Business Idea: ਇਸ ਔਨਲਾਈਨ ਡਿਲੀਵਰੀ ਦੇ ਕਾਰੋਬਾਰ 'ਚ ਲਗਾਓ ਪੈਸਾ, ਵੱਧ ਹੋਵੇਗਾ ਮੁਨਾਫਾ

Business Idea :  ਅੱਜ-ਕੱਲ੍ਹ ਬਹੁਤ ਸਾਰੇ ਲੋਕ ਨੌਕਰੀ ਦੀ ਬਜਾਏ ਆਪਣੇ ਵਪਾਰ ਨੂੰ ਤਰਜੀਹ ਦੇ ਰਹੇ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਨੌਕਰੀ ਦੀ ਥਾਂ ਕਾਰੋਬਾਰ ਤੋਂ ਜ਼ਿਆਦਾ ਪੈਸਾ ਕਮਾਇਆ ਜਾ ਸਕਦਾ ਹੈ, ਨਾਲ ਹੀ ਇਸ ਵਿਚ ਤਰੱਕੀ ਦੀਆਂ ਅਸੀਮਤ ਸੰਭਾਵਨਾਵਾਂ ਹਨ। ਇੰਨਾ ਹੀ ਨਹੀਂ ਇਸ 'ਚ ਵਿਅਕਤੀ ਆਪਣੀ ਰੁਟੀਨ ਵੀ ਆਪਣੇ ਹਿਸਾਬ ਨਾਲ ਤੈਅ ਕਰ ਸਕਦਾ ਹੈ। ਇਹੀ ਕਾਰਨ ਹੈ ਕਿ ਲੋਕਾਂ ਦਾ ਕਾਰੋਬਾਰ ਵੱਲ ਰੁਝਾਨ ਵਧ ਰਿਹਾ ਹੈ।

ਜੇਕਰ ਤੁਸੀਂ ਵੀ ਆਪਣਾ ਕਾਰੋਬਾਰ ਸ਼ੁਰੂ ਕਰਨ ਬਾਰੇ ਸੋਚ ਰਹੇ ਹੋ, ਤਾਂ ਤੁਸੀਂ ਪੈਟਰੋਲ ਅਤੇ ਡੀਜ਼ਲ ਦੀ ਆਨਲਾਈਨ ਡਿਲੀਵਰੀ ਦਾ ਕੰਮ ਸ਼ੁਰੂ ਕਰ ਸਕਦੇ ਹੋ। ਫਿਲਹਾਲ ਇਹ ਇਕ ਨਵਾਂ ਕਾਰੋਬਾਰ ਹੈ, ਇਸ ਲਈ ਇਸ ਵਿਚ ਅਜੇ ਕੋਈ ਕੰਪੀਟੀਸ਼ਨ ਨਹੀਂ ਹੈ। ਵਾਹਨਾਂ ਦੀ ਵਧਦੀ ਗਿਣਤੀ ਦੇ ਨਾਲ ਹੁਣ ਪੈਟਰੋਲ ਅਤੇ ਡੀਜ਼ਲ ਦੀ ਮੰਗ ਵੀ ਵੱਧ ਰਹੀ ਹੈ। ਇਸ ਲਈ ਇਸ ਕਾਰੋਬਾਰ ਵਿੱਚ ਕਮਾਈ ਦੀ ਸੰਭਾਵਨਾ ਬਹੁਤ ਜ਼ਿਆਦਾ ਹੈ।

ਇੰਝ ਸ਼ੁਰੂ ਕਰੋ ਇਹ ਕਾਰੋਬਾਰ : ਸਾਲ 2016 ਤੱਕ ਦੇਸ਼ 'ਚ ਪੈਟਰੋਲ ਦੀ ਡਿਲੀਵਰੀ ਦੀ ਇਜਾਜ਼ਤ ਨਹੀਂ ਸੀ। ਇਸ ਤੋਂ ਬਾਅਦ ਸਰਕਾਰ ਨੇ ਈਂਧਨ ਦੀ ਆਨਲਾਈਨ ਡਿਲੀਵਰੀ ਦੀ ਇਜਾਜ਼ਤ ਦਿੱਤੀ। ਜੇਕਰ ਤੁਸੀਂ ਵੀ ਇਹ ਕਾਰੋਬਾਰ ਕਰਨਾ ਚਾਹੁੰਦੇ ਹੋ, ਤਾਂ ਸਭ ਤੋਂ ਪਹਿਲਾਂ ਤੁਹਾਨੂੰ ਇੰਡੀਅਨ ਆਇਲ ਕਾਰਪੋਰੇਸ਼ਨ (IOC), ਭਾਰਤ ਪੈਟਰੋਲੀਅਮ ਕਾਰਪੋਰੇਸ਼ਨ ਲਿ. (BPCL), ਪੈਟਰੋਲੀਅਮ ਪ੍ਰੋਸੈਸ ਇੰਜੀਨੀਅਰਿੰਗ ਸਰਵਿਸ ਕੰ. (ਪੈਸਕੋ) ਵਰਗੀਆਂ ਤੇਲ ਕੰਪਨੀਆਂ ਨਾਲ ਸੰਪਰਕ ਕਰਨਾ ਹੋਵੇਗਾ। ਤੇਲ ਕੰਪਨੀਆਂ ਤੁਹਾਡੇ ਤੋਂ ਤੁਹਾਡੇ ਪ੍ਰੋਜੈਕਟ ਦੀ ਡਿਟੇਲ ਪ੍ਰੋਜੈਕਟ ਰਿਪੋਰਟ (DPR) ਮੰਗਣਗੀਆਂ। ਇਸ ਰਿਪੋਰਟ ਨੂੰ ਬਹੁਤ ਧਿਆਨ ਨਾਲ ਤਿਆਰ ਕਰ ਕੇ ਤੇਲ ਕੰਪਨੀ ਨੂੰ ਸੌਂਪ ਦਿਓ। ਜੇਕਰ ਤੇਲ ਕੰਪਨੀਆਂ ਤੁਹਾਡੀ ਡੀਪੀਆਰ ਨੂੰ ਪਸੰਦ ਕਰਨਗੀਆਂ ਤਾਂ ਉਹ ਤੁਹਾਨੂੰ ਇਹ ਔਨਲਾਈਨ ਕਾਰੋਬਾਰ ਸ਼ੁਰੂ ਕਰਨ ਦੀ ਇਜਾਜ਼ਤ ਦੇਣਗੀਆਂ।

ਐਪ ਬਣਾਉਣੀ ਹੋਵੇਗੀ : ਡੀਜ਼ਲ-ਪੈਟਰੋਲ ਆਨਲਾਈਨ ਵੇਚਣ ਲਈ ਤੁਹਾਨੂੰ ਮੋਬਾਈਲ ਐਪ ਅਤੇ ਵੈੱਬਸਾਈਟ ਬਣਾਉਣੀ ਪਵੇਗੀ, ਕਿਉਂਕਿ ਐਪ ਰਾਹੀਂ ਤੁਹਾਨੂੰ ਆਨਲਾਈਨ ਆਰਡਰ ਮਿਲਣਗੇ। ਇਸ ਤੋਂ ਇਲਾਵਾ ਤੁਹਾਨੂੰ ਉਸ ਖੇਤਰ ਦਾ ਸਰਵੇਖਣ ਵੀ ਕਰਨਾ ਹੋਵੇਗਾ ਜਿੱਥੇ ਤੁਸੀਂ ਇਹ ਕਾਰੋਬਾਰ ਸ਼ੁਰੂ ਕਰਨਾ ਚਾਹੁੰਦੇ ਹੋ ਤਾਂ ਜੋ ਤੁਹਾਨੂੰ ਪਤਾ ਲੱਗ ਸਕੇ ਕਿ ਲੋਕ ਕਿੰਨਾ ਤੇਲ ਖਰੀਦਣਾ ਚਾਹੁੰਦੇ ਹਨ। ਇਸ ਤੋਂ ਇਲਾਵਾ ਤੁਹਾਨੂੰ ਸੋਸ਼ਲ ਮੀਡੀਆ ਅਤੇ ਹੋਰ ਥਾਵਾਂ ਉੱਤੇ ਵੀ ਆਪਣੇ ਕਾਰੋਬਾਰ ਦਾ ਪ੍ਰਚਾਰ ਕਰਨਾ ਹੋਵੇਗਾ ਤਾਂ ਜੋ ਲੋਕਾਂ ਨੂੰ ਇਸ ਬਾਰੇ ਪਤਾ ਲੱਗ ਸਕੇ ਅਤੇ ਉਹ ਤੁਹਾਡੇ ਨਾਲ ਜੁੜ ਸਕਣ।

ਇਸ ਕਾਰੋਬਾਰ ਵਿੱਚ ਬਹੁਤ ਪੈਸਾ ਲਗਾਉਣਾ ਪੈਂਦਾ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਕੰਪਨੀ ਤੋਂ ਇਕੋ ਸਮੇਂ ਬਹੁਤ ਸਾਰਾ ਤੇਲ ਖਰੀਦਣਾ ਪੈਂਦਾ ਹੈ। ਨਾਲ ਹੀ ਪੈਟਰੋਲ ਅਤੇ ਡੀਜ਼ਲ ਦੀ ਡਿਲੀਵਰੀ ਲਈ ਵਾਹਨਾਂ ਨੂੰ ਲੈ ਕੇ ਜਾਣਾ ਪੈਂਦਾ ਹੈ। ਇਸ ਤੋਂ ਇਲਾਵਾ ਵੈੱਬਸਾਈਟ ਅਤੇ ਐਪ ਬਣਾਉਣ 'ਤੇ ਵੀ ਖਰਚਾ ਆਉਂਦਾ ਹੈ।

ਨੋਇਡਾ ਵਿੱਚ ਚੱਲ ਰਿਹਾ ਹੈਇਹ ਕਾਰੋਬਾਰ: ਨੋਇਡਾ 'ਚ Pepfuel.com (ਸਟਾਰਟਅੱਪ Pepfuel.com) ਦੇ ਨਾਂ ਨਾਲ ਆਨਲਾਈਨ ਪੈਟਰੋਲ-ਡੀਜ਼ਲ ਦੀ ਡਿਲੀਵਰੀ ਦਾ ਕਾਰੋਬਾਰ ਚੱਲ ਰਿਹਾ ਹੈ। ਪੈਪ ਫਿਊਲ ਦਾ ਕਾਰੋਬਾਰ 100 ਕਰੋੜ ਰੁਪਏ ਨੂੰ ਪਾਰ ਕਰ ਗਿਆ ਹੈ। ਕਾਰ ਦਾ ਪੈਟਰੋਲ ਖਤਮ ਹੋਣ 'ਤੇ ਕੰਪਨੀ ਦੇ ਸੰਸਥਾਪਕ ਪੈਟਰੋਲ ਪੰਪ ਦੀ ਤਲਾਸ਼ ਕਰ ਰਹੇ ਸਨ। ਜਦੋਂ ਉਨ੍ਹਾਂ ਨੂੰ 10 ਕਿਲੋਮੀਟਰ ਤੱਕ ਪੈਟਰੋਲ ਪੰਪ ਨਹੀਂ ਮਿਲਿਆ ਤਾਂ ਉਸ ਨੂੰ ਆਪਣੀ ਕਾਰ ਨੂੰ ਧੱਕਾ ਮਾਰ ਕੇ ਟਿਕਾਣੇ ਤੱਕ ਪਹੁੰਚਾਉਣਾ ਪਿਆ। ਉਸੇ ਦਿਨ, ਉਸਨੇ ਡੀਜ਼ਲ-ਪੈਟਰੋਲ ਦੀ ਡਿਲਿਵਰੀ ਆਨਲਾਈਨ ਕਰਨ ਬਾਰੇ ਸੋਚਿਆ ਅਤੇ ਪੈਪ ਫਿਊਲ ਦੀ ਨੀਂਹ ਰੱਖੀ। ਅੱਜ ਇਹ ਕਾਰੋਬਾਰ ਸਫਲਤਾ ਦੇ ਝੰਡੇ ਗੱਡ ਰਿਹਾ ਹੈ।