3 ਬੱਚਿਆਂ ਦੀ ਮਾਂ ਨੇ ਪ੍ਰੇਮੀ ਨਾਲ ਮਿਲ ਕੇ ਕੀਤਾ ਸੀ ਪਤੀ ਦਾ ਕਤਲ, 45 ਦਿਨਾਂ ਬਾਅਦ ਇੰਝ ਹੋਇਆ ਖੁਲਾਸਾ

ਸੋਨੀਪਤ: ਹਰਿਆਣਾ ਦੇ ਸੋਨੀਪਤ ਜ਼ਿਲ੍ਹੇ ਵਿੱਚ ਦਿਲ ਕੰਬਾਊ ਮਾਮਲਾ ਸਾਹਮਣੇ ਆਇਆ ਹੈ। ਜ਼ਿਲ੍ਹੇ ਦੇ ਪਿੰਡ ਬਰੋਟਾ ਵਿੱਚ 3 ਬੱਚਿਆਂ ਦੀ ਮਾਂ ਨੇ ਆਪਣੇ ਪ੍ਰੇਮੀ ਦਾ ਕਤਲ (Murder) ਕਰਕੇ ਲਾਸ਼ ਨੂੰ ਦਿੱਲੀ-ਅੰਬਾਲਾ ਰੇਲਵੇ (Delhi-Ambala Railway) ਲਾਈਨਾਂ ਦੇ ਨਾਲ ਝਾੜੀਆਂ ਵਿੱਚ ਸੁੱਟ ਦਿੱਤਾ। ਮ੍ਰਿਤਕ ਬਿਹਾਰ (Bihar) ਦਾ ਰਹਿਣ ਵਾਲਾ ਸੀ। ਮ੍ਰਿਤਕ ਦੇ ਵਾਰਸਾਂ ਨੇ ਮਾਮਲੇ ਦੀ ਸ਼ਿਕਾਇਤ ਬਿਹਾਰ ਪੁਲਿਸ (Police) ਨੂੰ ਦਿੱਤੀ ਤਾਂ ਕਿਤੇ ਜਾ ਕੇ ਖੁਲਾਸਾ ਹੋ ਸਕਿਆ। ਬਿਹਾਰ ਪੁਲਿਸ ਐਤਵਾਰ ਨੂੰ ਦੋਸ਼ੀ ਔਰਤ ਅਤੇ ਉਸ ਦੇ ਪ੍ਰੇਮੀ ਨੂੰ ਲੈ ਕੇ ਸੋਨੀਪਤ ਪੁੱਜੀ।

ਜੀਆਰਪੀ ਨੇ ਮੁਲਜ਼ਮ ਦੀ ਨਿਸ਼ਾਨਦੇਹੀ ’ਤੇ ਝਾੜੀਆਂ ਵਿੱਚੋਂ ਸੜੀ ਹੋਈ ਲਾਸ਼ ਦਾ ਪਿੰਜਰ ਬਰਾਮਦ ਕੀਤਾ ਹੈ। ਜੀਆਰਪੀ ਨੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਕੇ ਮੁਲਜ਼ਮ ਔਰਤ ਤੇ ਉਸ ਦੇ ਪ੍ਰੇਮੀ ਖ਼ਿਲਾਫ਼ ਕਤਲ ਦਾ ਕੇਸ ਦਰਜ ਕਰ ਲਿਆ ਹੈ। ਦੋਵਾਂ ਨੂੰ ਅੱਜ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।

ਜੀਆਰਪੀ ਅਨੁਸਾਰ ਗੁਲਾਬ ਦੇਵੀ ਨੇ ਦੱਸਿਆ ਕਿ ਉਸ ਦਾ ਪਿੰਡ ਦੇ ਵਿਜੇ ਯਾਦਵ ਨਾਲ ਕਰੀਬ ਡੇਢ ਸਾਲ ਤੋਂ ਪ੍ਰੇਮ ਸਬੰਧ ਚੱਲ ਰਿਹਾ ਸੀ। ਬਰੋਟਾ ਪੁੱਜਣ ਤੋਂ ਬਾਅਦ ਉਹ ਦਿੱਲੀ ਦੇ ਨਰੇਲਾ ਰੇਲਵੇ ਸਟੇਸ਼ਨ ਨੇੜੇ ਰਹਿਣ ਲੱਗ ਪਿਆ। ਪਤੀ ਨੂੰ ਇਸ ਗੱਲ ਦਾ ਪਤਾ ਸੀ। ਉਹ ਦੋਵਾਂ ਨੂੰ ਮਿਲਣ ਨਹੀਂ ਦੇ ਰਿਹਾ ਸੀ। ਇਸ ਕਾਰਨ ਉਹ 24 ਸਤੰਬਰ ਨੂੰ ਬੜੋਤਾ-ਸਫੀਆਬਾਦ ਸੜਕ 'ਤੇ ਬਹਾਨੇ ਨਾਲ ਪੁੱਜ ਗਈ। ਵਿਜੇ ਉੱਥੇ ਪਹਿਲਾਂ ਹੀ ਮੌਜੂਦ ਸੀ। ਉਸ ਨੇ ਰਾਮਬਾਲਕ ਦੇ ਸਿਰ ਵਿੱਚ ਡੰਗਾ ਮਾਰ ਕੇ ਉਸ ਦਾ ਕਤਲ ਕਰ ਦਿੱਤਾ।

ਦੱਸ ਦੇਈਏ ਕਿ ਬਿਹਾਰ ਦੇ ਪੂਰਬੀ ਚੰਪਾਰਨ ਜ਼ਿਲ੍ਹੇ ਦੇ ਭਵਾਨੀਪੁਰ ਦਾ ਰਹਿਣ ਵਾਲਾ 36 ਸਾਲਾ ਰਾਮਬਾਲਕ ਯਾਦਵ 10 ਅਗਸਤ ਨੂੰ ਪਤਨੀ ਗੁਲਾਬ ਦੇਵੀ ਅਤੇ 3 ਬੱਚਿਆਂ ਨਾਲ ਕੰਮ ਕਰਨ ਲਈ ਸੋਨੀਪਤ ਆਇਆ ਸੀ। ਰਾਮਬਾਲਕ ਦੇ ਭਰਾ ਦੀਨਬੰਧੂ ਯਾਦਵ ਦਾ ਸਤੰਬਰ ਤੋਂ ਬਾਅਦ ਕੋਈ ਸੰਪਰਕ ਨਹੀਂ ਹੋ ਸਕਿਆ ਹੈ। ਉਸ ਨੇ ਆਪਣੇ ਭਰਾ ਦੇ ਲਾਪਤਾ ਹੋਣ ਦੀ ਸ਼ਿਕਾਇਤ ਬਿਹਾਰ ਦੇ ਸੀਸੇਸ਼ਵਰ ਥਾਣੇ ਨੂੰ ਦਿੱਤੀ ਸੀ, ਜਿਸ ਤੋਂ ਬਾਅਦ ਮਾਮਲਾ ਸਾਹਮਣੇ ਆਇਆ।

ਬਿਹਾਰ ਪੁਲਿਸ ਸੋਨੀਪਤ ਪਹੁੰਚ ਗਈ। ਉਨ੍ਹਾਂ ਦੇ ਨਾਲ ਵਿਜੇ ਯਾਦਵ ਅਤੇ ਰਾਮਬਾਲਕ ਦੇ ਰਿਸ਼ਤੇਦਾਰ ਵੀ ਸਨ। ਘਟਨਾ ਵਾਲੀ ਥਾਂ 'ਤੇ ਜੀਆਰਪੀ ਅਤੇ ਬਿਹਾਰ ਪੁਲਿਸ ਪਹੁੰਚ ਗਈ। ਉੱਥੇ ਹੀ ਪੁਲਿਸ ਨੇ ਝਾੜੀਆਂ 'ਚੋਂ ਖੋਪੜੀ ਦਾ ਕੁਝ ਹਿੱਸਾ ਅਤੇ ਕੁਝ ਹੱਡੀਆਂ ਬਰਾਮਦ ਕੀਤੀਆਂ ਹਨ। ਪੁਲਿਸ ਨੇ ਪਿੰਜਰ ਨੂੰ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿੱਚ ਰਖਵਾ ਦਿੱਤਾ ਹੈ।