਊਲ ਕਰੋ' ਵਿਕਲਪ ਦਿਖਾਈ ਦੇਵੇਗਾ।

ਸ਼ਡਿਊਲਿੰਗ ਫੀਚਰ ਦੇ ਸਾਹਮਣੇ ਦਿੱਤੇ ਗਏ ਟੌਗਲ ਨੂੰ ਚਾਲੂ ਕਰਨ ਤੋਂ ਬਾਅਦ, ਤੁਹਾਨੂੰ ਉਹ ਤਾਰੀਖ ਅਤੇ ਸਮਾਂ ਚੁਣਨਾ ਹੋਵੇਗਾ ਜਦੋਂ ਤੁਸੀਂ ਪੋਸਟ ਨੂੰ ਸੇਅਰ ਕਰਨਾ ਚਾਹੁੰਦੇ ਹੋ। ਉਪਭੋਗਤਾ ਪ੍ਰੋਫਾਈਲ 'ਤੇ 'ਮੋਰ' ਮੀਨੂ 'ਤੇ ਜਾ ਕੇ ਪਹਿਲਾਂ ਤੋਂ ਨਿਰਧਾਰਤ ਪੋਸਟਾਂ ਨੂੰ ਵੇਖਣ ਅਤੇ ਐਡਿਟ ਕਰਨ ਦੇ ਯੋਗ ਹੋਣਗੇ। ਜੇਕਰ ਤੁਸੀਂ ਇਸ ਫੀਚਰ ਦੀ ਵਰਤੋਂ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਸੈਟਿੰਗਸ ਵਿੱਚ ਜਾ ਕੇ ਪ੍ਰੋਫੈਸ਼ਨਲ ਖਾਤੇ ਵਿੱਚ ਸਵਿੱਚ ਕਰ ਸਕਦੇ ਹੋ।