5 ਅਪ੍ਰੈਲ ਤੋਂ ਮਹਿੰਗੀਆਂ ਹੋਣ ਜਾ ਰਹੀਆਂ ਹਨ ਇਹ ਗੱਡੀਆਂ, ਅੱਜ ਹੀ ਖਰੀਦੋ

Hero MotoCorp: ਦੋ-ਪਹੀਆ ਵਾਹਨ ਨਿਰਮਾਤਾ ਕੰਪਨੀ ਹੀਰੋ ਮੋਟੋਕਾਰਪ (Hero MotoCorp) ਨੇ ਕਿਹਾ ਹੈ ਕਿ ਉਹ 5 ਅਪ੍ਰੈਲ ਤੋਂ ਆਪਣੇ ਮੋਟਰਸਾਈਕਲਾਂ ਅਤੇ ਸਕੂਟਰਾਂ ਦੀਆਂ ਕੀਮਤਾਂ 'ਚ 2,000 ਰੁਪਏ ਤੱਕ ਦਾ ਵਾਧਾ ਕਰਨ ਜਾ ਰਹੀ ਹੈ। ਕੱਚੇ ਮਾਲ ਦੀਆਂ ਵਧਦੀਆਂ ਕੀਮਤਾਂ ਨੂੰ ਮਹਿੰਗਾਈ ਦਾ ਕਾਰਨ ਦੱਸਿਆ ਗਿਆ ਹੈ। ਕੰਪਨੀ ਇਸ ਕੀਮਤ ਵਾਧੇ ਦੇ ਅਸਰ ਨੂੰ ਅੰਸ਼ਕ ਤੌਰ 'ਤੇ ਭਰਨ ਜਾ ਰਹੀ ਹੈ।

ਹੀਰੋ ਮੋਟੋਕਾਰਪ (Hero MotoCorp) ਦੀ ਸਮੁੱਚੀ ਉਤਪਾਦ ਰੇਂਜ ਦੀਆਂ ਐਕਸ-ਸ਼ੋਰੂਮ ਕੀਮਤਾਂ ਨੂੰ ਉੱਪਰ ਵੱਲ ਸੋਧਿਆ ਜਾਵੇਗਾ। ਜਦੋਂ ਕਿ ਕੀਮਤਾਂ ਵਿੱਚ ਵਾਧਾ 2,000 ਰੁਪਏ ਤੱਕ ਹੋਵੇਗਾ, ਵਾਧੇ ਦੀ ਸਹੀ ਮਾਤਰਾ ਮਾਡਲ ਅਤੇ ਮਾਰਕੀਟ ਅਨੁਸਾਰ ਹੋਵੇਗੀ।

Hero MotoCorp ਕੀਮਤ ਵਧਾਉਣ ਲਈ ਕਈ ਹੋਰ ਵਾਹਨ ਨਿਰਮਾਤਾਵਾਂ ਜਿਵੇਂ ਕਿ ਟੋਇਟਾ ਕਿਰਲੋਸਕਰ ਮੋਟਰ, ਔਡੀ, BMW ਅਤੇ ਮਰਸੀਡੀਜ਼-ਬੈਂਜ਼ ਨਾਲ ਜੁੜ ਗਈ ਹੈ। ਇਨ੍ਹਾਂ ਕੰਪਨੀਆਂ ਨੇ ਇਨਪੁਟ ਲਾਗਤ ਵਧਣ ਕਾਰਨ ਅਗਲੇ ਮਹੀਨੇ ਤੋਂ ਆਪਣੇ ਉਤਪਾਦ ਦੀ ਰੇਂਜ 'ਚ ਕੀਮਤਾਂ ਵਧਾਉਣ ਦਾ ਐਲਾਨ ਕਰ ਦਿੱਤਾ ਹੈ।

ਪਿਛਲੇ ਹਫਤੇ, BMW ਨੇ ਘੋਸ਼ਣਾ ਕੀਤੀ ਸੀ ਕਿ ਉਹ 1 ਅਪ੍ਰੈਲ ਤੋਂ ਆਪਣੇ ਸਾਰੇ ਮਾਡਲਾਂ ਦੀਆਂ ਕੀਮਤਾਂ ਵਿੱਚ 3.5% ਤੱਕ ਵਾਧਾ ਕਰੇਗੀ। ਕੰਪਨੀ ਨੇ ਕਿਹਾ ਕਿ ਕੀਮਤਾਂ 'ਚ ਵਾਧਾ ਭੂ-ਰਾਜਨੀਤਿਕ ਪ੍ਰਭਾਵ ਤੋਂ ਇਲਾਵਾ ਵਧਦੀ ਸਮੱਗਰੀ ਅਤੇ ਲਾਗਤ ਨੂੰ ਬਰਕਰਾਰ ਰੱਖਣ ਲਈ ਜ਼ਰੂਰੀ ਹੋ ਗਿਆ ਹੈ।

ਮਰਸਡੀਜ਼ ਵੀ 1 ਅਪ੍ਰੈਲ ਤੋਂ ਆਪਣੇ ਉਤਪਾਦਾਂ ਦੀਆਂ ਕੀਮਤਾਂ 'ਚ ਕਰੀਬ ਤਿੰਨ ਫੀਸਦੀ ਦਾ ਵਾਧਾ ਕਰ ਰਹੀ ਹੈ। ਕੰਪਨੀ ਨੇ ਕਿਹਾ ਕਿ ਕਾਰ ਦੀ ਕੀਮਤ 'ਚ ਘੱਟੋ-ਘੱਟ 50,000 ਰੁਪਏ ਦਾ ਵਾਧਾ ਕੀਤਾ ਜਾ ਸਕਦਾ ਹੈ, ਜੋ 5 ਲੱਖ ਰੁਪਏ ਤੱਕ ਜਾ ਸਕਦਾ ਹੈ। ਕੀਮਤਾਂ ਵਿੱਚ ਬਦਲਾਅ ਕਾਰਨ ਜਿਹੜੇ ਮਾਡਲ ਪ੍ਰਭਾਵਿਤ ਹੋਣਗੇ, ਉਨ੍ਹਾਂ ਵਿੱਚ A-ਕਲਾਸ, ਈ-ਕਲਾਸ ਅਤੇ S-ਕਲਾਸ ਲਿਮੋਜ਼ਿਨ, GLA, GLC ਅਤੇ GLS ਤੋਂ ਇਲਾਵਾ AMG GT 63S ਚਾਰ-ਦਰਵਾਜ਼ੇ ਵਾਲੇ ਕੂਪ ਸ਼ਾਮਲ ਹਨ।

ਟੋਇਟਾ ਕਿਰਲੋਸਕਰ ਵੀ ਕੱਚੇ ਮਾਲ ਸਮੇਤ ਲਾਗਤ ਵਧਣ ਕਾਰਨ 1 ਅਪ੍ਰੈਲ ਤੋਂ ਮਾਡਲ ਦੀਆਂ ਕੀਮਤਾਂ 'ਚ ਚਾਰ ਫੀਸਦੀ ਦਾ ਵਾਧਾ ਕਰੇਗੀ। ਹਾਲਾਂਕਿ ਕੰਪਨੀ ਨੇ ਕਿਹਾ ਕਿ ਉਹ ਗਾਹਕਾਂ 'ਤੇ ਵਧਦੀ ਲਾਗਤ ਦੇ ਪ੍ਰਭਾਵ ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।