Home /News /lifestyle /

Moringa Paratha Recipe: ਮੋਰਿੰਗਾ ਪਰੌਂਠੇ ਦਾ ਸੁਆਦ ਦਿਨ ਨੂੰ ਬਣਾਵੇਗਾ ਖਾਸ, ਸਿਹਤ ਸਮੱਸਿਆਵਾਂ ਹੋਣਗੀਆਂ ਦੂਰ

Moringa Paratha Recipe: ਮੋਰਿੰਗਾ ਪਰੌਂਠੇ ਦਾ ਸੁਆਦ ਦਿਨ ਨੂੰ ਬਣਾਵੇਗਾ ਖਾਸ, ਸਿਹਤ ਸਮੱਸਿਆਵਾਂ ਹੋਣਗੀਆਂ ਦੂਰ

Moringa Paratha Recipe

Moringa Paratha Recipe

Moringa Paratha Recipe: ਸਰਦੀਆਂ ਵਿੱਚ ਅਸੀਂ ਕਈ ਤਰ੍ਹਾਂ ਦੇ ਪਰੌਂਠੇ ਬਣਾਉਂਦੇ ਹਾਂ। ਤੁਸੀਂ ਗੋਭੀ, ਆਲੂ, ਪਾਲਕ, ਪਨੀਰ, ਮੇਥੀ ਜਾਂ ਦਾਲ ਆਦਿ ਕਈ ਤਰ੍ਹਾਂ ਦੇ ਪਰੌਂਠੇ ਖਾਧੇ ਹੋਣਗੇ। ਪਰ ਕੀ ਤੁਸੀਂ ਕਦੇ ਮੋਰਿੰਗਾ (Moringa) ਦੇ ਪਰੌਂਠੇ ਖਾਧੇ ਹਨ। ਇਹ ਸਵਾਦ ਭਰਪੂਰ ਹੋਣ ਦੇ ਨਾਲ ਨਾਲ ਸਿਹਤ ਲਈ ਬਹੁਤ ਫ਼ਾਇਦੇਮੰਦ ਮੰਨੇ ਜਾਂਦੇ ਹਨ। ਇਨ੍ਹਾਂ ਵਿੱਚ ਉੱਚ ਮਾਤਰਾ ਵਿੱਚ ਪ੍ਰੋਟੀਨ ਤੇ ਹੋਰ ਕਈ ਤਰ੍ਹਾਂ ਦੇ ਪੌਸਟਿਕ ਤੱਤ ਪਾਏ ਜਾਂਦੇ ਹਨ। ਇਹ ਸਾਡੇ ਸਰੀਰ ਦੀ ਪ੍ਰਤੀਰੋਧਕ ਸ਼ਕਤੀ ਨੂੰ ਵਧਾਉਂਦੇ ਹਨ।

ਹੋਰ ਪੜ੍ਹੋ ...
  • Share this:

Moringa Paratha Recipe: ਸਰਦੀਆਂ ਵਿੱਚ ਅਸੀਂ ਕਈ ਤਰ੍ਹਾਂ ਦੇ ਪਰੌਂਠੇ ਬਣਾਉਂਦੇ ਹਾਂ। ਤੁਸੀਂ ਗੋਭੀ, ਆਲੂ, ਪਾਲਕ, ਪਨੀਰ, ਮੇਥੀ ਜਾਂ ਦਾਲ ਆਦਿ ਕਈ ਤਰ੍ਹਾਂ ਦੇ ਪਰੌਂਠੇ ਖਾਧੇ ਹੋਣਗੇ। ਪਰ ਕੀ ਤੁਸੀਂ ਕਦੇ ਮੋਰਿੰਗਾ (Moringa) ਦੇ ਪਰੌਂਠੇ ਖਾਧੇ ਹਨ। ਇਹ ਸਵਾਦ ਭਰਪੂਰ ਹੋਣ ਦੇ ਨਾਲ ਨਾਲ ਸਿਹਤ ਲਈ ਬਹੁਤ ਫ਼ਾਇਦੇਮੰਦ ਮੰਨੇ ਜਾਂਦੇ ਹਨ। ਇਨ੍ਹਾਂ ਵਿੱਚ ਉੱਚ ਮਾਤਰਾ ਵਿੱਚ ਪ੍ਰੋਟੀਨ ਤੇ ਹੋਰ ਕਈ ਤਰ੍ਹਾਂ ਦੇ ਪੌਸਟਿਕ ਤੱਤ ਪਾਏ ਜਾਂਦੇ ਹਨ। ਇਹ ਸਾਡੇ ਸਰੀਰ ਦੀ ਪ੍ਰਤੀਰੋਧਕ ਸ਼ਕਤੀ ਨੂੰ ਵਧਾਉਂਦੇ ਹਨ। ਮੋਰਿੰਗਾ ਦੇ ਸੇਵਨ ਨਾਲ ਤੁਸੀਂ ਕਈ ਤਰ੍ਹਾਂ ਦੀਆਂ ਸਰੀਰਕ ਸਮੱਸਿਆਵਾਂ ਤੋਂ ਬਚ ਸਕਦੇ ਹੋ। ਮੋਰਿੰਗਾ ਦੇ ਪਰੌਠਿਆਂ ਨੂੰ ਬਹੁਤ ਆਸਾਨੀ ਨਾਲ ਘਰ ਵਿੱਚ ਤਿਆਰ ਕੀਤਾ ਜਾ ਸਕਦਾ ਹੈ। ਆਓ ਜਾਣਦੇ ਹਾਂ ਕਿ ਇਸਦੀ ਰੈਸਿਪੀ ਕੀ ਹੈ।

ਮੋਰਿੰਗਾ ਦੇ ਪਰੌਂਠੇ ਬਣਾਉਣ ਲਈ ਲੋੜੀਂਦੀ ਸਮੱਗਰੀ

ਮੋਰਿੰਗਾ ਦੇ ਪਰੌਂਠੇ ਬਣਾਉਣ ਲਈ ਤੁਹਾਨੂੰ 1 ਕੱਪ ਮੋਰਿੰਗਾ ਦੇ ਪੱਤੇ, 2 ਕੱਪ ਆਟਾ, 3 ਚਮਚ ਬੇਸਣ, ਅਦਰਕ, ਹਰੀ ਮਿਰਚ, 1 ਚਮਚ ਅਜਵਾਇਨ, ਲਾਲ ਮਿਰਚ ਪਾਊਡਰ, ਹਲਦੀ, ਗਰਮ ਮਸਾਲਾ, ਜੀਰਾ, ਨਮਕ ਤੇ ਤੇਲ ਦੀ ਲੋੜ ਪਵੇਗੀ। ਇਹ ਸਾਰੀਆਂ ਚੀਜ਼ਾਂ ਆਮ ਤੌਰ ‘ਤੇ ਸਾਡੇ ਘਰਾਂ ਵਿੱਚ ਮੌਜੂਦ ਹੁੰਦੀਆਂ ਹਨ।

ਮੋਰਿੰਗਾ ਦੇ ਪਰੌਂਠੇ ਬਣਾਉਣ ਦੀ ਰੈਸਿਪੀ


  1. ਮੋਰਿੰਗਾ ਦੇ ਪਰੌਂਠੇ ਬਣਾਉਣ ਲਈ ਸਭ ਤੋਂ ਪਹਿਲਾਂ ਮੋਰਿੰਗਾ ਦੇ ਪੱਤਿਆਂ ਨੂੰ ਚੰਗੀ ਤਰ੍ਹਾਂ ਧੋਅ ਕੇ ਬਾਰੀਕ ਕੱਟ ਲਓ। ਇਸਦੇ ਨਾਲ ਹੀ ਅਦਰਕ ਤੇ ਹਰੀ ਮਿਰਚ ਨੂੰ ਵੀ ਬਾਰੀਕ ਬਾਰੀਕ ਕੱਟ ਲਓ।

  2. ਹੁਣ ਇੱਕ ਮਿਕਸਰ ਜਾਰ ਵਿੱਚ ਮੋਰਿੰਗਾ ਦੇ ਪੱਤੇ, ਅਦਰਕ ਤੇ ਹਰੀ ਮਿਰਚ ਨੂੰ ਪੀਸ ਕੇ ਮੋਟਾ ਜਿਹਾ ਪੇਸਟ ਬਣਾ ਲਓ। ਜੇਕਰ ਤੁਸੀਂ ਚਾਹੋ ਤਾਂ ਇਸਦੇ ਲਈ ਕੂਡੇ ਘੋਟੇ ਦੀ ਵੀ ਵਰਤੋਂ ਕਰ ਸਕਦੇ ਹੋ।

  3. ਕਿਸੇ ਖੁੱਲ੍ਹੇ ਭਾਂਡੇ ਵਿੱਚ ਆਟਾ ਲਓ। ਇਸ ਵਿੱਚ ਥੋੜਾ ਜਿਹਾ ਬੇਸਣ ਮਿਲਾਓ ਤੇ ਮਿਕਸ ਕਰੋ। ਆਟੇ ਵਿੱਚ ਸਾਰੇ ਮਿਸਾਲੇ ਜਿਵੇਂ ਅਜਵਾਇਨ,ਜੀਰਾ, ਨਮਕ, ਲਾਲ ਮਿਰਚ, ਗਰਮ ਮਸਾਲਾ ਤੇ ਹਲਦੀ ਆਦਿ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰੋ।

  4. ਹੁਣ ਇਸ ਆਟੇ ਵਿੱਚ ਮੋਰਿੰਗਾ ਦੇ ਪੱਤਿਆ, ਅਦਰਕ ਤੇ ਹਰੀਆਂ ਮਿਰਚਾਂ ਦਾ ਤਿਆਰ ਕੀਤਾ ਪੇਸਟ ਪਾਓ ਤੇ ਚੰਗੀ ਤਰ੍ਹਾਂ ਗੁੰਨ੍ਹ ਲਓ। ਆਟਾ ਗੁੰਨ੍ਹ ਤੋਂ ਬਾਅਦ ਇਸਨੂੰ ਕੁਝ ਸਮੇਂ ਲਈ ਢਕ ਕੇ ਰੱਖ ਦਿਓ।

  5. ਇਸ ਤੋਂ ਬਾਅਦ ਆਟੇ ਦੇ ਪੇੜੇ ਕਰੋ ਤੇ ਇਸਨੂੰ ਮਨਚਾਹੇ ਅਕਾਰ ਵਿੱਚ ਵੇਲ ਲਓ। ਫਿਰ ਇਨ੍ਹਾਂ ਨੂੰ ਦੋਵੇਂ ਪਾਸੇ ਤੇਲ ਜਾਂ ਘਿਓ ਲਗਾਉਂਦੇ ਹੋਏ, ਤਵੇ ਉੱਤੇ ਸੇਕ ਲਓ।

  6. ਇਸ ਤਰ੍ਹਾਂ ਤੁਹਾਡੇ ਮੋਰਿੰਗਾ ਦੇ ਸਵਾਦੀ ਪਰੌਂਠੇ ਤਿਆਰ ਹਨ। ਤੁਸੀਂ ਇਸਨੂੰ ਅਚਾਰ, ਚਟਨੀ ਜਾਂ ਸਬਜ਼ੀ ਨਾਲ ਸਰਵ ਕਰ ਸਕਦੇ ਹੋ।

Published by:Rupinder Kaur Sabherwal
First published:

Tags: Fast food, Food, Healthy Food, Recipe