Travel News: Students ਦੇ ਘੁੰਮਣ ਲਈ ਇਹ ਹਨ ਸਭ ਤੋਂ ਵਧੀਆ Destinations, ਘੱਟ ਬਜਟ 'ਚ ਲਵੋ ਆਨੰਦ

ਬੇਸ਼ੱਕ ਪਰਿਵਾਰ ਨਾਲ ਯਾਤਰਾ 'ਤੇ ਜਾਣਾ ਜ਼ਿੰਦਗੀ ਦੇ ਯਾਦਗਾਰੀ ਪਲਾਂ ਵਿੱਚੋਂ ਇੱਕ ਹੈ, ਪਰ ਦੋਸਤਾਂ ਨਾਲ ਯਾਤਰਾ ਦੀ ਯੋਜਨਾ ਬਣਾਉਣਾ ਵੀ ਬਹੁਤ ਮਜ਼ੇਦਾਰ ਹੁੰਦਾ ਹੈ। ਖ਼ਾਸਕਰ ਕਾਲਜ ਜਾਣ ਵਾਲੇ ਵਿਦਿਆਰਥੀ ਅਕਸਰ ਦੋਸਤਾਂ ਨਾਲ ਯਾਤਰਾ 'ਤੇ ਜਾਣ ਦਾ ਸੁਪਨਾ ਦੇਖਦੇ ਹਨ। ਅਜਿਹੇ 'ਚ ਜੇਕਰ ਤੁਸੀਂ ਵੀ ਕਾਲਜ ਦੇ ਵਿਦਿਆਰਥੀ ਹੋ ਅਤੇ ਸੈਰ-ਸਪਾਟੇ ਲਈ ਚੰਗੀ ਜਗ੍ਹਾ ਦੀ ਤਲਾਸ਼ ਕਰ ਰਹੇ ਹੋ, ਤਾਂ ਦੇਸ਼ 'ਚ ਮੌਜੂਦ ਇਹ ਡੈਸਟੀਨੇਸ਼ਨ ਤੁਹਾਡੇ ਲਈ ਬਿਹਤਰੀਨ ਟ੍ਰੈਵਲ ਡੈਸਟੀਨੇਸ਼ਨ ਸਾਬਤ ਹੋ ਸਕਦੇ ਹਨ।

ਕਾਲਜ ਜਾਣ ਵਾਲੇ ਵਿਦਿਆਰਥੀ ਅਕਸਰ ਦੋਸਤਾਂ ਨਾਲ ਘੁੰਮਣ ਫਿਰਨ ਜਾਂਦੇ ਹਨ। ਦੂਜੇ ਪਾਸੇ, ਪਾਕੇਟ ਮਨੀ 'ਤੇ ਨਿਰਭਰ ਰਹਿਣ ਵਾਲੇ ਵਿਦਿਆਰਥੀਆਂ ਲਈ ਘੱਟ ਬਜਟ ਵਿਚ ਚੰਗੀ ਜਗ੍ਹਾ ਚੁਣਨਾ ਬਹੁਤ ਮੁਸ਼ਕਲ ਹੋ ਜਾਂਦਾ ਹੈ। ਅਸੀਂ ਤੁਹਾਨੂੰ ਦੇਸ਼ ਦੀਆਂ ਕੁਝ ਖੂਬਸੂਰਤ ਅਤੇ ਰੋਮਾਂਚਕ ਥਾਵਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿੱਥੇ ਘੁੰਮਣ ਦੀ ਯੋਜਨਾ ਬਣਾ ਕੇ ਤੁਸੀਂ ਘੱਟ ਪੈਸਿਆਂ 'ਚ ਵੀ ਖੂਬ ਮਸਤੀ ਕਰ ਸਕਦੇ ਹੋ।

ਲੱਦਾਖ ਦੀ ਸੈਰ

ਕਾਲਜ ਜਾਣ ਵਾਲੇ ਵਿਦਿਆਰਥੀ ਲਈ ਲੱਦਾਖ ਦੀ ਯਾਤਰਾ ਕਰਨਾ ਬਿਹਤਰ ਵਿਕਲਪ ਹੋ ਸਕਦਾ ਹੈ। ਲੱਦਾਖ ਖਾਸ ਤੌਰ 'ਤੇ ਉਨ੍ਹਾਂ ਨੌਜਵਾਨਾਂ ਲਈ ਸਭ ਤੋਂ ਵਧੀਆ ਸਥਾਨ ਸਾਬਤ ਹੋ ਸਕਦਾ ਹੈ ਜੋ ਸਮੂਹਾਂ ਵਿੱਚ ਯਾਤਰਾ ਕਰਨ ਅਤੇ ਬਾਈਕਿੰਗ ਦੇ ਸ਼ੌਕੀਨ ਹਨ। ਮਨਾਲੀ-ਲੇਹ ਹਾਈਵੇ 'ਤੇ ਬਾਈਕਿੰਗ ਤੋਂ ਲੈ ਕੇ ਨੂਬਰਾ ਵੈਲੀ, ਪੈਂਗੌਂਗ ਝੀਲ, ਸੋ ਮੋਰਿਰੀ ਝੀਲ ਇੱਥੋਂ ਦੇ ਮਸ਼ਹੂਰ ਸੈਰ-ਸਪਾਟਾ ਸਥਾਨ ਹਨ।

ਮਨਾਲੀ ਵਿੱਚ ਕਰੋ ਮਸਤੀ

ਮਨਾਲੀ ਕਾਲਜ ਜਾਣ ਵਾਲੇ ਵਿਦਿਆਰਥੀਆਂ ਦੇ ਪਸੰਦੀਦਾ ਸਥਾਨਾਂ ਵਿੱਚੋਂ ਇੱਕ ਹੈ। ਮਨਾਲੀ ਦੀ ਯਾਤਰਾ ਦੀ ਯੋਜਨਾ ਬਣਾਉਣਾ ਉਨ੍ਹਾਂ ਨੌਜਵਾਨਾਂ ਲਈ ਬਹੁਤ ਯਾਦਗਾਰ ਸਾਬਤ ਹੋ ਸਕਦਾ ਹੈ ਜੋ ਕੈਂਪਿੰਗ, ਤੇ ਐਡਵੈਂਚਰ ਸਪੋਰਟਸ ਦੇ ਸ਼ੌਕੀਨ ਹਨ। ਇੱਥੇ ਮੌਜੂਦ ਅਟਲ ਸੁਰੰਗ ਅਤੇ ਸੋਲਾਂਗ ਘਾਟੀ ਦਾ ਦੌਰਾ ਤੁਹਾਡੀ ਯਾਤਰਾ ਨੂੰ ਹੋਰ ਮਜ਼ੇਦਾਰ ਬਣਾ ਸਕਦਾ ਹੈ।

ਰਣਥੰਬੋਰ ਨੈਸ਼ਨਲ ਪਾਰਕ

ਰਾਜਸਥਾਨ ਵਿੱਚ ਸਥਿਤ ਰਣਥੰਬੋਰ ਨੈਸ਼ਨਲ ਪਾਰਕ ਦੋਸਤਾਂ ਦੇ ਗਰੁੱਪਸ ਦੇ ਨਾਲ ਜੰਗਲ ਸਫਾਰੀ ਦਾ ਆਨੰਦ ਲੈਣ ਲਈ ਇੱਕ ਬਿਹਤਰ ਵਿਕਲਪ ਹੋ ਸਕਦਾ ਹੈ। ਆਪਣੇ ਕਾਲਜ ਸਮੂਹ ਦੇ ਨਾਲ ਇਸ ਨੈਸ਼ਨਲ ਪਾਰਕ ਵਿੱਚ ਮਸਤੀ ਕਰਨਾ ਤੁਹਾਡੀ ਯਾਤਰਾ ਨੂੰ ਸਭ ਤੋਂ ਵਧੀਆ ਬਣਾ ਸਕਦਾ ਹੈ।

ਗੋਆ ਜਾਣ ਦੀ ਯੋਜਨਾ ਬਣਾਓ

ਗੋਆ ਦੀ ਯਾਤਰਾ ਦੀ ਯੋਜਨਾ ਬਣਾਉਣਾ ਉਨ੍ਹਾਂ ਨੌਜਵਾਨਾਂ ਲਈ ਵੀ ਸਭ ਤੋਂ ਵਧੀਆ ਵਿਕਲਪ ਹੋ ਸਕਦਾ ਹੈ ਜੋ ਸਮੁੰਦਰ ਦਾ ਨਜ਼ਾਰਾ ਦੇਖਣ ਅਤੇ ਬੀਚ 'ਤੇ ਆਨੰਦ ਲੈਣ ਦੇ ਸ਼ੌਕੀਨ ਹਨ। ਖਾਸ ਤੌਰ 'ਤੇ ਨੌਜਵਾਨਾਂ ਲਈ ਜੋ ਨਾਈਟ ਲਾਈਫ ਅਤੇ ਪਾਰਟੀ ਦੇ ਸ਼ੌਕੀਨ ਹਨ, ਗੋਆ ਵਿੱਚ ਮਸਤੀ ਕਰਨ ਦੇ ਕਈ ਵਿਕਲਪ ਹਨ ਜਿਵੇਂ ਕਿ ਖੇਡਾਂ, ਫਿਸ਼ਿੰਗ, ਕਰੂਜ਼ ਪਾਰਟੀ, ਡਾਲਫਿਨ ਟੂਰ। ਅਜਿਹੇ 'ਚ ਗੋਆ ਤੁਹਾਡੇ ਲਈ ਪਰਫੈਕਟ ਡੈਸਟੀਨੇਸ਼ਨ ਸਾਬਤ ਹੋ ਸਕਦਾ ਹੈ।