ਕਪੜੇ ਦੀ ਦੁਕਾਨ ਉਤੇ ਹਰ ਰੋਜ਼ ਆਰਾਮ ਕਰਨ ਆਉਂਦੀ ਹੈ ਵਿਸ਼ੇਸ਼ ਮਹਿਮਾਨ

News18 Punjab
Updated: November 7, 2019, 6:53 PM IST
share image
ਕਪੜੇ ਦੀ ਦੁਕਾਨ ਉਤੇ ਹਰ ਰੋਜ਼ ਆਰਾਮ ਕਰਨ ਆਉਂਦੀ ਹੈ ਵਿਸ਼ੇਸ਼ ਮਹਿਮਾਨ
ਕਪੜੇ ਦੀ ਦੁਕਾਨ ਉਤੇ ਹਰ ਰੋਜ਼ ਆਰਾਮ ਕਰਨ ਆਉਂਦੀ ਹੈ ਵਿਸ਼ੇਸ਼ ਮਹਿਮਾਨ

ਦੁਕਾਨ ਦੇ ਮਾਲਕ ਓਬੈਯਾ ਦੱਸਦੇ ਹਨ ਕਿ ਗਾਂ ਪਿਛਲੇ ਛੇ ਮਹੀਨੇ ਤੋਂ ਸਾਡੀ ਦੁਕਾਨ ਵਿਚ ਆ ਰਹੀ ਹੈ। ਇਸ ਨਾਲ ਸਾਡਾ ਕਾਰੋਬਾਰ ਵਿਚ ਵਾਧਾ ਹੋਇਆ ਹੈ। ਇਸ ਦੁਕਾਨ 'ਤੇ ਆਉਣ ਵਾਲੇ ਲੋਕ ਗਾਂ ਦੀ ਪੂਜਾ ਕਰਦੇ ਹਨ, ਗਾਂ  ਦਾ ਆਸ਼ੀਰਵਾਦ ਲੈਂਦੇ ਹਨ ਅਤੇ ਪਵਿੱਤਰ ਮੌਕਿਆਂ' ਤੇ ਇਸ ਨੂੰ ਕੱਪੜੇ ਭੇਟ ਕਰਦੇ ਹਨ।

  • Share this:
  • Facebook share img
  • Twitter share img
  • Linkedin share img
ਹੈਦਰਾਬਾਦ ਵਿਚ ਕਪੜੇ ਦੀ ਇਕ ਦੁਕਾਨ ਵਿਚ ਜਿੱਥੇ ਗਾਹਕਾਂ ਦਾ ਆਉਣਾ ਜਾਣਾ ਲੱਗਾ ਰਹਿੰਦਾ ਹੈ। ਇਥੇ ਇਕ ਗਾਂ ਵੀ ਆਰਾਮ ਕਰਦੀ ਹੈ। ਦੁਕਾਨ ਵਿਚ ਇਕ ਅਜਿਹਾ ਗੱਦਾ ਲੱਗਾ ਹੈ ਜਿਥੇ ਗਾਂ ਆ ਕੇ ਬੈਠ ਜਾਂਦੀ ਹੈ ਅਤੇ ਦੁਕਾਨ ਦਾ ਮਾਲਕ ਅਤੇ ਗਾਹਕ ਬੜੇ ਆਰਾਮ ਨਾਲ ਆਪਣਾ ਕੰਮ ਕਰਦੇ ਰਹਿੰਦੇ ਹਨ।

ਓਬਈਆ ਇਸ ਦੁਕਾਨ ਦਾ ਮਾਲਕ ਹੈ। ਓਬਈਆ ਦੀ ਦੁਕਾਨ ਮਾਇਆਦੁਕੂਰ ਦੀ ਮਾਰਕੀਟ ਵਿਚ ਹੈ। ਉਸ ਦੀ ਦੁਕਾਨ ਦਾ ਨਾਮ 'ਸਾਈਰਾਮ ਕਪੜੇ ਦੀ ਦੁਕਾਨ' ਹੈ। ਓਬਈਆ ਦਾ ਕਹਿਣਾ ਹੈ ਕਿ ਉਹ ਉਸ ਲਈ ‘ਗੋਮਾਤਾ’ ਹੈ। ਉਹ ਦੱਸਦੇ ਹਨ ਕਿ ਗਾਂ ਕਿਸੇ ਲਈ ਕਿਸੇ ਵੀ ਕਿਸਮ ਦੀ ਮੁਸ਼ਕਲ ਪੈਦਾ ਕੀਤੇ ਬਿਨਾਂ ਸਿੱਧੇ ਦੁਕਾਨ ਵਿਚ ਪਈ ਹੋਈ ਚਟਾਈ ਦੇ ਕੋਲ ਜਾਂਦੀ ਹੈ ਅਤੇ ਉਥੇ ਬੈਠ ਕੇ ਆਰਾਮ ਨਾਲ ਬੈਠ ਜਾਂਦੀ ਹੈ। ਇਹ ਬਿਸਤਰੇ ਗਾਹਕਾਂ ਦੇ ਬੈਠਣ ਲਈ ਉਥੇ ਰੱਖੇ ਗਏ ਹਨ। ਗਾਂ ਦੋ ਤਿੰਨ ਘੰਟੇ ਆਰਾਮ ਕਰਨ ਤੋਂ ਬਾਅਦ ਦੁਕਾਨ ਤੋਂ ਬਾਹਰ ਚਲੀ ਜਾਂਦੀ ਹੈ। ਮਜ਼ੇ ਦੀ ਗੱਲ ਇਹ ਹੈ ਕਿ ਦੁਕਾਨ ਵਿਚ ਆਰਾਮ ਕਰਦੇ ਸਮੇਂ, ਉਹ ਨਾ ਤਾਂ ਪਿਸ਼ਾਬ ਕਰਦੀ ਹੈ ਅਤੇ ਨਾ ਹੀ ਗੋਬਰ।

ਦੁਕਾਨ ਦੇ ਮਾਲਕ ਓਬੈਯਾ ਦੱਸਦੇ ਹਨ ਕਿ ਗਾਂ ਪਿਛਲੇ ਛੇ ਮਹੀਨੇ ਤੋਂ ਸਾਡੀ ਦੁਕਾਨ ਵਿਚ ਆ ਰਹੀ ਹੈ। ਸ਼ੁਰੂ ਵਿਚ, ਸਾਨੂੰ ਡਰ ਸੀ ਕਿ ਇਸ ਦੀ ਆਮਦ ਸਾਡੇ ਕਾਰੋਬਾਰ ਨੂੰ ਪ੍ਰਭਾਵਤ ਕਰੇਗੀ ਅਤੇ ਅਸੀਂ ਉਸ ਨੂੰ ਦੁਕਾਨ ਤੋਂ ਭਜਾਉਣ ਦੀ ਕੋਸ਼ਿਸ਼ ਕੀਤੀ। ਪਰ ਅਸੀਂ ਬਾਅਦ ਵਿਚ ਇਕ ਸਮਝੌਤਾ ਕੀਤਾ। ਸਾਡੀ ਦੁਕਾਨ ਵਿਚ ਕੰਮ ਕਰ ਰਹੇ ਲੋਕ ਵੀ ਇਹ ਸਮਝ ਗਏ ਕਿ ਇਹ ਗਾਂ ਦੁਕਾਨ ਵਿਚ ਕਿਸੇ ਨੂੰ ਨੁਕਸਾਨ ਨਹੀਂ ਪਹੁੰਚਾਉਂਦੀ ਅਤੇ ਗਾਂ ਦੀ ਆਮਦ ਨਾਲ ਸਾਡੀ ਪ੍ਰਸਿੱਧੀ ਆਸ ਪਾਸ ਦੇ ਇਲਾਕਿਆਂ ਵਿੱਚ ਫੈਲ ਗਈ ਹੈ। ਇਸ ਨਾਲ ਸਾਡਾ ਕਾਰੋਬਾਰ ਵਿਚ ਵਾਧਾ ਹੋਇਆ ਹੈ। ਇਸ ਦੁਕਾਨ 'ਤੇ ਆਉਣ ਵਾਲੇ ਲੋਕ ਗਾਂ ਦੀ ਪੂਜਾ ਕਰਦੇ ਹਨ, ਗਾਂ  ਦਾ ਆਸ਼ੀਰਵਾਦ ਲੈਂਦੇ ਹਨ ਅਤੇ ਪਵਿੱਤਰ ਮੌਕਿਆਂ' ਤੇ ਇਸ ਨੂੰ ਕੱਪੜੇ ਭੇਟ ਕਰਦੇ ਹਨ।

ਓਬੈਯਾ ਦੀ ਪਤਨੀ ਅਤੇ ਉਸਦੇ ਗੁਆਂਢੀ ਵਪਾਰੀ ਹਰ ਰੋਜ਼ ਇਸ 'ਗੋਮਤਾ' ਦੀ ਪੂਜਾ ਕਰਦੇ ਹਨ। ਇਕ ਸਥਾਨਕ ਆਦਮੀ ਮਨੋਹਰ ਦਾ ਕਹਿਣਾ ਹੈ, 'ਹਾਲਾਂਕਿ ਇਸ ਮਾਰਕੀਟ ਵਿਚ ਬਹੁਤ ਸਾਰੀਆਂ ਦੁਕਾਨਾਂ ਹਨ, ਪਰ ਗਾਂ ਸਿਰਫ ਸਾਈਰਾਮ ਕਪੜਿਆਂ ਦੀ ਦੁਕਾਨ ਵਿਚ ਆਉਂਦੀ ਹੈ। ਓਬੈਯਾ ਖੁਸ਼ਕਿਸਮਤ ਹੈ।'
First published: November 7, 2019
ਹੋਰ ਪੜ੍ਹੋ
ਅਗਲੀ ਖ਼ਬਰ
corona virus btn
corona virus btn
Loading