WhatsApp Disappearing: ਵਟਸਐਪ ਦਾ ਨਵਾਂ ਫੀਚਰ 'View Once', ਇੱਕ ਵਾਰ ਵੇਖਣ ਪਿੱਛੋਂ ਗਾਇਬ ਹੋ ਸਕੇਗੀ ਫੋਟੋ ਤੇ ਵੀਡੀਓ

ਵਟਸਐਪ (WhatsApp) ਆਪਣੇ ਵਿਰੋਧੀਆਂ (Competitors) ਤੋਂ ਅੱਗੇ ਰਹਿਣ ਲਈ ਨਿਰੰਤਰ ਕੋਸ਼ਿਸ਼ਾਂ ਵਿੱਚ ਰਹਿੰਦਾ ਹੈ। ਇਸ ਵਾਰ ਵਟਸਐਪ ਨੇ ਨਵੀਂ ਖਪਤਕਾਰਾਂ ਨੂੰ ਨਵੀਂ ਵਿਸ਼ੇਸ਼ਤਾ ਪ੍ਰਦਾਨ ਕੀਤੀ ਹੈ। ਪਿਛਲੇ ਮਹੀਨੇ, ਐਪ ਨੇ ਸੀਮਤ ਗਿਣਤੀ ਦੇ ਬੀਟਾ ਖਪਤਕਾਰਾਂ ਲਈ ਆਪਣੀ ਆਗਾਮੀ ਮਲਟੀ-ਡਿਵਾਈਸ ਵਿਸ਼ੇਸ਼ਤਾ ਦੀ ਜਾਂਚ ਸ਼ੁਰੂ ਕੀਤੀ, ਜਦਕਿ ਐਂਡ-ਟੂ-ਐਂਡ (encrypted backups) ਦੀ ਵੀ ਸੰਖੇਪ ਜਾਂਚ ਕੀਤੀ ਗਈ। ਨਵੀਂ ਵਿਸ਼ੇਸ਼ ਤਹਿਤ ਵਟਸਐਪ ਨੇ ਹੁਣ ਖਪਤਕਾਰਾਂ ਲਈ ਤਸਵੀਰਾਂ ਨੂੰ ਗਾਇਬ ਭਾਵ ਇੱਕ ਵਾਰੀ ਵੇਖਣ ਤੋਂ ਬਾਅਦ ਹਟਾਉਣ ਤਹਿਤ ਨਵਾਂ 'view once' ਫੀਚਰ ਪੇਸ਼ ਕੀਤਾ ਹੈ।

ਇਸਤੋਂ ਪਹਿਲਾਂ ਦੀ ਇੱਕ ਰਿਪੋਰਟ ਵਿੱਚ ਦੱਸਿਆ ਗਿਆ ਸੀ ਕਿ ਵਟਸਐਪ ਆਈਓਐਸ (iOS) ਅਤੇ ਐਂਡਰਾਇਡ (Android) ਦੋਵਾਂ 'ਤੇ ਤਸਵੀਰਾਂ ਲਈ ਨਵੇਂ 'ਵਿਯੂ ਵਨਸ' ਮੋਡ ਦੀ ਬੀਟਾ ਜਾਂਚ ਕਰ ਰਿਹਾ ਹੈ।

ਵਟਸਐਪ 'view once' ਨੂੰ ਵਰਤਣ ਦੇ ਲਾਭ
ਫੇਸਬੁੱਕ ਨੇ ਮੰਗਲਵਾਰ ਨੂੰ ਇੱਕ ਬਲੌਗ ਪੋਸਟ ਵਿੱਚ ਇੱਕ ਨਵੀਂ ਵਿਸ਼ੇਸ਼ਤਾ ਦੇ ਪਿੱਛੇ ਕਾਰਨ ਦੱਸਿਆ। ਕੰਪਨੀ ਨੇ ਜ਼ਿਕਰ ਕੀਤਾ ਹੈ ਕਿ ਇਸ ਵਿਸ਼ੇਸ਼ਤਾ ਦਾ ਉਦੇਸ਼ ਨਿਸ਼ਚਤ ਸਮੇਂ ਤੋਂ ਬਾਅਦ ਸੁਨੇਹਿਆਂ ਨੂੰ ਆਪਣੇ ਆਪ ਡਿਲੀਟ ਕਰ ਕੇ ਖਪਤਕਾਰ ਦੀ ਨਿੱਜੀ ਜਾਣਕਾਰੀ ਦੀ ਸੁਰੱਖਿਆ ਨੂੰ ਸੁਧਾਰਨਾ ਹੈ। ਵਟਸਐਪ ਨੇ ਇਹ ਵਿਸ਼ੇਸ਼ਤਾ ਪੇਸ਼ ਕਰਨ ਦਾ ਇੱਕ ਹੋਰ ਕਾਰਨ-ਫੋਨ ਨੂੰ ਸਾਫ਼ ਰੱਖਣਾ ਦੱਸਿਆ। ਮੋਬਾਈਲ ਫੋਨਾਂ ਨਾਲ ਫੋਟੋਆਂ ਅਤੇ ਵੀਡਿਓ ਦਾ ਲੈਣ-ਦੇਣ ਆਮ ਹੋ ਗਿਆ ਹੈ, ਜੋ ਸਟੋਰੇਜ ਨੂੰ ਘੇਰ ਲੈਂਦੀਆਂ ਹਨ ਅਤੇ ਜਿੱਥੇ ਤੁਹਾਨੂੰ ਸੈਂਕੜੇ ਜਾਂ ਹਜ਼ਾਰਾਂ ਫੋਟੋਆਂ ਅਤੇ ਵੀਡਿਓ ਦੇਖਣੇ ਪੈ ਸਕਦੇ ਹਨ ਅਤੇ ਫਿਰ ਉਨ੍ਹਾਂ ਨੂੰ ਮਿਟਾਉਣਾ ਪੈ ਸਕਦਾ ਹੈ।

ਕਿਵੇਂ ਕੰਮ ਕਰਦਾ ਹੈ ਵਟਸਐਪ 'view once'
ਵਟਸਐਪ 'ਤੇ, ਜੇ ਤੁਸੀਂ ਕੋਈ ਡਿਸਅਪੀਅਰ (Disappear) ਸੰਦੇਸ਼ ਭੇਜਦੇ ਹੋ ਤਾਂ ਤੁਹਾਨੂੰ ਮੀਡੀਆ 'ਤੇ 'view once'  ਆਈਕਨ ਦੇਖਣ ਨੂੰ ਮਿਲੇਗਾ। ਜਦੋਂ ਤੁਸੀਂ ਮੀਡੀਆ ਫਾਈਲ ਪ੍ਰਾਪਤ ਕਰਦੇ ਹੋ, ਤਾਂ preview ਦਿਖਾਈ ਨਹੀਂ ਦੇਵੇਗਾ। ਇੱਕ ਵਾਰ ਵੇਖਣ ਤੋਂ ਬਾਅਦ, ਤੁਸੀਂ ਇਸਨੂੰ ਸਨੈਪਚੈਟ, ਇੰਸਟਾਗ੍ਰਾਮ ਅਤੇ ਫੇਸਬੁੱਕ ਮੈਸੇਂਜਰ ਵਾਂਗ ਦੁਬਾਰਾ ਖੋਲ੍ਹਣ ਦੇ ਯੋਗ ਨਹੀਂ ਹੋਵੋਗੇ। ਕੰਪਨੀ ਨੇ ਕਿਹਾ, "ਇਸ ਨੂੰ ਦੇਖਣ ਤੋਂ ਬਾਅਦ, ਸੰਦੇਸ਼ 'Open' ਦੇ ਰੂਪ ਵਿੱਚ ਦਿਖਾਈ ਦੇਵੇਗਾ ਤਾਂ ਜੋ ਉਸ ਸਮੇਂ ਗੱਲਬਾਤ ਵਿੱਚ ਕੀ ਹੋ ਰਿਹਾ ਸੀ ਇਸ ਬਾਰੇ ਕੋਈ ਉਲਝਣ ਨਾ ਹੋਵੇ," ਵਟਸਐਪ *ਤੇ ਕਿਸੇ ਨੂੰ ਵੇਖੇ ਫੋਟੋ ਜਾਂ ਵੀਡਿਓ ਭੇਜਣ ਲਈ, ਤੁਸੀਂ ਐਪ ਦੇ ਕੈਮਰੇ ਦੀ ਵਰਤੋਂ ਫੋਟੋ ਜਾਂ ਵੀਡਿਓ ਨੂੰ ਤੇਜ਼ੀ ਨਾਲ ਖਿੱਚਣ ਲਈ ਕਰ ਸਕਦੇ ਹੋ ਅਤੇ ਫਿਰ (1) ਆਈਕਨ 'ਤੇ ਟੈਪ ਕਰ ਸਕਦੇ ਹੋ ਜੋ ਤੁਹਾਡੇ ਦੁਆਰਾ ਕੈਪਚਰ ਕੀਤਾ ਗਈ ਮੀਡੀਆ ਫਾਈਲ ਨੂੰ 'view once' ਮੀਡੀਆ ਫਾਈਲ ਦੇ ਰੂਪ ਵਿੱਚ ਭੇਜ ਦੇਵੇਗਾ। ਇੱਕ ਵਾਰ ਜਦੋਂ ਤੁਸੀਂ ਇਸਨੂੰ ਭੇਜ ਦਿੰਦੇ ਹੋ, ਤੁਸੀਂ ਉਸ ਨੂੰ ਖੋਲ੍ਹਣ ਲਈ ਟੈਪ ਨਹੀਂ ਕਰ ਸਕੋਗੇ ਅਤੇ ਪ੍ਰਾਪਤਕਰਤਾ ਇਸਨੂੰ ਸਿਰਫ ਇੱਕ ਵਾਰ ਵੇਖਣ ਦੇ ਯੋਗ ਹੋਵੇਗਾ।

ਕਦੋਂ ਆਵੇਗਾ 'view once'?
ਵਟਸਐਪ ਦਾ ਕਹਿਣਾ ਹੈ ਕਿ ਇਹ ਵਿਸ਼ੇਸ਼ਤਾ ਸਾਰੇ ਖਪਤਕਾਰਾਂ ਲਈ ਇਸੇ ਹਫ਼ਤੇ ਆ ਰਹੀ ਹੈ। ਇਸ ਲਈ, ਜੇ ਤੁਸੀਂ ਇਸਨੂੰ ਅਜੇ ਪ੍ਰਾਪਤ ਨਹੀਂ ਕੀਤਾ ਹੈ, ਤਾਂ ਇਸ ਨੂੰ ਤੁਹਾਡੇ ਫੋਨ 'ਤੇ ਆਉਣ ਵਿੱਚ ਕੁਝ ਸਮਾਂ ਲੱਗੇਗਾ।