Viral Video- ਪਹਿਲਾਂ ਕੂੜਾ ਸੁੱਟਿਆ, ਫਿਰ BJP ਨੇਤਾ ਨੇ ਝਾੜੂ ਲਗਾ ਕੇ ਖਿਚਵਾਈ ਫੋਟੋ

ਮੱਧ ਪ੍ਰਦੇਸ਼ ਦੇ ਸ਼ਿਓਪੁਰ ਵਿੱਚ ਸਵੱਛਤਾ ਮੁਹਿੰਮ ਦੇ ਨਾਂ 'ਤੇ ਭਾਜਪਾ ਨੇਤਾਵਾਂ ਦੀ ਕੂੜੇ ਦੀ ਰਾਜਨੀਤੀ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ਵਿੱਚ ਸਭ ਤੋਂ ਪਹਿਲਾਂ ਨਗਰ ਪਾਲਿਕਾ ਦੇ ਅਧਿਕਾਰੀ ਅਤੇ ਕਰਮਚਾਰੀ ਖੜ੍ਹੇ ਹੋ ਕੇ ਸਫ਼ਾਈ ਕਰਮਚਾਰੀ ਪਟੇਲ ਚੌਕ ਦੀ ਸੜਕ ’ਤੇ ਕੂੜਾ ਸੁੱਟਦੇ ਹਨ। ਇਸ ਤੋਂ ਥੋੜ੍ਹੀ ਦੇਰ ਬਾਅਦ ਭਾਜਪਾ ਆਗੂ ਉੱਥੇ ਪਹੁੰਚ ਗਏ ਅਤੇ ਝਾੜੂ ਲਗਾ ਕੇ ਫੋਟੋ ਖਿਚਵਾਉਣ ਲੱਗ ਪਏ। ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।

ਸ਼ਿਓਪੁਰ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਹੁਣ ਇਸ ਗੱਲ ਨੂੰ ਲੈ ਕੇ ਸਵਾਲ ਉਠਾਏ ਜਾ ਰਹੇ ਹਨ ਕਿ ਕੀ ਸਫ਼ਾਈ ਮੁਹਿੰਮ ਗੰਦਗੀ ਵਾਲੀ ਥਾਂ 'ਤੇ ਚਲਾਈ ਜਾਵੇ ਜਾਂ ਫਿਰ ਕੂੜਾ ਸੁੱਟ ਕੇ ਫ਼ੋਟੋ ਸੈਲਫ਼ੀਆਂ ਤੇ ਤਾੜੀਆਂ ਬਟੋਰੀਆਂ ਜਾਣ | ਮਾਮਲਾ ਸ਼ਿਓਪੁਰ ਦੇ ਪਟੇਲ ਚੌਕ ਦਾ ਹੈ। ਜਿੱਥੇ 1 ਨਵੰਬਰ ਨੂੰ ਮੱਧ ਪ੍ਰਦੇਸ਼ ਦੇ ਸਥਾਪਨਾ ਦਿਵਸ ਦੇ ਮੌਕੇ 'ਤੇ ਭਾਜਪਾ ਨੇਤਾਵਾਂ ਨੇ ਸਿਰਫ ਰਸਮੀ ਕਾਰਵਾਈਆਂ ਪੂਰੀਆਂ ਕਰਨ ਲਈ ਸਫਾਈ ਮੁਹਿੰਮ ਚਲਾਈ। ਇਸ ਸਫ਼ਾਈ ਅਭਿਆਨ ਵਿੱਚ ਸਾਬਕਾ ਵਿਧਾਇਕ ਦੁਰਗਲਾਲ ਵਿਜੇ, ਸੂਬਾ ਵਰਕਿੰਗ ਕਮੇਟੀ ਮੈਂਬਰ ਮਹਾਵੀਰ ਸਿੰਘ ਸਿਸੋਦੀਆ, ਕੈਲਾਸ਼ ਨਰਾਇਣ ਗੁਪਤਾ, ਨਗਰ ਪਾਲਿਕਾ ਪ੍ਰਧਾਨ ਰੇਣੂ ਸੁਜੀਤ ਗਰਗ ਸਮੇਤ ਭਾਜਪਾ ਦੇ ਜ਼ਿਲ੍ਹੇ ਦੇ ਕਈ ਪ੍ਰਮੁੱਖ ਆਗੂ ਹਾਜ਼ਰ ਸਨ।

ਸ਼ਰਮਨਾਕ ਗੱਲ ਇਹ ਹੈ ਕਿ ਇਸ ਮੁਹਿੰਮ ਤੋਂ ਪਹਿਲਾਂ ਹੀ ਨਗਰ ਪਾਲਿਕਾ ਦੇ ਸਿਹਤ ਅਧਿਕਾਰੀ ਤੋਂ ਲੈ ਕੇ ਹੋਰ ਅਧਿਕਾਰੀ ਅਤੇ ਕਰਮਚਾਰੀ ਪਟੇਲ ਚੌਕ ਵਿੱਚ ਆ ਗਏ। ਉਨ੍ਹਾਂ ਸਫ਼ਾਈ ਸੇਵਕਾਂ ਨੂੰ ਸਾਫ਼ ਸਫ਼ਾਈ ਵਾਲੀ ਸੜਕ 'ਤੇ ਕੂੜਾ ਖਿਲਾਰਿਆ, ਉੱਥੇ ਸਫ਼ਾਈ ਦੀ ਰਸਮ ਪੂਰੀ ਕਰਨ ਤੋਂ ਬਾਅਦ ਸੈਲਫ਼ੀਆਂ ਲਈਆਂ ਅਤੇ ਇਸ ਮੁਹਿੰਮ ਨੂੰ ਪੂਰਾ ਕੀਤਾ |