ਮਨੁੱਖਤਾ ਦੀ ਮਿਸਾਲ! ਆਪਣਿਆਂ ਨੇ ਮੂੰਹ ਮੋੜਿਆ ਤਾਂ ਮੁਸਲਿਮ ਨੌਜਵਾਨਾਂ ਨੇ ਬਜ਼ੁਰਗ ਹਿੰਦੂ ਔਰਤ ਦਾ ਕੀਤਾ ਸੰਸਕਾਰ

ਭਾਈਚਾਰਕ ਸਾਂਝ ਦੀ ਇੱਕ ਮਿਸਾਲ ਅੱਜ ਗਵਾਲੀਅਰ ਵਿੱਚ ਦੇਖਣ ਨੂੰ ਮਿਲੀ। ਇੱਥੇ 90 ਸਾਲਾ ਹਿੰਦੂ ਔਰਤ ਦੀ ਮੌਤ ਤੋਂ ਬਾਅਦ ਮੁਸਲਿਮ ਨੌਜਵਾਨ ਨੇ ਉਨ੍ਹਾਂ  ਨੂੰ ਮੋਢਾ ਦਿੱਤਾ ਅਤੇ ਫਿਰ ਪੂਰੀਆਂ ਰਸਮਾਂ ਨਾਲ ਅੰਤਿਮ ਸੰਸਕਾਰ ਕੀਤਾ। ਬਜ਼ੁਰਗ ਔਰਤ ਇਕੱਲੀ ਰਹਿੰਦੀ ਸੀ, ਉਨ੍ਹਾਂ ਦੇ ਪਰਿਵਾਰ ਵਿਚ ਕੋਈ ਨਹੀਂ ਸੀ, ਜਿਸ ਨੇ ਵੀ ਇਹ ਘਟਨਾ ਬਾਰੇ ਸੁਣਿਆ, ਉਸ ਦੀਆਂ ਅੱਖਾਂ ਨਮ ਹੋ ਗਈਆਂ। ਲੋਕਾਂ ਨੇ ਕਿਹਾ ਕਿ ਇਹ ਭਾਈਚਾਰਕ ਸਾਂਝ ਦੀ ਮਿਸਾਲ ਹੈ ਜੋ ਸਮਾਜ ਨੂੰ ਨਵੀਂ ਦਿਸ਼ਾ ਦੇਵੇਗੀ।

ਗਵਾਲੀਅਰ ਦੀ ਰੇਲਵੇ ਕਾਲੋਨੀ ਦੇ ਦਰਗਾਹ ਇਲਾਕੇ 'ਚ ਰਹਿਣ ਵਾਲੇ ਰਾਮਦੇਹੀ ਮਹੋਰ ਦਾ ਦਿਹਾਂਤ ਹੋ ਗਿਆ। ਉਹ 90 ਸਾਲਾਂ ਦੀ ਸੀ ਅਤੇ ਇੱਥੇ ਇਕੱਲੀ ਰਹਿੰਦੀ ਸੀ। ਰਾਮਦੇਹੀ ਦਾ ਕੋਈ ਪੁੱਤਰ ਨਹੀਂ ਸੀ, ਇੱਕ ਧੀ ਹੈ ਜੋ ਦਿੱਲੀ ਵਿੱਚ ਰਹਿੰਦੀ ਹੈ। ਮਾਂ ਦੀ ਮੌਤ ਦੀ ਖਬਰ ਮਿਲਦੇ ਹੀ ਬੇਟੀ ਸਮੇਂ 'ਤੇ ਪਹੁੰਚ ਗਈ। ਪਰ ਬਾਹਰੋਂ ਆਈ ਇਕਲੌਤੀ ਧੀ ਸਾਰਾ ਇੰਤਜ਼ਾਮ ਕਿਵੇਂ ਕਰਦੀ। ਰਾਮਦੇਹੀ ਦੀ ਮੌਤ ਤੋਂ ਬਾਅਦ ਸਭ ਤੋਂ ਵੱਡੀ ਸਮੱਸਿਆ ਇਹ ਸੀ ਕਿ ਉਨ੍ਹਾਂ ਨੂੰ ਕੌਣ ਮੋਢਾ ਦੇਵੇਗਾ? ਅਤੇ ਅੰਤਿਮ ਸੰਸਕਾਰ ਕੌਣ ਕਰੇਗਾ? ਗਵਾਲੀਅਰ ਵਿੱਚ ਰਹਿੰਦੇ ਰਿਸ਼ਤੇਦਾਰ ਆਪਣੀ ਜ਼ਿੰਮੇਵਾਰੀ ਤੋਂ ਪਾਸਾ ਵੱਟ ਗਏ।

ਮੁਸਲਿਮ ਨੌਜਵਾਨਾਂ ਨੇ ਆਪਣਾ ਫਰਜ਼ ਨਿਭਾਇਆ

ਅਜਿਹੇ 'ਚ ਰਾਮਦੇਹੀ ਨੂੰ ਮਾਂ ਵਾਂਗ ਪਿਆਰ ਕਰਨ ਵਾਲੇ ਇਲਾਕੇ ਦੇ ਮੁਸਲਿਮ ਨੌਜਵਾਨ ਅੱਗੇ ਆਏ। ਨਗਰ ਨਿਗਮ ਦੇ ਕਰਮਚਾਰੀ ਸ਼ਾਕਿਰ ਖਾਨ ਨੇ ਆਪਣੇ ਭਰਾ ਅਤੇ ਦੋਸਤਾਂ ਨਾਲ ਮਿਲ ਕੇ ਬਜੁਰਗ ਰਾਮਦੇਹੀ  ਨੇ ਅੰਤਿਮ ਯਾਤਰਾ ਨੂੰ ਮੋਢਾ ਦੇ ਕੇ ਬੈਂਡ ਵਾਜੇ ਨਾਲ ਸ਼ਮਸ਼ਾਨਘਾਟ ਤੱਕ ਲੈ ਗਏ।

ਰਾਮਦੇਹੀ ਦੀ ਬੇਟੀ ਸ਼ੀਲਾ ਵੀ ਗਵਾਲੀਅਰ ਪੁੱਜ ਗਈ ਸੀ। ਸ਼ਮਸ਼ਾਨਘਾਟ ਵਿੱਚ ਵੀ ਮੁਸਲਿਮ ਨੌਜਵਾਨਾਂ ਨੇ ਆਪਣੇ ਹੱਥਾਂ ਨਾਲ ਚਿਤਾ ਤਿਆਰ ਕੀਤੀ ਅਤੇ ਫਿਰ ਰਾਮਦੇਹੀ ਦੀ ਧੀ ਸ਼ੀਲਾ ਨੇ ਉਨ੍ਹਾਂ ਦੀ ਦੇਹ ਦਾ ਸਸਕਾਰ ਕੀਤਾ। ਰਾਮ ਦੇਵੀ ਦੀ ਜੀਵਨ ਕਾਲ ਦੌਰਾਨ ਜਿਨ੍ਹਾਂ ਮੁਸਲਿਮ ਨੌਜਵਾਨਾਂ ਨੇ ਉਨ੍ਹਾਂ ਦੀ ਸੇਵਾ ਕੀਤੀ ਸੀ, ਉਨ੍ਹਾਂ ਨੇ ਵੀ ਉਨ੍ਹਾਂ ਦੇ ਪੁੱਤਰ ਦਾ ਫਰਜ਼ ਨਿਭਾਉਂਦੇ ਹੋਏ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕੀਤਾ।