15 ਮਹੀਨਿਆਂ 'ਚ ਡੁੱਬੇ 35 ਬੈਂਕ, ਲੱਖਾਂ ਗਾਹਕ ਹੋਏ ਬੇਹਾਲ, ਜੇ ਤੁਹਾਡਾ ਪੈਸਾ ਵੀ ਡੁੱਬ ਜਾਵੇ ਤਾਂ ਇਸ ਤਰ੍ਹਾਂ ਵਾਪਸ ਪਾਓ...

ਪਿਛਲੇ ਕੁਝ ਸਾਲਾਂ 'ਚ ਵਿੱਤੀ ਬੇਨਿਯਮੀਆਂ ਕਾਰਨ ਦੇਸ਼ 'ਚ ਕਈ ਬੈਂਕਾਂ ਦੀ ਹਾਲਤ ਖਰਾਬ ਹੋ ਗਈ ਸੀ ਅਤੇ ਗੱਲ ਇਸ ਹੱਦ ਤੱਕ ਪਹੁੰਚ ਗਈ ਸੀ ਕਿ ਰਿਜ਼ਰਵ ਬੈਂਕ ਨੇ ਪੈਸੇ ਦੇ ਲੈਣ-ਦੇਣ 'ਤੇ ਪਾਬੰਦੀ ਲਗਾ ਦਿੱਤੀ ਸੀ।

ਅਜਿਹੇ 'ਚ ਸਭ ਤੋਂ ਜ਼ਿਆਦਾ ਪਰੇਸ਼ਾਨੀ ਬੈਂਕਾਂ ਦੇ ਗਾਹਕਾਂ ਨੂੰ ਹੋਈ। ਇਨ੍ਹਾਂ ਘਟਨਾਵਾਂ ਕਾਰਨ ਬਹੁਤ ਸਾਰੇ ਲੋਕਾਂ ਦੇ ਮਨ ਵਿਚ ਇਕ ਸਵਾਲ ਆਉਂਦਾ ਹੈ ਕਿ ਜੇਕਰ ਬੈਂਕ ਡੁੱਬ ਜਾਵੇ ਤਾਂ ਉਨ੍ਹਾਂ ਦੇ ਪੈਸਿਆਂ ਦਾ ਕੀ ਹੋਵੇਗਾ?

ਜੇਕਰ ਕੋਈ ਵੀ ਬੈਂਕ ਜਿਸ ਵਿੱਚ ਤੁਹਾਡਾ ਖਾਤਾ ਹੈ, ਡੁੱਬ ਜਾਂਦਾ ਹੈ, ਤਾਂ ਤੁਹਾਨੂੰ 5 ਲੱਖ ਰੁਪਏ ਦੀ ਰਕਮ ਮਿਲਦੀ ਹੈ। ਦਰਅਸਲ ਨਿਯਮਾਂ ਦੇ ਮੁਤਾਬਕ ਜੇਕਰ ਤੁਸੀਂ ਬੈਂਕ ਖਾਤੇ 'ਚ 5 ਲੱਖ ਜਾਂ ਇਸ ਤੋਂ ਜ਼ਿਆਦਾ ਰਕਮ ਰੱਖੀ ਹੈ ਤਾਂ ਇਸ ਮਾਮਲੇ 'ਚ ਤੁਹਾਨੂੰ ਸਿਰਫ 5 ਲੱਖ ਰੁਪਏ ਹੀ ਮਿਲਣਗੇ।

ਸਰਕਾਰ 5 ਲੱਖ ਤੱਕ ਦੀ ਗਰੰਟੀ ਦਿੰਦੀ ਹੈ

ਡਿਪਾਜ਼ਿਟ ਇੰਸ਼ੋਰੈਂਸ ਅਤੇ ਕ੍ਰੈਡਿਟ ਗਾਰੰਟੀ ਕਾਰਪੋਰੇਸ਼ਨ (ਡੀਆਈਸੀਜੀਸੀ) ਐਕਟ ਦੇ ਤਹਿਤ, ਬੈਂਕ ਵਿੱਚ ਜਮ੍ਹਾਂ ਰਕਮ ਦੀ ਗਾਰੰਟੀ ਪੰਜ ਲੱਖ ਰੁਪਏ ਹੈ। ਪਹਿਲਾਂ ਇਹ ਰਕਮ 1 ਲੱਖ ਰੁਪਏ ਸੀ ਪਰ ਸਾਲ 2020 'ਚ ਕੇਂਦਰ ਸਰਕਾਰ ਨੇ ਇਸ ਕਾਨੂੰਨ 'ਚ ਬਦਲਾਅ ਕਰਕੇ ਇਸ ਰਕਮ ਨੂੰ ਵਧਾ ਕੇ 5 ਲੱਖ ਰੁਪਏ ਕਰ ਦਿੱਤਾ ਸੀ।

ਯਾਨੀ ਜਿਸ ਬੈਂਕ ਵਿੱਚ ਤੁਹਾਡਾ ਪੈਸਾ ਜਮ੍ਹਾ ਹੈ, ਜੇਕਰ ਉਹ ਡੁੱਬ ਜਾਂਦਾ ਹੈ, ਤਾਂ ਤੁਹਾਨੂੰ ਪੰਜ ਲੱਖ ਰੁਪਏ ਦੀ ਰਕਮ ਵਾਪਸ ਮਿਲ ਜਾਵੇਗੀ, ਭਾਵੇਂ ਖਾਤੇ ਵਿੱਚ ਜਮ੍ਹਾਂ ਰਕਮ ਪੰਜ ਲੱਖ ਤੋਂ ਵੱਧ ਕਿਉਂ ਨਾ ਹੋਵੇ।

ਕਾਨੂੰਨ ਕੀ ਹੈ ਤੇ ਕਿੱਥੇ ਅਰਜ਼ੀ ਦੇਣੀ ਹੈ

ਆਰਬੀਆਈ ਦੇ ਨਿਯਮਾਂ ਦੇ ਅਨੁਸਾਰ ਬੈਂਕਾਂ ਦੇ ਡੁੱਬਣ ਦੀ ਸਥਿਤੀ ਵਿੱਚ ਏਆਈਡੀ ਵਿੱਚ ਸ਼ਾਮਲ ਹੋਣ ਦੇ 45 ਦਿਨਾਂ ਦੇ ਅੰਦਰ ਸਾਰੇ ਗਾਹਕਾਂ ਦੇ ਜਮ੍ਹਾਂ ਅਤੇ ਕਰਜ਼ੇ ਬਾਰੇ ਜਾਣਕਾਰੀ ਉਪਲਬਧ ਕਰਾਉਣੀ ਹੁੰਦੀ ਹੈ। ਇਸ ਤੋਂ ਬਾਅਦ, DICGC ਨੂੰ 90 ਦਿਨਾਂ ਦੇ ਅੰਦਰ ਗਾਹਕਾਂ ਨੂੰ ਪੈਸੇ ਵਾਪਸ ਕਰਨੇ ਹੋਣਗੇ।

ਅਗਸਤ 2022 ਨਾਲ ਸਬੰਧਤ ਨਵੇਂ ਅਪਡੇਟ ਵਿੱਚ DICGC ਨੇ ਕਿਹਾ ਕਿ ਉਹ ਦੇਸ਼ ਵਿੱਚ ਕੁੱਲ 2,035 ਬੈਂਕਾਂ ਦਾ ਇਹ ਬੀਮਾ ਕਰਦਾ ਹੈ। ਇਸ ਤੋਂ ਇਲਾਵਾ, ਜੇਕਰ ਤੁਸੀਂ ਇਹ ਜਾਣਨਾ ਚਾਹੁੰਦੇ ਹੋ ਕਿ ਤੁਹਾਡੇ ਬੈਂਕ ਬੀਮਾ ਹੈ ਜਾਂ ਨਹੀਂ, ਤਾਂ ਤੁਸੀਂ https://www.dicgc.org.in/FD_ListOfInsuredBanks.html 'ਤੇ ਜਾ ਕੇ ਇਸਦੀ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ।

ਦੱਸ ਦਈਏ ਕਿ ਪਿਛਲੇ 15 ਮਹੀਨਿਆਂ ਵਿਚ ਦੇਸ਼ ਦੇ 35 ਬੈਂਕਾਂ ਦੇ 3 ਲੱਖ ਗਾਹਕ ਅਜਿਹੀ ਸਥਿਤੀ ਦਾ ਸਾਹਮਣਾ ਕਰ ਚੁੱਕੇ ਹਨ। ਇਸ ਤਹਿਤ ਸਰਕਾਰ ਨੇ ਲੋਕਾਂ ਨੂੰ ਕਰੀਬ 4 ਹਜ਼ਾਰ ਕਰੋੜ ਰੁਪਏ ਵਾਪਸ ਕਰ ਦਿੱਤੇ ਹਨ। ਵਿੱਤ ਰਾਜ ਮੰਤਰੀ ਡਾ. ਭਾਗਵਤ ਕਿਸ਼ਨ ਰਾਓ ਕਰਾੜ ਨੇ ਪਿਛਲੇ ਸਾਲ ਦਸੰਬਰ ਵਿੱਚ ਲੋਕ ਸਭਾ ਵਿੱਚ ਦੱਸਿਆ ਸੀ ਕਿ ਦੇਸ਼ ਦੇ 35 ਬੈਂਕਾਂ ਦੇ 3,06,146 ਗਾਹਕਾਂ ਨੇ ਡਿਪਾਜ਼ਿਟ ਇੰਸ਼ੋਰੈਂਸ ਅਤੇ ਕ੍ਰੈਡਿਟ ਗਾਰੰਟੀ ਕਾਰਪੋਰੇਸ਼ਨ ਐਕਟ ਦੇ ਤਹਿਤ ਪੈਸੇ ਦਾ ਦਾਅਵਾ ਕੀਤਾ ਹੈ। ਇਹ ਰਕਮ 1 ਸਤੰਬਰ 2021 ਤੋਂ ਨਵੰਬਰ 2022 ਤੱਕ ਵਾਪਸ ਕੀਤੀ ਗਈ ਸੀ।