ਸਿਰਫ iPhone ਲਈ ਆਇਆ WhatsApp ਦਾ ਨਵਾਂ ਫੀਚਰ! ਕੀ ਤੁਸੀਂ ਚੈੱਕ ਕੀਤਾ?

WhatsApp ਆਪਣੇ ਯੂਜ਼ਰਸ ਦਾ ਐਪ ਵਿੱਚ ਐਕਸਪੀਰੀਅੰਸ ਵਧੀਆ ਕਰਨ ਲਈ ਬਹੁਤ ਸਾਰੇ ਨਵੇਂ ਫੀਚਰਸ 'ਤੇ ਕੰਮ ਕਰ ਰਿਹਾ ਹੈ। ਵਟਸਐਪ ਹੁਣ ਬੀਟਾ ਯੂਜ਼ਰਸ ਲਈ ਸਟੇਟਸ ਅਪਡੇਟ ਨੂੰ ਅਨਡੂ ਕਰਨ ਦੇ ਫੀਚਰ 'ਤੇ ਕੰਮ ਕਰ ਰਿਹਾ ਹੈ। ਇਸ ਦਾ ਮਤਲਬ ਹੈ ਕਿ ਯੂਜ਼ਰਸ ਹੁਣ ਜਦੋਂ ਵੀ ਵਟਸਐਪ 'ਤੇ ਕੋਈ ਸਟੇਟਸ ਪੋਸਟ ਕਰਨਗੇ ਤਾਂ ਉੱਥੇ ਅਨਡੂ ਵਿਕਲਪ ਦੇਖਣ ਨੂੰ ਮਿਲੇਗਾ। ਇਹ ਫੀਚਰ iOS ਬੀਟਾ ਐਪ 'ਤੇ ਦੇਖਿਆ ਗਿਆ ਸੀ ਅਤੇ ਅਜੇ ਤੱਕ ਗੈਰ-ਬੀਟਾ ਯੂਜ਼ਰਸ ਲਈ ਉਪਲਬਧ ਨਹੀਂ ਕੀਤਾ ਗਿਆ ਹੈ।

Wabetainfo ਦੇ ਅਨੁਸਾਰ, WhatsApp ਨੇ ਐਪ ਦੇ ਬੀਟਾ ਵਰਜ਼ਨ 'ਤੇ ਸਟੇਟਸ ਅਪਡੇਟ ਨੂੰ ਅਨਡੂ ਕਰਨ ਦੇ ਫੀਚਰ ਨੂੰ ਰੋਲਆਊਟ ਕੀਤਾ ਹੈ। ਇਹ ਫੀਚਰ ਤੁਹਾਨੂੰ ਗਲਤੀ ਨਾਲ ਪੋਸਟ ਕੀਤੇ ਗਏ ਸਟੇਟਸ ਅਪਡੇਟ ਨੂੰ ਤੁਰੰਤ ਮਿਟਾਉਣ ਦੀ ਆਗਿਆ ਦੇਵੇਗੀ। ਵਰਤਮਾਨ ਵਿੱਚ, ਤੁਹਾਡੇ ਕੋਲ ਇੱਕ ਸਟੇਟਸ ਅਪਡੇਟ ਨੂੰ ਮਿਟਾਉਣ ਲਈ ਤਿੰਨ ਬਿੰਦੀਆਂ 'ਤੇ ਟੈਪ ਕਰਨ ਦੀ ਆਪਸ਼ਨ ਹੈ। ਹਾਲਾਂਕਿ, ਇੱਕ ਵਾਰ ਅਨਡੂ ਫੀਚਰ ਰੋਲ ਆਊਟ ਹੋ ਜਾਣ ਤੋਂ ਬਾਅਦ, ਤੁਸੀਂ ਮੈਸੇਜਿੰਗ ਐਪ 'ਤੇ ਜੋ ਵੀ ਪੋਸਟ ਕੀਤਾ ਹੈ, ਤੁਸੀਂ ਉਸ ਨੂੰ ਤੁਰੰਤ ਅਨਡੂ ਕਰ ਸਕੋਗੇ।

ਵਟਸਐਪ ਸਟੇਟਸ ਇੰਸਟਾਗ੍ਰਾਮ ਸਟੋਰੀਜ਼ ਵਰਗਾ ਹੈ, ਜੋ ਪਲੇਟਫਾਰਮ 'ਤੇ 24 ਘੰਟੇ ਲਾਈਵ ਰਹਿੰਦਾ ਹੈ। ਤੁਹਾਡੇ ਕਾਂਟੈਕਟਸ ਇਸ ਸਟੇਟਸ ਨੂੰ ਦੇਖ ਸਕਦੇ ਹਨ ਪਰ ਇਹ ਉਹਨਾਂ ਲੋਕਾਂ ਨੂੰ ਦਿਖਾਈ ਨਹੀਂ ਦੇਵੇਗਾ ਜੋ ਤੁਹਾਡੀ ਸੰਪਰਕ ਸੂਚੀ ਵਿੱਚ ਸ਼ਾਮਲ ਨਹੀਂ ਹਨ। ਸਟੇਟਸ ਅੱਪਡੇਟ ਨੂੰ ਅਨਡੂ ਕਰਨ ਦੀ ਸੰਭਾਵਨਾ ਦੇ ਨਾਲ, ਵਟਸਐਪ ਨੇ ਨਵੇਂ ਸਟੇਟਸ ਅੱਪਡੇਟ ਨਾਲ ਸਬੰਧਤ ਸਮੱਸਿਆਵਾਂ ਨੂੰ ਹੱਲ ਕੀਤਾ ਹੈ। ਫੀਚਰ ਨੂੰ iOS ਬੀਟਾ ਯੂਜ਼ਰਸ ਲਈ ਉਪਲੱਬਧ ਕਰਾਇਆ ਗਿਆ ਹੈ, ਇਸ ਲਈ ਫਿਲਹਾਲ ਸਿਰਫ iOS ਯੂਜ਼ਰਸ ਹੀ ਇਸ ਫੀਚਰ ਨੂੰ ਟੈਸਟ ਕਰ ਸਕਦੇ ਹਨ। ਫੀਚਰ ਦੀ ਵਰਤੋਂ ਕਰਨ ਲਈ, ਯੂਜ਼ਰਸ ਨੂੰ iOS 2.21.240.17 ਲਈ WhatsApp ਬੀਟਾ ਅਪਡੇਟ ਕਰਨਾ ਹੋਵੇਗਾ।

ਸਟੇਟਸ ਅੱਪਡੇਟ ਨੂੰ ਪੋਸਟ ਕਰਨ ਤੋਂ ਬਾਅਦ, ਵਿਕਲਪ "ਅਨਡੂ" ਦਿਖਾਈ ਦੇਵੇਗਾ, ਜੇਕਰ ਤੁਸੀਂ ਇਸ ਨੂੰ ਚੁਣਦੇ ਹੋ, ਤਾਂ ਸਟੇਟਸ ਅੱਪਡੇਟ ਹਰ ਕਿਸੇ ਲਈ ਆਪਣੇ ਆਪ ਮਿਟਾ ਦਿੱਤਾ ਜਾਵੇਗਾ। ਇਹ ਸ਼ਾਰਟਕੱਟ ਉਦੋਂ ਲਾਭਦਾਇਕ ਹੁੰਦਾ ਹੈ ਜਦੋਂ ਤੁਸੀਂ ਗਲਤੀ ਨਾਲ ਕੁਝ ਪੋਸਟ ਕਰਦੇ ਹੋ, ਅਤੇ ਤੁਸੀਂ ਇਸ ਨੂੰ ਤੁਰੰਤ ਮਿਟਾਉਣਾ ਚਾਹੁੰਦੇ ਹੋ। ਇਹ ਫੀਚਰ ਅੱਜ ਕੁਝ iOS ਬੀਟਾ ਟੈਸਟਰਾਂ ਲਈ ਉਪਲਬਧ ਕਰਾਈ ਗਈ ਹੈ। ਜੇਕਰ ਇਹ ਫੀਚਰ ਤੁਹਾਡੇ WhatsApp ਲਈ ਉਪਲਬਧ ਨਹੀਂ ਹੈ, ਤਾਂ ਇਸ ਦਾ ਮਤਲਬ ਹੈ ਕਿ ਇਸ ਨੂੰ ਤੁਹਾਡੇ ਲਈ ਅਜੇ ਤੱਕ ਰੋਲਆਊਟ ਨਹੀਂ ਕੀਤਾ ਗਿਆ ਹੈ।

ਇਸ ਤੋਂ ਇਲਾਵਾ ਵਟਸਐਪ ਇਸ ਸੰਭਾਵਨਾ 'ਤੇ ਵੀ ਕੰਮ ਕਰ ਰਿਹਾ ਹੈ ਕਿ ਯੂਜ਼ਰਸ ਸਟਿੱਕਰ ਤੇਜ਼ੀ ਨਾਲ ਫਾਰਵਰਡ ਕਰ ਸਕਣ। ਵਟਸਐਪ ਨੇ ਸਟਿੱਕਰਾਂ ਦੇ ਅੱਗੇ ਇਕ ਨਵਾਂ ਸ਼ਾਰਟਕੱਟ ਜੋੜਿਆ ਹੈ, ਜੋ ਯੂਜ਼ਰ ਨੂੰ ਬਿਨਾਂ ਜ਼ਿਆਦਾ ਮਿਹਨਤ ਕੀਤੇ ਸਟਿੱਕਰਾਂ ਨੂੰ ਫਾਰਵਰਜ ਕਰਨ ਵਿੱਚ ਮਦਦ ਕਰੇਗਾ। ਤੁਸੀਂ ਸ਼ਾਰਟਕੱਟ 'ਤੇ ਟੈਪ ਕਰ ਸਕਦੇ ਹੋ ਤੇ ਇਸ ਨੂੰ ਆਪਣੇ ਕਾਂਟੈਕਟਸ ਨੂੰ ਅੱਗੇ ਭੇਜ ਸਕਦੇ ਹੋ। ਇੱਕ ਵਾਰ ਫੀਚਰ ਰੋਲਆਊਟ ਹੋ ਜਾਣ ਤੋਂ ਬਾਅਦ, ਉਪਭੋਗਤਾਵਾਂ ਨੂੰ ਸਟਿੱਕਰ ਨੂੰ ਟੈਪ ਕਰਨ ਅਤੇ ਹੋਲਡ ਕਰਨ ਅਤੇ ਫਿਰ ਇਸ ਨੂੰ ਅੱਗੇ ਭੇਜਣ ਦੀ ਲੰਬੀ ਪ੍ਰਕਿਰਿਆ ਨਹੀਂ ਅਪਣਾਉਣੀ ਪਵੇਗੀ।