• Home
  • »
  • News
  • »
  • national
  • »
  • AMUL ANNIVERSARY GIFT LINK OF FREE RS 6000 ON WHATSAPP IS A SCAM SO AVOID CLICKING ON IT GH AP

Amul ਤੋਂ 6000 ਰੁ. ਕਮਾਉਣ ਵਾਲੇ ਮੈਸੇਜ ਤੋਂ ਸਾਵਧਾਨ ! ਕਿਤੇ ਫੱਸ ਨਾ ਜਾਣਾ ਨਵੇਂ Scam 'ਚ

Amul ਤੋਂ 6000 ਰੁ. ਕਮਾਉਣ ਵਾਲੇ ਮੈਸੇਜ ਤੋਂ ਸਾਵਧਾਨ ! ਕਿਤੇ ਫੱਸ ਨਾ ਜਾਣਾ ਨਵੇਂ Scam 'ਚ

Amul ਤੋਂ 6000 ਰੁ. ਕਮਾਉਣ ਵਾਲੇ ਮੈਸੇਜ ਤੋਂ ਸਾਵਧਾਨ ! ਕਿਤੇ ਫੱਸ ਨਾ ਜਾਣਾ ਨਵੇਂ Scam 'ਚ

  • Share this:
ਦੇਸ਼ ਤੇ ਵਿਸ਼ਵ ਵਿੱਚ ਤੇਜ਼ੀ ਨਾਲ ਵਧ ਰਹੇ ਡਿਜੀਟਲ ਲੈਣ-ਦੇਣ ਅਤੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਦੀ ਵਰਤੋਂ ਦੇ ਨਾਲਸਾਈਬਰ ਅਪਰਾਧ ਅਤੇ ਡਿਜੀਟਲ ਧੋਖਾਧੜੀ ਦੇ ਮਾਮਲੇ ਵੀ ਵਧ ਰਹੇ ਹਨ। ਵਿੱਤੀ ਧੋਖਾਧੜੀ ਕਰਨ ਅਤੇ ਤੁਹਾਡੀ ਨਿੱਜੀ ਜਾਣਕਾਰੀ ਚੋਰੀ ਕਰਨ ਦੇ ਲਈ ਹੈਕਰਸ ਬਹੁਤ ਸਾਰੇ ਤਰੀਕੇ ਅਪਣਾ ਰਹੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਤਰੀਕਾ ਹੈ ਵਟਸਐਪ 'ਤੇ ਮੈਸੇਜ ਦੇ ਲਿੰਕ ਰਾਹੀਂ ਲੋਕਾਂ ਦੇ ਬੈਂਕ ਖਾਤੇ ਵਿੱਚ ਦਾਖਲ ਹੋਣਾ।

ਵਟਸਐਪ 'ਤੇ ਲੁਭਾਉਣ ਵਾਲੇ ਮੈਸੇਜ ਹਰ ਰੋਜ਼ ਆਉਂਦੇ ਰਹਿੰਦੇ ਹਨ। ਅੱਜਕੱਲ੍ਹ ਲੋਕਾਂ ਨੂੰ ਡੇਅਰੀ ਉਤਪਾਦ ਬਣਾਉਣ ਵਾਲੀ ਕੰਪਨੀ ਅਮੂਲ ਦੇ ਨਾਂ 'ਤੇ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਜੇ ਤੁਹਾਨੂੰ ਵੀ ਅਮੂਲ ਤੋਂ 6,000 ਰੁਪਏ ਪ੍ਰਤੀ ਮਹੀਨਾ ਕਮਾਉਣ ਦਾ ਮੈਸੇਜ ਮਿਲਿਆ ਹੈ, ਤਾਂ ਸਾਵਧਾਨ ਹੋ ਜਾਓ, ਇਹ ਇੱਕ ਸਕੈਮ ਹੈ ਜਿਸ ਦਾ ਤੁਸੀਂ ਸ਼ਿਕਾਰ ਹੋ ਸਕਦੇ ਹੋ।

ਅਮੂਲ ਦੇ ਨਾਮ 'ਤੇ ਭੇਜੇ ਜਾ ਰਹੇ ਇਸ ਲਿੰਕ 'ਤੇ ਕਲਿਕ ਕਰ ਕੇ ਤੁਸੀਂ ਇੱਕ ਵੈਬਸਾਈਟ 'ਤੇ ਪਹੁੰਚ ਜਾਂਦੇ ਹੋ। ਅਮੂਲ ਦਾ ਲੋਗੋ ਇਸ ਪੇਜ ਦੇ ਸਿਖਰ 'ਤੇ ਰੱਖਿਆ ਗਿਆ ਹੈ। ਇਸ ਵਿੱਚ ਹੇਠਾਂ ਲਿਖਿਆ ਗਿਆ ਹੈ, 'ਅਮੂਲ 75ਵੀਂ ਵਰ੍ਹੇਗੰ' ਤੇ ਇਸ ਦੇ ਹੇਠਾਂ ਵੱਡੇ ਅੱਖਰਾਂ ਵਿੱਚ 'ਵਧਾਈ' ਲਿਖਿਆ ਗਿਆ ਹੈ। ਇਸ ਦੇ ਹੇਠਾਂ ਇੱਕ ਲਾਈਨ 'ਤੁਹਾਨੂੰ ਪ੍ਰਸ਼ਨਾਵਲੀ ਰਾਹੀਂ 6000 ਰੁਪਏ ਪ੍ਰਾਪਤ ਕਰਨ ਦਾ ਮੌਕਾ ਮਿਲੇਗਾ' ਲਿਖਿਆ ਹੈ। ਇਸ ਦੇ ਹੇਠਾਂ ਤੁਸੀਂ ਪ੍ਰਸ਼ਨ ਵੇਖੋਗੇ। ਇਸ ਦੇ ਉੱਤਰ ਦੇਣ ਤੋਂ ਬਾਅਦ ਤੁਹਾਨੂੰ ਤਿੰਨ ਪ੍ਰਸ਼ਨ ਪੁੱਛੇ ਜਾਣਗੇ। ਇਸ ਤੋਂ ਬਾਅਦ, ਤੁਹਾਡੀ ਸਕ੍ਰੀਨ ਤੇ 9 ਬਕਸੇ ਬਣਾਏ ਜਾਣਗੇ, ਜਿਨ੍ਹਾਂ ਨੂੰ ਅਮੂਲ ਦੇ ਲੋਗੋ ਦੇ ਰੂਪ ਵਿੱਚ ਤਿਆਰ ਕੀਤਾ ਗਿਆ ਹੈ।

ਇਸ ਵਿੱਚ ਤੁਹਾਨੂੰ ਕਿਸੇ ਇੱਕ ਬਾਕਸ 'ਤੇ ਕਲਿਕ ਕਰਨ ਦੇ ਤਿੰਨ ਮੌਕੇ ਦਿੱਤੇ ਜਾਣਗੇ। ਜੇ ਤੁਸੀਂ ਬਾਕਸ ਤੇ ਕਲਿਕ ਕਰਦੇ ਹੋ ਤਾਂ ਤੁਸੀਂ 6000 ਰੁਪਏ ਜਿੱਤ ਸਕੋਗੇ। ਇਸ ਧੋਖਾਧੜੀ ਦੀ ਸਭ ਤੋਂ ਵੱਡੀ ਖੇਡ ਇਹ ਹੈ ਕਿ ਤੁਹਾਨੂੰ ਇਹ 6000 ਰੁਪਏ ਉਦੋਂ ਮਿਲਣਗੇ ਜਦੋਂ ਤੁਸੀਂ ਇਸ ਲਿੰਕ ਨੂੰ 20 ਦੋਸਤਾਂ ਜਾਂ 5 ਵਟਸਐਪ ਸਮੂਹਾਂ ਵਿੱਚ ਸਾਂਝਾ ਕਰੋਗੇ। ਦਿਲਚਸਪ ਗੱਲ ਇਹ ਹੈ ਕਿ ਹੇਠਾਂ ਕੁਝ ਕਮੈਂਟ ਵੀ ਦਿਖਾਏ ਗਏ ਹਨ, ਜਿਸ ਵਿੱਚ ਬਹੁਤ ਸਾਰੇ ਲੋਕਾਂ ਨੇ ਲਿਖਿਆ ਕਿ ਉਨ੍ਹਾਂ ਨੂੰ 6000 ਰੁਪਏ ਮਿਲੇ ਹਨ। ਕਿਸੇ ਨੇ ਲਿਖਿਆ ਹੈ ਕਿ ਇਹ ਬਹੁਤ ਵਧੀਆ ਤਰੀਕਾ ਹੈ ਪੈਸੇ ਕਮਾਉਣ ਦਾ। ਇਹ ਸਾਰੀ ਸਾਈਟ ਇਸ ਤਰੀਕੇ ਨਾਲ ਤਿਆਰ ਕੀਤੀ ਗਈ ਹੈ ਕਿ ਕਿਸੇ ਵੀ ਪੜ੍ਹੇ-ਲਿਖੇ ਵਿਅਕਤੀ ਨੂੰ ਆਸਾਨੀ ਨਾਲ ਧੋਖਾ ਦਿੱਤਾ ਜਾ ਸਕਦਾ ਹੈ।

ਅਮੂਲ ਨੇ ਲੋਕ ਹਿੱਤ ਵਿੱਚ ਪੂਰੀ ਜਾਣਕਾਰੀ ਜਾਰੀ ਕੀਤੀ ਹੈ : ਅਮੂਲ ਨੇ ਇੱਕ ਟਵੀਟ ਵਿੱਚ ਲਿਖਿਆ ਕਿ ਅਮੂਲ ਦੁਆਰਾ ਜਨਤਕ ਹਿੱਤ ਵਿੱਚ ਜਾਰੀ ਕੀਤਾ ਗਿਆ ਹੈ। ਇਹ ਜਾਣਕਾਰੀ ਤੁਹਾਡੇ ਲਈ ਹੈ ਕਿ ਵਟਸਐਪ ਅਤੇ ਹੋਰ ਸੋਸ਼ਲ ਮੀਡੀਆ 'ਤੇ ਸਪੈਮ ਲਿੰਕ ਦੇ ਨਾਲ ਇੱਕ ਫਰਜ਼ੀ ਸੰਦੇਸ਼ ਸਾਂਝਾ ਕੀਤਾ ਜਾ ਰਿਹਾ ਹੈ। ਇਸ ਲਿੰਕ 'ਤੇ ਬਿਲਕੁਲ ਵੀ ਕਲਿਕ ਨਾ ਕਰੋ। ਇਸ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਅਮੂਲ ਅਜਿਹੀ ਕੋਈ ਮੁਹਿੰਮ ਨਹੀਂ ਚਲਾ ਰਿਹਾ ਹੈ। ਇਸ ਸੰਦੇਸ਼ ਨੂੰ ਆਪਣੇ ਦੋਸਤਾਂ ਅਤੇ ਪਰਿਵਾਰ ਨਾਲ ਵੱਧ ਤੋਂ ਵੱਧ ਸਾਂਝਾ ਕਰੋ।

ਈ-ਸਾਈਬਰਪਲੇਨੈਟ ਨੇ ਆਪਣੇ ਸਾਈਬਰ ਮਾਹਰਾਂ ਦੇ ਹਵਾਲੇ ਨਾਲ ਕਿਹਾ ਕਿ ਇਸ ਲਿੰਕ ਵਿੱਚ ਇੱਕ ਵਾਇਰਸ ਹੈ। ਇਹ ਇੱਕ ਸਕੈਮ ਹੋ ਸਕਦਾ ਹੈ, ਜਿੱਥੇ ਧੋਖੇਬਾਜ਼ ਤੁਹਾਡੇ ਪੈਸੇ, ਨਿੱਜੀ ਡੇਟਾ ਜਾਂ ਹੋਰ ਜਾਣਕਾਰੀ ਦੀ ਭਾਲ ਵਿੱਚ ਹੋ ਸਕਦੇ ਹਨ। ਜਦੋਂ ਲਿੰਕ ਦੇ ਪਤੇ ਦੀ ਜਾਂਚ ਕੀਤੀ ਗਈ ਤਾਂ ਇਹ ਪਾਇਆ ਗਿਆ ਕਿ ਇਹ ਅਮੂਲ ਦੀ ਅਧਿਕਾਰਤ ਵੈਬਸਾਈਟ ਤੋਂ ਨਹੀਂ ਹੈ। ਹੈਕਰ ਇਸ ਦੀ ਵਰਤੋਂ ਤੁਹਾਡੇ ਫੋਨ ਜਾਂ ਕੰਪਿਊਟਰ 'ਤੇ ਮਾਲਵੇਅਰ ਜਾਂ ਵਾਇਰਸ ਭੇਜਣ ਲਈ ਵੀ ਕਰ ਸਕਦੇ ਹਨ। ਜੇ ਤੁਹਾਨੂੰ ਕਿਸੇ ਅਣਜਾਣ ਨੰਬਰ ਤੋਂ ਅਜਿਹਾ ਮੈਸੇਜ ਪ੍ਰਾਪਤ ਹੁੰਦਾ ਹੈ, ਤਾਂ ਇਸ ਨੂੰ ਵਟਸਐਪ 'ਤੇ ਘੁਟਾਲੇ ਵਜੋਂ ਰਿਪੋਰਟ ਕਰੋ ਅਤੇ ਇਸ ਨੂੰ ਬਲਾਕ ਕਰੋ।
Published by:Amelia Punjabi
First published: