Home /News /lifestyle /

Banana Facial At Home: ਘਰ 'ਚ ਇੰਝ ਤਿਆਰ ਕਰੋ 'ਬਨਾਨਾ ਫੇਸ਼ੀਅਲ', ਚਿਹਰੇ 'ਤੇ ਆਵੇਗੀ ਚਮਕ

Banana Facial At Home: ਘਰ 'ਚ ਇੰਝ ਤਿਆਰ ਕਰੋ 'ਬਨਾਨਾ ਫੇਸ਼ੀਅਲ', ਚਿਹਰੇ 'ਤੇ ਆਵੇਗੀ ਚਮਕ

ਚਿਹਰੇ 'ਤੇ ਆਵੇਗੀ ਚਮਕ, ਘਰ 'ਚ ਇੰਝ ਤਿਆਰ ਕਰੋ 'ਬਨਾਨਾ ਫੇਸ਼ੀਅਲ'

ਚਿਹਰੇ 'ਤੇ ਆਵੇਗੀ ਚਮਕ, ਘਰ 'ਚ ਇੰਝ ਤਿਆਰ ਕਰੋ 'ਬਨਾਨਾ ਫੇਸ਼ੀਅਲ'

ਬਿਹਤਰ ਸਕਿਨ ਲਈ ਅਸੀਂ ਕੀ ਨਹੀਂ ਕਰਦੇ। ਜੇਕਰ ਸਕਿਨ ਫਿੱਕੀ ਅਤੇ ਖੁਸ਼ਕ ਹੋ ਗਈ ਹੈ ਤਾਂ ਚਿਹਰੇ 'ਤੇ ਚਮਕ ਲਿਆਉਣ ਲਈ ਅਸੀਂ ਕਈ ਤਰ੍ਹਾਂ ਦੇ ਫੇਸ਼ੀਅਲ ਅਜ਼ਮਾਉਂਦੇ ਹਾਂ ਪਰ ਇਸ ਕੋਸ਼ਿਸ਼ 'ਚ ਕਈ ਵਾਰ ਸਕਿਨ ਦੀ ਖੁਸ਼ਕੀ ਵੱਧ ਜਾਂਦੀ ਹੈ, ਜਿਸ ਕਾਰਨ ਚਿਹਰੇ 'ਤੇ ਝੁਰੜੀਆਂ ਆਉਣ ਲੱਗਦੀਆਂ ਹਨ

  • Share this:

ਬਿਹਤਰ ਸਕਿਨ ਲਈ ਅਸੀਂ ਕੀ ਨਹੀਂ ਕਰਦੇ। ਜੇਕਰ ਸਕਿਨ ਫਿੱਕੀ ਅਤੇ ਖੁਸ਼ਕ ਹੋ ਗਈ ਹੈ ਤਾਂ ਚਿਹਰੇ 'ਤੇ ਚਮਕ ਲਿਆਉਣ ਲਈ ਅਸੀਂ ਕਈ ਤਰ੍ਹਾਂ ਦੇ ਫੇਸ਼ੀਅਲ ਅਜ਼ਮਾਉਂਦੇ ਹਾਂ ਪਰ ਇਸ ਕੋਸ਼ਿਸ਼ 'ਚ ਕਈ ਵਾਰ ਸਕਿਨ ਦੀ ਖੁਸ਼ਕੀ ਵੱਧ ਜਾਂਦੀ ਹੈ, ਜਿਸ ਕਾਰਨ ਚਿਹਰੇ 'ਤੇ ਝੁਰੜੀਆਂ ਆਉਣ ਲੱਗਦੀਆਂ ਹਨ

ਅਜਿਹੇ 'ਚ ਮਾਹਿਰ ਕੁਦਰਤੀ ਚੀਜ਼ਾਂ ਦੀ ਹੀ ਵਰਤੋਂ ਕਰਨ ਦੀ ਸਲਾਹ ਦਿੰਦੇ ਹਨ। ਅਸੀਂ ਤੁਹਾਨੂੰ ਨੈਚੁਰਲ ਫੇਸ਼ੀਅਲ ਬਾਰੇ ਦੱਸ ਰਹੇ ਹਾਂ, ਜੋ ਨਾ ਸਿਰਫ ਸਕਿਨ ਨੂੰ ਪੋਸ਼ਣ ਦਿੰਦਾ ਹੈ, ਸਗੋਂ ਸਕਿਨ ਨੂੰ ਨਰਮ ਅਤੇ ਹਾਈਡ੍ਰੇਟ ਵੀ ਕਰਦਾ ਹੈ। ਅਸੀਂ ਗੱਲ ਕਰ ਰਹੇ ਹਾਂ ਕੇਲੇ ਦੇ ਫੇਸ਼ੀਅਲ (Banana Facial) ਦੀ, ਜੋ ਸਕਿਨ ਨੂੰ ਸਿਹਤਮੰਦ ਰੱਖਣ ਲਈ ਬਹੁਤ ਕਾਰਗਰ ਹੈ।

ਕੇਲੇ ਵਿੱਚ ਮੌਜੂਦ ਪੋਟਾਸ਼ੀਅਮ ਅਤੇ ਵਿਟਾਮਿਨ ਏ ਸਕਿਨ ਨੂੰ ਸਿਹਤਮੰਦ ਅਤੇ ਨਮੀ ਵਾਲਾ ਰੱਖਦਾ ਹੈ। ਇੰਨਾ ਹੀ ਨਹੀਂ, ਕੇਲੇ ਵਿੱਚ ਐਂਟੀ-ਇੰਫਲੇਮੇਟਰੀ, ਐਂਟੀਆਕਸੀਡੈਂਟ ਗੁਣ ਹੁੰਦੇ ਹਨ, ਜੋ ਕਿ ਸਕਿਨ ਨੂੰ ਮੁਹਾਸੇ, ਫਾਈਨ ਲਾਈਨਾਂ ਆਦਿ ਤੋਂ ਬਚਾਉਂਦੇ ਹਨ।

ਘਰ 'ਚ ਫੇਸ਼ੀਅਲ ਕਿਵੇਂ ਕਰੀਏ

ਕੇਲੇ ਦਾ ਫੇਸ ਸਕਰਬ

ਸਭ ਤੋਂ ਪਹਿਲਾਂ ਇੱਕ ਕਟੋਰੀ ਵਿੱਚ ਕੇਲੇ ਦੇ ਛਿਲਕੇ, ਮਿਲਕ ਪਾਊਡਰ, ਸੂਜੀ ਨੂੰ ਬਰਾਬਰ ਮਾਤਰਾ ਵਿੱਚ ਲਓ ਅਤੇ ਇਸ ਵਿੱਚ ਅੱਧਾ ਚਮਚ ਨਿੰਬੂ ਦਾ ਰਸ, ਜੈਤੂਨ ਦਾ ਤੇਲ ਮਿਲਾਓ।

ਹੁਣ ਇਸ ਵਿਚ ਕੇਲੇ ਦੇ ਛਿਲਕੇ ਨੂੰ ਕੱਟੋ ਅਤੇ ਇਸ ਨਾਲ ਚਿਹਰੇ ਨੂੰ ਰਗੜੋ। 5 ਮਿੰਟ ਬਾਅਦ ਚਿਹਰੇ ਨੂੰ ਪਾਣੀ ਨਾਲ ਧੋ ਲਓ। ਇਸ ਤਰ੍ਹਾਂ ਤੁਹਾਡੇ ਚਿਹਰੇ ਤੋਂ ਡੈੱਡ ਸਕਿਨ ਦੂਰ ਹੋ ਜਾਵੇਗੀ।

ਕੇਲੇ ਦੀ ਮਸਾਜ ਕਰੀਮ ਬਣਾਓ

ਦੂਜੇ ਪੜਾਅ ਵਿੱਚ, ਇੱਕ ਬਲੈਂਡਰ ਵਿੱਚ ਕੇਲਾ, ਸ਼ਹਿਦ, ਨਿੰਬੂ ਦਾ ਰਸ, ਹਲਦੀ ਪਾਊਡਰ ਅਤੇ ਥੋੜ੍ਹਾ ਜਿਹਾ ਦਹੀਂ ਨੂੰ ਮਿਲਾਓ। ਹੁਣ ਇਸ ਨੂੰ ਕ੍ਰੀਮ ਦੀ ਤਰ੍ਹਾਂ ਵਰਤ ਕੇ ਚਿਹਰੇ 'ਤੇ ਲਗਾਓ ਅਤੇ ਮਸਾਜ ਕਰੋ। ਇਸ ਨਾਲ ਚਿਹਰੇ ਦਾ ਖੂਨ ਸੰਚਾਰ ਠੀਕ ਹੋਵੇਗਾ।

ਕੇਲੇ ਦਾ ਫੇਸ ਪੈਕ

ਆਖਰੀ ਪੜਾਅ ਲਈ, ਤੁਸੀਂ ਇੱਕ ਫੇਸ ਪੈਕ ਬਣਾਉਗੇ। ਇਸ ਨੂੰ ਬਣਾਉਣ ਲਈ ਤੁਸੀਂ ਅੱਧਾ ਕੇਲਾ, ਇੱਕ ਚਮਚ ਸੰਤਰੇ ਦੇ ਛਿਲਕੇ ਦੇ ਪਾਊਡਰ ਵਿੱਚ ਜਾਂ ਛੋਲਿਆਂ ਦਾ ਆਟਾ ਜਾਂ ਚੰਦਨ ਪਾਊਡਰ ਵਿੱਚ ਮਿਲਾ ਕੇ ਸ਼ਹਿਦ, ਨਿੰਬੂ ਦਾ ਰਸ, ਇੱਕ ਚੁਟਕੀ ਹਲਦੀ ਪਾਊਡਰ ਅਤੇ ਦਹੀਂ ਮਿਲਾ ਕੇ ਪੀਸ ਲਓ।

ਹੁਣ ਇਸ ਨੂੰ ਚਿਹਰੇ ਅਤੇ ਗਰਦਨ 'ਤੇ ਲਗਾਓ ਅਤੇ 25 ਮਿੰਟ ਤੱਕ ਚਿਹਰੇ 'ਤੇ ਲੱਗਾ ਰਹਿਣ ਦਿਓ। ਇਸ ਤੋਂ ਬਾਅਦ ਪਾਣੀ ਨਾਲ ਧੋ ਲਓ।

Published by:rupinderkaursab
First published:

Tags: Banana peel facial news 18, Beauty, Beauty tips, Lifestyle, Skin, Skin care tips