Home /News /national /

110 ਦੀ ਸਪੀਡ ਨਾਲ ਟਰੱਕ ਦੇ ਪਿੱਛੇ ਜਾ ਵੱਜੀ ਕਾਰ, 4 ਦੋਸਤਾਂ ਦੀ ਮੌਤ

110 ਦੀ ਸਪੀਡ ਨਾਲ ਟਰੱਕ ਦੇ ਪਿੱਛੇ ਜਾ ਵੱਜੀ ਕਾਰ, 4 ਦੋਸਤਾਂ ਦੀ ਮੌਤ

  • Share this:

ਮੱਧ ਪ੍ਰਦੇਸ਼ (Madhya Pradesh News) ਦੀ ਰਾਜਧਾਨੀ ਭੋਪਾਲ 'ਚ ਇਕ ਤੇਜ਼ ਰਫਤਾਰ ਕਾਰ ਟਰੱਕ ਦੇ ਪਿੱਛੇ ਜਾ ਵੱਜੀ। ਕਾਰ ਦੀ ਰਫਤਾਰ ਇੰਨੀ ਤੇਜ਼ ਸੀ ਕਿ ਟਰੱਕ ਨਾਲ ਟਕਰਾਉਣ ਪਿੱਛੋਂ ਪੂਰੀ ਤਰ੍ਹਾਂ ਤਬਾਹ ਹੋ ਗਈ। ਹਾਦਸੇ ਵਿਚ 4 ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।

ਪੁਲਿਸ ਨੇ ਕਾਰ ਨੂੰ ਕਟਰ ਨਾਲ ਕੱਟ ਕੇ ਲਾਸ਼ਾਂ ਨੂੰ ਬਾਹਰ ਕੱਢਿਆ। ਇਸ ਹਾਦਸੇ ਵਿੱਚ ਇੱਕ ਨੌਜਵਾਨ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਿਆ। ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਇਸ ਹਾਦਸੇ 'ਤੇ ਦੁੱਖ ਜਤਾਇਆ ਹੈ।

ਘਟਨਾ ਮਿਸਰੋਦ ਥਾਣਾ ਖੇਤਰ ਦੀ ਹੈ। ਸ਼ਨੀਵਾਰ ਦੇਰ ਰਾਤ ਅਵਧਪੁਰੀ ਨਿਵਾਸੀ ਆਦਿੱਤਿਆ ਪਾਂਡੇ ਆਪਣੇ ਸਾਥੀ ਖਜੂਰੀ ਨਿਵਾਸੀ ਹਿਤੇਸ਼, ਅਵਧਪੁਰੀ ਨਿਵਾਸੀ ਹਨੀ ਸਮੇਤ 5 ਦੋਸਤਾਂ ਨਾਲ ਕਾਰ ਰਾਹੀਂ ਹੋਸ਼ੰਗਾਬਾਦ ਰੋਡ ਜਾ ਰਹੇ ਸਨ। ਮਿਸਰੋਦ ਥਾਣਾ ਪੁਲਿਸ ਨੇ ਦੱਸਿਆ ਕਿ ਹਾਦਸੇ ਸਮੇਂ ਕਾਰ ਦੀ ਸਪੀਡ ਲਗਭਗ 110 ਸੀ।

ਪੱਥਰਾਂ ਨਾਲ ਭਰਿਆ ਟਰੱਕ ਚਿਨਾਰ ਕਲੋਨੀ ਦੇ ਅੰਦਰ ਹੋਸ਼ੰਗਾਬਾਦ ਰੋਡ ਤੋਂ ਮੋੜ ਕੱਟ ਰਿਹਾ ਸੀ। ਇਸੇ ਦੌਰਾਨ ਪਿੱਛੇ ਤੋਂ ਆ ਰਹੀ ਤੇਜ਼ ਰਫਤਾਰ ਕਾਰ ਟਰੱਕ ਦੇ ਪਿਛਲੇ ਹਿੱਸੇ ਆ ਟਕਰਾਈ।

ਪੁਲਿਸ ਨੇ ਦੱਸਿਆ ਕਿ ਜੇਸੀਬੀ ਅਤੇ ਕਟਰਾਂ ਦੀ ਮਦਦ ਨਾਲ ਕਾਰ ਵਿੱਚ ਫਸੀਆਂ ਲਾਸ਼ਾਂ ਨੂੰ ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਬਾਹਰ ਕੱਢਿਆ ਗਿਆ। ਇਸ ਵਿਚ ਇਕ ਨੌਜਵਾਨ ਹਨੀ ਜ਼ਖਮੀ ਹੋ ਗਿਆ। ਉਸ ਦਾ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ। ਜਦਕਿ ਚਾਰ ਨੌਜਵਾਨਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਟਰੱਕ ਚਾਲਕ ਖਿਲਾਫ ਐਫਆਈਆਰ ਦਰਜ ਕਰ ਲਈ ਹੈ।

Published by:Gurwinder Singh
First published:

Tags: Bhopal, Madhya Pradesh, Road accident