Kangra Cloud Burst: ਮਲਬੇ ਹੇਠ ਦੱਬੀ ਸੀ 8 ਸਾਲਾ ਵੰਸ਼ਿਕਾ, ਆਪਣੇ ਅਧਿਆਪਕ ਨੂੰ ਕੀਤਾ ਫੋਨ, ਦੇਰ ਰਾਤ ਬਾਹਰ ਕੱਢਿਆ

News18 Punjabi | News18 Punjab
Updated: July 14, 2021, 12:37 PM IST
share image
Kangra Cloud Burst: ਮਲਬੇ ਹੇਠ ਦੱਬੀ ਸੀ 8 ਸਾਲਾ ਵੰਸ਼ਿਕਾ, ਆਪਣੇ ਅਧਿਆਪਕ ਨੂੰ ਕੀਤਾ ਫੋਨ, ਦੇਰ ਰਾਤ ਬਾਹਰ ਕੱਢਿਆ
Kangra Cloud Burst: ਮਲਬੇ ਹੇਠ ਦੱਬੀ ਸੀ 8 ਸਾਲਾ ਵੰਸ਼ਿਕਾ, ਆਪਣੇ ਅਧਿਆਪਕ ਨੂੰ ਕੀਤਾ ਫੋਨ, ਦੇਰ ਰਾਤ ਬਾਹਰ ਕੱਢਿਆ

  • Share this:
  • Facebook share img
  • Twitter share img
  • Linkedin share img
ਬਿਚਿੱਤਰ ਸ਼ਰਮਾ

ਹਿਮਾਚਲ ਪ੍ਰਦੇਸ਼ ਦੇ ਕਾਂਗੜਾ ਜ਼ਿਲ੍ਹੇ (Kangra) ਵਿਚ ਭਾਰੀ ਬਾਰਸ਼ ਤੋਂ ਬਾਅਦ ਅਜੇ ਵੀ ਜ਼ਿੰਦਗੀਆਂ ਦੀ ਭਾਲ ਜਾਰੀ ਹੈ। ਹੁਣ ਤੱਕ ਸ਼ਾਹਪੁਰ ਦੇ ਬੋਹ (Boh Cloud Burst) ਦੇ ਰੂਪੇਹੜ ਪਿੰਡ ਤੋਂ ਪੰਜ ਲਾਸ਼ਾਂ ਮਿਲੀਆਂ ਚੁੱਕੀਆਂ ਹਨ। ਇਨ੍ਹਾਂ ਵਿੱਚੋਂ ਚਾਰ ਮੰਗਲਵਾਰ ਨੂੰ ਮਿਲੀਆਂ ਸਨ। ਇਸ ਦੇ ਨਾਲ ਹੀ ਮਲਬੇ ਵਿਚੋਂ ਪੰਜ ਲੋਕਾਂ ਨੂੰ ਬਚਾਇਆ ਗਿਆ ਹੈ।

ਉਨ੍ਹਾਂ ਵਿਚ ਸੱਤ ਅਤੇ ਅੱਠ ਸਾਲ ਦੀਆਂ ਦੋ ਲੜਕੀਆਂ ਹਨ। ਅੱਠ ਸਾਲਾ ਵੰਸ਼ਿਕਾ ਨੂੰ ਸੋਮਵਾਰ ਦੇਰ ਰਾਤ ਪਿੰਡ ਵਾਸੀਆਂ ਨੇ ਬਚਾਇਆ। ਇੱਕ ਫੋਨ ਕਾਲ ਨੇ ਬੱਚੀ ਦੀ ਜਾਨ ਬਚਾ ਲਈ। ਲੜਕੀ ਨੂੰ ਸੋਮਵਾਰ ਰਾਤ 10 ਵਜੇ ਦੇ ਕਰੀਬ ਬਾਹਰ ਕੱਢਿਆ ਗਿਆ। ਫਿਲਹਾਲ ਲੜਕੀ ਦਾ ਇਲਾਜ ਚੰਡੀਗੜ੍ਹ ਪੀਜੀਆਈ ਵਿੱਚ ਚੱਲ ਰਿਹਾ ਹੈ।
ਜਾਣਕਾਰੀ ਅਨੁਸਾਰ ਕਮਲੇਸ਼ ਕੁਮਾਰ ਦੀ ਧੀ ਵੰਸ਼ਿਕਾ (08) ਤੀਜੀ ਜਮਾਤ ਵਿੱਚ ਪੜ੍ਹਦੀ ਹੈ। ਮਲਬੇ ਦੇ ਆਉਣ ਤੋਂ ਬਾਅਦ ਉਹ ਆਪਣੇ ਪਰਿਵਾਰ ਸਮੇਤ ਘਰ ਦੇ ਅੰਦਰ ਫਸ ਗਈ। ਉਹ ਇੱਕ ਕਮਰੇ ਵਿੱਚ ਫਸ ਗਈ ਸੀ। ਇਸ ਦੌਰਾਨ ਜਦੋਂ ਉਸ ਨੂੰ ਕੁਝ ਸਮਝ ਨਹੀਂ ਆਇਆ ਤਾਂ ਉਸ ਨੇ ਆਪਣੇ ਸਕੂਲ ਅਧਿਆਪਕ ਸੁਰਿੰਦਰ ਨੂੰ ਫੋਨ ਲਗਾਇਆ ਅਤੇ ਦੱਸਿਆ ਕਿ ਉਹ ਘਰ ਦੇ ਅੰਦਰ ਫਸ ਗਈ ਹੈ।

ਵੈਸੇ, ਵੰਸ਼ਿਕਾ ਦਾ ਪਰਿਵਾਰ ਜ਼ਿਲ੍ਹਾ ਚੰਬਾ ਦੇ ਸਿਹੂੰਤਾ ਦਾ ਰਹਿਣ ਵਾਲਾ ਹੈ। ਵੰਸ਼ਿਕਾ ਦੇ ਪਿਤਾ ਲੈਂਕੋ ਹਾਈਡਰੋ ਪਾਵਰ ਪ੍ਰੋਜੈਕਟ ਵਿਚ ਕੰਮ ਕਰ ਰਹੇ ਹਨ, ਇਸ ਲਈ ਉਹ ਇਥੇ ਕਿਰਾਏ ਦੇ ਮਕਾਨ ਵਿਚ ਰਹਿੰਦਾ ਹੈ। ਸੋਮਵਾਰ ਸਵੇਰੇ ਕਰੀਬ 10.30 ਵਜੇ ਅੱਠ ਸਾਲਾ ਵੰਸ਼ਿਕਾ, ਉਸ ਦੇ ਪਿਤਾ, ਮਾਂ ਅਤੇ ਡੇਢ ਸਾਲ ਦਾ ਭਰਾ ਵੀ ਮਲਬੇ ਹੇਠ ਦੱਬੇ ਗਏ ਹਨ।

ਮਾਸੂਮ ਦਾ ਚਿਹਰਾ ਘਰ ਦੀ ਕੰਧ ਵੱਲ ਸੀ ਅਤੇ ਇਸ ਕਾਰਨ ਉਹ ਹੋਸ਼ ਵਿੱਚ ਸੀ। ਉਸ ਵਕਤ ਉਸ ਦੇ ਹੱਥ ਵਿੱਚ ਇੱਕ ਮੋਬਾਈਲ ਫੋਨ ਸੀ। ਲੜਕੀ ਨੇ ਆਪਣੇ ਅਧਿਆਪਕ ਸੁਰੇਂਦਰ ਕੁਮਾਰ ਨੂੰ ਮੋਬਾਈਲ ਤੋਂ ਕਾਲ ਕੀਤੀ।

ਨਿਊਜ਼ 18 ਨਾਲ ਗੱਲਬਾਤ ਕਰਦਿਆਂ ਸੁਰਿੰਦਰ ਨੇ ਦੱਸਿਆ ਕਿ ਉਹ ਪਿੰਡ ਦੇ ਉਸੇ ਸਕੂਲ ਵਿੱਚ ਜੇਬੀਟੀ ਅਧਿਆਪਕ ਹੈ। ਸੁਰਿੰਦਰ ਦੱਸਦਾ ਹੈ ਕਿ ਉਸ ਨੂੰ ਵੰਸ਼ਿਕਾ ਦਾ ਫੋਨ ਆਇਆ। ਉਸ ਨੇ ਲੜਕੀ ਨੂੰ ਬਚਾਉਣ ਲਈ ਸਥਾਨਕ ਲੋਕਾਂ ਦੀ ਮਦਦ ਲਈ ਅਤੇ ਉਸ ਨੂੰ ਮਲਬੇ ਤੋਂ ਬਾਹਰ ਕੱਢ ਲਿਆ। ਲੜਕੀ ਤੋਂ ਇਲਾਵਾ ਪਿੰਡ ਵਾਸੀਆਂ ਨੇ ਇਸ ਦੌਰਾਨ ਚਾਰ ਹੋਰ ਲੋਕਾਂ ਨੂੰ ਬਾਹਰ ਕੱਢਣ ਵਿੱਚ ਵੀ ਸਫਲਤਾ ਹਾਸਲ ਕੀਤੀ।
Published by: Gurwinder Singh
First published: July 14, 2021, 12:11 PM IST
ਹੋਰ ਪੜ੍ਹੋ
ਅਗਲੀ ਖ਼ਬਰ