Himachal: ਕਾਂਗੜਾ 'ਚ ਭਾਰੀ ਮੀਂਹ ਕਾਰਨ ਡਿੱਗਿਆ ਚਿੱਕੀ ਪੁਲ, ਪੰਜਾਬ-ਹਿਮਾਚਲ ਰੇਲ ਲਾਈਨ ਠੱਪ

ਕਾਂਗੜਾ: ਭਾਰਤੀ ਰੇਲਵੇ ਲਾਈਨ ਦੀ ਇਤਿਹਾਸਕ ਵਿਰਾਸਤ ਪਠਾਨਕੋਟ-ਕਾਂਗੜਾ ਜੋਗਿੰਦਰਨਗਰ ਰੇਲਵੇ ਟ੍ਰੈਕ 'ਤੇ ਇੱਕ ਵਾਰ ਫਿਰ ਤੋਂ ਕੰਮ ਠੱਪ ਹੋ ਗਿਆ ਹੈ। ਦਰਅਸਲ, ਭਾਰੀ ਮੀਂਹ ਕਾਰਨ ਚੱਕੀ ਦੇ ਕੋਲ ਇੱਕ ਰੇਲਵੇ ਪੁਲ ਹੜ੍ਹ ਦੀ ਭੇਟ ਚੜ੍ਹ ਗਿਆ। ਇਹ ਚੱਕੀ ਪੁਲ ਬਹੁਤ ਪੁਰਾਣਾ ਸੀ ਅਤੇ ਪੰਜਾਬ ਤੋਂ ਹਿਮਾਚਲ ਤੱਕ ਰੇਲਵੇ ਟਰੈਕ ਨੂੰ ਜੋੜਨ ਵਾਲਾ ਇੱਕੋ ਇੱਕ ਪੁਲ ਸੀ।

ਜਾਣਕਾਰੀ ਅਨੁਸਾਰ ਪੰਜਾਬ ਵਾਲੇ ਪਾਸੇ ਤੋਂ ਪਹਿਲਾਂ ਹੀ ਨੁਕਸਾਨਿਆ ਹੋਇਆ ਹਿੱਸਾ ਹੁਣ ਹੜ੍ਹਾਂ ਦੀ ਲਪੇਟ ਵਿਚ ਆ ਗਿਆ ਹੈ। ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਚੱਕੀ ਖੱਡ ਦਾ ਪਾਣੀ ਇਸ ਪੁਲ ’ਤੇ ਓਵਰਫਲੋਅ ਹੋ ਚੁੱਕਾ ਹੈ ਪਰ ਇਸ ਪੁਲ ਦੀ ਸਮੇਂ ਸਿਰ ਸੰਭਾਲ ਨਹੀਂ ਕੀਤੀ ਗਈ। ਹੁਣ ਪਿਛਲੇ 24 ਘੰਟਿਆਂ ਤੋਂ ਹੋ ਰਹੀ ਭਾਰੀ ਬਰਸਾਤ ਕਾਰਨ ਅੱਜ ਇਸ ਪੁਲ ਵਿੱਚ ਪਾਣੀ ਭਰ ਗਿਆ।

ਧਿਆਨ ਯੋਗ ਹੈ ਕਿ ਪੰਜਾਬ ਨੂੰ ਹਿਮਾਚਲ ਨਾਲ ਜੋੜਨ ਵਾਲਾ ਇਹ ਇਕੋ-ਇਕ ਰੇਲਵੇ ਟਰੈਕ ਹੈ, ਜਿਸ ਨੂੰ ਚੌੜਾ ਕਰਨ ਲਈ ਮੌਜੂਦਾ ਸਰਕਾਰ ਨੇ ਕਈ ਹਵਾਈ ਸਰਵੇਖਣ ਕਰਵਾਏ ਅਤੇ ਬਾਅਦ ਵਿਚ ਇਸ ਨੂੰ ਇਤਿਹਾਸਕ ਵਿਰਾਸਤ ਐਲਾਨ ਕੇ ਆਪਣੇ ਹਾਲ 'ਤੇ ਛੱਡ ਦਿੱਤਾ।

ਅੱਜ ਆਪਣੀ ਖਸਤਾ ਹਾਲਤ ਵਿੱਚ ਪਹੁੰਚਿਆ ਇਹ ਇਤਿਹਾਸਕ ਵਿਰਸਾ ਉਸੇ ਤਰ੍ਹਾਂ ਵੱਖ-ਵੱਖ ਹਿੱਸਿਆਂ ਵਿੱਚ ਕੱਟ ਰਿਹਾ ਹੈ। ਪਰ ਸਮੇਂ ਸਿਰ ਇਸ ਦੀ ਮੁਰੰਮਤ ਕਰਵਾਉਣ ਵੱਲ ਕੋਈ ਧਿਆਨ ਨਹੀਂ ਦੇ ਰਿਹਾ। ਜਿਸ ਕਾਰਨ ਕਦੇ ਟ੍ਰੈਕ ਦੇ ਹਿੱਸੇ ਅਤੇ ਕਦੇ ਪੁਲ 'ਚ ਪਾਣੀ ਭਰ ਜਾਂਦਾ ਹੈ।