Google ਦੇ CEO ਸੁੰਦਰ ਪਿਚਾਈ ਖ਼ਿਲਾਫ਼ FIR, ਵਾਰਾਣਸੀ ਪੁਲਿਸ ਕਰ ਰਹੀ ਭਾਲ, ਜਾਣੋ ਪੂਰਾ ਮਾਮਲਾ

ਵਾਰਾਣਸੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ((PM Narendra Modi) ਦੇ ਸੰਸਦੀ ਹਲਕੇ ਵਾਰਾਣਸੀ ਦੇ ਭੇਲੂਪੁਰ ਥਾਣੇ ਵਿਚ ਦਰਜ ਇਕ ਐਫਆਈਆਰ ਚਰਚਾ ਵਿਚ ਹੈ। ਆਈਟੀ ਐਕਟ ਤਹਿਤ ਇਸ ਐਫਆਈਆਰ ਵਿੱਚ ਕੁੱਲ 18 ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। ਇਨ੍ਹਾਂ 18 ਲੋਕਾਂ ਵਿਚੋਂ ਇਕ ਨਾਮ ਦੀ ਸਭ ਤੋਂ ਵੱਧ ਚਰਚਾ ਵਿੱਚ ਹੈ। ਇਹ ਗੂਗਲ (Google) ਦੇ ਸੀਈਓ ਸੁੰਦਰ ਪਿਚਾਈ (CEO Sundar Pichai) ਦਾ ਨਾਮ ਹੈ। ਉਨ੍ਹਾਂ ਖਿਲਾਫ ਆਈ ਟੀ ਐਕਟ ਅਤੇ ਸਾਜਿਸ਼ ਲਈ ਮੁਕੱਦਮਾ ਦਾਇਰ ਕੀਤਾ ਗਿਆ ਹੈ।

ਦਰਅਸਲ, ਇਹ ਐਫਆਈਆਰ 6 ਫਰਵਰੀ ਨੂੰ ਅਦਾਲਤ ਦੇ ਆਦੇਸ਼ ਤੋਂ ਬਾਅਦ ਦਰਜ ਕੀਤੀ ਗਈ ਹੈ। ਵਾਰਾਣਸੀ ਦੇ ਗੌਰੀਗੰਜ ਖੇਤਰ ਵਿਚ ਰਹਿਣ ਵਾਲੇ ਗਿਰੀਜਾ ਸ਼ੰਕਰ ਨੇ ਇਹ ਐਫਆਈਆਰ ਦਰਜ ਕੀਤੀ ਹੈ। ਗਿਰੀਜਾ ਸ਼ੰਕਰ ਨੇ ਦੋਸ਼ ਲਗਾਇਆ ਕਿ ਪ੍ਰਧਾਨ ਮੰਤਰੀ ਮੋਦੀ ਖਿਲਾਫ ਵਟਸਐਪ ਗਰੁੱਪ ਵਿੱਚ ਇੱਕ ਵੀਡੀਓ ਰਾਹੀਂ ਇਤਰਾਜ਼ਯੋਗ ਟਿੱਪਣੀਆਂ ਕੀਤੀਆਂ ਗਈਆਂ ਸਨ। ਗਿਰੀਜਾ ਸ਼ੰਕਰ ਨੇ ਉਕਤ ਨੰਬਰ 'ਤੇ ਕਾਲ ਕਰਕੇ ਵੀਡੀਓ 'ਤੇ ਸਵਾਲ ਕੀਤਾ, ਜਿਸ ਤੋਂ ਬਾਅਦ ਯੂਟਿਊਬ(You tube) 'ਤੇ ਇਕ ਵੀਡੀਓ ਪਾ ਦਿੱਤੀ ਗਈ। ਗਿਰੀਜਾ ਸ਼ੰਕਰ ਦਾ ਮੋਬਾਈਲ ਨੰਬਰ ਕਥਿਤ ਤੌਰ 'ਤੇ ਇਸ ਵਿਚ ਪਾਇਆ ਗਿਆ ਸੀ। ਉਦੋਂ ਤੋਂ, ਉਸ ਦੇ ਮੋਬਾਈਲ ਫੋਨ 'ਤੇ ਉਸ ਨੂੰ ਜਾਨ ਤੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ।

8500 ਕਾਲਾਂ ਤੋਂ ਧਮਕੀ  ਦਾ ਦਾਅਵਾ-

ਗਿਰੀਜਾ ਸ਼ੰਕਰ ਦਾ ਮੋਬਾਈਲ ਨੰਬਰ ਯੂਟਿਊਬ(You tube)  'ਤੇ ਪਾਉਣ ਵਾਲਾ ਵਿਅਕਤੀ ਵਿਸ਼ਾਲ ਸਿੰਘ ਹੈ, ਜਿਸ ਨੇ ਇਕ ਵੀਡੀਓ ਬਣਾਈ ਅਤੇ ਇਸ ਵਿਚ ਗਿਰੀਜਾ ਸ਼ੰਕਰ ਦਾ ਨੰਬਰ ਪਾ ਕੇ ਇਕ ਗਾਣਾ ਬਣਾਇਆ ਕਿ ਇਹ ਵਿਅਕਤੀ ਵੱਲੋਂ ਉਸ ਦੀ ਜਾਨ ਨੂੰ ਖਤਰਾ ਹੈ। ਉਸ ਸਮੇਂ ਤੋਂ ਗਿਰਿਜਾ ਸ਼ੰਕਰ ਨੂੰ 8500 ਕਾਲਾਂ ਆਈਆਂ ਹਨ, ਜਿਸ ਵਿੱਚ ਉਸਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਜਾ ਰਹੀ ਹੈ ਅਤੇ ਦੁਰਵਿਵਹਾਰ ਕੀਤਾ ਜਾ ਰਿਹਾ ਹੈ।

ਗਿਰੀਜਾ ਸ਼ੰਕਰ ਨੇ ਇਸ ਕੇਸ ਦੇ ਤਹਿਤ 156 ਅਧੀਨ ਅਦਾਲਤ ਵਿਚ ਪਹੁੰਚ ਕੀਤੀ, ਫਿਰ ਅਦਾਲਤ ਨੇ ਭੇਲੂਪੁਰ ਥਾਣੇ ਵਿਚ ਰਿਪੋਰਟ ਦਾਇਰ ਕਰਕੇ ਜਾਂਚ ਦੇ ਆਦੇਸ਼ ਦਿੱਤੇ। ਜਿਸ ਤੋਂ ਬਾਅਦ ਪੀੜਤ ਗਿਰੀਜਾ ਸ਼ੰਕਰ ਨੇ ਭੈਲੋਪਰ ਥਾਣੇ ਵਿਚ 18 ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ।

ਪੁਲਿਸ ਜਾਂਚ ਵਿਚ ਜੁਟੀ ਹੋਈ ਹੈ

ਇਨ੍ਹਾਂ 18 ਲੋਕਾਂ ਵਿਚ ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਸਮੇਤ ਗੂਗਲ ਦੇ ਦੋ ਹੋਰ ਅਧਿਕਾਰੀਆਂ ਦਾ ਨਾਮ ਹੈ, ਜਿਨ੍ਹਾਂ 'ਤੇ ਆਈ ਟੀ ਐਕਟ ਅਤੇ ਸਾਜ਼ਿਸ਼ ਰਚਣ ਦੇ ਦੋਸ਼ ਲਗਾਏ ਗਏ ਹਨ। ਭੇਲੂਪੁਰ ਥਾਣੇ ਦੇ ਪ੍ਰਧਾਨ ਅਮਿਤ ਮਿਸ਼ਰਾ ਨੇ ਦੱਸਿਆ ਕਿ ਇਸ ਏਆਈਆਰ ਨੂੰ ਪੀੜਤ ਗਿਰੀਜਾ ਸ਼ੰਕਰ ਨੇ ਗੂਗਲ(Google)  ਦੇ ਸੀਈਓ ਸਮੇਤ ਲਿਖਿਆ ਹੈ। ਕੇਸ ਦਰਜ ਕਰਕੇ ਜਾਂਚ ਕੀਤੀ ਜਾ ਰਹੀ ਹੈ। ਦੇਸ਼ ਵਿਚ ਟਵਿੱਟਰ 'ਤੇ ਸਮੱਗਰੀ ਨੂੰ ਲੈ ਕੇ ਟਵਿੱਟਰ ਦੀ ਚਰਚਾ ਹੋ ਰਹੀ ਹੈ। ਅਜਿਹੀ ਸਥਿਤੀ ਵਿੱਚ, ਗੂਗਲ ਦੇ ਸੀਈਓ ਖ਼ਿਲਾਫ਼ ਕੇਸ ਦਾਇਰ ਕਰਨ ਦਾ ਮਾਮਲਾ ਬਹੁਤ ਜ਼ਿਆਦਾ ਚਰਚਾ ਦਾ ਵਿਸ਼ਾ ਹੈ।