ਹਰਿਆਣਾ ਦੇ ਕਿਸਾਨ ਨੇ ਸਿਰਫ 1 ਏਕੜ 'ਚ ਗੋਭੀ ਬੀਜ ਕੇ 2 ਮਹੀਨਿਆਂ 'ਚ ਕੀਤੀ ਮੋਟੀ ਕਮਾਈ

Agriculture News: ਕੁਝ ਉਦਮੀ ਕਿਸਾਨ ਰਵਾਇਤੀ ਫਸਲਾਂ ਦੇ ਨਾਲ-ਨਾਲ ਸਬਜ਼ੀਆਂ ਬੀਜ ਕੇ ਚੋਖਾ ਮੁਨਾਫਾ ਕਮਾ ਰਹੇ ਹਨ। ਇਸ ਵਾਰ ਸਬਜ਼ੀਆਂ ਦੇ ਭਾਅ ਆਸਮਾਨੀ ਚੜ੍ਹੇ ਹੋਏ ਹਨ। ਜਿਸ ਕਾਰਨ ਸਬਜ਼ੀ ਬੀਜਣ ਵਾਲੇ ਕਿਸਾਨਾਂ ਮੁਨਾਫਾ ਕਮਾ ਰਹੇ ਹਨ।

ਫੁੱਲ ਗੋਭੀ ਆਮ ਤੌਰ 'ਤੇ ਸਭ ਤੋਂ ਆਸਾਨੀ ਨਾਲ ਉਪਲਬਧ ਸਬਜ਼ੀ ਹੈ। ਜਿਸ ਦੀ ਵਰਤੋਂ ਸਿਰਫ਼ ਸਬਜ਼ੀਆਂ ਬਣਾਉਣ ਲਈ ਹੀ ਨਹੀਂ ਸਗੋਂ ਵੱਖ-ਵੱਖ ਸੁਆਦੀ ਪਕਵਾਨ ਬਣਾਉਣ ਲਈ ਵੀ ਕੀਤੀ ਜਾਂਦੀ ਹੈ। ਅੱਜ ਅਸੀਂ ਤੁਹਾਨੂੰ ਹਰਿਆਣਾ ਦੇ ਕਰਨਾਲ ਜ਼ਿਲ੍ਹੇ ਦੇ ਪਿੰਡ ਗੁਲਾਰਪੁਰ ਦੇ ਕਿਸਾਨ ਵਿਨੋਦ ਕੁਮਾਰ ਬਾਰੇ ਦੱਸਣ ਜਾ ਰਹੇ ਹਾਂ, ਜੋ 1 ਏਕੜ ਵਿੱਚ ਹਾਈਬ੍ਰਿਡ ਫੁੱਲ ਗੋਭੀ ਲਗਾ ਕੇ ਬਹੁਤ ਖੁਸ਼ ਹੈ।

ਵਿਨੋਦ ਕੁਮਾਰ ਨੇ 6X9 ਇੰਚ ਦੀ ਦੂਰੀ 'ਤੇ ਗੋਭੀ (Cauliflower) ਦੀ ਬਿਜਾਈ ਕੀਤੀ ਹੈ। ਵਿਨੋਦ ਕੁਮਾਰ ਅਨੁਸਾਰ ਕਰੀਬ 68 ਦਿਨਾਂ ਬਾਅਦ ਉਸ ਦੀ ਗੋਭੀ ਦੀ ਫ਼ਸਲ ਤਿਆਰ ਹੋ ਗਈ ਗਈ। ਜਿਸ ਨੂੰ ਉਸ ਨੇ ਦੋ ਦਿਨਾਂ ਦੇ ਵਕਫੇ 'ਤੇ 8 ਤੋਂ 10 ਵਾਰ ਕੱਟ ਕੇ ਮੰਡੀ 'ਚ ਵੇਚਿਆ।

ਵਿਨੋਦ ਰਵਾਇਤੀ ਤੌਰ 'ਤੇ ਲਗਭਗ 28 ਤੋਂ 30 ਫੁੱਲਾਂ ਨੂੰ ਫੁਆਇਲਾਂ ਵਿੱਚ ਇੱਕ ਦੂਜੇ ਦੇ ਉੱਪਰ ਰੱਖ ਕੇ ਪੈਕ ਕਰਦੇ ਹਨ, ਜਿਨ੍ਹਾਂ ਦਾ ਭਾਰ 30 ਤੋਂ 32 ਕਿਲੋ ਹੁੰਦਾ ਹੈ। ਇਸ ਤਰ੍ਹਾਂ 28 ਤੋਂ 30 ਫੁਆਇਲ 210 ਰੁਪਏ ਪ੍ਰਤੀ ਫੁਆਇਲ ਵੇਚ ਕੇ 6300 ਰੁਪਏ ਕਮਾ ਲੈਂਦਾ ਹੈ। ਇਸ ਤਰ੍ਹਾਂ ਇਸ ਸਾਲ ਗੋਭੀ ਦੀ ਫਸਲ ਬੀਜ ਕੇ ਉਸ ਨੇ 68 ਦਿਨਾਂ ਵਿੱਚ 6600 ਕਿਲੋ ਉਤਪਾਦਨ ਲਿਆ ਅਤੇ ਇਸ ਤੋਂ ਉਸ ਨੇ 68,870 ਰੁਪਏ ਕਮਾਏ।

ਵਿਨੋਦ ਕੁਮਾਰ ਨੇ ਦੱਸਿਆ ਕਿ ਜ਼ਿਆਦਾਤਰ ਗੋਭੀ ਲੁਆਈ ਤੋਂ 60-75 ਦਿਨਾਂ ਬਾਅਦ ਕਟਾਈ ਲਈ ਤਿਆਰ ਹੋ ਜਾਂਦੀ ਹੈ। ਹਾਲਾਂਕਿ, ਵਾਢੀ ਦਾ ਸਮਾਂ ਮੁੱਖ ਤੌਰ 'ਤੇ ਉਨ੍ਹਾਂ ਦੀਆਂ ਕਿਸਮਾਂ ਦੇ ਨਾਲ-ਨਾਲ ਉਨ੍ਹਾਂ ਦੀਆਂ ਵਾਤਾਵਰਣ ਦੀਆਂ ਸਥਿਤੀਆਂ 'ਤੇ ਨਿਰਭਰ ਕਰਦਾ ਹੈ।

ਕਿਸਮਾਂ 'ਤੇ ਨਿਰਭਰ ਕਰਦਿਆਂ, ਅਸੀਂ ਫੁੱਲਾਂ ਦੇ ਢੁਕਵੇਂ ਆਕਾਰ ਦੇ ਹੋਣ ਤੋਂ ਬਾਅਦ ਗੋਭੀ ਦੀ ਕਟਾਈ ਕਰ ਸਕਦੇ ਹਾਂ। ਸ਼ਾਮ ਨੂੰ ਕੈਂਚੀ ਜਾਂ ਚਾਕੂ ਨਾਲ ਫ਼ਸਲ ਦੀ ਕਟਾਈ ਕੀਤੀ ਜਾਂਦੀ ਹੈ।