ਦਿੱਲੀ: ਬਿਜਲੀ ਸਬਸਿਡੀ ਲੈਣੀ ਹੈ ਤਾਂ 31 ਅਕਤੂਬਰ ਤੱਕ ਕਰਵਾਓ ਰਜਿਸਟਰੇਸ਼ਨ, ਨਹੀਂ ਤਾਂ ਆਵਾਗੇ ਪੂਰਾ ਬਿੱਲ

ਹੁਣ ਤੁਸੀਂ ਦਿੱਲੀ ਵਿੱਚ ਬਿਜਲੀ ਸਬਸਿਡੀ (Electricity Subsidy) ਲਈ 31 ਅਕਤੂਬਰ ਤੱਕ ਰਜਿਸਟਰੇਸ਼ਨ (Registration) ਕਰਵਾ ਸਕਦੇ ਹੋ। ਦਿੱਲੀ ਸਰਕਾਰ ਨੇ ਕਿਹਾ ਹੈ ਕਿ ਜੇਕਰ ਕੋਈ ਖਪਤਕਾਰ 31 ਅਕਤੂਬਰ ਤੱਕ ਰਜਿਸਟਰੇਸ਼ਨ ਕਰਦਾ ਹੈ ਤਾਂ ਸਬਸਿਡੀ (Consumers) ਜਾਰੀ ਰਹੇਗੀ।

ਦੱਸ ਦਈਏ ਕਿ ਦਿੱਲੀ ਵਿੱਚ ਬਿਜਲੀ ਸਬਸਿਡੀ ਲੈਣ ਲਈ ਕਰੀਬ 30 ਲੱਖ ਲੋਕਾਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਹੈ। ਇਸ ਦੇ ਨਾਲ ਹੀ ਦਿੱਲੀ ਵਿੱਚ ਸਤੰਬਰ ਤੱਕ ਤਕਰੀਬਨ 47 ਲੱਖ ਲੋਕ ਸਬਸਿਡੀ ਦਾ ਲਾਭ ਲੈ ਰਹੇ ਹਨ।

ਦਿੱਲੀ ਵਿੱਚ ਬਿਜਲੀ ਸਬਸਿਡੀ ਹੁਣ ਉਨ੍ਹਾਂ ਲੋਕਾਂ ਨੂੰ ਮਿਲੇਗੀ ਜੋ ਇਸ ਲਈ ਅਪਲਾਈ ਕਰਨਗੇ। ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਹਾਲ ਹੀ 'ਚ ਐਲਾਨ ਕੀਤਾ ਸੀ ਕਿ 1 ਅਕਤੂਬਰ ਤੋਂ ਦਿੱਲੀ 'ਚ ਸਿਰਫ ਉਨ੍ਹਾਂ ਖਪਤਕਾਰਾਂ ਨੂੰ ਬਿਜਲੀ ਦੇ ਬਿੱਲਾਂ 'ਤੇ ਸਬਸਿਡੀ ਮਿਲੇਗੀ, ਜੋ ਇਸ ਲਈ ਅਪਲਾਈ ਕਰਨਗੇ ਅਤੇ ਇਸ ਦੀ ਮੰਗ ਕਰਨਗੇ।

ਦਿੱਲੀ ਵਿੱਚ ਸਸਤੇ ਭਾਅ ’ਤੇ ਬਿਜਲੀ ਦੇਣ ਦੀ ਪੁਰਾਣੀ ਯੋਜਨਾ 30 ਸਤੰਬਰ ਤੱਕ ਹੀ ਸੀ। ਅਜਿਹੇ 'ਚ ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਨੂੰ ਬਿਜਲੀ ਸਬਸਿਡੀ ਮਿਲਦੀ ਰਹੇ ਤਾਂ ਹੁਣ ਤੁਸੀਂ 31 ਅਕਤੂਬਰ ਤੱਕ ਅਪਲਾਈ ਕਰ ਸਕਦੇ ਹੋ।

ਦਿੱਲੀ ਵਿੱਚ ਹੁਣ 31 ਅਕਤੂਬਰ ਤੱਕ ਮੁਫ਼ਤ ਬਿਜਲੀ ਦੀ ਰਜਿਸਟ੍ਰੇਸ਼ਨ

ਜਿਹੜੇ ਖਪਤਕਾਰ ਸਬਸਿਡੀ ਨਹੀਂ ਲੈਣਾ ਚਾਹੁੰਦੇ, ਉਨ੍ਹਾਂ ਨੂੰ ਕੁਝ ਕਰਨ ਦੀ ਲੋੜ ਨਹੀਂ, ਪਹਿਲੀ ਅਕਤੂਬਰ ਤੋਂ ਉਨ੍ਹਾਂ ਲੋਕਾਂ ਦੇ ਬਿੱਲ ਪੂਰੇ ਆਉਣੇ ਸ਼ੁਰੂ ਹੋ ਜਾਣਗੇ। ਹਾਲਾਂਕਿ, ਤੁਸੀਂ 31 ਅਕਤੂਬਰ ਤੋਂ ਬਾਅਦ ਵੀ ਅਰਜ਼ੀ ਦੇ ਸਕਦੇ ਹੋ, ਪਰ ਖਪਤਕਾਰਾਂ ਨੂੰ ਅਕਤੂਬਰ ਦਾ ਪੂਰਾ ਬਿੱਲ ਅਦਾ ਕਰਨਾ ਹੋਵੇਗਾ।

ਤੁਸੀਂ 31 ਅਕਤੂਬਰ ਤੋਂ ਬਾਅਦ ਵੀ ਅਪਲਾਈ ਕਰ ਸਕਦੇ ਹੋ। ਅਜਿਹੇ 'ਚ ਜੇਕਰ ਤੁਸੀਂ ਨਵੰਬਰ 'ਚ ਬਿਜਲੀ ਸਬਸਿਡੀ ਲਈ ਅਪਲਾਈ ਕੀਤਾ ਹੈ ਤਾਂ ਤੁਹਾਨੂੰ ਅਕਤੂਬਰ ਤੱਕ ਦਾ ਪੂਰਾ ਬਿੱਲ ਅਦਾ ਕਰਨਾ ਹੋਵੇਗਾ। ਇਸੇ ਤਰ੍ਹਾਂ, ਜੇਕਰ ਤੁਸੀਂ ਦਸੰਬਰ ਵਿੱਚ ਅਰਜ਼ੀ ਦਿੰਦੇ ਹੋ, ਤਾਂ ਤੁਹਾਨੂੰ ਅਕਤੂਬਰ ਅਤੇ ਨਵੰਬਰ ਦੋਵਾਂ ਮਹੀਨਿਆਂ ਦਾ ਪੂਰਾ ਬਿੱਲ ਅਦਾ ਕਰਨਾ ਹੋਵੇਗਾ।