• Home
  • »
  • News
  • »
  • national
  • »
  • CRIME NEWS BIKE WITH DEAD BODY HITS SPEED BREAKER REVEALS MURDER OF WOMAN GH AP AS

ਲਾਸ਼ ਨੂੰ ਲਿਜਾ ਰਹੀ ਬਾਈਕ ਸਪੀਡ ਬ੍ਰੇਕਰ ਨਾਲ ਟਕਰਾਈ, ਸਾਹਮਣੇ ਆਇਆ ਬੈਂਗਲੁਰੂ ਦੀ ਔਰਤ ਦਾ ਕਤਲ

ਬੈਂਗਲੁਰੂ ਦੇ ਆਰਆਰ ਨਗਰ ਦੀ ਰਹਿਣ ਵਾਲੀ ਸੋਮਿਆ ਦੀ ਸੋਮਵਾਰ ਨੂੰ ਉਸ ਦੇ ਗੁਆਂਢ ਵਿੱਚ ਰਹਿਣ ਵਾਲੇ ਇੱਕ ਜੋੜੇ ਰਘੂ (30) ਅਤੇ ਦੁਰਗਾ (28) ਤੋਂ ਉਧਾਰ ਲਏ ਗਏ ਕੁਝ ਪੈਸਿਆਂ ਨੂੰ ਲੈ ਕੇ ਝਗੜੇ ਤੋਂ ਬਾਅਦ ਮੌਤ ਹੋ ਗਈ। ਸੋਮਿਆ ਅਤੇ ਰਘੂ ਵਿੱਚ ਕਥਿਤ ਤੌਰ 'ਤੇ ਪਹਿਲਾਂ ਵੀ ਇਸੇ ਮੁੱਦੇ ਨੂੰ ਲੈ ਕੇ ਝਗੜਾ ਹੋਇਆ ਸੀ। ਸੋਮਵਾਰ ਨੂੰ ਰਘੂ ਨੇ ਕਥਿਤ ਤੌਰ 'ਤੇ ਉਸ ਨੂੰ ਥੱਪੜ ਮਾਰ ਦਿੱਤਾ ਅਤੇ ਉਸ ਦੀ ਮੌਤ ਹੋ ਗਈ।

  • Share this:
ਬੈਂਗਲੁਰੂ ਤੋਂ 60 ਕਿਲੋਮੀਟਰ ਦੂਰ ਚੰਨਪਟਨਾ ਵਿਚ ਇਕ 21 ਸਾਲਾ ਔਰਤ ਦੀ ਲਾਸ਼ ਨੂੰ ਠਿਕਾਣੇ ਲਗਾਉਣ ਦੀ ਇਕ ਜੋੜੇ ਦੀ ਯੋਜਨਾ ਉਸ ਸਮੇਂ ਅਸਫਲ ਹੋ ਗਈ ਜਦੋਂ ਉਹਨਾਂ ਦੀ ਬਾਈਕ ਲਾਸ਼ ਨੂੰ ਲਿਜਾ ਰਹੀ ਸੀ ਅਤੇ ਅਚਾਨਕ ਰਾਮਨਗਰ ਦੇ ਡਿਪਟੀ ਕਮਿਸ਼ਨਰ ਦੇ ਸਾਹਮਣੇ ਹਾਦਸਾ ਵਾਪਰ ਗਿਆ।

ਪੁਲਿਸ ਦੇ ਅਨੁਸਾਰ, ਬੈਂਗਲੁਰੂ ਦੇ ਆਰਆਰ ਨਗਰ ਦੀ ਰਹਿਣ ਵਾਲੀ ਸੋਮਿਆ ਦੀ ਸੋਮਵਾਰ ਨੂੰ ਉਸ ਦੇ ਗੁਆਂਢ ਵਿੱਚ ਰਹਿਣ ਵਾਲੇ ਇੱਕ ਜੋੜੇ ਰਘੂ (30) ਅਤੇ ਦੁਰਗਾ (28) ਤੋਂ ਉਧਾਰ ਲਏ ਗਏ ਕੁਝ ਪੈਸਿਆਂ ਨੂੰ ਲੈ ਕੇ ਝਗੜੇ ਤੋਂ ਬਾਅਦ ਮੌਤ ਹੋ ਗਈ। ਸੋਮਿਆ ਅਤੇ ਰਘੂ ਵਿੱਚ ਕਥਿਤ ਤੌਰ 'ਤੇ ਪਹਿਲਾਂ ਵੀ ਇਸੇ ਮੁੱਦੇ ਨੂੰ ਲੈ ਕੇ ਝਗੜਾ ਹੋਇਆ ਸੀ। ਸੋਮਵਾਰ ਨੂੰ ਰਘੂ ਨੇ ਕਥਿਤ ਤੌਰ 'ਤੇ ਉਸ ਨੂੰ ਥੱਪੜ ਮਾਰ ਦਿੱਤਾ ਅਤੇ ਉਸ ਦੀ ਮੌਤ ਹੋ ਗਈ।

ਘਬਰਾਏ ਹੋਏ, ਜੋੜੇ ਨੇ ਕਥਿਤ ਤੌਰ 'ਤੇ ਘੱਟੋ-ਘੱਟ ਅੱਠ ਘੰਟੇ ਤੱਕ ਲਾਸ਼ ਨੂੰ ਆਪਣੇ ਘਰ ਦੇ ਅੰਦਰ ਰੱਖਿਆ ਅਤੇ ਚੰਨਾਪਟਨਾ ਵਿਚ ਇਕ ਅਲੱਗ ਜਗ੍ਹਾ ਦੇ ਨੇੜੇ ਲਾਸ਼ ਨੂੰ ਸਾੜਣ ਦਾ ਫੈਸਲਾ ਕੀਤਾ। ਪੁਲਿਸ ਨੇ ਦੱਸਿਆ ਕਿ ਜੋੜੇ ਨੇ ਫਿਰ ਆਪਣੇ ਦੋਸਤਾਂ ਨਾਗਰਾਜ (18) ਅਤੇ ਵਿਨੋਦ (19) ਦੀ ਮਦਦ ਲਈ। ਸੋਮਵਾਰ ਦੇਰ ਰਾਤ, ਉਨ੍ਹਾਂ ਨੇ ਦੋ ਬਾਈਕ 'ਤੇ ਚੰਨਪਟਨਾ ਲਈ ਆਪਣੀ ਯਾਤਰਾ ਸ਼ੁਰੂ ਕੀਤੀ - ਇਕ 'ਤੇ ਰਘੂ ਅਤੇ ਦੁਰਗਾ, ਦੂਜੇ 'ਤੇ ਸੋਮਿਆ ਦੀ ਲਾਸ਼ ਦੇ ਨਾਲ ਵਿਨੋਦ ਅਤੇ ਨਾਗਰਾਜ ਸਵਾਰ ਸਨ।

40 ਕਿਲੋਮੀਟਰ ਦਾ ਸਫ਼ਰ ਤੈਅ ਕਰਨ ਤੋਂ ਬਾਅਦ, ਜਦੋਂ ਉਹ ਰਾਮਨਗਰ ਕਸਬੇ ਵਿੱਚ ਡਿਪਟੀ ਕਮਿਸ਼ਨਰ ਆਫ਼ ਪੁਲਿਸ ਦੇ ਦਫ਼ਤਰ ਦੇ ਸਾਹਮਣੇ ਪਹੁੰਚੇ, ਕਰੀਬ 2 ਵਜੇ, ਵਿਨੋਦ ਇੱਕ ਸਪੀਡ ਬ੍ਰੇਕਰ ਦੇਖਣ ਵਿੱਚ ਅਸਫਲ ਰਿਹਾ। ਬਾਈਕ 'ਤੇ ਸਵਾਰ ਵਿਨੋਦ, ਨਾਗਰਾਜ ਅਤੇ ਸੋਮਿਆ ਦੀ ਲਾਸ਼ ਜ਼ਮੀਨ 'ਤੇ ਡਿੱਗ ਗਈ। ਰਾਹਗੀਰਾਂ ਅਤੇ ਗਸ਼ਤ ’ਤੇ ਤਾਇਨਾਤ ਪੁਲੀਸ ਟੀਮ ਮੌਕੇ ’ਤੇ ਪੁੱਜੀ ਤਾਂ ਤਿੰਨਾਂ ਨੂੰ ਰਾਮਨਗਰ ਦੇ ਸਰਕਾਰੀ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ। ਦੁਰਘਟਨਾ ਤੋਂ ਅਣਜਾਣ, ਰਘੂ ਅਤੇ ਦੁਰਗਾ ਚੰਨਪਟਨਾ ਦੇ ਕੋਲ ਉਡੀਕ ਕਰਦੇ ਰਹੇ।

ਉਨ੍ਹਾਂ ਦੀ ਯੋਜਨਾ ਦਾ ਉਦੋਂ ਪਰਦਾਫਾਸ਼ ਹੋ ਗਿਆ ਜਦੋਂ ਡਿਊਟੀ ਡਾਕਟਰ ਨੇ ਸੌਮਿਆ ਦੀ ਲਾਸ਼ ਦੀ ਜਾਂਚ ਕੀਤੀ ਅਤੇ ਕਿਹਾ ਕਿ ਉਸਦੀ ਮੌਤ ਅੱਠ ਘੰਟੇ ਪਹਿਲਾਂ ਹੋ ਗਈ ਸੀ। ਪੁਲਿਸ ਨੇ ਵਿਨੋਦ ਅਤੇ ਨਾਗਰਾਜ ਨੂੰ ਫੜ ਲਿਆ, ਉਨ੍ਹਾਂ ਨੇ ਰਘੂ ਨੂੰ ਬੁਲਾਉਣ ਲਈ ਕਿਹਾ ਅਤੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ।
Published by:Amelia Punjabi
First published: