ਇਥੇ ਲੁਕ ਕੇ ਰਹਿ ਰਹੇ ਨੇ ਏਲੀਅਨ, ਵਿਗਿਆਨੀਆਂ ਨੇ ਲੱਭਿਆ ਟਿਕਾਣਾ! ਖਾਣਾ-ਪਾਣੀ ਸਭ ਦਾ ਲੈਂਦੇ ਨੇ ਅਨੰਦ...

ਪਿਛਲੇ ਕਈ ਸਾਲਾਂ ਤੋਂ ਵਿਗਿਆਨੀ ਏਲੀਅਨ (aliens) ਦੀ ਭਾਲ ਵਿਚ ਹਨ। ਤੁਸੀਂ ਅੱਜ ਤੱਕ ਕਈ ਵਿਗਿਆਨਕ ਫਿਲਮਾਂ ਵਿਚ ਏਲੀਅਨ ਨੂੰ ਦੇਖਿਆ ਹੋਵੇਗਾ। ਜੇਕਰ ਅਸਲ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਕਈ ਅਜਿਹੇ ਵੀਡੀਓ ਸਾਹਮਣੇ ਆਉਂਦੇ ਰਹਿੰਦੇ ਹਨ, ਜਿਨ੍ਹਾਂ 'ਚ ਏਲੀਅਨਜ਼ ਨੂੰ ਦੇਖਣ ਦਾ ਦਾਅਵਾ ਕੀਤਾ ਜਾਂਦਾ ਹੈ।

ਪਰ ਅਕਸਰ ਉਹਨਾਂ ਨੂੰ ਐਡਿਟ ਜਾਂ ਫੇਕ ਕਿਹਾ ਜਾਂਦਾ ਹੈ। ਲੌਕਡਾਊਨ ਦੌਰਾਨ ਅਮਰੀਕੀ ਦੇਸ਼ਾਂ 'ਚ ਏਲੀਅਨ ਦੇ ਨਜ਼ਰ ਆਉਣ ਦੀਆਂ ਕਈ ਖਬਰਾਂ ਆਈਆਂ ਸਨ। ਹੁਣ ਵਿਗਿਆਨੀਆਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਸ਼ਾਇਦ ਉਹ ਜਗ੍ਹਾ ਲੱਭ ਲਈ ਹੈ ਜਿੱਥੇ ਏਲੀਅਨ ਰਹਿੰਦੇ ਹਨ।

ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ ਏਲੀਅਨ ਖਾਸ ਟਰਮੀਨੇਟਰ ਜ਼ੋਨਾਂ ਵਿਚ ਰਹਿੰਦੇ ਹਨ, ਜਿੱਥੇ ਹਮੇਸ਼ਾ ਹਨੇਰਾ ਰਹਿੰਦਾ ਹੈ। ਦਰਅਸਲ, ਸਾਡੇ ਸੌਰ ਮੰਡਲ ਵਿਚ ਅਜਿਹੇ ਕਈ ਗ੍ਰਹਿ ਹਨ, ਜੋ ਦੂਜੇ ਗ੍ਰਹਿਆਂ ਤੋਂ ਦੂਰ ਰਹਿੰਦੇ ਹਨ।

ਉਨ੍ਹਾਂ ਦੇ ਇਕ ਪਾਸੇ ਸੂਰਜ ਦੀਆਂ ਕਿਰਨਾਂ ਡਿੱਗਦੀਆਂ ਹਨ, ਪਰ ਦੂਜੇ ਪਾਸੇ ਹਮੇਸ਼ਾ ਹਨੇਰਾ ਹੁੰਦਾ ਹੈ।

ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਏਲੀਅਨ ਉਸ ਹਨੇਰੇ ਪਾਸੇ ਰਹਿੰਦੇ ਹਨ। ਖਗੋਲ ਵਿਗਿਆਨੀਆਂ ਨੇ ਇਹ ਵੀ ਖੋਜ ਕੀਤੀ ਹੈ ਕਿ ਇਨ੍ਹਾਂ ਗ੍ਰਹਿਆਂ ਦੇ ਆਲੇ ਦੁਆਲੇ ਇੱਕ ਪੱਟੀ ਹੈ ਜਿੱਥੇ ਪਾਣੀ ਵੀ ਮੌਜੂਦ ਹੈ ਅਤੇ ਅਸੀਂ ਸਾਰੇ ਜਾਣਦੇ ਹਾਂ ਕਿ ਪਾਣੀ ਜੀਵਨ ਦਾ ਸਭ ਤੋਂ ਮਹੱਤਵਪੂਰਨ ਸਰੋਤ ਹੈ।

ਇਹ ਹੈ ਟਰਮੀਨੇਟਰ ਜ਼ੋਨ

ਵਿਗਿਆਨੀਆਂ ਨੇ ਇਨ੍ਹਾਂ ਗ੍ਰਹਿਆਂ ਨੂੰ ਟਰਮੀਨੇਟਰ ਜ਼ੋਨ ਦਾ ਨਾਂ ਦਿੱਤਾ ਹੈ ਜਿੱਥੇ ਏਲੀਅਨ ਰਹਿੰਦੇ ਹਨ। ਇਨ੍ਹਾਂ ਗ੍ਰਹਿਆਂ ਉਤੇ ਦਿਨ ਅਤੇ ਰਾਤ ਵਿਚ ਕਾਫ਼ੀ ਅੰਤਰ ਹੈ। ਡਾਰਕ ਸਾਇਡ ਵਾਲੇ ਪਾਸੇ ਪਾਣੀ ਹੈ, ਤਾਂ ਇਹ ਹਮੇਸ਼ਾ ਜੰਮਿਆ ਰਹੇਗਾ। ਇਹ ਉਸ ਪਾਸੇ ਘੱਟ ਤਾਪਮਾਨ ਕਾਰਨ ਵਾਪਰਦਾ ਹੈ। ਜਿਸ ਪਾਸੇ ਸੂਰਜ ਹੈ, ਉੱਥੇ ਪਾਣੀ ਭਾਫ਼ ਬਣ ਕੇ ਉਡ ਜਾਵੇਗਾ।

ਇਸ ਕੇਸ ਵਿਚ ਟਰਮੀਨੇਟਰ ਜ਼ੋਨ ਏਲੀਅਨ ਲਈ ਢੁਕਵਾਂ ਹੈ। ਇੱਥੇ ਨਾ ਤਾਂ ਜ਼ਿਆਦਾ ਗਰਮੀ ਹੈ ਅਤੇ ਨਾ ਹੀ ਬਹੁਤ ਜ਼ਿਆਦਾ ਠੰਢ ਹੈ। ਯਾਨੀ ਇਸ ਜਗ੍ਹਾ 'ਤੇ ਪਾਣੀ ਤਰਲ ਅਵਸਥਾ 'ਚ ਮੌਜੂਦ ਹੋਵੇਗਾ। ਅਜਿਹੇ 'ਚ ਇਹ ਜਗ੍ਹਾ ਏਲੀਅਨਜ਼ ਲਈ ਸਭ ਤੋਂ ਵਧੀਆ ਹੈ।

ਯੂਨੀਵਰਸਿਟੀ ਆਫ ਕੈਲੀਫੋਰਨੀਆ ਦੀ ਡਾ: ਏਨਾ ਲੋਬੋ ਨੇ ਦੱਸਿਆ ਕਿ ਐਕਸੋਪਲੈਨੇਟਸ ਵਿੱਚ ਜਿੱਥੇ ਮੂੰਹ ਸੂਰਜ ਵੱਲ ਹੁੰਦਾ ਹੈ, ਉੱਥੇ ਤੇਜ਼ ਗਰਮੀ ਹੁੰਦੀ ਹੈ। ਦੂਜੇ ਪਾਸੇ ਜਿਸ ਪਾਸੇ ਸੂਰਜ ਦੇ ਉਲਟ ਹੈ, ਉੱਥੇ ਬਹੁਤ ਠੰਢ ਹੈ। ਇਸ ਥਾਂ 'ਤੇ ਸਿਰਫ਼ ਬਰਫ਼ ਹੀ ਦਿਖਾਈ ਦੇਵੇਗੀ। ਪਰ ਏਲੀਅਨਾਂ ਨੂੰ ਰਹਿਣ ਲਈ ਅਜਿਹੀ ਜਗ੍ਹਾ ਦੀ ਲੋੜ ਹੁੰਦੀ ਹੈ, ਜਿੱਥੇ ਪਾਣੀ ਤਰਲ ਅਵਸਥਾ ਵਿੱਚ ਹੋਵੇ। ਅਜਿਹੇ 'ਚ ਜਦੋਂ ਇਨ੍ਹਾਂ ਟਰਮੀਨੇਟਰ ਜ਼ੋਨਾਂ ਦਾ ਪਤਾ ਲੱਗਾ ਤਾਂ ਸਾਨੂੰ ਯਕੀਨ ਹੋ ਗਿਆ ਕਿ ਏਲੀਅਨ ਇਨ੍ਹਾਂ ਥਾਵਾਂ 'ਤੇ ਹੀ ਛੁਪੇ ਹੋਏ ਹਨ। ਹਾਲ ਦੀ ਘੜੀ ਇਨ੍ਹਾਂ ਥਾਵਾਂ ਤੋਂ ਹਲਚਲ ਦੇਖਣ ਨੂੰ ਮਿਲੀ ਹੈ। ਅਜਿਹੇ 'ਚ ਇਸ ਨੂੰ ਏਲੀਅਨ ਦੀ ਹਰਕਤ ਮੰਨਿਆ ਜਾ ਰਿਹਾ ਹੈ।