ਦਿੱਲੀ 'ਚ BMW 'ਤੇ ਸਾਈਕਲ ਦੀ ਭਿਆਨਕ ਟੱਕਰ, ਸਾਈਕਲ ਸਵਾਰ ਦੀ ਮੌਤ, ਡਰਾਈਵਰ ਗ੍ਰਿਫਤਾਰ

Accident in Delhi-Gurugram Expressway: ਦੇਸ਼ ਦੀ ਰਾਜਧਾਨੀ ਦਿੱਲੀ ਦੇ ਮਹੀਪਾਲਪੁਰ ਨੇੜੇ ਐਤਵਾਰ ਸਵੇਰੇ ਇੱਕ VIP ਨੰਬਰ ਲਗਜ਼ਰੀ ਕਾਰ ਨੇ ਇੱਕ ਸਾਈਕਲ ਸਵਾਰ ਨੂੰ ਟੱਕਰ ਮਾਰ ਦਿੱਤੀ। ਇਸ ਹਾਦਸੇ ਵਿੱਚ ਸਾਈਕਲ ਸਵਾਰ ਦੀ ਮੌਤ ਹੋ ਗਈ। ਜਿਸ ਤੋਂ ਬਾਅਦ ਦਿੱਲੀ ਪੁਲਿਸ ਨੇ ਕਾਰ ਚਲਾ ਰਹੇ ਡਰਾਈਵਰ ਨੂੰ ਗ੍ਰਿਫਤਾਰ ਕਰਕੇ ਉਸ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ। ਮੁਲਜ਼ਮ ਡਰਾਈਵਰ ਦੀ ਪਛਾਣ ਸ਼ਹਿਰ ਦੇ ਪੰਜਾਬੀ ਬਾਗ ਦੇ ਰਹਿਣ ਵਾਲੇ ਸੁਨੀਲ (40) ਵਜੋਂ ਹੋਈ ਹੈ। ਮ੍ਰਿਤਕ ਸਾਈਕਲ ਸਵਾਰ ਦੀ ਪਛਾਣ ਹਰਿਆਣਾ ਦੇ ਗੁਰੂਗ੍ਰਾਮ ਦੇ ਰਹਿਣ ਵਾਲੇ ਸ਼ੁਭੇਂਦੂ ਚੈਟਰਜੀ (50) ਵਜੋਂ ਹੋਈ ਹੈ।

ਜਦੋਂ ਪੁਲਿਸ ਹਾਦਸੇ ਵਾਲੀ ਥਾਂ 'ਤੇ ਪਹੁੰਚੀ ਤਾਂ ਦੇਖਿਆ ਕਿ ਬੀ.ਐੱਮ.ਡਬਲਯੂ ਕਾਰ ਦੇ ਟਾਇਰ ਟੁਟੇ ਹੋਏ ਸਨ ਅਤੇ ਵਿੰਡਸ਼ੀਲਡ ਟੁੱਟੀ ਹੋਈ ਸੀ। ਡਰਾਈਵਰ ਨੇ ਕਥਿਤ ਤੌਰ 'ਤੇ ਕਾਰ ਤੋਂ ਕੰਟਰੋਲ ਗੁਆ ਦਿੱਤਾ ਅਤੇ ਸਾਈਕਲ ਸਵਾਰ ਨੂੰ ਟੱਕਰ ਮਾਰ ਦਿੱਤੀ। ਹਾਦਸੇ ਤੋਂ ਤੁਰੰਤ ਬਾਅਦ ਸਾਈਕਲ ਸਵਾਰ ਨੂੰ ਦਿੱਲੀ ਦੇ ਸਫਦਰਜੰਗ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ।

Delhi | A VIP number luxury car hit a cyclist near Mahipalpur in Delhi this morning. The cyclist died in the accident. The accused person driving the car has been apprehended and a case has been registered in the matter: Delhi police pic.twitter.com/ejgOEiijCl

— ANI (@ANI) November 27, 2022

ਮੀਡੀਆ ਰਿਪੋਰਟਾਂ ਮੁਤਾਬਕ ਗੁਰੂਗ੍ਰਾਮ ਦੀ ਵਾਟਿਕਾ ਸੁਸਾਇਟੀ ਦਾ ਰਹਿਣ ਵਾਲਾ ਸ਼ੁਭੇਂਦੂ ਚੈਟਰਜੀ ਸਾਈਕਲ 'ਤੇ ਸਵਾਰ ਹੋ ਕੇ ਗੁਰੂਗ੍ਰਾਮ ਤੋਂ ਦਿੱਲੀ ਜਾ ਰਿਹਾ ਸੀ। ਉਹ ਹਰ ਐਤਵਾਰ ਨੂੰ ਲੰਬੀ ਦੂਰੀ ਲਈ ਸਾਈਕਲ ਚਲਾਉਂਦਾ ਸੀ। ਇਹ ਘਟਨਾ ਮਹੀਪਾਲਪੁਰ ਦੇ ਵਸੰਤ ਕੁੰਜ ਇਲਾਕੇ ਦੀ ਹੈ। ਬੀਐਮਡਬਲਿਊ ਕਾਰ ਨੇ ਸਾਈਕਲ ਸਵਾਰ ਨੂੰ ਪਿੱਛੇ ਤੋਂ ਟੱਕਰ ਮਾਰ ਦਿੱਤੀ। ਕਾਰ ਅਤੇ ਸਾਈਕਲ ਦੋਵੇਂ ਨੁਕਸਾਨੇ ਗਏ। ਇਹ ਗੱਡੀ ਵੀ ਹਰਿਆਣਾ ਦੀ ਰਜਿਸਟਰਡ ਹੈ। ਇਸ ਦਾ ਨੰਬਰ ਵੀ.ਆਈ.ਪੀ. BMW ਕਾਰ ਦੀ ਨੰਬਰ ਪਲੇਟ HR26 DK 0001 ਹੈ। ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਪੁਲਿਸ ਨੇ ਵਸੰਤ ਕੁੰਜ ਉੱਤਰੀ ਥਾਣੇ ਵਿੱਚ ਕੇਸ ਦਰਜ ਕਰ ਲਿਆ ਹੈ।

ਪੁਲਿਸ ਨੇ ਦੱਸਿਆ ਕਿ ਆਈਪੀਸੀ ਦੀ ਧਾਰਾ 279/304ਏ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਮਾਮਲੇ 'ਚ ਡਰਾਈਵਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਫਿਲਹਾਲ ਅੱਗੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।