Home /News /national /

ਇਸ ਪਿੰਡ ਵਿਚ ਖਰੀਦਿਆ ਤੇ ਵੇਚਿਆ ਨਹੀਂ ਜਾਂਦਾ ਦੁੱਧ, ਜਿਸ ਨੇ ਅਜਿਹਾ ਕੀਤਾ ਬਰਬਾਦ ਹੋ ਗਏ

ਇਸ ਪਿੰਡ ਵਿਚ ਖਰੀਦਿਆ ਤੇ ਵੇਚਿਆ ਨਹੀਂ ਜਾਂਦਾ ਦੁੱਧ, ਜਿਸ ਨੇ ਅਜਿਹਾ ਕੀਤਾ ਬਰਬਾਦ ਹੋ ਗਏ

ਇਸ ਪਿੰਡ ਵਿਚ ਖਰੀਦਿਆ ਤੇ ਵੇਚਿਆ ਨਹੀਂ ਜਾਂਦਾ ਦੁੱਧ, ਜਿਸ ਨੇ ਅਜਿਹਾ ਕੀਤਾ ਬਰਬਾਦ ਹੋ ਗਏ (ਸੰਕੇਤਕ ਫੋਟੋ)

ਇਸ ਪਿੰਡ ਵਿਚ ਖਰੀਦਿਆ ਤੇ ਵੇਚਿਆ ਨਹੀਂ ਜਾਂਦਾ ਦੁੱਧ, ਜਿਸ ਨੇ ਅਜਿਹਾ ਕੀਤਾ ਬਰਬਾਦ ਹੋ ਗਏ (ਸੰਕੇਤਕ ਫੋਟੋ)

  • Share this:
    ਕੀ ਤੁਸੀਂ ਵਿਸ਼ਵਾਸ ਕਰੋਗੇ ਕਿ ਭਾਰਤ ਵਿਚ ਇਕ ਅਜਿਹਾ ਪਿੰਡ ਹੈ ਜਿੱਥੇ ਲੋਕ ਦੁੱਧ ਖਰੀਦਦੇ ਜਾਂ ਵੇਚਦੇ ਨਹੀਂ ਹਨ। ਜੇ ਕੋਈ ਲੋੜਵੰਦ ਹੈ, ਉਸ ਨੂੰ ਦੁੱਧ ਮੁਫਤ ਦਿੱਤਾ ਜਾਂਦਾ ਹੈ। ਇਥੋਂ ਤੱਕ ਕਿ ਪਿੰਡ ਵਾਸੀਆਂ ਨੂੰ ਇਕ ਲੀਟਰ ਦੁੱਧ ਦੀ ਕੀਮਤ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਜੇ ਤੁਸੀਂ ਇਸ 'ਤੇ ਵਿਸ਼ਵਾਸ ਨਹੀਂ ਕਰਦੇ, ਤਾਂ ਅਸੀਂ ਦੱਸਦੇ ਹਾਂ ਕਿ ਆਂਧਰਾ ਪ੍ਰਦੇਸ਼ ਦੇ ਗੰਜੀਹੱਲੀ ਪਿੰਡ (Ganjihalli village) ਵਿਚ ਸਾਲਾਂ ਤੋਂ ਇਹ ਰੀਤ ਚੱਲ ਰਹੀ ਹੈ।

    ਕੁਰਨੂਲ ਜ਼ਿਲ੍ਹੇ ਦੇ ਗੋਨਗੰਡਲਾ ਮੰਡਲ ਦੇ 1100 ਪਰਿਵਾਰਾਂ ਵਾਲੇ ਪਿੰਡ ਗੰਜੀਹੱਲੀ ਵਿੱਚ 4750 ਲੋਕ ਰਹਿੰਦੇ ਹਨ। ਇੱਥੇ 120 ਗਾਵਾਂ ਅਤੇ 20 ਮੱਝਾਂ ਹਨ। ਉਨ੍ਹਾਂ ਦੇ ਮਾਲਕ ਹਰ ਰੋਜ਼ ਇਕ ਹਜ਼ਾਰ ਲੀਟਰ ਦੁੱਧ ਦਾ ਉਤਪਾਦਨ ਕਰਦੇ ਹਨ। ਖਾਸ ਗੱਲ ਇਹ ਹੈ ਕਿ ਇਹ ਉਤਪਾਦ ਡੇਅਰੀ ਜਾਂ ਲੋਕਾਂ ਨੂੰ ਨਹੀਂ ਵੇਚਿਆ ਜਾਂਦਾ ਹੈ। ਨਾਲ ਹੀ ਪਿੰਡ ਵਾਲੇ ਇਸ ਨੂੰ ਖਰੀਦਦੇ ਵੀ ਨਹੀਂ ਹਨ। ਇੱਥੇ ਦੁੱਧ ਬਿਨਾਂ ਕਿਸੇ ਅਦਾਇਗੀ ਦੇ ਦਿੱਤਾ ਜਾਂਦਾ ਹੈ। ਪਿੰਡ ਵਾਸੀ ਸਾਲਾਂ ਤੋਂ ਇਸ ਨਿਯਮ ਦਾ ਪਾਲਣ ਕਰ ਰਹੇ ਹਨ।

    40 ਸਾਲ ਪੁਰਾਣੀ ਕਹਾਣੀ...
    ਤਕਰੀਬਨ ਚਾਰ ਦਹਾਕੇ ਪਹਿਲਾਂ ਪਿੰਡ ਵਿਚ ਇਕ 'ਬੜੇ ਸਾਹਿਬ' ਰਹਿੰਦੇ ਸਨ। ਇਥੇ ਉਨ੍ਹਾਂ ਦੇ ਨਾਮ ਇਕ ਦਰਗਾਹ ਵੀ ਹੈ। ਬੜੇ ਸਾਹਿਬ ਨੂੰ ਪਿੰਡ ਦੇ ਨਾਗੀ ਰੈਡੀ ਤੋਂ ਮੁਫਤ ਦੁੱਧ ਮਿਲਦਾ ਸੀ। ਇਕ ਵਾਰ ਉਸ ਦਾ ਬੇਟਾ ਹੁਸੈਨ ਸਾਹਿਬ ਹੱਥ ਵਿਚ ਕਟੋਰਾ ਲੈ ਕੇ ਦੁੱਧ ਲੈਣ ਰੈਡੀ ਦੇ ਘਰ ਗਿਆ, ਪਰ ਗਾਂ ਦੀ ਮੌਤ ਹੋਣ ਕਾਰਨ ਉਸ ਨੂੰ ਦੁੱਧ ਨਹੀਂ ਮਿਲ ਸਕਿਆ। ਜਦੋਂ ਉਸ ਨੂੰ ਇਸ ਬਾਰੇ ਪਤਾ ਲੱਗਿਆ ਤਾਂ ਬੜੇ ਸਾਹਿਬ ਨੇ ਹੁਸੈਨ ਸਾਹਿਬ ਨੂੰ ਪਿੰਡ ਦੇ ਕਿਸੇ ਹੋਰ ਘਰ ਤੋਂ ਦੁੱਧ ਲਿਆਉਣ ਲਈ ਕਿਹਾ।

    ਹਾਲਾਂਕਿ, ਹਰ ਕਿਸੇ ਦੇ ਇਨਕਾਰ ਦੇ ਕਾਰਨ ਉਸ ਨੂੰ ਕਿਸੇ ਘਰ ਤੋਂ ਦੁੱਧ ਨਹੀਂ ਮਿਲਿਆ। ਕਿਹਾ ਜਾਂਦਾ ਹੈ ਕਿ ਇਸ ਤੋਂ ਬਾਅਦ ਉਸ ਨੇ ਨਾਗੀ ਰੈਡੀ ਦੀ ਮਰੀ ਹੋਈ ਗਾਂ ਨੂੰ ਜੀਵਨ ਦਾਨ ਦਿੱਤਾ। ਉਨ੍ਹਾਂ ਕਿਹਾ ਸੀ ਕਿ ਪਿੰਡ ਵਾਸੀਆਂ ਨੂੰ ਦੁੱਧ ਵੇਚਣਾ ਜਾਂ ਖਰੀਦਣਾ ਨਹੀਂ ਚਾਹੀਦਾ ਅਤੇ ਇਸ ਨੂੰ ਸਾਰੇ ਲੋਕਾਂ ਨੂੰ ਮੁਫਤ ਦਿੱਤਾ ਜਾਣਾ ਚਾਹੀਦਾ ਹੈ। ਸਰਾਪ ਦਿੱਤਾ ਗਿਆ ਕਿ ਜਿਹੜੇ ਪਰਿਵਾਰ ਇਸ ਦੀ ਪਾਲਣਾ ਨਹੀਂ ਕਰਨਗੇ ਉਹ ਬਰਬਾਦ ਹੋ ਜਾਣਗੇ।

    ਕੁਝ ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਜਿਨ੍ਹਾਂ ਪਰਿਵਾਰਾਂ ਨੇ ਇਨ੍ਹਾਂ ਨਿਯਮਾਂ ਦੀ ਪਾਲਣਾ ਨਹੀਂ ਕੀਤੀ, ਉਹ ਵਿੱਤੀ ਤੌਰ ਉਤੇ ਟੁੱਟ ਗਏ। ਪਿੰਡ ਦਾ ਹਰ ਪਰਿਵਾਰ ਇਸ ਨਿਯਮ ਨੂੰ ਮੰਨਦਾ ਹੈ। ਪਿੰਡ ਵਿੱਚ ਹੋਟਲ ਜਾਂ ਚਾਹ ਦੀ ਦੁਕਾਨ ਨੂੰ ਕਾਰੋਬਾਰ ਲਈ ਦੂਜੇ ਪਿੰਡਾਂ ਤੋਂ ਦੁੱਧ ਖਰੀਦਣਾ ਪੈਂਦਾ ਹੈ।
    Published by:Gurwinder Singh
    First published:

    Tags: Andhra Pradesh, Milk

    ਅਗਲੀ ਖਬਰ