ਮੁਨੱਵਰ ਰਾਣਾ ਬਾਰੇ ਬੋਲੇ ਯੋਗੀ ਦੇ ਮੰਤਰੀ-ਪ੍ਰਦੇਸ਼ ਨਹੀਂ ਦੇਸ਼ ਛੱਡਣਾ ਹੋਵੇਗਾ, ਐਨਕਾਉਂਟਰ 'ਚ ਮਾਰੇ ਜਾਣਗੇ ਅਜਿਹੇ ਲੋਕ

ਉੱਤਰ ਪ੍ਰਦੇਸ਼ ਦੀ ਯੋਗੀ ਸਰਕਾਰ (Yogi Government) ਵਿਚ ਮੰਤਰੀ ਆਨੰਦ ਸਵਰੂਪ ਸ਼ੁਕਲਾ (Anand Swaroop Shukla) ਨੇ ਮਸ਼ਹੂਰ ਕਵੀ ਮੁਨੱਵਰ ਰਾਣਾ (Munawwar Rana) 'ਤੇ ਜ਼ਬਰਦਸਤ ਹਮਲਾ ਕੀਤਾ ਹੈ।

ਮੰਗਲਵਾਰ ਨੂੰ ਬਾਲੀਆ ਵਿੱਚ ਉਨ੍ਹਾਂ ਨੇ ਕਿਹਾ ਕਿ ਮੁਨੱਵਰ ਰਾਣਾ ਵਰਗੇ ਲੋਕਾਂ ਨੂੰ ਸੂਬਾ ਨਹੀਂ ਸਗੋਂ ਦੇਸ਼ ਛੱਡ ਕੇ ਜਾਣਾ ਪਵੇਗਾ। ਉਨ੍ਹਾਂ ਵਰਗੇ ਲੋਕ, ਜੋ ਦੇਸ਼ ਵਿਰੋਧੀ ਗਤੀਵਿਧੀਆਂ ਵਿਚ ਲਿਪਤ ਹਨ, ਐਨਕਾਉਂਟਰ ਵਿਚ ਮਾਰੇ ਜਾਣਗੇ। ਮੰਤਰੀ ਨੇ ਕਿਹਾ ਕਿ ਯੋਗੀ ਰਾਜ ਵਿਚ ਹੁਣ ਤੱਕ ਇਸਲਾਮਿਕ ਮਾਫੀਆ ਦੀ 1200 ਕਰੋੜ ਦੀ ਸੰਪਤੀ ਜ਼ਬਤ ਕਰਕੇ ਉਨ੍ਹਾਂ ਨੂੰ ਜੇਲ੍ਹ ਭੇਜਿਆ ਗਿਆ ਹੈ।

ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸ਼ੁਕਲਾ ਨੇ ਕਿਹਾ ਕਿ ਮੁਨੱਵਰ ਰਾਣਾ ਉਨ੍ਹਾਂ ਮੁਸਲਮਾਨਾਂ ਵਿੱਚੋਂ ਇੱਕ ਹਨ ਜੋ 1947 ਦੀ ਵੰਡ ਵੇਲੇ ਭਾਰਤ ਵਿੱਚ ਸਨ। ਹੁਣ ਉਹ ਦੇਸ਼ ਵਿਰੁੱਧ ਸਾਜਿਸ਼ ਰਚਣ ਅਤੇ ਇਸ ਨੂੰ ਤੋੜਦਾ ਵਾਲੇ ਗੈਂਗ ਵਿਚ ਸ਼ਾਮਲ ਹਨ।

ਤੁਹਾਨੂੰ ਦੱਸ ਦਈਏ ਕਿ ਪਿਛਲੇ ਦਿਨੀਂ ਮੁਨੱਵਰ ਰਾਣਾ ਨੇ ਕਿਹਾ ਸੀ ਕਿ ਜੇ ਯੋਗੀ ਆਦਿੱਤਿਆਨਾਥ ਦੁਬਾਰਾ ਮੁੱਖ ਮੰਤਰੀ ਬਣੇ ਤਾਂ ਉਹ ਸੂਬਾ ਛੱਡ ਜਾਣਗੇ। ਇਸ ਦੇ ਨਾਲ ਹੀ, ਅਸੀਂ ਇਹ ਮੰਨ ਲਵਾਂਗੇ ਕਿ ਉੱਤਰ ਪ੍ਰਦੇਸ਼ ਹੁਣ ਮੁਸਲਮਾਨਾਂ ਦੇ ਰਹਿਣ ਲਈ ਢੁਕਵਾਂ ਨਹੀਂ ਹੈ।