Chennai : ਤਸਕਰੀ ਰਾਹੀਂ ਮਲੇਸ਼ੀਆ ਭੇਜੇ ਜਾ ਰਹੇ ਸਟਾਰ ਨਸਲ ਦੇ 1364 ਕੱਛੂ ਜ਼ਬਤ

ਚੇਨਈ- ਤਾਮਿਲਨਾਡੂ ਦੀ ਰਾਜਧਾਨੀ ਚੇਨਈ ਵਿੱਚ ਏਅਰ ਕਾਰਗੋ ਕਸਟਮ (Air Cargo Custom) ਨੇ 1364 ਸਟਾਰ ਕੱਛੂਆਂ (Star Tortoise) ਨੂੰ ਜ਼ਬਤ ਕੀਤਾ ਹੈ। ਇਨ੍ਹਾਂ ਕੱਛੂਆਂ ਦੀ ਤਸਕਰੀ ਕਰਕੇ ਮਲੇਸ਼ੀਆ ਭੇਜਿਆ ਜਾ ਰਿਹਾ ਸੀ। ਕਸਟਮ ਵਿਭਾਗ ਨੇ ਜਾਣਕਾਰੀ ਦਿੱਤੀ ਹੈ ਕਿ ਇਨ੍ਹਾਂ ਕੱਛੂਆਂ ਨੂੰ ਸੂਬੇ ਦੇ ਜੰਗਲਾਤ ਵਿਭਾਗ ਨੂੰ ਸੌਂਪ ਦਿੱਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਅਗਸਤ ਮਹੀਨੇ ਵਿੱਚ ਕਸਟਮ ਵਿਭਾਗ ਵੱਲੋਂ ਸਟਾਰ ਕੱਛੂਆਂ ਦੀ ਇੱਕ ਵੱਡੀ ਖੇਪ ਫੜੀ ਗਈ ਸੀ। ਫਿਰ ਕੱਛੂਆਂ ਨੂੰ ਥਾਈਲੈਂਡ ਲਿਜਾਇਆ ਜਾ ਰਿਹਾ ਸੀ।

ਅਸਲ ਵਿੱਚ ਇਨ੍ਹਾਂ ਕੱਛੂਆਂ ਦੀ ਵਿਦੇਸ਼ਾਂ ਵਿੱਚ ਬਹੁਤ ਮੰਗ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਵਿਦੇਸ਼ 'ਚ ਇਕ ਕੱਛੂ ਦੀ ਕੀਮਤ ਸਾਢੇ ਤਿੰਨ ਲੱਖ ਰੁਪਏ ਤੱਕ ਹੈ। ਦੇਸ਼ 'ਚ ਇਸ ਦੀ ਕੀਮਤ ਕਰੀਬ 50 ਹਜ਼ਾਰ ਰੁਪਏ ਹੈ। ਰਿਪੋਰਟਾਂ ਮੁਤਾਬਕ ਵਿਦੇਸ਼ਾਂ 'ਚ ਸ਼ੇਅਰ ਬਾਜ਼ਾਰ ਦੀ ਤਰਜ਼ 'ਤੇ ਬਾਜ਼ਾਰਾਂ ਦਾ ਆਯੋਜਨ ਕੀਤਾ ਜਾਂਦਾ ਹੈ ਅਤੇ ਉਸ ਤੋਂ ਬਾਅਦ ਕੀਮਤ ਤੈਅ ਹੁੰਦੀ ਹੈ।

Tamil Nadu | Chennai Air Cargo Customs has seized 1,364 live Indian Star Tortoises from an export consignment to Malaysia. The star tortoises have been handed over to State Forest Department for rehabilitation, Customs said pic.twitter.com/7uRZwB2vvp

— ANI (@ANI) January 5, 2022

ਲੁਪਤ ਹੋ ਰਹੀਆਂ ਨਸਲਾਂ ਸ਼ਾਮਲ ਹਨ

ਦੱਸ ਦਈਏ ਕਿ ਵਾਈਲਡਲਾਈਫ ਪ੍ਰੋਟੈਕਸ਼ਨ ਐਕਟ 1972 ਦੇ ਤਹਿਤ ਕੱਛੂਆਂ ਦੀਆਂ ਚਾਰ ਪ੍ਰਜਾਤੀਆਂ ਨੂੰ ਖ਼ਤਰੇ ਵਾਲੀ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਸਟਾਰ ਕੱਛੂ ਦੁਨੀਆ ਭਰ ਦੇ ਗੈਰ-ਕਾਨੂੰਨੀ ਬਾਜ਼ਾਰਾਂ ਵਿੱਚ ਕੀਮਤੀ ਕਿਸਮਾਂ ਵਿੱਚੋਂ ਇੱਕ ਹਨ।

ਗੈਰ-ਕਾਨੂੰਨੀ ਤਸਕਰੀ ਕਾਰਨ ਮੁਸੀਬਤ ਵਿੱਚ ਪ੍ਰਜਾਤੀਆਂ

ਇਹ ਕੱਛੂ ਦੇਸ਼ ਦੇ ਤਾਮਿਲਨਾਡੂ, ਆਂਧਰਾ ਪ੍ਰਦੇਸ਼, ਕਰਨਾਟਕ, ਗੁਜਰਾਤ ਅਤੇ ਉੜੀਸਾ ਵਰਗੇ ਰਾਜਾਂ ਵਿੱਚ ਪਾਏ ਜਾਂਦੇ ਹਨ। ਲਗਾਤਾਰ ਹੋ ਰਹੀ ਤਸਕਰੀ ਕਾਰਨ ਪਿਛਲੇ ਸਾਲਾਂ ਦੌਰਾਨ ਇਨ੍ਹਾਂ ਕੱਛੂਆਂ ਦੀ ਗਿਣਤੀ ਤੇਜ਼ੀ ਨਾਲ ਘਟੀ ਹੈ। ਭਾਰਤ ਤੋਂ ਇਲਾਵਾ ਇਹ ਕੱਛੂ ਪਾਕਿਸਤਾਨ ਅਤੇ ਸ਼੍ਰੀਲੰਕਾ ਵਿੱਚ ਵੀ ਪਾਏ ਜਾਂਦੇ ਹਨ।