Bollywood ਫਿਲਮਾਂ ਦੇ Fans 'ਦਿੱਲੀ ਦਰਸ਼ਨ' ਦੌਰਾਨ ਇਨ੍ਹਾਂ 7 ਥਾਵਾਂ ਦੀ ਜ਼ਰੂਰ ਕਰਨ ਸੈਰ

ਸਾਡੇ ਦੇਸ਼ ਵਿੱਚ ਬਾਲੀਵੁੱਡ ਫਿਲਮਾਂ (Bollywood Movies) ਦੇ ਪ੍ਰਸ਼ੰਸਕਾਂ ਦੀ ਕੋਈ ਕਮੀ ਨਹੀਂ ਹੈ। ਉਹ ਫਿਲਮਾਂ ਦੀ ਸ਼ੂਟਿੰਗ ਵਾਲੀਆਂ ਥਾਵਾਂ 'ਤੇ ਜਾਣਾ ਅਤੇ ਉਥੇ ਫੋਟੋਆਂ ਖਿਚਵਾਉਣਾ ਪਸੰਦ ਕਰਦੇ ਹਨ। ਇੰਨਾ ਹੀ ਨਹੀਂ, ਬਾਲੀਵੁੱਡ ਫਿਲਮਾਂ 'ਚ ਜ਼ਿਆਦਾਤਰ ਲੋਕੇਸ਼ਨਜ਼ ਅਜਿਹੀਆਂ ਥਾਵਾਂ ਨੂੰ ਦੇਖ ਕੇ ਚੁਣੀਆਂ ਜਾਂਦੀਆਂ ਹਨ, ਜਿੱਥੇ ਸੈਲਾਨੀ ਜਾਣਾ ਪਸੰਦ ਕਰਦੇ ਹਨ ਅਤੇ ਲੋਕੇਸ਼ਨ ਫੋਟੋਜੈਨਿਕ ਹੁੰਦੀ ਹੈ। ਅਜਿਹੇ 'ਚ ਰਾਜਧਾਨੀ ਦਿੱਲੀ 'ਚ ਕਈ ਅਜਿਹੀਆਂ ਥਾਵਾਂ ਹਨ, ਜਿੱਥੇ ਬਾਲੀਵੁੱਡ ਦੀਆਂ ਕਈ ਫਿਲਮਾਂ ਦੀ ਸ਼ੂਟਿੰਗ ਹੋਈ ਹੈ ਅਤੇ ਦਰਸ਼ਕ ਫਿਲਮਾਂ ਦੇ ਉਸ ਸੀਨ ਨੂੰ ਵਾਰ-ਵਾਰ ਦੇਖਣਾ ਪਸੰਦ ਵੀ ਕਰਦੇ ਹਨ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਰਾਜਧਾਨੀ ਦੀਆਂ ਖਾਸ ਲੋਕੇਸ਼ਨਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿੱਥੇ ਕਈ ਫਿਲਮਾਂ ਦੀ ਸ਼ੂਟਿੰਗ ਹੋਈ ਹੈ।

ਹੁਮਾਯੂੰ ਦਾ ਮਕਬਰਾ
'ਮੇਰੇ ਬ੍ਰਦਰ ਕੀ ਦੁਲਹਨ', 'ਫਿਤੂਰ', 'ਬਜਰੰਗੀ ਭਾਈਜਾਨ' ਅਤੇ 'ਕੁਰਬਾਨ' ਵਰਗੀਆਂ ਫਿਲਮਾਂ ਹੁਮਾਯੂੰ ਦੀ ਕਬਰ ਦੇ ਆਲੇ-ਦੁਆਲੇ ਫਿਲਮਾਈਆਂ ਗਈਆਂ ਹਨ। ਇਹ ਇਮਾਰਤ 1570 ਵਿੱਚ ਬਣੀ ਮੁਗ਼ਲ ਵਾਸਤੂ ਕਲਾ ਦਾ ਬਹੁਤ ਹੀ ਖ਼ੂਬਸੂਰਤ ਨਮੂਨਾ ਹੈ। ਇਸ ਸੈਰ-ਸਪਾਟੇ ਵਾਲੇ ਸਥਾਨ ਦੀ ਖਾਸ ਵਿਸ਼ੇਸ਼ਤਾ ਇਹ ਹੈ ਕਿ ਇਹ ਭਾਰਤ ਦੇ ਉਪ-ਮਹਾਂਦੀਪ ਦਾ ਪਹਿਲਾ ਬਾਗ-ਕਬਰ ਹੈ।

ਲਾਲ ਕਿਲ੍ਹਾ
'ਬਜਰੰਗੀ ਭਾਈਜਾਨ', 'ਦਿੱਲੀ-6', 'ਬਲੈਕ ਐਂਡ ਵ੍ਹਾਈਟ' ਆਦਿ ਫਿਲਮਾਂ ਦੀ ਸ਼ੂਟਿੰਗ ਦਿੱਲੀ ਦੇ ਲਾਲ ਕਿਲ੍ਹੇ 'ਚ ਹੋਈ ਹੈ। ਇਹ ਸ਼ਾਨਦਾਰ ਇਮਾਰਤ ਮੁਗਲ ਬਾਦਸ਼ਾਹ ਸ਼ਾਹਜਹਾਂ ਨੇ 1638 ਵਿੱਚ ਬਣਵਾਈ ਸੀ, ਜੋ ਅੱਜ ਵੀ ਦੁਨੀਆਂ ਭਰ ਦੇ ਸੈਲਾਨੀਆਂ ਨੂੰ ਆਕਰਸ਼ਿਤ ਕਰਦੀ ਹੈ।

ਇੰਡੀਆ ਗੇਟ
ਸੈਂਟਰਲ ਦਿੱਲੀ ਸਥਿਤ ਇੰਡੀਆ ਗੇਟ 'ਤੇ 'ਚੱਕ ਦੇ ਇੰਡੀਆ', 'ਹਾਫ ਗਰਲਫਰੈਂਡ' ਵਰਗੀਆਂ ਕਈ ਫਿਲਮਾਂ ਦੀ ਸ਼ੂਟਿੰਗ ਹੋ ਚੁੱਕੀ ਹੈ। ਇੰਨਾ ਹੀ ਨਹੀਂ, ਜਿਸ ਵੀ ਫਿਲਮ ਵਿੱਚ ਦਿੱਲੀ ਦੀ ਲੋਕੇਸ਼ਨ ਦੱਸੀ ਜਾਂਦੀ ਹੈ, ਉਥੇ ਇੰਡੀਆ ਗੇਟ ਜ਼ਰੂਰ ਦਿਖਾਇਆ ਜਾਂਦਾ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਦਿੱਲੀ ਜਾ ਰਹੇ ਹੋ ਤਾਂ ਇੱਥੇ ਜ਼ਰੂਰ ਜਾਓ ਤੇ ਜਾ ਕੇ ਫੋਟੋ ਖਿਚਵਾਓ।

ਹਜ਼ਰਤ ਨਿਜ਼ਾਮੂਦੀਨ ਦਰਗਾਹ
'ਰਾਕਸਟਾਰ', 'ਬਜਰੰਗੀ ਭਾਈਜਾਨ' ਵਰਗੀਆਂ ਫਿਲਮਾਂ ਦੀ ਸ਼ੂਟਿੰਗ ਹਜ਼ਰਤ ਨਿਜ਼ਾਮੂਦੀਨ ਦਰਗਾਹ 'ਚ ਹੋ ਚੁੱਕੀ ਹੈ। ਇਹ ਦਰਗਾਹ ਭਾਰਤ ਦੇ ਪਵਿੱਤਰ ਅਸਥਾਨਾਂ ਵਿੱਚੋਂ ਇੱਕ ਹੈ।

ਅਗਰਸੇਨ ਕੀ ਬਾਉਲੀ
'ਝੂਮ ਬਰਾਬਰ ਝੂਮ', 'ਪੀਕੇ', 'ਸੁਲਤਾਨ' ਆਦਿ ਫ਼ਿਲਮਾਂ ਦੀ ਸ਼ੂਟਿੰਗ ਅਗਰਸੇਨ ਦੀ ਬਾਉਲੀ 'ਚ ਹੋਈ ਸੀ। ਮਹਾਰਾਜਾ ਅਗਰਸੇਨ ਦੁਆਰਾ ਬਣਾਏ ਗਏ ਇਸ ਬਾਉਲੀ ਵਿੱਚ ਲਗਭਗ 105 ਪੌੜੀਆਂ ਹਨ।

ਚਾਂਦਨੀ ਚੌਂਕ
'ਚਾਂਦਨੀ ਚੌਂਕ ਟੂ ਚਾਈਨਾ', 'ਦਿੱਲੀ-6', 'ਫੁਕਰੇ', 'ਬੈਂਡ ਬਾਜਾ ਬਾਰਾਤ' ਅਤੇ 'ਬੌਸ' ਵਰਗੀਆਂ ਵੱਡੀਆਂ ਫਿਲਮਾਂ ਦੀ ਸ਼ੂਟਿੰਗ ਚਾਂਦਨੀ ਚੌਂਕ ਇਲਾਕੇ 'ਚ ਹੋਈ ਸੀ। ਇੱਥੇ ਤੰਗ ਅਤੇ ਭੀੜ-ਭੜੱਕੇ ਵਾਲੀਆਂ ਗਲੀਆਂ, ਬਾਜ਼ਾਰ ਅਤੇ ਭੋਜਨ ਇਸ ਨੂੰ ਖਾਸ ਬਣਾਉਂਦੇ ਹਨ।

ਕੁਤੁਬ ਮੀਨਾਰ
ਕੁਤੁਬ ਮੀਨਾਰ ਨੂੰ ਤੁਸੀਂ ਕਈ ਹਿੰਦੀ ਫਿਲਮਾਂ ਵਿੱਚ ਦੇਖਿਆ ਹੋਵੇਗਾ। 'ਬਿੱਗ ਬੁੱਲ', 'ਚੀਨੀ ਕਮ', 'ਫਨਾ', 'ਬਲੈਕ-ਵਾਈਟ', 'ਜੰਨਤ-2' ਸਮੇਤ ਕਈ ਫਿਲਮਾਂ ਦੀ ਸ਼ੂਟਿੰਗ ਇੱਥੇ ਹੋ ਚੁੱਕੀ ਹੈ। 73 ਮੀਟਰ ਲੰਬਾ ਕੁਤੁਬ ਮੀਨਾਰ ਇੱਕ ਇਤਿਹਾਸਕ ਮੀਨਾਰ ਹੈ ਜਿਸਨੂੰ ਕੁਤੁਬੁੱਦੀਨ ਐਬਕ ਨੇ ਬਣਾਇਆ ਸੀ।