OMG! ਕੁੜੀਆਂ ਦੀ ਭੀੜ ਵੇਖ ਕੇ ਪ੍ਰੀਖਿਆ ਕੇਂਦਰ 'ਚ ਬੇਹੋਸ਼ ਹੋਇਆ ਵਿਦਿਆਰਥੀ, ਹਸਪਤਾਲ ਦਾਖਲ, ਜਾਣੋ ਮਾਮਲਾ

ਤੁਸੀ ਕਈ ਵਾਰ ਸੁਣਿਆ ਹੋਵੇਗਾ ਕਿ ਕੁੱਝ ਮੁੰਡੇ ਕੁੜੀਆਂ ਨੂੰ ਵੇਖ ਕੇ ਘਬਰਾ ਜਾਂਦੇ ਹਨ, ਪਰੰਤੂ ਬਿਹਾਰ ਦੇ ਨਾਲੰਦਾ ਵਿਚ ਇੱਕ ਅਜਿਹੀ ਹੀ ਘਟਨਾ ਅੱਖੀਂ ਵਿਖਾਈ ਦਿੱਤੀ ਹੈ। ਜਿਥੇ 12ਵੀਂ ਬੋਰਡ ਦੀ ਪ੍ਰੀਖਿਆ ਦੌਰਾਨ ਇੱਕ ਵਿਦਿਆਰਥੀ ਪ੍ਰੀਖਿਆ ਕੇਂਦਰ ਵਿੱਚ ਬੇਹੋਸ਼ ਹੋ ਗਿਆ, ਜਿਸ ਨੂੰ ਹਸਪਤਾਲ ਦਾਖਲ ਕਰਵਾਉਣਾ ਪਿਆ। ਹੈਰਾਨੀਵਾਲਾ ਕਾਰਨ ਇਹ ਸੀ ਕਿ ਵਿਦਿਆਰਥੀ ਮਣੀਸ਼ੰਕਰ ਵੱਡੀ ਗਿਣਤੀ ਵਿੱਚ ਕੁੜੀਆਂ ਵੇਖ ਕੇ ਘਬਰਾ ਗਿਆ ਅਤੇ ਬੇਹੋਸ਼ ਹੋ ਗਿਆ, ਜੋ ਕਿ ਅੱਲਾਮਾ ਇਕਬਾਲ ਕਾਲਜ ਦਾ ਵਿਦਿਆਰਥੀ ਹੈ।

ਅੱਲਾਮਾ ਇਕਬਾਲ ਕਾਲਜ ਦਾ ਕੇਂਦਰ ਬਿਹਾਰ ਸ਼ਰੀਫ ਦੇ ਬ੍ਰਿਲੀਏਟ ਕਾਨਵੈਂਟ ਸਕੂਲ ਵਿੱਚ ਗਿਆ ਸੀ। ਮਣੀਸ਼ੰਕਰ ਦਾ ਅੱਜ ਗਣਿਤ ਦਾ ਪੇਪਰ ਸੀ, ਇੱਕ ਪੇਪਰ ਔਖਾ ਸੀ ਅਤੇ ਪ੍ਰੀਖਿਆ ਕੇਂਦਰ ਦੇ ਅੰਦਰ ਵੱਡੀ ਗਿਣਤੀ ਵਿੱਚ ਲੜਕੀਆਂ ਨੂੰ ਦੇਖ ਕੇ ਉਹ ਬੇਹੋਸ਼ ਹੋ ਗਿਆ। ਬੇਹੋਸ਼ ਹੋਣ ਦਾ ਕਾਰਨ ਇਹ ਸੀ ਕਿ ਕੇਂਦਰ ਵਿੱਚ ਉਹ ਇਕੱਲਾ ਲੜਕਾ ਸੀ ਅਤੇ ਬਾਕੀ ਪ੍ਰੀਖਿਆ ਹਾਲ ਵਿੱਚ ਸਿਰਫ਼ ਕੁੜੀਆਂ ਹੀ ਸਨ। ਇਸ ਕੇਂਦਰ ਵਿੱਚ 500 ਵਿਦਿਆਰਥਣਾਂ ਵਿੱਚੋਂ ਮਣੀਸ਼ੰਕਰ ਇਕਲੌਤਾ ਵਿਦਿਆਰਥੀ ਸੀ।

ਜਦੋਂ ਇਸ ਮਾਮਲੇ ਸਬੰਧੀ ਨਾਲੰਦਾ ਦੇ ਡੀਈਓ ਕੇਸ਼ਵ ਪ੍ਰਸਾਦ ਦੇ ਨੰਬਰ 8544411662 'ਤੇ ਫ਼ੋਨ ਕੀਤਾ ਗਿਆ ਤਾਂ ਉਨ੍ਹਾਂ ਫ਼ੋਨ ਨਹੀਂ ਚੁੱਕਿਆ। ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਇਹ ਗਲਤੀ ਕਿਵੇਂ ਹੋਈ। ਇੱਕ ਲੜਕੇ ਦਾ ਸੈਂਟਰ ਇੱਕ ਕੁੜੀ ਦੇ ਸੈਂਟਰ ਨੂੰ ਕਿਵੇਂ ਦਿੱਤਾ ਗਿਆ। ਨਾਲੰਦਾ ਜ਼ਿਲ੍ਹੇ ਦੇ ਕੁੱਲ 47295 ਪ੍ਰੀਖਿਆਰਥੀ ਹਨ। ਜਿਸ ਵਿੱਚ 25939 ਲੜਕੇ ਅਤੇ 21356 ਲੜਕੀਆਂ ਹਨ। ਇਨ੍ਹਾਂ ਲਈ ਜ਼ਿਲ੍ਹੇ ਵਿੱਚ ਕੁੱਲ 41 ਕੇਂਦਰ ਬਣਾਏ ਗਏ ਹਨ। ਇਨ੍ਹਾਂ ਵਿੱਚੋਂ ਬਿਹਾਰ ਸ਼ਰੀਫ਼ ਵਿੱਚ 32, ਰਾਜਗੀਰ ਵਿੱਚ 4 ਅਤੇ ਹਿਲਸਾ ਵਿੱਚ 5 ਪ੍ਰੀਖਿਆ ਕੇਂਦਰ ਹਨ।

ਪ੍ਰੀਖਿਆ ਦਾ ਪਹਿਲਾ ਦਿਨ ਸੀ ਅੱਜ

ਬਿਹਾਰ ਸਕੂਲ ਪ੍ਰੀਖਿਆ ਬੋਰਡ ਵੱਲੋਂ ਅੱਜ ਤੋਂ ਇੰਟਰਮੀਡੀਏਟ ਦੀ ਪ੍ਰੀਖਿਆ ਸ਼ੁਰੂ ਕਰ ਦਿੱਤੀ ਗਈ ਹੈ। ਕਮੇਟੀ ਨੇ ਕੁਤਾਹੀ ਰਹਿਤ ਪ੍ਰੀਖਿਆ ਕਰਵਾਉਣ ਲਈ ਕਈ ਨਿਯਮ ਜਾਰੀ ਕੀਤੇ ਹਨ। ਪ੍ਰੀਖਿਆ ਸ਼ੁਰੂ ਹੋਣ ਤੋਂ ਪਹਿਲਾਂ ਕੇਂਦਰਾਂ 'ਤੇ ਵੀ ਭਾਰੀ ਹੰਗਾਮਾ ਦੇਖਣ ਨੂੰ ਮਿਲਿਆ ਹੈ। ਪ੍ਰਸ਼ਾਸਨ ਅਤੇ ਵਿਦਿਆਰਥੀਆਂ ਵਿਚਾਲੇ ਮਾਮੂਲੀ ਝੜਪ ਵੀ ਹੋਈ, ਪਰ ਸੁਰੱਖਿਆ ਬਲਾਂ ਨੇ ਇਸ ਨੂੰ ਸ਼ਾਂਤ ਕੀਤਾ।