Viral Video: ਹਾਥੀ ਕੋਲ ਖੜੀ ਵੀਡੀਓ ਬਣਾ ਰਹੀ ਸੀ ਕੁੜੀ, ਜਾਨਵਰ ਨੇ ਅਚਾਨਕ ਕਰ ਦਿੱਤਾ ਹਮਲਾ

ਹਾਥੀ ਬਹੁਤ ਹੀ ਸਿੱਧੇ-ਸਾਦੇ ਜੀਵ ਹੁੰਦੇ ਹਨ। ਤੁਸੀਂ ਉਨ੍ਹਾਂ ਨੂੰ ਹਮੇਸ਼ਾ ਸ਼ਾਂਤ ਅਤੇ ਅਰਾਮ ਵਾਲੀ ਸਥਿਤੀ ਵਿਚ ਦੇਖੋਗੇ, ਪਰ ਜਦੋਂ ਉਹ ਗੁੱਸੇ ਵਿਚ ਆ ਜਾਂਦੇ ਹਨ ਤਾਂ ਸ਼ੇਰ ਅਤੇ ਚੀਤੇ ਵੀ ਉਸ ਦੇ ਸਾਹਮਣੇ ਖੜ੍ਹੇ ਹੋਣ ਦੀ ਹਿੰਮਤ ਨਹੀਂ ਕਰਦੇ।

ਇਸ ਗੱਲ ਤੋਂ ਅਣਜਾਣ ਜਦੋਂ ਹਾਥੀ ਦੇ ਬਿਲਕੁਲ ਸਾਹਮਣੇ ਖੜ੍ਹੀ ਕੁੜੀ ਨੇ ਉਸ ਦੀ ਫੋਟੋ ਖਿੱਚਣੀ ਸ਼ੁਰੂ ਕੀਤੀ ਤਾਂ ਜਾਨਵਰ ਨੇ ਵੀ ਉਸ ਨੂੰ ਦੱਸਿਆ ਕਿ ਉਹ ਕੀ ਕਰ ਸਕਦਾ ਹੈ। ਇਸ ਘਟਨਾ ਨਾਲ ਸਬੰਧਤ ਇੱਕ ਵੀਡੀਓ (Elephant hit girl by trunk video) ਵਾਇਰਲ ਹੋ ਰਿਹਾ ਹੈ।

ਟਵਿੱਟਰ ਅਕਾਊਂਟ @TheBest_Viral ਉਤੇ ਅਕਸਰ ਹੈਰਾਨ ਕਰਨ ਵਾਲੇ ਵੀਡੀਓ ਪੋਸਟ ਕੀਤੇ ਜਾਂਦੇ ਹਨ। ਹਾਲ ਹੀ 'ਚ ਇਸ ਅਕਾਊਂਟ 'ਤੇ ਇਕ ਵੀਡੀਓ ਪੋਸਟ ਕੀਤੀ ਗਈ ਹੈ। ਵੀਡੀਓ ਵਿੱਚ ਹਾਥੀ ਆਪਣੀ ਸੁੰਡ ਨਾਲ ਇਕ ਕੁੜੀ ਉਤੇ ਹਮਲਾ ਕਰਦਾ ਨਜ਼ਰ ਆ ਰਿਹਾ ਹੈ।

Don't record me pic.twitter.com/eQVA6tBjoe

— Lo+Viral 🔥 (@TheBest_Viral) January 13, 2023

ਵਾਇਰਲ ਵੀਡੀਓ 'ਚ ਕੁਝ ਨੌਜਵਾਨ ਅਤੇ ਕੁੜੀਆਂ ਹਾਥੀ ਦੇ ਸਾਹਮਣੇ ਖੜ੍ਹੇ ਨਜ਼ਰ ਆ ਰਹੇ ਹਨ। ਅਚਾਨਕ ਨੇੜੇ ਖੜ੍ਹੀ ਕੁੜੀ ਆਪਣਾ ਫੋਨ ਕੱਢ ਲੈਂਦੀ ਹੈ ਅਤੇ ਉਸ ਦੀ ਫੋਟੋ ਕਲਿੱਕ ਕਰਨਾ ਸ਼ੁਰੂ ਕਰ ਦਿੰਦੀ ਹੈ।

ਉਦੋਂ ਹੀ ਹਾਥੀ ਆਪਣੀ ਸੁੰਡ ਨੂੰ ਤੇਜ਼ੀ ਨਾਲ ਘੁੰਮਾਉਂਦਾ ਹੈ ਅਤੇ ਇਸ ਨੂੰ ਕੁੜੀ ਦੇ ਚਿਹਰੇ 'ਤੇ ਜੜ ਦਿੰਦਾ ਹੈ। ਹਰ ਕੋਈ ਉੱਚੀ-ਉੱਚੀ ਚੀਕਦਾ ਹੈ ਅਤੇ ਕੁੜੀ ਵੀ ਸੁੰਡ ਨਾਲ ਟਕਰਾ ਕੇ ਪਿੱਛੇ ਮੁੜ ਜਾਂਦੀ ਹੈ।