• Home
  • »
  • News
  • »
  • national
  • »
  • BUSINESS AFTER 68 YEARS TATA WILL HAVE AIR INDIA AGAIN TATA SONS WINS REPORT KS

ਨਿੱਜੀਕਰਨ: 68 ਸਾਲਾਂ ਬਾਅਦ ਮੁੜ ਟਾਟਾ ਦੀ ਹੋਵੇਗੀ Air India, ਟਾਟਾ ਸੰਨਜ਼ ਨੇ ਜਿੱਤੀ ਬੋਲੀ: ਰਿਪੋਰਟ

ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਮੰਤਰੀਆਂ ਦਾ ਇੱਕ ਸਮੂਹ ਟਾਟਾ ਸਮੂਹ ਦੇ ਲੈਣ-ਦੇਣ ਦੇ ਪ੍ਰਸਤਾਵ ਨਾਲ ਸਹਿਮਤ ਹੋ ਗਿਆ ਹੈ। ਸਰਕਾਰ ਆਉਣ ਵਾਲੇ ਦਿਨਾਂ ਵਿੱਚ ਇਸ ਬਾਰੇ ਛੇਤੀ ਹੀ ਐਲਾਨ ਕਰ ਸਕਦੀ ਹੈ।

  • Share this:
    ਨਵੀਂ ਦਿੱਲੀ: ਏਅਰ ਇੰਡੀਆ (Air India) ਨੂੰ ਲੈ ਕੇ ਵੱਡੀ ਖਬਰ ਹੈ। ਟਾਟਾ (TATA), ਸਰਕਾਰੀ ਕੰਪਨੀ ਏਅਰ ਇੰਡੀਆ ਨੂੰ ਖਰੀਦਣ ਜਾ ਰਹੀ ਹੈ। ਸਮਾਚਾਰ ਏਜੰਸੀ ਬਲੂਮਬਰਗ ਦੀ ਰਿਪੋਰਟ ਅਨੁਸਾਰ, ਪੈਨਲ ਨੇ ਏਅਰ ਇੰਡੀਆ ਲਈ ਟਾਟਾ ਸਮੂਹ ਦੀ ਚੋਣ ਕੀਤੀ ਹੈ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਮੰਤਰੀਆਂ ਦਾ ਇੱਕ ਸਮੂਹ ਟਾਟਾ ਸਮੂਹ ਦੇ ਲੈਣ-ਦੇਣ ਦੇ ਪ੍ਰਸਤਾਵ ਨਾਲ ਸਹਿਮਤ ਹੋ ਗਿਆ ਹੈ। ਸਰਕਾਰ ਆਉਣ ਵਾਲੇ ਦਿਨਾਂ ਵਿੱਚ ਇਸ ਬਾਰੇ ਛੇਤੀ ਹੀ ਐਲਾਨ ਕਰ ਸਕਦੀ ਹੈ।

    ਜਾਣਕਾਰੀ ਦੇ ਅਨੁਸਾਰ, ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ, ਨਿਵੇਸ਼ ਅਤੇ ਜਨਤਕ ਸੰਪਤੀ ਪ੍ਰਬੰਧਨ ਵਿਭਾਗ ਅਤੇ ਸ਼ਹਿਰੀ ਹਵਾਬਾਜ਼ੀ ਦੇ ਡਾਇਰੈਕਟੋਰੇਟ ਜਨਰਲ ਦੇ ਅਧਿਕਾਰੀਆਂ ਨੇ ਟਾਟਾ ਸਮੂਹ ਦੇ ਨੁਮਾਇੰਦਿਆਂ ਅਤੇ ਸਪਾਈਸਜੈੱਟ ਦੇ ਚੇਅਰਮੈਨ ਅਜੈ ਸਿੰਘ ਨਾਲ ਮੁਲਾਕਾਤ ਕਰਕੇ ਬੋਲੀ ਜਿੱਤੀ। ਤੁਹਾਨੂੰ ਦੱਸ ਦੇਈਏ ਕਿ ਜੇਆਰਡੀ ਟਾਟਾ ਨੇ ਟਾਟਾ ਏਅਰਲਾਈਨਜ਼ ਦੀ ਸਥਾਪਨਾ 1932 ਵਿੱਚ ਕੀਤੀ ਸੀ।

    ਸਰਕਾਰ ਦਾ ਉਦੇਸ਼ ਏਅਰ ਇੰਡੀਆ ਦਾ ਸੌਦਾ ਦਸੰਬਰ 2021 ਤੱਕ ਪੂਰਾ ਕਰਨਾ ਹੈ। ਸਰਕਾਰ ਆਪਣੇ ਵਿਨਿਵੇਸ਼ ਦੇ ਟੀਚੇ ਨੂੰ ਪੂਰਾ ਕਰਨ ਲਈ ਇਸ ਸੌਦੇ ਨੂੰ ਜਿੰਨੀ ਛੇਤੀ ਹੋ ਸਕੇ ਪੂਰਾ ਕਰਨਾ ਚਾਹੁੰਦੀ ਹੈ। ਇਸ ਦੇ ਨਾਲ ਹੀ ਸਰਕਾਰ ਇਸ ਵਿੱਤੀ ਸਾਲ ਵਿੱਚ ਐਲਆਈਸੀ ਵਿੱਚ ਆਪਣੀ ਹਿੱਸੇਦਾਰੀ ਵੀ ਵੇਚ ਸਕਦੀ ਹੈ।

    ਏਅਰ ਇੰਡੀਆ ਨੂੰ ਕਿਉਂ ਵੇਚ ਰਹੀ ਹੈ ਸਰਕਾਰ ?
    ਇਸ ਦੀ ਕਹਾਣੀ ਸਾਲ 2007 ਤੋਂ ਸ਼ੁਰੂ ਹੁੰਦੀ ਹੈ। 2007 ਵਿੱਚ ਸਰਕਾਰ ਨੇ ਏਅਰ ਇੰਡੀਆ ਅਤੇ ਇੰਡੀਅਨ ਏਅਰਲਾਈਨਜ਼ ਨੂੰ ਮਿਲਾ ਦਿੱਤਾ। ਰਲੇਵੇਂ ਪਿੱਛੇ ਸਰਕਾਰ ਨੇ ਤੇਲ ਦੀਆਂ ਵਧਦੀਆਂ ਕੀਮਤਾਂ, ਪ੍ਰਾਈਵੇਟ ਏਅਰਲਾਈਨ ਕੰਪਨੀਆਂ ਦੇ ਮੁਕਾਬਲੇ ਨੂੰ ਕਾਰਨ ਦੱਸਿਆ ਸੀ। ਹਾਲਾਂਕਿ, ਏਅਰ ਇੰਡੀਆ ਸਾਲ 2000 ਤੋਂ 2006 ਤੱਕ ਮੁਨਾਫਾ ਕਮਾ ਰਹੀ ਸੀ, ਪਰ ਰਲੇਵੇਂ ਤੋਂ ਬਾਅਦ ਮੁਸੀਬਤ ਵਧ ਗਈ। ਕੰਪਨੀ 'ਤੇ ਕਰਜ਼ਾ ਲਗਾਤਾਰ ਵਧਦਾ ਗਿਆ। 31 ਮਾਰਚ 2019 ਤੱਕ ਕੰਪਨੀ 'ਤੇ 60 ਹਜ਼ਾਰ ਕਰੋੜ ਤੋਂ ਵੱਧ ਦਾ ਕਰਜ਼ਾ ਸੀ। ਵਿੱਤੀ ਸਾਲ 2020-21 ਲਈ, ਅਨੁਮਾਨ ਲਗਾਇਆ ਗਿਆ ਸੀ ਕਿ ਏਅਰਲਾਈਨ ਨੂੰ 9 ਹਜ਼ਾਰ ਕਰੋੜ ਦਾ ਨੁਕਸਾਨ ਹੋ ਸਕਦਾ ਹੈ।

    ਟਾਟਾ ਨੇ ਸਾਲ 1932 ਵਿੱਚ ਕੀਤੀ ਸੀ ਏਅਰ ਇੰਡੀਆ ਦੀ ਸ਼ੁਰੂਆਤ
    ਏਅਰ ਇੰਡੀਆ ਦੀ ਸ਼ੁਰੂਆਤ ਟਾਟਾ ਸਮੂਹ ਨੇ 1932 ਵਿੱਚ ਕੀਤੀ ਸੀ। ਟਾਟਾ ਸਮੂਹ ਦੇ ਜੇ.ਆਰ.ਡੀ ਟਾਟਾ ਇਸ ਦੇ ਸੰਸਥਾਪਕ ਸਨ। ਉਹ ਖੁਦ ਪਾਇਲਟ ਸੀ। ਉਦੋਂ ਇਸਨੂੰ ਟਾਟਾ ਏਅਰ ਸਰਵਿਸ ਦਾ ਨਾਂਅ ਦਿੱਤਾ ਗਿਆ ਸੀ। 1938 ਤੱਕ ਕੰਪਨੀ ਨੇ ਆਪਣੀਆਂ ਘਰੇਲੂ ਉਡਾਣਾਂ ਸ਼ੁਰੂ ਕਰ ਦਿੱਤੀਆਂ ਸਨ। ਦੂਜੇ ਵਿਸ਼ਵ ਯੁੱਧ ਤੋਂ ਬਾਅਦ, ਇਸਨੂੰ ਇੱਕ ਸਰਕਾਰੀ ਕੰਪਨੀ ਬਣਾਇਆ ਗਿਆ ਸੀ। ਆਜ਼ਾਦੀ ਤੋਂ ਬਾਅਦ, ਸਰਕਾਰ ਨੇ ਇਸ ਵਿੱਚ 49% ਹਿੱਸੇਦਾਰੀ ਖਰੀਦੀ ਸੀ।
    Published by:Krishan Sharma
    First published:
    Advertisement
    Advertisement