Tasty Kebab: ਅਨੋਖੇ ਸਵਾਦ ਨਾਲ ਭਰਪੂਰ ਹੈ ਇਸ ਪਿੰਡ ਦਾ ਕਬਾਬ, ਨੇਪਾਲ ਤੋਂ ਵੀ ਆਉਂਦੇ ਹਨ ਲੋਕ

Tasty Kebab in Champaran Bihar over Delhi-Lucknow: ਤੁਸੀਂ ਆਪਣੇ ਜੀਵਨ ਵਿੱਚ ਕਈ ਤਰ੍ਹਾਂ ਦੇ ਕਬਾਬ ਖਾਏ ਹੋਣਗੇ। ਹਰ ਥਾਂ ਉੱਤੇ ਆਪਣੀ ਇੱਕ ਵੱਖਰੀ ਪਕਾਉਣ ਦੀ ਸ਼ੈਲੀ ਹੁੰਦੀ ਹੈ ਜੋ ਉਸ ਨੂੰ ਬਾਕੀਆਂ ਤੋਂ ਵੱਖਰਾ ਕਰਦੀ ਹੈ। ਵੈਸੇ ਵੀ ਜਦੋਂ ਤੁਸੀਂ ਕਬਾਬ ਦਾ ਨਾਂ ਸੁਣਦੇ ਹੋ ਤਾਂ ਤੁਹਾਨੂੰ ਉੱਤਰ ਭਾਰਤ ਦੇ ਸ਼ਹਿਰ ਲਖਨਊ ਜਾਂ ਦਿੱਲੀ ਦੀ ਯਾਦ ਆ ਗਈ ਹੋਵੇਗੀ ਪਰ ਅਸੀਂ ਦਿੱਲੀ ਜਾਂ ਲਖਨਊ ਨਹੀਂ, ਅੱਜ ਅਸੀਂ ਬਿਹਾਰ ਦੇ ਇੱਕ ਅਜਿਹੇ ਸਥਾਨ ਬਾਰੇ ਦੱਸਾਂਗੇ ਜੋ ਆਪਣੇ ਕਬਾਬ ਲਈ ਬਹੁਤ ਮਸ਼ਹੂਰ ਹੈ ਤੇ ਦੂਰੋ ਦੂਰੋਂ ਲੋਕ ਉਸ ਕੋਲ ਕਬਾਬ ਖਾਣ ਲਈ ਆਉਂਦੇ ਹਨ। ਅਸੀਂ ਗੱਲ ਕਰ ਰਹੇ ਹਾਂ ਚੰਪਾਰਣ ਦੀ। ਇੱਥੋਂ ਦੇ ਸੀਖ ਕਬਾਬ ਇੰਨੇ ਮਸ਼ਹੂਰ ਹਨ ਕਿ ਗੁਆਂਢੀ ਦੇਸ਼ ਨੇਪਾਲ ਤੋਂ ਲੋਕ ਇੱਥੇ ਕਬਾਬ ਖਾਣ ਆਉਂਦੇ ਹਨ। ਇਸ ਕਬਾਬ ਨੇ ਨਾ ਸਿਰਫ਼ ਬਿਹਾਰ ਦੇ ਕਈ ਜ਼ਿਲ੍ਹਿਆਂ ਵਿੱਚ ਸਗੋਂ ਦੇਸ਼ ਦੇ ਕਈ ਰਾਜਾਂ ਅਤੇ ਗੁਆਂਢੀ ਦੇਸ਼ ਨੇਪਾਲ ਵਿੱਚ ਵੀ ਲੋਕਾਂ ਨੂੰ ਆਪਣੇ ਸਵਾਦ ਦਾ ਦੀਵਾਨਾ ਬਣਾ ਰੱਖਿਆ ਹੈ।

ਇੱਥੇ ਬਣਨ ਵਾਲੇ ਕਬਾਬ ਵਿੱਚ ਪੈਂਦੇ ਹਨ ਖਾਸ 17 ਕਿਸਮ ਦੇ ਮਸਾਲੇ

ਦੂਰ-ਦੂਰ ਤੋਂ ਲੋਕ ਕਬਾਬ ਖਾਣ ਲਈ ਚੰਪਾਰਨ ਦੇ ਇਸ ਪਿੰਡ ਵਿੱਚ ਜਾਂਦੇ ਹਨ। ਇਸ ਸਬੰਧੀ ਜਦੋਂ ਦੁਕਾਨਦਾਰ ਅਨਿਲ ਕੁਮਾਰ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਵੱਲੋਂ ਬਣਾਏ ਕਬਾਬ ਇਸ ਲਈ ਅਲੱਗ ਟੇਸਟ ਕਰਦੇ ਹਨ, ਕਿਉਂਕਿ ਉਹ ਮਟਨ ਦੀ ਤਾਜ਼ਗੀ ਅਤੇ ਮਸਾਲੇ ਹੀ ਪਰਖ ਦਾ ਖਾਸ ਧਿਆਨ ਰੱਖਦੇ ਹਨ। ਉਸ ਨੇ ਦੱਸਿਆ ਕਿ ਉਹ ਸੀਕ ਕਬਾਬ ਬਣਾਉਣ ਲਈ 17 ਤਰ੍ਹਾਂ ਦੇ ਮਸਾਲਿਆਂ ਦੀ ਵਰਤੋਂ ਕਰਦੇ ਹਨ। ਜੋ ਇਸ ਦੇ ਸਵਾਦ ਨੂੰ ਬਹੁਤ ਖਾਸ ਬਣਾਉਂਦੇ ਹਨ। ਨਾਲ ਹੀ ਮਟਨ ਦੀ ਤਾਜ਼ਗੀ ਅਤੇ ਜਿਸ ਤਰ੍ਹਾਂ ਇਸ ਨੂੰ ਕੋਲੇ 'ਤੇ ਪਕਾਇਆ ਜਾਂਦਾ ਹੈ, ਉਹ ਇਸ ਨੂੰ ਵਿਲੱਖਣ ਬਣਾਉਂਦਾ ਹੈ ਅਤੇ ਇਸ ਜਗ੍ਹਾ ਨੂੰ ਕਬਾਬਾਂ ਦੇ ਕੇਂਦਰ ਵਜੋਂ ਇੱਕ ਵਿਸ਼ੇਸ਼ ਪਛਾਣ ਪ੍ਰਦਾਨ ਕਰਦਾ ਹੈ।

ਜਿਸ ਤਰ੍ਹਾਂ ਬਿਹਾਰ ਦੇ ਚੰਪਾਰਨ 'ਚ ਬਣਦੇ ਹਾਂਡੀ ਮਟਨ ਦੇ ਦੀਵਾਨੇ ਪੂਰੇ ਦੇਸ਼ 'ਚ ਹਨ, ਉਸੇ ਤਰ੍ਹਾਂ ਚੰਪਾਰਨ ਦੇ ਜਗਦੀਸ਼ਪੁਰ ਥਾਣਾ ਖੇਤਰ ਦੇ ਅਧੀਨ ਪੈਂਦੇ ਪਿੰਡ ਬਨਹੋਰਾ 'ਚ ਤਿਆਰ ਹੋਣ ਵਾਲੇ ਸੀਖ ਕਬਾਬ ਦੇਸ਼ ਹੀ ਨਹੀਂ ਦੇਸ਼ ਦੇ ਕਈ ਸੂਬਿਆਂ 'ਚ ਵੀ ਦੀਵਾਨੇ ਹਨ। ਇਸ ਥਾਂ ਦੀ ਵਿਸ਼ੇਸ਼ਤਾ ਇਹ ਹੈ ਕਿ ਇਸ ਛੋਟੇ ਜਿਹੇ ਇਲਾਕੇ ਵਿੱਚ ਦਰਜਨਾਂ ਸੀਖ ਕਬਾਬ ਦੀਆਂ ਦੁਕਾਨਾਂ ਹਨ, ਜਿਨ੍ਹਾਂ ਵਿੱਚ ਸਿਰਫ਼ ਮਟਨ ਸੀਖ ਕਬਾਬ ਹੀ ਤਿਆਰ ਕੀਤਾ ਜਾਂਦਾ ਹੈ। ਸਥਾਨਕ ਦੁਕਾਨਦਾਰ ਅਨਿਲ ਕੁਮਾਰ ਦਾ ਕਹਿਣਾ ਹੈ ਕਿ ਉਹ ਕਬਾਬ ਬਣਾਉਣ ਦਾ ਇਹ ਕੰਮ ਪਿਛਲੇ 15 ਸਾਲਾਂ ਤੋਂ ਕਰ ਰਿਹਾ ਹੈ, 700 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵਿਕਣ ਦੇ ਬਾਵਜੂਦ ਹਰ ਰੋਜ਼ ਘੱਟੋ-ਘੱਟ 25 ਤੋਂ 30 ਕਿਲੋ ਕਬਾਬ ਵਿਕਦਾ ਹੈ।