WATCH: ਇੰਸਟਾਗ੍ਰਾਮ ਦੀ ਪਿਆਰੀ 'ਡਾਂਸਿੰਗ ਦਾਦੀ' ਨੇ ਪੋਤੀ ਨਾਲ Cutie Pie 'ਤੇ ਲਗਾਏ ਠੁਮਕੇ

ਇੰਸਟਾਗ੍ਰਾਮ ਦੀ ਮਸ਼ਹੂਰ ਡਾਂਸ ਕਰਨ ਵਾਲੀ ਦਾਦੀ ਰਵੀ ਬਾਲਾ ਸ਼ਰਮਾ ਇਕ ਹੋਰ ਡਾਂਸ ਵੀਡੀਓ ਨਾਲ ਵਾਪਸ ਆ ਗਈ ਹੈ ਅਤੇ ਇਸ ਵਾਰ ਉਹ ਇਕੱਲੀ ਨਹੀਂ ਹੈ। ਇਸ ਵਾਰ ਰਵੀ ਬਾਲਾ ਆਪਣੀ ਪੋਤੀ ਮਾਇਰਾ ਦੇ ਨਾਲ ਏ ਦਿਲ ਹੈ ਮੁਸ਼ਕਿਲ ਮੂਵੀ ਦੇ ਹਿੱਟ ਗੀਤ ਕਯੂਟੀ ਪਾਈ 'ਤੇ ਡਾਂਸ ਕਰਦੇ ਹੋਏ ਨਜਰ ਆ ਰਹੇ ਹਨ। ਫੈਂਸ ਨੂੰ ਇਹ ਵੀਡੀਓ ਕਾਫੀ ਪਸੰਦ ਆ ਰਹੀ ਹੈ। ਦੋਵੇਂ ਗਾਣੇ ਦੇ ਅਸਲ ਵੀਡੀਓ ਦੇ ਕਦਮਾਂ ਨਾਲ ਮੇਲ ਖਾਂਦੇ ਦਿਖਾਈ ਦੇ ਰਹੇ ਹਨ ਜਿਸ ਵਿੱਚ ਰਣਬੀਰ ਕਪੂਰ, ਅਨੁਸ਼ਕਾ ਸ਼ਰਮਾ ਅਤੇ ਫਵਾਦ ਖਾਨ ਸਨ।

ਵੀਡੀਓ ਦੇ ਸਿਰਲੇਖ ਵਿੱਚ ਮਾਇਰਾ ਨੂੰ ਆਪਣੇ ਇੰਸਟਾ-ਫੈਮਿਲੀ ਨਾਲ ਜਾਣੂ ਕਰਵਾਉਂਦੇ ਹੋਏ, ਰਵੀ ਬਾਲਾ ਨੇ ਲਿਖਿਆ, "ਮੇਰੀ ਕਯੂਟੀ ਪਾਈ ਪੋਤੀ, ਮਾਇਰਾ ਨਾਲ ਡਾਂਸ ਕਰ ਰਹੀ ਹਾਂ।"

ਰਵੀ ਬਾਲਾ ਦੀ ਆਪਣੀ ਪੋਤੀ ਦੇ ਨਾਲ ਡਾਂਸ ਸਾਂਝੇਦਾਰੀ ਨੇ ਇੰਟਰਨੈਟ ਤੇ ਛਾਪ ਛੱਡੀ ਹੈ ਅਤੇ ਉਸਦੇ ਵੀਡੀਓ ਨੂੰ ਅਪਲੋਡ ਕੀਤੇ ਜਾਣ ਦੇ ਕੁਝ ਦਿਨਾਂ ਦੇ ਅੰਦਰ ਹੀ 78,000 ਤੋਂ ਵੱਧ ਵਿਯੂਜ਼ ਮਿਲ ਗਏ ਹਨ ਜਦਕਿ 8,000 ਤੋਂ ਵੱਧ ਲਾਈਕਸ ਦੇ ਨਾਲ, ਕਲਿੱਪ ਦੇ ਕਮੇਂਟ ਭਾਗ ਨੂੰ ਇੰਸਟਾਗ੍ਰਾਮ ਉਪਭੋਗਤਾਵਾਂ ਦੁਆਰਾ ਖੂਬਸੂਰਤ ਪ੍ਰਸ਼ੰਸਾਵਾਂ ਨਾਲ ਭਰ ਦਿੱਤਾ ਗਿਆ ਹੈ।

View this post on Instagram

A post shared by Ravi Bala Sharma (@ravi.bala.sharma)

ਜਦੋਂ ਕਿ ਕੁਝ ਯੂਜ਼ਰਸ ਨੇ 'ਕਯੂਟੀ ਪਾਈ' ਗਾਣੇ ਤੇ ਡਾਂਸ ਕਰਨ ਵਾਲੀਆਂ ਦੋਵਾਂ ਦਾਦੀ-ਪੋਤੀ ਦੀ ਪ੍ਰਸ਼ੰਸਾ ਕੀਤੀ ਅਤੇ ਉੱਥੇ ਹੀ ਕੁਝ ਲੋਕਾਂ ਨੇ ਇਸ ਉਮਰ ਵਿੱਚ ਰਵੀ ਬਾਲਾ ਦੀ ਊਰਜਾ ਦੀ ਵੀ ਤਾਰੀਫ ਕੀਤੀ। ਆਪਣਾ ਕਮੇਂਟ ਸਾਂਝਾ ਕਰਦਿਆਂ, ਇੱਕ ਯੂਜਰ ਨੇ ਲਿਖਿਆ, “ਤੁਹਾਡੇ ਦੋਵਾਂ ਵਿੱਚ ਅਦਭੁਤ ਊਰਜਾ ਹੈ।"

ਹਾਲਾਂਕਿ, ਇਹ ਪਹਿਲਾ ਵੀਡੀਓ ਨਹੀਂ ਹੈ ਜਿਸ ਵਿੱਚ ਰਵੀ ਬਾਲਾ ਦੇ ਡਾਂਸ ਸਟੈਪ ਇੰਟਰਨੈਟ ਤੇ ਵਾਇਰਲ ਹੋਏ ਹਨ। ਉਸ ਦਾ ਇੰਸਟਾਗ੍ਰਾਮ ਪ੍ਰੋਫਾਈਲ ਅਜਿਹੇ ਡਾਂਸ ਵੀਡੀਓਜ਼ ਨਾਲ ਭਰਿਆ ਹੋਇਆ ਹੈ, ਜਿਸ ਨੂੰ ਹਜ਼ਾਰਾਂ ਵਿਯੂਜ਼ ਮਿਲ ਚੁੱਕੇ ਹਨ ਅਤੇ ਫੈਂਸ ਵੀ ਇਹਨਾਂ ਵੀਡਿਓਜ਼ ਨੂੰ ਕਾਫੀ ਪਸੰਦ ਕਰਦੇ ਹਨ।

ਇਸ ਤੋਂ ਪਹਿਲਾਂ, ਫਿਲਮ ਦਿਲ ਤੋ ਪਾਗਲ ਹੈ ਦੇ ਗੀਤ ਕੋਈ ਲੜਕਾ ਹੈ ਪਰ ਰਵੀ ਬਾਲਾ ਦੇ ਡਾਂਸ ਨੇ ਇੰਟਰਨੈਟ ਤੇ ਹਲਚਲ ਮਚਾ ਦਿੱਤੀ ਸੀ। ਗੁਲਾਬੀ ਭਾਰਤੀ ਸੂਟ ਪਹਿਨੇ, ਦਾਦੀ ਸ਼ਾਹਰੁਖ ਖਾਨ ਅਤੇ ਮਾਧੁਰੀ ਦੀਕਸ਼ਿਤ 'ਤੇ ਫਿਲਮਾਏ ਵਾਲੇ ਅਸਲ ਗਾਣੇ ਦੇ ਕਦਮਾਂ ਨਾਲ ਮੇਲ ਖਾਂਦੀ ਨਜ਼ਰ ਆ ਰਹੀ ਸੀ। ਇਸ ਵੀਡੀਓ ਨੂੰ ਇੰਸਟਾਗ੍ਰਾਮ 'ਤੇ ਲਗਭਗ 60,000 ਲਾਈਕਸ ਦੇ ਨਾਲ ਇੱਕ ਮਿਲੀਅਨ ਤੋਂ ਵੱਧ ਵਿਯੂਜ਼ ਮਿਲੇ ਹਨ।

64 ਸਾਲ ਦੀ ਉਮਰ ਵਿੱਚ ਰਵੀ ਬਾਲਾ ਦੀ ਊਰਜਾ ਇੱਕ ਉਦਾਹਰਣ ਹੈ ਕਿ ਉਮਰ ਸਿਰਫ ਇੱਕ ਨੰਬਰ ਹੁੰਦੀ ਹੈ ਜਦੋਂ ਤੁਹਾਡੇ ਵਿੱਚ ਨਵੀਆਂ ਚੀਜ਼ਾਂ ਅਜ਼ਮਾਉਣ ਅਤੇ ਆਪਣੇ ਜਨੂੰਨ ਦੀ ਪਾਲਣਾ ਕਰਨ ਦੀ ਇੱਛਾ ਸ਼ਕਤੀ ਹੁੰਦੀ ਹੈ.