ਨੋਇਡਾ 'ਚ ਆਵਾਰਾ ਕੁੱਤੇ ਦਾ ਕਹਿਰ; ਨੋਚ-ਨੋਚ ਕੇ ਮਾਰ ਸੁੱਟਿਆ 7 ਮਹੀਨੇ ਦਾ ਮਾਸੂਮ

Street Dog Killed 7 months Old Baby: ਕੁੱਤਿਆਂ ਦਾ ਕਹਿਰ ਰੁਕਣ ਦਾ ਨਾਂਅ ਨਹੀਂ ਲੈ ਰਿਹਾ ਹੈ। ਹੁਣ ਨੋਇਡਾ ਵਿੱਚ ਇੱਕ ਆਵਾਰਾ ਕੁੱਤੇ ਵੱਲੋਂ 7 ਮਹੀਨੇ 'ਤੇ ਹਮਲਾ ਕੀਤਾ ਗਿਆ। ਹਮਲੇ ਵਿੱਚ ਕੁੱਤੇ ਨੇ ਨੋਚ ਨੋਚ ਕੇ ਮਾਸੂਮ ਦੀ ਜਾਨ ਲੈ ਲਈ। ਘਟਨਾ ਨੋਇਡਾ ਦੇ ਸੈਕਟਰ 39 ਖੇਤਰ ਦੀ ਹੈ, ਜਿਥੇ ਬੱਚੇ ਦੇ ਮਾਤਾ ਪਿਤਾ ਲੋਟਸ ਬਲੂ ਬਰਡ ਸੁਸਾਇਟੀ ਵਿੱਚ ਮਜਦੂਰੀ ਦਾ ਕੰਮ ਕਰਦੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਬੱਚੇ ਨੂੰ ਜਮੀਨ 'ਤੇ ਕੱਪੜਾ ਵਿੱਛਾ ਕੇ ਸੁਲਾ ਰੱਖਿਆ ਸੀ ਕਿ ਇੱਗ ਆਵਾਰਾ ਕੁੱਤੇ ਨੇ ਹਮਲਾ ਕਰ ਦਿੱਧਤਾ। ਬੱਚੇ ਨੂੰ ਭਾਵੇਂ ਤੁਰੰਤ ਹਸਪਤਾਲ ਦਾਖਲ ਕਰਵਾਇਆ ਗਿਆ, ਪਰੰਤੂ ਉਸਦੀ ਮੌਤ ਹੋ ਗਈ।

ਪਿਛਲੇ ਕੁੱਝ ਦਿਨਾਂ ਦੌਰਾਨ ਨੋਇਡਾ ਅਤੇ ਗਾਜੀਆਬਾਦ ਵਿੱਚ ਕੁੱਤਿਆਂ ਦੇ ਹਮਲਾ ਲਗਾਤਾਰ ਵਧੇ ਹਨ, ਜਿਸ ਨੂੰ ਲੈ ਕੇ ਨਿਗਮ ਵੱਲੋਂ ਪਿਟਬੁਲ, ਰੋਟਵਿਲਰ ਵਰਗੇ ਖਤਰਨਾਕ ਕੁੱਤਿਆਂ 'ਤੇ ਪਾਬੰਦੀ ਵੀ ਲਾਈ ਜਾ ਰਹੀ ਹੈ। ਇਸਤੋਂ ਪਹਿਲਾਂ ਸੈਕਟਰ 23 ਵਿੱਚ ਵੀ ਪਿਟਬੁਲ ਕੁੱਤੇ ਨੇ 10 ਸਾਲ ਦੇ ਬੱਚੇ 'ਤੇ ਹਮਲਾ ਕੀਤਾ ਸੀ, ਜਿਸ ਦਾ ਬਹੁਤ ਮੁਸ਼ਕਿਲ ਨਾਲ ਬਚਾਅ ਹੋਇਆ ਸੀ।

ਜਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਨੋਇਡਾ ਦੇ ਰਾਜਨਗਰ ਐਕਸਟੈਂਸ਼ਨ ਦੀ ਚਾਰਮਸ ਕੈਸਲ ਸੋਸਾਇਟੀ ਦੀ ਲਿਫਟ ਵਿੱਚ ਇੱਕ ਬੇਗੁਨਾਹ ਕੁੱਤੇ ਨੇ ਇੱਕ ਮਾਸੂਮ ਬੱਚੇ 'ਤੇ ਹਮਲਾ ਕਰ ਦਿੱਤਾ ਸੀ। ਘਟਨਾ 'ਚ ਬੱਚਾ ਜ਼ਖਮੀ ਹੋ ਗਿਆ। ਇਸ ਤੋਂ ਬਾਅਦ ਕੁੱਤੇ ਦੀ ਅੜੀਅਲ ਮਾਲਕਣ ਦਾ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਗਿਆ।

ਉਥੇ, ਲਖਨਊ ਦੇ ਪਿਟਬੁਲ ਕੁੱਤੇ ਦੇ ਹਮਲੇ ਨੂੰ ਭੁਲਾਇਆ ਨਹੀਂ ਜਾ ਸਕਦਾ। ਹਮਲੇ ਵਿੱਚ ਇੱਕ ਬਜ਼ੁਰਗ ਔਰਤ ਦੀ ਮੌਤ ਹੋ ਗਈ। ਇੱਥੇ ਇੱਕ ਪਾਲਤੂ ਪਿਟਬੁਲ ਕੁੱਤੇ ਬਰਾਊਨੀ ਨੇ ਆਪਣੀ ਮਾਲਕਣ 'ਤੇ ਹਮਲਾ ਕਰ ਦਿੱਤਾ। ਉਸ ਨੂੰ ਕੁੱਟ-ਕੁੱਟ ਕੇ ਮਾਰ ਦਿੱਤਾ ਗਿਆ, ਜਿਸ ਤੋਂ ਬਾਅਦ 14 ਜੁਲਾਈ ਨੂੰ ਨਗਰ ਨਿਗਮ ਦੀ ਟੀਮ ਨੇ ਕੁੱਤੇ ਨੂੰ ਐਨੀਮਲ ਬਰਥ ਕੰਟਰੋਲ ਸੈਂਟਰ ਹਸਪਤਾਲ ਭੇਜਿਆ।