Home /News /national /

Sero Survey: ਭਾਰਤ ਵਿਚ ਕੋਰੋਨਾ ਦਾ ਇਕ ਕੇਸ ਦਰਜ ਹੋਇਆ ਤਾਂ 30 ਦਾ ਪਤਾ ਹੀ ਨਹੀਂ ਲੱਗਿਆ

Sero Survey: ਭਾਰਤ ਵਿਚ ਕੋਰੋਨਾ ਦਾ ਇਕ ਕੇਸ ਦਰਜ ਹੋਇਆ ਤਾਂ 30 ਦਾ ਪਤਾ ਹੀ ਨਹੀਂ ਲੱਗਿਆ

Sero Survey: ਭਾਰਤ ਵਿਚ ਕੋਰੋਨਾ ਦਾ ਇਕ ਕੇਸ ਦਰਜ ਹੋਇਆ ਤਾਂ 30 ਦਾ ਪਤਾ ਹੀ ਨਹੀਂ ਲੱਗਿਆ  (ਸੰਕੇਤਕ ਫੋਟੋ: AP)

Sero Survey: ਭਾਰਤ ਵਿਚ ਕੋਰੋਨਾ ਦਾ ਇਕ ਕੇਸ ਦਰਜ ਹੋਇਆ ਤਾਂ 30 ਦਾ ਪਤਾ ਹੀ ਨਹੀਂ ਲੱਗਿਆ (ਸੰਕੇਤਕ ਫੋਟੋ: AP)

ਜਦੋਂ ਉੱਤਰ ਪ੍ਰਦੇਸ਼ ਵਿੱਚ ਇੱਕ ਕੇਸ ਦਰਜ ਕੀਤਾ ਗਿਆ ਸੀ, ਉੱਥੇ 98 ਅਜਿਹੇ ਮਾਮਲੇ ਸਨ ਜਿਨ੍ਹਾਂ ਦਾ ਪਤਾ ਨਹੀਂ ਲੱਗਿਆ ਸੀ। ਉੱਤਰ ਪ੍ਰਦੇਸ਼ ਤੋਂ ਬਾਅਦ ਮੱਧ ਪ੍ਰਦੇਸ਼ ਉਹ ਸੂਬਾ ਰਿਹਾ ਜਿੱਥੇ ਹਰ ਇੱਕ ਮਾਮਲੇ 'ਤੇ 83 ਕੇਸਾਂ ਦੀ ਰਿਪੋਰਟ ਦਰਜ ਨਹੀਂ ਕੀਤੀ ਜਾ ਸਕੀ।

  • Share this:
    ਸੁਤੰਤਰ ਮਹਾਂਮਾਰੀ ਵਿਗਿਆਨੀ ਡਾ. ਚੰਦਰਕਾਂਤ ਲਹਿਰੀਆ ਵੱਲੋਂ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ਆਈਸੀਐਮਆਰ) ਦੇ ਚੌਥੇ ਸੀਰੋ ਸਰਵੇਖਣ (Sero Survey) ਦੇ ਵਿਸ਼ਲੇਸ਼ਣ ਵਿਚ ਕਿਹਾ ਹੈ ਕਿ ਭਾਰਤ ਵਿੱਚ ਕੋਵਿਡ -19 ਦੇ ਇੱਕ ਮਾਮਲਾ ਰਿਪੋਰਟ ਹੋਣ ਦੇ ਨਾਲ, 30 ਕੇਸ ਅਜਿਹੇ ਸਨ ਜਿਨ੍ਹਾਂ ਦਾ ਪਤਾ ਹੀ ਨਹੀਂ ਚੱਲਿਆ ਜਾਂ ਇਹ ਦਰਜ ਹੀ ਨਹੀਂ ਹੋ ਸਕੇ।

    ਜਨਤਕ ਸਿਹਤ ਮਾਹਰ ਨੇ ਇਹ ਵਿਸ਼ਲੇਸ਼ਣ ਟਵਿੱਟਰ 'ਤੇ ਸਾਂਝਾ ਕੀਤਾ ਹੈ, ਜਿਸ ਵਿਚ ਇਹ ਦਰਸਾਇਆ ਗਿਆ ਹੈ ਕਿ ਭਾਰਤ ਵਿੱਚ ਹਰੇਕ ਕੇਸ ਪਿੱਛੇ ਕਿੰਨੇ ਮਾਮਲੇ ਸਨ, ਜਿਨ੍ਹਾਂ ਦਾ ਪਤਾ ਹੀ ਨਹੀਂ ਲੱਗਿਆ। ਹਾਲਾਂਕਿ, ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਕਿ ਇਸ ਦਾ ਇਹ ਮਤਲਬ ਨਹੀਂ ਹੈ ਕਿ ਇਹ ਜਾਣਬੁੱਝ ਕੇ ਕੀਤਾ ਗਿਆ ਸੀ ਪਰ ਇਹ ਰੋਗ ਨਿਗਰਾਨੀ ਪ੍ਰਣਾਲੀ ਦੀ ਕਾਰਗੁਜ਼ਾਰੀ ਅਤੇ ਰਾਜਾਂ ਦੁਆਰਾ ਕੇਸਾਂ ਨਾਲ ਨਜਿੱਠਣ ਵਿੱਚ ਚੁੱਕੇ ਗਏ ਕਦਮਾਂ ਨੂੰ ਦਰਸਾਉਂਦਾ ਹੈ।

    ਲਹਿਰੀਆ ਨੇ ਪੀਟੀਆਈ-ਭਾਸ਼ਾ ਨੂੰ ਦੱਸਿਆ, “ਬਹੁਤ ਸਾਰੇ ਕੇਸ ਲੱਛਣ ਰਹਿਤ ਸਨ, ਜਿਸ ਕਾਰਨ ਉਨ੍ਹਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਜੇ ਮਰੀਜ਼ਾਂ ਦੇ ਸੰਪਰਕਾਂ ਦਾ ਸਹੀ ਢੰਗ ਨਾਲ ਪਤਾ ਲਗਾਇਆ ਜਾਂਦਾ, ਤਾਂ ਬਿਨਾਂ ਲੱਛਣ ਵਾਲੇ ਕੇਸਾਂ ਦਾ ਵੀ ਪਤਾ ਲਗਾਇਆ ਜਾ ਸਕਦਾ ਸੀ। ਇਹ ਇਸ ਤੱਥ ਤੋਂ ਝਲਕਦਾ ਹੈ ਕਿ ਕੁਝ ਰਾਜਾਂ ਨੇ ਦੂਜਿਆਂ ਨਾਲੋਂ ਬਿਹਤਰ ਪ੍ਰਦਰਸ਼ਨ ਕੀਤਾ ਹੈ ਕਿਉਂਕਿ ਉਹ ਦੂਜੇ ਰਾਜਾਂ ਦੇ ਮੁਕਾਬਲੇ ਵਧੇਰੇ ਮਾਮਲਿਆਂ ਦੀ ਰਿਪੋਰਟ ਕਰਨ ਦੇ ਯੋਗ ਸਨ।

    ਕੇਂਦਰੀ ਸਿਹਤ ਮੰਤਰਾਲੇ ਨੇ ਬੁੱਧਵਾਰ ਨੂੰ ਆਈਸੀਐਮਆਰ ਦੁਆਰਾ ਦੇਸ਼ ਦੇ 70 ਜ਼ਿਲ੍ਹਿਆਂ ਵਿੱਚ ਕਰਵਾਏ ਗਏ ਰਾਸ਼ਟਰੀ ਸੀਰੋ ਸਰਵੇਖਣ ਦੇ ਚੌਥੇ ਪੜਾਅ ਦੇ ਨਤੀਜਿਆਂ ਨੂੰ ਸਾਂਝਾ ਕੀਤਾ।

    ਵਿਸ਼ਲੇਸ਼ਣ ਦੇ ਅਨੁਸਾਰ, ਪ੍ਰਯੋਗਸ਼ਾਲਾ ਵਿੱਚ ਕੋਵਿਡ -19 ਦੇ ਇੱਕ ਪੁਸ਼ਟੀ ਕੀਤੇ ਕੇਸ ਦੇ ਅਨੁਪਾਤ ਵਿਚ 6 ਤੋਂ 98 ਅਜਿਹੇ ਕੇਸ ਰਹੇ ਜਿਨ੍ਹਾਂ ਨੂੰ ਦਰਜ ਨਹੀਂ ਕੀਤਾ ਜਾ ਸਕਿਆ। ਲਹਿਰੀਆ ਦੇ ਅਨੁਸਾਰ, ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ ਅੰਕੜਿਆਂ ਦੇ ਵਿਸ਼ਲੇਸ਼ਣ ਦੇ ਅਨੁਸਾਰ ਸਭ ਤੋਂ ਜਿਆਦਾ ਉੱਤਰ ਪ੍ਰਦੇਸ਼ ਵਿੱਚ ਕੇਸ ਦਰਜ ਨਹੀਂ ਕੀਤੇ ਜਾ ਸਕੇ। ਜਦੋਂ ਉੱਤਰ ਪ੍ਰਦੇਸ਼ ਵਿੱਚ ਇੱਕ ਕੇਸ ਦਰਜ ਕੀਤਾ ਗਿਆ ਸੀ, ਉੱਥੇ 98 ਅਜਿਹੇ ਮਾਮਲੇ ਸਨ ਜਿਨ੍ਹਾਂ ਦਾ ਪਤਾ ਨਹੀਂ ਲੱਗਿਆ ਸੀ। ਜਦੋਂ ਕਿ ਕੇਰਲਾ ਵਿੱਚ ਇੱਕ ਕੇਸ ਦਰਜ ਹੋਇਆ, ਛੇ ਕੇਸਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਉੱਤਰ ਪ੍ਰਦੇਸ਼ ਤੋਂ ਬਾਅਦ ਮੱਧ ਪ੍ਰਦੇਸ਼ ਉਹ ਸੂਬਾ ਰਿਹਾ ਜਿੱਥੇ ਹਰ ਇੱਕ ਮਾਮਲੇ 'ਤੇ 83 ਕੇਸਾਂ ਦੀ ਰਿਪੋਰਟ ਦਰਜ ਨਹੀਂ ਕੀਤੀ ਜਾ ਸਕੀ।

    ਸੀਰੋ ਸਰਵੇਖਣ ਵਿੱਚ ਕਿਸੇ ਵਿਅਕਤੀ ਦੇ ਸਰੀਰ ਵਿੱਚ ਐਂਟੀਬਾਡੀਜ਼ ਦਾ ਪਤਾ ਲਗਾਇਆ ਜਾਂਦਾ ਹੈ। ਇਹ ਐਂਟੀਬਾਡੀ ਜਾਂ ਤਾਂ ਲਾਗ ਦੁਆਰਾ ਜਾਂ ਕਿਸੇ ਟੀਕੇ ਦੁਆਰਾ ਤਿਆਰ ਕੀਤੀ ਜਾਂਦੀ ਹੈ, ਹਾਲਾਂਕਿ, ਲਹਿਰੀਆ ਨੇ ਕਿਹਾ ਕਿ ਰਾਜ ਅਤੇ ਜ਼ਿਲ੍ਹਾ ਪੱਧਰ 'ਤੇ ਸਰਵੇਖਣ ਵਧੇਰੇ ਸਹੀ ਤਸਵੀਰ ਪ੍ਰਦਾਨ ਕਰੇਗਾ ਅਤੇ ਸਰਕਾਰ ਨੂੰ ਤੁਰੰਤ ਅਜਿਹੇ ਸਰਵੇਖਣ ਦੀ ਯੋਜਨਾ ਬਣਾਉਣੀ ਚਾਹੀਦੀ ਹੈ।
    Published by:Gurwinder Singh
    First published:

    Tags: China coronavirus, Corona Warriors, Coronavirus

    ਅਗਲੀ ਖਬਰ