Year Ender 2021: ਸਾਲ 2021 'ਚ Fit ਰਹਿਣ ਲਈ ਲੋਕਾਂ ਨੇ ਅਪਣਾਏ ਇਹ 5 ਤਰੀਕੇ

ਕੋਰੋਨਾ ਮਹਾਮਾਰੀ ਕਾਰਨ ਪੂਰੀ ਦੁਨੀਆ ਦੇ ਲੋਕ ਆਪਣੀ ਸਿਹਤ ਪ੍ਰਤੀ ਬਹੁਤ ਜਾਗਰੂਕ ਹੋਏ ਹਨ। ਪਿਛਲੇ 2 ਸਾਲਾਂ ਵਿੱਚ ਕਰੋਨਾ ਕਾਰਨ ਲੱਖਾਂ ਮੌਤਾਂ ਹੋ ਚੁੱਕੀਆਂ ਹਨ। ਇਸ ਮਹਾਂਮਾਰੀ ਵਿੱਚ ਫਸਣ ਤੋਂ ਬਚਣ ਲਈ ਲੋਕ ਹੁਣ ਆਪਣੀ ਸਿਹਤ ਪ੍ਰਤੀ ਬਹੁਤ ਸੁਚੇਤ ਹੋ ਗਏ ਹਨ, ਇਸ ਦੇ ਨਤੀਜੇ ਵਜੋਂ ਸਾਲ 2021 ਵਿੱਚ ਵੀ ਲੋਕਾਂ ਨੇ ਆਪਣੀ ਫਿਟਨੈਸ ਨੂੰ ਲੈ ਕੇ ਕਈ ਤਰੀਕੇ ਅਪਣਾਏ ਹਨ।

ਇਸ ਵਿੱਚ ਯੋਗਾ ਤੋਂ ਲੈ ਕੇ ਗੋਮ ਜਿੰਮ ਤੱਕ ਨੂੰ ਅਜ਼ਮਾਇਆ ਗਿਆ ਹੈ। ਫਿੱਟ ਰਹਿਣ ਲਈ ਲੋਕਾਂ ਨੇ ਫਿਟਨੈੱਸ ਯੰਤਰਾਂ ਦਾ ਵੀ ਸਹਾਰਾ ਲਿਆ ਹੈ। ਇਸ ਦਾ ਇਹ ਵੀ ਫਾਇਦਾ ਹੋਇਆ ਹੈ ਕਿ ਹੁਣ ਲੋਕਾਂ ਦੀ ਸਰੀਰਕ ਸਿਹਤ ਹੀ ਨਹੀਂ ਸਗੋਂ ਮਾਨਸਿਕ ਸਿਹਤ ਵੀ ਸੁਧਰ ਗਈ ਹੈ। ਅਸੀਂ ਤੁਹਾਨੂੰ ਸਾਲ 2021 ਦੀਆਂ 5 ਸਭ ਤੋਂ ਚਰਚਿਤ ਚੀਜ਼ਾਂ ਬਾਰੇ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਦੀ ਵਰਤੋਂ ਬਿਹਤਰ ਸਿਹਤ ਲਈ ਕੀਤੀ ਗਈ ਹੈ।

ਖਾਣ ਦੀਆਂ ਆਦਤਾਂ : ਕੋਰੋਨਾ ਮਹਾਮਾਰੀ ਦੇ ਬਾਅਦ ਤੋਂ ਲੋਕ ਆਪਣੀਆਂ ਖਾਣ-ਪੀਣ ਦੀਆਂ ਆਦਤਾਂ ਨੂੰ ਲੈ ਕੇ ਬਹੁਤ ਜਾਗਰੂਕ ਹੋ ਗਏ ਹਨ। ਆਪਣੀ ਖੁਰਾਕ ਵਿੱਚ ਵਧੇਰੇ ਫਲ ਅਤੇ ਸਬਜ਼ੀਆਂ ਸ਼ਾਮਲ ਕਰਨ ਦੇ ਨਾਲ ਨਾਲ ਲੋਕਾਂ ਨੇ ਡੇਅਰੀ ਉਤਪਾਦ ਵੀ ਵਧਾ ਦਿੱਤੇ ਹਨ ਅਤੇ ਬਹੁਤ ਸਾਰੇ ਲੋਕਾਂ ਨੇ ਸ਼ਾਕਾਹਾਰੀ ਖੁਰਾਕ ਦਾ ਪਾਲਣ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।

ਇਸ ਵਾਰ ਲੋਕ ਵੱਖ-ਵੱਖ ਤਰ੍ਹਾਂ ਦੀ ਡਾਈਟ ਅਪਣਾਉਂਦੇ ਵੇਖੇ ਗਏ ਹਨ। ਕਈ ਮਸ਼ਹੂਰ ਹਸਤੀਆਂ ਇਸ ਵਾਰ ਕੀਟੋ ਡਾਈਟ ਨੂੰ ਪ੍ਰਮੋਟ ਕਰਦੀਆਂ ਨਜ਼ਰ ਆਈਆਂ ਅਤੇ ਕੁੱਝ ਭਾਰ ਘਟਾਉਣ ਲਈ ਘੱਟ ਕਾਰਬ ਤੇ ਪ੍ਰੋਟੀਨ ਡਾਈਟ ਲੈਂਦੇ ਨਜ਼ਰ ਆਏ।

ਫਿਟਨੈਸ ਗੈਜੇਟਸ : ਤੁਹਾਡੀ ਫਿਟਨੈਸ ਨੂੰ ਟ੍ਰੈਕ ਕਰਨ ਲਈ ਹੁਣ ਬਹੁਤ ਸਾਰੇ ਫਿਟਨੈਸ ਗੈਜੇਟਸ ਮਾਰਕੀਟ ਵਿੱਚ ਉਪਲਬਧ ਹਨ। ਫਿਟਨੈਸ ਬੈਂਡ ਜੋ ਤੁਹਾਡੇ ਕਦਮਾਂ ਦੀ ਗਿਣਤੀ ਕਰਦੇ ਹਨ, ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਆਪਣੇ ਸਲੀਪਿੰਗ ਸਾਈਕਲ ਨੂੰ ਵੀ ਟ੍ਰੈਕ ਕਰਦੇ ਹੋ ਤਾਂ ਬਾਜ਼ਾਰ 'ਚ ਅਜਿਹੇ ਹੀ ਸਿਹਤ ਸੰਬੰਧੀ ਗੈਜੇਟਸ ਦਾ ਹੜ੍ਹ ਆ ਗਿਆ ਹੈ। ਇਸ ਸਾਲ ਸਮਾਰਟ ਵਾਚ ਨੂੰ ਵੀ ਕਾਫੀ ਪਸੰਦ ਕੀਤਾ ਗਿਆ, ਜੋ ਦਿਲ ਦੀ ਧੜਕਣ, ਪਲਸ ਰੇਟ 'ਤੇ ਵੀ ਨਜ਼ਰ ਰੱਖਦੀ ਹੈ।

ਹੋਮ ਜਿਮ : ਕਮਰਸ਼ੀਅਲ ਜਿੰਮ ਦਹਾਕਿਆਂ ਤੋਂ ਪ੍ਰਚਲਿਤ ਹਨ, ਪਰ ਕੋਰੋਨਾ ਤੋਂ ਬਾਅਦ, ਇਸ ਸਾਲ ਲੋਕਾਂ ਨੇ ਘਰਾਂ ਵਿੱਚ ਵੀ ਜਿੰਮ ਬਣਾਉਣ ਵਿੱਚ ਬਹੁਤ ਦਿਲਚਸਪੀ ਦਿਖਾਈ ਹੈ। ਇਸ ਸਾਲ ਕਈ ਲੋਕਾਂ ਨੇ ਆਪਣੇ ਘਰ 'ਚ ਹੀ ਜਿਮ ਤਿਆਰ ਕੀਤਾ ਹੈ ਤਾਂ ਜੋ ਉਨ੍ਹਾਂ ਨੂੰ ਕਿਸੇ ਵੀ ਸਥਿਤੀ 'ਚ ਫਿੱਟ ਰਹਿਣ ਲਈ ਵਰਕਆਊਟ ਕਰਨ 'ਚ ਕੋਈ ਦਿੱਕਤ ਨਾ ਆਵੇ। ਹਾਲਾਂਕਿ ਗੋਮ ਜਿੰਮ ਥੋੜੇ ਹੋਰ ਮਹਿੰਗੇ ਹੁੰਦੇ ਹਨ, ਫਿਰ ਵੀ ਲੋਕਾਂ ਦੀ ਇਸ ਵਿੱਚ ਬਹੁਤ ਦਿਲਚਸਪੀ ਹੈ।

ਯੋਗਾ : ਸਰੀਰ ਨੂੰ ਤੰਦਰੁਸਤ ਰੱਖਣ ਲਈ ਪੂਰੀ ਦੁਨੀਆ ਵਿਚ ਯੋਗ ਨੂੰ ਅਪਣਾਇਆ ਗਿਆ ਹੈ। ਭਾਰਤ ਤੋਂ ਇਲਾਵਾ ਕਈ ਦੇਸ਼ਾਂ 'ਚ ਇਸ ਸਾਲ ਯੋਗਾ ਤੇਜ਼ੀ ਨਾਲ ਮਸ਼ਹੂਰ ਹੋਇਆ ਹੈ। ਪਹਿਲਾਂ ਬਹੁਤ ਸਾਰੇ ਲੋਕ ਸਿਹਤਮੰਦ ਰਹਿਣ ਲਈ ਵੇਟ ਲਿਫਟਿੰਗ ਅਤੇ ਕਾਰਡੀਓ ਨੂੰ ਤਰਜੀਹ ਦਿੰਦੇ ਸਨ ਪਰ ਯੋਗਾ ਨੇ ਤੇਜ਼ੀ ਨਾਲ ਆਪਣੀ ਥਾਂ ਬਣਾਈ ਹੈ। ਯੋਗਾ ਘਰ 'ਚ ਆਸਾਨੀ ਨਾਲ ਕੀਤਾ ਜਾ ਸਕਦਾ ਹੈ ਅਤੇ ਇਸ ਲਈ ਕਿਸੇ ਵੀ ਤਰ੍ਹਾਂ ਦੇ ਉਪਕਰਨ ਦੀ ਜ਼ਰੂਰਤ ਨਹੀਂ ਹੁੰਦੀ, ਜਿਸ ਕਾਰਨ ਲੋਕ ਇਸ ਨੂੰ ਬਹੁਤ ਪਸੰਦ ਕਰਦੇ ਹਨ।

ਟਨੈਸ ਐਪਲੀਕੇਸ਼ਨ : ਸਾਲ 2021 ਵਿੱਚ, ਫਿੱਟ ਰਹਿਣ ਲਈ ਨਿੱਜੀ ਟ੍ਰੇਨਰਾਂ ਦੀ ਬਹੁਤ ਮੰਗ ਸੀ, ਇਸ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਆਪਣੇ ਡਾਈਟ ਪਲਾਨ, ਵਰਕਆਉਟ ਪਲਾਨ ਅਤੇ ਟਿਪਸ ਲਈ ਫਿਟਨੈਸ ਐਪਲੀਕੇਸ਼ਨ ਵਰਤੇ ਹਨ। ਇਹੀ ਕਾਰਨ ਹੈ ਕਿ ਇਸ ਸਾਲ ਕਈ ਫਿਟਨੈਸ ਟ੍ਰੇਨਰਾਂ ਨੇ ਆਨਲਾਈਨ ਕੋਚਿੰਗ ਦੇਣੀ ਸ਼ੁਰੂ ਕਰ ਦਿੱਤੀ ਹੈ।