WhatsApp ਅਤੇ ਫੇਸਬੁਕ Messenger ਨਾਲ ਕਰਾਸ ਚੈਟਿੰਗ ਹੋਵੇਗੀ ਜਲਦੀ

ਵਿਸ਼ਵ ਦੇ ਸਭ ਤੋਂ ਵੱਡੇ ਸੋਸ਼ਲ ਮੀਡੀਆ ਪਲੇਟਫਾਰਮ ਵਜੋਂ ਜਾਣੇ ਜਾਂਦੇ ਫੇਸਬੁੱਕ, ਵਟਸਐਪ ਅਤੇ ਇੰਸਟਾਗ੍ਰਾਮ ਦੇ ਮਰਜ ਹੋਣ ਦੀ ਚਰਚਾ ਤੇਜ਼ੀ ਨਾਲ ਚਲ ਰਹੀ ਹੈ। ਦੱਸ ਦੇਈਏ ਕਿ ਫੇਸਬੁੱਕ ਨੇ ਵਟਸਐਪ ਅਤੇ ਇੰਸਟਾਗ੍ਰਾਮ ਨੂੰ ਹਾਸਲ ਕਰ ਲਿਆ ਸੀ, ਜੋ ਹੁਣ ਤੱਕ ਦਾ ਸਭ ਤੋਂ ਵੱਡਾ ਐਕਵਾਇਰ ਹੈ। ਦੋ ਪ੍ਰਸਿੱਧ ਪਲੇਟਫਾਰਮ ਖਰੀਦਣ ਤੋਂ ਬਾਅਦ ਇਹ ਕਿਆਸਅਰਾਈਆਂ ਸਨ ਕਿ ਕੀ ਤਿੰਨ ਪਲੇਟਫਾਰਮ ਕਦੇ ਵੀ ਇਕੱਠੇ ਕੰਮ ਕਰਨ ਲਈ ਏਕੀਕ੍ਰਿਤ ਹੋਣਗੇ। ਪਿਛਲੇ ਸਾਲ, ਫੇਸਬੁੱਕ ਦੇ ਮੁਖੀ ਜ਼ੁਕਰਬਰਗ ਨੇ ਇਹ ਸਪੱਸ਼ਟ ਕੀਤਾ ਕਿ ਭਵਿੱਖ ਵਿੱਚ ਇੱਕ ਵਿਲੱਖਣ ਸੇਵਾ ਪ੍ਰਦਾਨ ਕਰਨ ਲਈ ਉਨ੍ਹਾਂ ਨੇ ਤਿੰਨ ਪਲੇਟਫਾਰਮਾਂ ਨੂੰ ਮਿਲਾਉਣ ਦੀ ਯੋਜਨਾ ਬਣਾਈ ਹੈ।

ਹੁਣ ਫੇਸਬੁੱਕ ਵਟਸਐਪ, ਇੰਸਟਾਗ੍ਰਾਮ ਅਤੇ ਮੈਸੇਂਜਰ ਨੂੰ ਇਕੱਠਿਆਂ ਮਰਜ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਭਾਵ ਵਟਸਐਪ, ਇੰਸਟਾਗ੍ਰਾਮ ਉਪਭੋਗਤਾ ਵੀ ਇਸ ਪਲੇਟਫਾਰਮ 'ਤੇ ਆਪਸ ਵਿਚ ਗੱਲਬਾਤ ਕਰਨ ਦੇ ਯੋਗ ਹੋਣਗੇ। ਇਨ੍ਹਾਂ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਦੀ ਜ਼ਬਰਦਸਤ ਪਹੁੰਚ ਦੇ ਮੱਦੇਨਜ਼ਰ, ਇਹ ਕਿਹਾ ਜਾ ਸਕਦਾ ਹੈ ਕਿ ਫੇਸਬੁੱਕ ਦਾ ਇਹ ਥ੍ਰੀ ਇਨ ਵਨ ਪਲੇਟਫਾਰਮ ਵਿਚ ਵੀਡੀਓ ਕਾਨਫਰੰਸਿੰਗ ਦੇ ਖੇਤਰ ਵਿਚ ਇਕ ਗੇਮ ਚੇਂਜਰ ਹੋਵੇਗਾ।

ਡਾਟਾਬੇਸ ਦੀ ਤਿਆਰੀ - WABetaInfo ਦੀ ਇੱਕ ਰਿਪੋਰਟ ਨੇ ਅਜਿਹੀ ਸੰਭਾਵਿਤ ਵਿਸ਼ੇਸ਼ਤਾ ਵੱਲ ਇਸ਼ਾਰਾ ਕੀਤਾ ਗਿਆ ਹੈ।  WABetaInfo ਦੁਆਰਾ ਰਿਪੋਰਟ ਅਨੁਸਾਰ, ਫੇਸਬੁੱਕ ਮੈਸੇਂਜਰ ਦੀ ਵਰਤੋਂ ਕਰਦਿਆਂ ਤਿੰਨ ਪਲੇਟਫਾਰਮਾਂ ਵਿਚਕਾਰ ਇਕ ਸੰਪਰਕ ਬਣਾਉਣ ਲਈ ਕਦਮ ਚੁੱਕੇ ਜਾ ਰਹੇ ਹਨ। ਫੇਸਬੁੱਕ ਇੱਕ ਸਥਾਨਕ ਡੇਟਾਬੇਸ ਟੇਬਲ ਤਿਆਰ ਕਰ ਰਹੀ ਹੈ ਜੋ ਵਟਸਐਪ ਉਪਭੋਗਤਾ ਦੇ ਸੰਦੇਸ਼ਾਂ ਅਤੇ ਸੇਵਾ ਨੂੰ ਸੰਗਠਿਤ ਕਰਨ ਵਿੱਚ ਮਦਦਗਾਰ ਹੋਵੇਗੀ। ਇਨ੍ਹਾਂ ਦੀ ਵਰਤੋਂ ਨਾਲ, ਫੇਸਬੁੱਕ ਸੰਪਰਕ ਨੰਬਰ ਅਤੇ ਸੰਦੇਸ਼ ਇਕੱਤਰ ਕਰਨ ਦੇ ਯੋਗ ਹੋ ਜਾਵੇਗਾ, ਪੁਸ਼ ਨੋਟੀਫਿਕੇਸ਼ਨਾਂ ਦੀ ਆਵਾਜ਼ ਵੀ ਹੋਵੇਗੀ।

ਇਹ ਪ੍ਰਕਿਰਿਆ ਬਹੁਤ ਸ਼ੁਰੂਆਤੀ ਪੜਾਅ 'ਤੇ ਹੈ ਅਤੇ ਇਸ ਲਈ ਇਹ ਕਹਿਣਾ ਮੁਸ਼ਕਲ ਹੋਵੇਗਾ ਕਿ ਫੇਸਬੁੱਕ ਆਪਣੇ ਉਪਭੋਗਤਾ ਨੂੰ ਹੋਰ ਪਲੇਟਫਾਰਮਾਂ ਨਾਲ ਸੰਚਾਰ ਕਰਨ ਦੀ ਇਸ ਸਹੂਲਤ ਨੂੰ ਕਿੰਨੀ ਦੇਰ ਤੱਕ ਵਿਕਸਤ ਕਰਦੀ ਹੈ। ਇਹ ਵੀ ਸੰਭਵ ਹੈ ਕਿ ਭਵਿੱਖ ਵਿੱਚ ਇਸ ਯੋਜਨਾ ਨੂੰ ਅੱਗੇ ਨਾ ਵਧਾਇਆ ਜਾਵੇ।