Black Thread: ਕਾਲਾ ਧਾਗਾ ਬੰਨ੍ਹਣ ਦੇ ਵੀ ਹਨ ਫਾਇਦੇ ਤੇ ਵਿਧੀ ਵਿਧਾਨ, ਤੁਸੀ ਜ਼ਰੂਰ ਜਾਣ ਲਵੋ

ਜੋਤਿਸ਼ ਸ਼ਾਸਤਰ ਵਿਚ ਕਾਲਾ ਧਾਗੇ ਨੂੰ ਕਈ ਸਾਰੀਆਂ ਬਲਾਵਾਂ ਤੋਂ ਛੁਟਕਾਰੇ ਦਾ ਸਾਧਨ ਮੰਨਿਆ ਗਿਆ ਹੈ। ਇਸੇ ਕਾਰਨ ਹੀ ਬਹੁਤ ਸਾਰੇ ਲੋਕ ਆਪਣੇ ਪੈਰਾਂ ਵਿਚ ਕਾਲਾ ਧਾਗਾ ਬੰਨ੍ਹਦੇ ਹਨ। ਅੱਜਕਲ੍ਹ ਤਾਂ ਪੈਰ ਵਿਚ ਕਾਲਾ ਧਾਗਾ ਬੰਨ੍ਹਣਾ ਇਕ ਫੈਸ਼ਨ ਵੀ ਬਣ ਗਿਆ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕੇ ਪੈਰ ਵਿਚ ਕਾਲਾ ਧਾਗਾ ਬੰਨ੍ਹਣ ਦਾ ਇਕ ਵਿਸ਼ੇਸ਼ ਵਿਧੀ ਵਿਧਾਨ ਹੈ। ਜੇਕਰ ਇਸਦੀ ਪਾਲਣਾ ਨਾ ਕੀਤੀ ਜਾਵੇ ਤਾਂ ਕਾਲਾ ਧਾਗਾ ਬੰਨ੍ਹਣ ਦੇ ਫਾਇਦਿਆਂ ਦੀ ਬਜਾਇ ਨੁਕਸਾਨ ਵੀ ਹੋ ਸਕਦੇ ਹਨ। ਜੋ ਲੋਕ ਫੈਸ਼ਨ ਜਾਂ ਅਗਿਆਨਤਾ ਵੱਸ ਪੈਰ ਵਿਚ ਗਲਤ ਢੰਗ ਨਾਲ ਕਾਲਾ ਧਾਗਾ ਬੰਨ੍ਹ ਲੈਂਦੇ ਹਨ ਉਹਨਾਂ ਨੂੰ ਇਸ ਵੱਲ ਵਿਸ਼ੇਸ਼ ਧਿਆਨ ਦੇਣ ਦੀ ਲੋੜ ਹੈ। ਆਓ ਤੁਹਾਨੂੰ ਦੱਸੀਏ ਕਿ ਪੈਰ ਵਿਚ ਕਾਲਾ ਧਾਗਾ ਬੰਨ੍ਹਣ ਦੇ ਮੁੱਖ ਫਾਇਦੇ ਕੀ ਹਨ ਅਤੇ ਪੁਰਸ਼ ਤੇ ਔਰਤਾਂ ਨੂੰ ਕਿਹੜੇ ਕਿਹੜੇ ਪੈਰ ਵਿਚ ਕਾਲਾ ਧਾਗਾ ਬੰਨ੍ਹਣਾ ਚਾਹੀਦਾ ਹੈ –

ਪੈਰ ਵਿਚ ਕਾਲਾ ਧਾਗਾ ਬੰਨ੍ਹਣ ਦੇ ਫਾਇਦੇ

• ਕਾਲਾ ਧਾਗਾ ਬੰਨ੍ਹਣ ਦਾ ਸਭ ਤੋਂ ਪਹਿਲਾ ਫਾਇਦਾ ਤਾਂ ਇਹੀ ਹੈ ਕਿ ਇਹ ਇਨਸਾਨ ਨੂੰ ਬੁਰੀ ਨਜ਼ਰ ਤੋਂ ਬਚਾਉਂਦਾ ਹੈ।


• ਕਾਲਾ ਧਾਗਾ ਬੰਨ੍ਹਣ ਨਾਲ ਇਨਸਾਨ ਦੀ ਆਰਥਿਕ ਸਥਿਤੀ ਮਜ਼ਬੂਤ ਹੁੰਦੀ ਹੈ।


• ਇਸ ਨਾਲ ਸ਼ਨੀ ਦੀ ਸਾੜੇਸਤੀ ਖ਼ਤਮ ਹੁੰਦੀ ਹੈ ਤੇ ਜੀਵਨ ਵਿਚ ਸ਼ੁੱਭ ਕਾਰਜ ਵਾਪਰਦੇ ਹਨ।


• ਜੇਕਰ ਕਿਸੇ ਇਨਸਾਨ ਦੀ ਕੁੰਡਲੀ ਵਿਚ ਰਾਹੂ ਕੇਤੂ ਗ੍ਰਹਿ ਕਮਜ਼ੋਰ ਹੋਣ ਤਾਂ ਉਹਨਾਂ ਨੂੰ ਪੈਰ ਵਿਚ ਕਾਲਾ ਧਾਗਾ ਬੰਨ੍ਹਣ ਨਾਲ ਲਾਭ ਪ੍ਰਾਪਤ ਹੁੰਦਾ ਹੈ।

ਪੁਰਸ਼ਾਂ ਲਈ ਕਾਲਾ ਧਾਗਾ

ਮਰਦਾਂ ਨੂੰ ਕਾਲਾ ਧਾਗਾ ਮੰਗਲਵਾਰ ਦੇ ਦਿਨ ਪਹਿਨਣਾ ਚਾਹੀਦਾ ਹੈ ਇਸ ਨਾਲ ਉਹਨਾਂ ਦਾ ਸ਼ਨੀ ਗ੍ਰਹਿ ਮਜ਼ਬੂਤ ਹੋ ਜਾਂਦਾ ਹੈ। ਇਸਦੇ ਨਾਲ ਹੀ ਪੁਰਸ਼ਾਂ ਨੂੰ ਕਾਲਾ ਧਾਗਾ ਹਮੇਸ਼ਾ ਆਪਣੇ ਸੱਜੇ ਪੈਰ ਵਿਚ ਬੰਨ੍ਹਣਾ ਚਾਹੀਦਾ ਹੈ।

ਔਰਤਾਂ ਲਈ ਕਾਲਾ ਧਾਗਾ

ਔਰਤਾਂ ਲਈ ਕਾਲਾ ਧਾਗਾ ਬੰਨ੍ਹਣ ਦਾ ਵਿਧਾਨ ਹੈ ਕਿ ਉਹਨਾਂ ਨੂੰ ਆਪਣੇ ਖੱਬੇ ਪੈਰ ਵਿਚ ਕਾਲਾ ਧਾਗਾ ਬੰਨ੍ਹਣਾ ਚਾਹੀਦਾ ਹੈ। ਦੂਜਾ ਇਹ ਕਿ ਕਾਲਾ ਧਾਗਾ ਬੰਨ੍ਹਣਾ ਇਕ ਫੈਸ਼ਨ ਨਹੀਂ ਹੈ ਇਸ ਲਈ ਔਰਤਾਂ ਨੂੰ ਫੈਸ਼ਨ ਵਜੋਂ ਕਾਲਾ ਧਾਗਾ ਨਹੀਂ ਬੰਨ੍ਹਣਾ ਚਾਹੀਦਾ। ਇਸਦੇ ਨਾਲ ਜੇਕਰ ਔਰਤਾਂ ਸ਼ਨੀਵਾਰ ਦੇ ਦਿਨ ਕਾਲਾ ਧਾਗਾ ਬੰਨ੍ਹਣ ਦਾ ਇਸਦਾ ਵਿਸ਼ੇਸ਼ ਲਾਭ ਮਿਲਦਾ ਹੈ।