Home /News /national /

ਲੱਖਾਂ ਰੁਪਏ ਕਿੱਲੋ ਵਿਕਦਾ ਹੈ ਕੇਸਰ, ਇਸ ਦੀ ਖੇਤੀ ਨਾਲ ਹੋ ਜਾਵੋਗੇ ਮਾਲਾਮਾਲ, ਜਾਣੋ ਖੇਤੀ ਤਕਨੀਕ...

ਲੱਖਾਂ ਰੁਪਏ ਕਿੱਲੋ ਵਿਕਦਾ ਹੈ ਕੇਸਰ, ਇਸ ਦੀ ਖੇਤੀ ਨਾਲ ਹੋ ਜਾਵੋਗੇ ਮਾਲਾਮਾਲ, ਜਾਣੋ ਖੇਤੀ ਤਕਨੀਕ...

ਫੋਟੋ ਕੈ. ਸੋਸ਼ਲ ਮੀਡੀਆ)

ਫੋਟੋ ਕੈ. ਸੋਸ਼ਲ ਮੀਡੀਆ)

  • Share this:
    ਖੇਤੀ ਅੱਜਕੱਲ੍ਹ ਲਾਹੇਵੰਦ ਧੰਦਾ ਨਹੀਂ ਰਹੀ ਹੈ। ਹਰ ਕਿਸਾਨ ਖੇਤੀ ਤੋਂ ਕਿਨਾਰਾ ਕਰਨ ਦਾ ਇਛੁੱਕ ਹੈ। ਪਰ ਕੁਝ ਇਕ ਫਸਲਾਂ ਅਜਿਹੀਆਂ ਵੀ ਹਨ ਜਿੰਨ੍ਹਾਂ ਦੀ ਪੈਦਾਵਾਰ ਨਾਲ ਤੁਸੀਂ ਹਜ਼ਾਰਾਂ ਨਹੀਂ ਲੱਖਾਂ ਕਮਾ ਸਕਦੇ ਹੋ ਤੇ ਖੇਤੀ ਨੂੰ ਇਕ ਲਾਹੇਵੰਦ ਧੰਦੇ ਵਜੋਂ ਅਪਣਾ ਸਕਦੇ ਹੋ।

    ਕੇਸਰ ਦੀ ਖੇਤੀ ਕਰਨਾ ਅਜਿਹਾ ਹੀ ਇਕ ਮਨਾਫੇ ਵਾਲਾ ਕਿੱਤਾ ਹੈ। ਪੜ੍ਹੇ-ਲਿਖੇ ਨੌਜਵਾਨਾਂ ਦਾ ਰੁਝਾਨ ਇਸ ਵੱਲ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਕੇਸਰ ਦੀ ਕੀਮਤ ਬਹੁਤ ਚੰਗੀ ਹੈ। ਕੇਸਰ ਦਾ ਨਾਂ ਸੁਣ ਕੇ ਤੁਸੀਂ ਸ਼ਾਇਦ ਜੰਮੂ-ਕਸ਼ਮੀਰ ਬਾਰੇ ਸੋਚਣ ਲੱਗੋਗੇ।

    ਇਸ ਦਾ ਕਾਰਨ ਇਹ ਹੈ ਕਿ ਇੱਥੇ ਇਸ ਦੀ ਖੇਤੀ ਰਵਾਇਤੀ ਤੌਰ 'ਤੇ ਕੀਤੀ ਜਾਂਦੀ ਹੈ। ਪਰ ਹੁਣ ਸਥਿਤੀ ਬਦਲ ਗਈ ਹੈ। ਇਸ ਦੀ ਖੇਤੀ ਉੱਤਰ ਪ੍ਰਦੇਸ਼, ਹਰਿਆਣਾ, ਰਾਜਸਥਾਨ ਸਮੇਤ ਕਈ ਰਾਜਾਂ ਵਿੱਚ ਸ਼ੁਰੂ ਹੋ ਗਈ ਹੈ। ਜੇਕਰ ਤੁਸੀਂ ਵੀ ਕਾਰੋਬਾਰ ਕਰਨਾ ਚਾਹੁੰਦੇ ਹੋ ਤਾਂ ਕੇਸਰ ਦੀ ਖੇਤੀ ਤੋਂ ਲੱਖਾਂ ਰੁਪਏ ਕਮਾ ਸਕਦੇ ਹੋ।

    ਕੇਸਰ ਇੰਨਾ ਮਹਿੰਗਾ ਹੈ ਕਿ ਲੋਕ ਇਸ ਨੂੰ ਲਾਲ ਸੋਨਾ ਕਹਿੰਦੇ ਹਨ। ਭਾਰਤ ਵਿਚ ਇਸ ਸਮੇਂ ਇਸ ਦੀ ਕੀਮਤ 2.5 ਲੱਖ ਤੋਂ 3 ਲੱਖ ਰੁਪਏ ਪ੍ਰਤੀ ਕਿਲੋ ਹੈ।

    ਹਾਲਾਂਕਿ, ਤੁਹਾਨੂੰ ਦੱਸ ਦੇਈਏ ਕਿ ਕੇਸਰ ਦੀ ਖੇਤੀ ਵਿੱਚ ਕਮਾਈ ਮੰਗ 'ਤੇ ਨਿਰਭਰ ਕਰਦੀ ਹੈ। ਇਸ ਦੀ ਮੰਗ ਦੇਸ਼ ਵਿੱਚ ਹੀ ਨਹੀਂ ਸਗੋਂ ਵਿਦੇਸ਼ਾਂ ਵਿੱਚ ਵੀ ਹੈ। ਇਹ ਦੁਨੀਆਂ ਦੇ ਸਭ ਤੋਂ ਮਹਿੰਗੇ ਮਸਾਲਿਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।

    ਕੇਸਰ ਦੀ ਖੇਤੀ ਲਈ ਮੌਸਮ

    ਜੇਕਰ ਤੁਸੀਂ ਕੇਸਰ ਦੀ ਖੇਤੀ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਇਸ ਦੀ ਕਾਸ਼ਤ ਸਮੁੰਦਰ ਤਲ ਤੋਂ 3,000 ਮੀਟਰ ਦੀ ਉਚਾਈ 'ਤੇ ਸੰਭਵ ਹੈ। ਜਿੱਥੇ ਮੌਸਮ ਗਰਮ ਹੈ, ਉੱਥੇ ਕੇਸਰ ਦੀ ਕਾਸ਼ਤ ਕੀਤੀ ਜਾ ਸਕਦੀ ਹੈ। ਠੰਡ ਅਤੇ ਬਰਸਾਤ ਦਾ ਮੌਸਮ ਕੇਸਰ ਦੀ ਕਾਸ਼ਤ ਲਈ ਢੁਕਵਾਂ ਨਹੀਂ ਹੈ।

    ਇਸ ਦੇ ਨਾਲ ਹੀ ਇਸ ਦੀ ਕਾਸ਼ਤ ਲਈ ਰੇਤਲੀ, ਦੋਮਟੀਆ ਜਾਂ ਦੋਮਟ ਮਿੱਟੀ ਹੋਣੀ ਜ਼ਰੂਰੀ ਹੈ। ਕੇਸਰ ਦੀ ਖੇਤੀ ਲਈ ਅਜਿਹੀ ਜ਼ਮੀਨ ਦੀ ਚੋਣ ਕਰੋ, ਜਿੱਥੇ ਪਾਣੀ ਦੀ ਮਾਤਰਾ ਬਹੁਤੀ ਨਾ ਹੋਵੇ ਯਾਨੀ ਸੇਮ ਵਾਲੇ ਇਲਾਕੇ ਵਿਚ ਕੇਸਰ ਦੀ ਖੇਤੀ ਸੰਭਵ ਨਹੀਂ ਹੈ। ਇਸਦੇ ਲਈ 10 ਵਾਲਵ ਬੀਜਾਂ ਦੀ ਵਰਤੋਂ ਹੁੰਦੀ ਹੈ, ਜਿਨ੍ਹਾਂ ਦੀ ਕੀਮਤ ਲਗਭਗ 550 ਰੁਪਏ ਹੈ।

    ਤੁਸੀਂ ਕਿੰਨੀ ਕਮਾਈ ਕਰੋਗੇ?

    ਕੇਸਰ ਤੋਂ ਤੁਸੀਂ ਕਾਫੀ ਮੁਨਾਫਾ ਕਮਾ ਸਕਦੇ ਹੋ। ਜੇਕਰ ਤੁਸੀਂ ਹਰ ਮਹੀਨੇ 2 ਕਿਲੋ ਕੇਸਰ ਵੀ ਵੇਚਦੇ ਹੋ ਤਾਂ ਤੁਸੀਂ 6 ਲੱਖ ਰੁਪਏ ਤੱਕ ਕਮਾ ਸਕਦੇ ਹੋ। ਕੇਸਰ ਨੂੰ ਚੰਗੀ ਤਰ੍ਹਾਂ ਪੈਕ ਕੀਤਾ ਜਾ ਸਕਦਾ ਹੈ ਅਤੇ ਕਿਸੇ ਵੀ ਨੇੜਲੇ ਬਾਜ਼ਾਰ ਵਿੱਚ ਚੰਗੀ ਕੀਮਤ 'ਤੇ ਵੇਚਿਆ ਜਾ ਸਕਦਾ ਹੈ।

    ਖਾਸ ਗੱਲ ਇਹ ਹੈ ਕਿ ਤੁਸੀਂ ਇਸ ਨੂੰ ਆਨਲਾਈਨ ਵੀ ਵੇਚ ਸਕਦੇ ਹੋ। ਇਸ ਦੀ ਕਾਸ਼ਤ ਲਈ ਜੂਨ, ਜੁਲਾਈ, ਅਗਸਤ, ਸਤੰਬਰ ਸਭ ਤੋਂ ਉੱਤਮ ਮੰਨੇ ਜਾਂਦੇ ਹਨ। ਕੇਸਰ ਦੇ ਪੌਦੇ ਅਕਤੂਬਰ ਵਿੱਚ ਫੁੱਲ ਦੇਣਾ ਸ਼ੁਰੂ ਕਰ ਦਿੰਦੇ ਹਨ। ਉੱਚੇ ਪਹਾੜੀ ਖੇਤਰਾਂ ਵਿੱਚ ਕੇਸਰ ਬੀਜਣ ਦਾ ਜੁਲਾਈ-ਅਗਸਤ ਸਹੀ ਸਮਾਂ ਹੈ, ਜਦੋਂ ਕਿ ਮੈਦਾਨੀ ਇਲਾਕਿਆਂ ਵਿੱਚ ਕੇਸਰ ਦੇ ਬੀਜ ਫਰਵਰੀ-ਮਾਰਚ ਦੇ ਵਿਚਕਾਰ ਲਗਾਏ ਜਾਂਦੇ ਹਨ। ਮੁਨਾਫੇ ਵਾਲੀਆਂ ਖੇਤੀ ਫਸਲਾਂ, ਕੇਸਰ ਦੀ ਕਾਸ਼ਤ, ਕੇਸਰ ਦੀ ਕੀਮਤ, ਕੇਸਰ ਦੀ ਖੇਤੀ ਵਿਚੋਂ ਕਮਾਈ, ਕਿਸ ਮੌਸਮ ਵਿਚ ਬੀਜੀਏ ਕੇਸਰ
    Published by:Gurwinder Singh
    First published:

    Tags: Farmer, Farmers Protest

    ਅਗਲੀ ਖਬਰ