• Home
  • »
  • News
  • »
  • national
  • »
  • 5 YEAR OLD GIRL SPENT NIGHTS IN HER DEAD MOTHERS ARMS IN BALANGIR DISTRICT OF ODISHA

ਤਿੰਨ ਦਿਨ ਮਾਂ ਦੀ ਲਾਸ਼ ਨਾਲ ਸੁੱਤੀ ਰਹੀ 5 ਸਾਲਾ ਬੱਚੀ, ਲਾਸ਼ 'ਚ ਕੀੜੇ ਪੈਣ 'ਤੇ ਲੱਗਾ ਪਤਾ

ਧੀ ਆਪਣੀ ਮਾਂ ਦੇ ਕੋਲ ਤਿੰਨ ਦਿਨ ਭੁੱਖੀ-ਪਿਆਸੀ ਰਹੀ ਅਤੇ ਸਮਝਦੀ ਰਹੀ ਕਿ ਉਸ ਦੀ ਬੀਮਾਰ ਮਾਂ ਸੁੱਤੀ ਪਈ ਹੈ

(ਸੰਕੇਤਕ ਫੋਟੋ)

  • Share this:
    ਪੱਛਮੀ ਓੜੀਸਾ ਦੇ ਬਲਾਂਗੀਰ (Balangir) ਸ਼ਹਿਰ 'ਚ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਪਿਛਲੇ ਤਿੰਨ ਦਿਨਾਂ ਤੋਂ ਪੰਜ ਸਾਲ ਦੀ ਬੱਚੀ ਆਪਣੀ ਮ੍ਰਿਤਕ ਮਾਂ ਨਾਲ ਚਿਪਕ ਕੇ ਸੁੱਤੀ ਪਈ ਸੀ।

    ਔਰਤ ਦੀ ਮੌਤ ਦਾ ਪਤਾ ਉਦੋਂ ਲੱਗਾ ਜਦੋਂ ਬੱਚੀ ਨੇ ਗੁਆਂਢੀ ਨੂੰ ਦੱਸਿਆ ਕਿ ਉਸ ਦੀ ਮਾਂ ਦੇ ਮੂੰਹ 'ਚੋਂ ਕੀੜੇ ਨਿਕਲ ਰਹੇ ਹਨ। ਉਸ ਨੇ ਦੱਸਿਆ ਕਿ ਉਹ ਆਪਣੀ ਮਾਂ ਨੂੰ ਜਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਪਰ ਉਹ ਸੁੱਤੀ ਪਈ ਹੈ ਅਤੇ ਉੱਠ ਨਹੀਂ ਰਹੀ। ਜਦੋਂ ਗੁਆਂਢੀਆਂ ਨੇ ਘਰ ਦੇ ਅੰਦਰ ਦੇਖਿਆ ਤਾਂ ਉਨ੍ਹਾਂ ਨੇ ਔਰਤ ਨੂੰ ਮ੍ਰਿਤਕ ਪਾਇਆ।

    ਘਟਨਾ ਦੀ ਸੂਚਨਾ ਮਿਲਦੇ ਹੀ ਥਾਣਾ ਬਲਾਂਗੀਰ ਦੀ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ। ਬਾਲ ਭਲਾਈ ਕਮੇਟੀ ਵੱਲੋਂ ਬੱਚੇ ਨੂੰ ਆਸ਼ਰਮ ਭੇਜ ਦਿੱਤਾ ਗਿਆ ਹੈ।

    ਜਾਣਕਾਰੀ ਅਨੁਸਾਰ ਕਰੀਬ ਡੇਢ ਸਾਲ ਪਹਿਲਾਂ ਕੁਨੀ ਨਾਇਕ ਨਾਂ ਦੀ ਔਰਤ ਕਿਧਰੋਂ ਬਲਾਂਗਰੀ ਵਿਖੇ ਰਹਿਣ ਲਈ ਆਈ ਸੀ। ਕੁਨੀ ਆਪਣੀ ਮਾਸੂਮ ਧੀ ਨਾਲ ਸਾਗਰਪਾੜਾ ਦੇ ਸ਼ਿਵ ਮੰਦਰ ਨੇੜੇ ਰਹਿੰਦੇ ਪਰਿਵਾਰ ਦੀ ਮਦਦ ਨਾਲ ਉਨ੍ਹਾਂ ਦੇ ਘਰ ਨੇੜੇ ਰਹਿਣ ਲੱਗੀ।

    ਕੁਨੀ ਨੇ ਲੋਕਾਂ ਨੂੰ ਦੱਸਿਆ ਕਿ ਉਸ ਦੇ ਪਤੀ ਦੀ ਮੌਤ ਹੋ ਚੁੱਕੀ ਹੈ ਅਤੇ ਉਸ ਦੇ ਸਹੁਰੇ ਵਾਲੇ ਉਸ ਨੂੰ ਰੱਖਣ ਲਈ ਤਿਆਰ ਨਹੀਂ ਹਨ। ਉਸ ਨੇ ਦੱਸਿਆ ਕਿ ਉਹ ਆਪਣੇ ਪੇਕੇ ਘਰ ਵੀ ਗਈ ਸੀ ਪਰ ਉੱਥੇ ਵੀ ਉਸ ਲਈ ਦਰਵਾਜ਼ੇ ਬੰਦ ਸਨ। ਇਸ ਤੋਂ ਬਾਅਦ ਉਹ ਆਪਣੀ ਮਾਸੂਮ ਬੇਟੀ ਆਦੀਆ ਨਾਲ ਬਲਾਂਗੀਰ ਆ ਗਈ।

    ਸੋਮਵਾਰ ਸਵੇਰੇ ਜਦੋਂ ਕੁਨੀ ਦੀ ਬੇਟੀ ਆਦੀਆ ਨੇ ਆਪਣੀ ਮਾਂ ਦੇ ਮੂੰਹ 'ਚੋਂ ਕੀੜੇ ਨਿਕਲਣ ਬਾਰੇ ਗੁਆਂਢੀਆਂ ਨੂੰ ਦੱਸਿਆ ਤਾਂ ਉਸ ਦੀ ਮੌਤ ਦਾ ਪਤਾ ਲੱਗਾ। ਆਪਣੀ ਮਾਂ ਦੀ ਮੌਤ ਤੋਂ ਅਣਜਾਣ, ਧੀ ਆਪਣੀ ਮਾਂ ਦੇ ਕੋਲ ਤਿੰਨ ਦਿਨ ਭੁੱਖੀ-ਪਿਆਸੀ ਰਹੀ ਅਤੇ ਸਮਝਦੀ ਰਹੀ ਕਿ ਉਸ ਦੀ ਬੀਮਾਰ ਮਾਂ ਸੁੱਤੀ ਪਈ ਹੈ।
    Published by:Gurwinder Singh
    First published: