• Home
  • »
  • News
  • »
  • national
  • »
  • COVID 19 DELHI CABINET APPROVES FINANCIAL ASSISTANCE TO AUTO TAXI DRIVERS AFFECTED BY LOCKDOWN

ਆਟੋ-ਟੈਕਸੀ ਚਾਲਕਾਂ ਨੂੰ 5-5 ਹਜ਼ਾਰ ਰੁਪਏ ਦੀ ਮਦਦ ਦੇਵੇਗੀ ਕੇਜਰੀਵਾਲ ਸਰਕਾਰ, ਕੈਬਨਿਟ ਨੇ ਦਿੱਤੀ ਮਨਜ਼ੂਰੀ

ਆਟੋ-ਟੈਕਸੀ ਚਾਲਕਾਂ ਨੂੰ 5000 ਰੁਪਏ ਦੀ ਮਦਦ ਦੇਵੇਗੀ ਕੇਜਰੀਵਾਲ ਸਰਕਾਰ, ਕੈਬਨਿਟ ਨੇ ਦਿੱਤੀ ਮਨਜ਼ੂਰੀ (ਸੰਕੇਤਕ ਤਸਵੀਰ)

ਆਟੋ-ਟੈਕਸੀ ਚਾਲਕਾਂ ਨੂੰ 5000 ਰੁਪਏ ਦੀ ਮਦਦ ਦੇਵੇਗੀ ਕੇਜਰੀਵਾਲ ਸਰਕਾਰ, ਕੈਬਨਿਟ ਨੇ ਦਿੱਤੀ ਮਨਜ਼ੂਰੀ (ਸੰਕੇਤਕ ਤਸਵੀਰ)

  • Share this:
    ਦਿੱਲੀ ਮੰਤਰੀ ਮੰਡਲ (Delhi cabinet) ਨੇ ਸ਼ੁੱਕਰਵਾਰ ਨੂੰ ਕੋਰੋਨਾ ਵਾਇਰਸ ਦੀ ਦੂਜੀ ਲਹਿਰ ਅਤੇ ਲੌਕਡਾਊਨ ਤੋਂ ਪ੍ਰਭਾਵਿਤ ਪਾਰਾ-ਟ੍ਰਾਂਜਿਟ ਵਾਹਨ ਚਾਲਕਾਂ ਨੂੰ 5-5 ਹਜ਼ਾਰ ਰੁਪਏ ਦੀ ਵਿੱਤੀ ਸਹਾਇਤਾ ਦੇਣ ਦੇ ਪ੍ਰਸਤਾਵ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ।

    ਦਿੱਲੀ ਦੇ ਟਰਾਂਸਪੋਰਟ ਵਿਭਾਗ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਸਾਲ 2020 ਦੇ ਲਾਭਪਾਤਰੀਆਂ ਨੂੰ ਦੁਬਾਰਾ ਅਰਜ਼ੀ ਨਹੀਂ ਦੇਣੀ ਪਵੇਗੀ ਅਤੇ ਉਨ੍ਹਾਂ ਦੇ ਅਧਾਰ ਨਾਲ ਜੁੜੇ ਖਾਤੇ ਵਿੱਚ ਸਿੱਧੇ ਤੌਰ ‘ਤੇ 5000 ਰੁਪਏ ਪ੍ਰਾਪਤ ਹੋਣਗੇ। ਹਾਲਾਂਕਿ, ਇਹ ਸਥਾਨਕ ਸੰਸਥਾ ਦੁਆਰਾ ਮੌਤ ਦੀ ਤਸਦੀਕ 'ਤੇ ਅਧਾਰਤ ਹੋਵੇਗਾ।

    ਬਿਆਨ ਵਿੱਚ ਕਿਹਾ ਗਿਆ ਹੈ, “ਦਿੱਲੀ ਮੰਤਰੀ ਮੰਡਲ ਨੇ ਅੱਜ ਪਾਰਾ ਟ੍ਰਾਂਜਿਟ ਵਾਹਨਾਂ ਦੇ ਜਨਤਕ ਸੇਵਾ ਬੈਜ ਧਾਰਕਾਂ (ਚਾਲਕਾਂ) ਅਤੇ ਪਰਮਿਟ ਧਾਰਕਾਂ ਨੂੰ ਕੋਵਿਡ -19 ਮਹਾਂਮਾਰੀ ਦੀ ਦੂਸਰੀ ਲਹਿਰ ਅਤੇ ਉਸ ਤੋਂ ਬਾਅਦ ਦੇ ਕਰਫਿਊ ਨਾਲ ਪ੍ਰਭਾਵਿਤ ਹੋਣ ਦਾ ਨੋਟਿਸ ਲੈਂਦੇ ਹੋਏ ਹਰੇਕ ਲਈ 5000 ਰੁਪਏ ਆਰਥਿਕ ਮਦਦ  ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਹੈ।”

    ਬਿਆਨ ਵਿਚ ਕਿਹਾ ਗਿਆ ਹੈ ਕਿ 4 ਮਈ ਨੂੰ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਜਨਤਕ ਬੈਜ ਧਾਰਕਾਂ ਨੂੰ ਪੰਜ-ਪੰਜ ਹਜ਼ਾਰ ਰੁਪਏ ਦੀ ਗ੍ਰਾਂਟ ਦੇਣ ਦਾ ਐਲਾਨ ਕੀਤਾ ਸੀ। ਇਸ ਨਾਲ ਆਟੋ ਰਿਕਸ਼ਾ, ਈ-ਰਿਕਸ਼ਾ, ਟੈਕਸੀ, ਤਤਕਾਲ ਸੇਵਾ, ਵਾਤਾਵਰਣ ਪੱਖੀ ਸੇਵਾਵਾਂ, ਪੇਂਡੂ ਸੇਵਾਵਾਂ ਅਤੇ ਮੈਕਸੀ ਕੈਬਾਂ ਦੇ ਡਰਾਈਵਰਾਂ ਨੂੰ ਫਾਇਦਾ ਹੋਵੇਗਾ।
    Published by:Gurwinder Singh
    First published: