Home /News /national /

Instagram Reel ਲਈ ਹਰ ਕੀ ਪੌੜੀ ਵਿਖੇ 'ਕਾਲਾ ਚਸ਼ਮਾ' 'ਤੇ ਅਸ਼ਲੀਲ ਸਟੈਪ ਕਰਨਾ ਪਿਆ ਮਹਿੰਗਾ, ਲੋਕਾਂ ਨੇ ਕੱਢੀਆਂ ਗਾਲਾਂ

Instagram Reel ਲਈ ਹਰ ਕੀ ਪੌੜੀ ਵਿਖੇ 'ਕਾਲਾ ਚਸ਼ਮਾ' 'ਤੇ ਅਸ਼ਲੀਲ ਸਟੈਪ ਕਰਨਾ ਪਿਆ ਮਹਿੰਗਾ, ਲੋਕਾਂ ਨੇ ਕੱਢੀਆਂ ਗਾਲਾਂ

Insta Reel ਲਈ ਹਰ ਕੀ ਪੌੜੀ ਵਿਖੇ 'ਕਾਲਾ ਚਸ਼ਮਾ' 'ਤੇ ਅਸ਼ਲੀਲ ਸਟੈਪ ਕਰਨਾ ਪਿਆ ਮਹਿੰਗਾ

Insta Reel ਲਈ ਹਰ ਕੀ ਪੌੜੀ ਵਿਖੇ 'ਕਾਲਾ ਚਸ਼ਮਾ' 'ਤੇ ਅਸ਼ਲੀਲ ਸਟੈਪ ਕਰਨਾ ਪਿਆ ਮਹਿੰਗਾ

ਵੀਡੀਓ 'ਚ ਉਨ੍ਹਾਂ ਨੂੰ ਕਾਲਾ ਚਸ਼ਮਾ ਰੀਲ ਦਾ ਟ੍ਰੈਂਡ ਕਰਦੇ ਹੋਏ ਦਿਖਾਇਆ ਜਾ ਸਕਦਾ ਹੈ। ਹਿੰਦੂ ਸੰਗਠਨਾਂ ਅਤੇ ਸੋਸ਼ਲ ਮੀਡੀਆ ਉਪਭੋਗਤਾਵਾਂ ਦੁਆਰਾ ਇਸ ਦੀ ਆਲੋਚਨਾ ਕੀਤੀ ਜਾ ਰਹੀ ਹੈ।

  • Share this:

    Viral Video : ਹਰਿਦੁਆਰ ਦੇ ਹਰਿ ਕੀ ਪੌੜੀ ਵਿਖੇ ਨੌਜਵਾਨਾਂ ਦੇ ਇੱਕ ਸਮੂਹ ਨੂੰ ਇੱਕ ਇੰਸਟਾਗ੍ਰਾਮ ਰੀਲ (Instagram Reel) ਬਣਾਉਣ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ 'ਚ ਉਨ੍ਹਾਂ ਨੂੰ ਕਾਲਾ ਚਸ਼ਮਾ ਰੀਲ ਦਾ ਟ੍ਰੈਂਡ ਕਰਦੇ ਹੋਏ ਦਿਖਾਇਆ ਜਾ ਸਕਦਾ ਹੈ। ਹਿੰਦੂ ਸੰਗਠਨਾਂ ਅਤੇ ਸੋਸ਼ਲ ਮੀਡੀਆ ਉਪਭੋਗਤਾਵਾਂ ਦੁਆਰਾ ਇਸ ਦੀ ਆਲੋਚਨਾ ਕੀਤੀ ਜਾ ਰਹੀ ਹੈ।

    ਦੱਸ ਦਈਏ ਕਿ ਗੰਗਾ ਸਭਾ ਦੇ ਜਨਰਲ ਸਕੱਤਰ ਤਨਮਯ ਵਸ਼ਿਸ਼ਟ ਨੇ ਸਥਾਨਕ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾ ਕੇ ਇਹਨਾਂ ਨੌਜਵਾਨਾਂ ਖਿਲਾਫ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ। ਨਿਊਜ਼ ਰੂਮ ਪੋਸਟ ਦੀ ਰਿਪੋਰਟ ਅਨੁਸਾਰ, ਉਸਨੇ ਸਮੂਹ ਦੀਆਂ ਕਾਰਵਾਈਆਂ ਨੂੰ "ਧਰਮਨਗਰੀ ਦੇ ਮਾਣ ਨਾਲ ਖੇਡਣਾ" ਦੱਸਿਆ। ਹਰਿਦੁਆਰ ਪੁਲਿਸ ਨੇ ਅਧਿਕਾਰਤ ਬਿਆਨ ਨਹੀਂ ਦਿੱਤਾ ਹੈ ਪਰ ਕਥਿਤ ਤੌਰ 'ਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਸੋਸ਼ਲ ਮੀਡੀਆ 'ਤੇ ਵੀਡੀਓ ਨੂੰ ਲੈ ਕੇ ਹੰਗਾਮਾ ਹੋ ਰਿਹਾ ਹੈ।

    ਦੱਸ ਦਈਏ ਕਿ ਪਿਛਲੇ ਸਾਲ, ਹਰਿਦੁਆਰ ਦੀ ਹਰ ਕੀ ਪੌੜੀ ਉਸ ਸਮੇਂ ਸੁਰਖੀਆਂ ਵਿੱਚ ਆਈ ਸੀ ਜਦੋਂ ਜੁਲਾਈ ਵਿੱਚ, ਕੋਵਿਡ -19 ਨਿਯਮਾਂ ਦੀ ਪੂਰੀ ਤਰ੍ਹਾਂ ਉਲੰਘਣਾ ਕਰਦੇ ਹੋਏ, ਸੈਂਕੜੇ ਸ਼ਰਧਾਲੂ ਉੱਤਰਾਖੰਡ ਘਾਟ 'ਤੇ ਇਕੱਠੇ ਹੁੰਦੇ ਵੇਖੇ ਗਏ ਸਨ। ਨਸ਼ੀਲੇ ਪਦਾਰਥਾਂ ਦੀ ਹਾਲਤ ਵਿਚ ਲੋਕਾਂ ਦੇ ਘਾਟ 'ਤੇ ਭੜਕਣ ਅਤੇ ਹੰਗਾਮਾ ਕਰਨ, ਪਾਰਟੀ ਕਰਨ ਦੀਆਂ ਕਈ ਉਦਾਹਰਣਾਂ ਤੋਂ ਬਾਅਦ, ਗੰਗਾ ਸਭਾ ਨੇ ਸਤੰਬਰ ਵਿਚ ਇਸ ਖੇਤਰ ਵਿਚ ਸੁਰੱਖਿਆ ਗਾਰਡਾਂ ਨੂੰ ਸਾਹ ਵਿਸ਼ਲੇਸ਼ਕ ਜਾਂ ਅਲਕੋਮੀਟਰਾਂ ਨਾਲ ਲੈਸ ਕਰਨ ਦਾ ਫੈਸਲਾ ਕੀਤਾ ਸੀ।

    ਹਿੰਦੁਸਤਾਨ ਟਾਈਮਜ਼ ਮੁਤਾਬਕ ਗੰਗਾ ਸਭਾ ਦੇ ਜਨਰਲ ਸਕੱਤਰ ਤਨਮਯ ਵਸ਼ਿਸ਼ਠ ਨੇ ਕਿਹਾ ਕਿ ਇਸ ਸਮੇਂ ਦੌਰਾਨ ਕੋਵਿਡ-19 ਨਾਲ ਸਬੰਧਤ ਪਾਬੰਦੀਆਂ ਵਿੱਚ ਢਿੱਲ ਦਿੱਤੇ ਜਾਣ ਤੋਂ ਬਾਅਦ ਦੂਜੇ ਰਾਜਾਂ ਤੋਂ ਹਰਿ ਕੀ-ਪੌੜੀ ਵੱਲ ਪੈਰ ਵਧੇ ਹਨ ਅਤੇ ਇਸ ਦੇ ਨਾਲ ਹੀ ਸਮਾਜ ਵਿਰੋਧੀ ਘਟਨਾਵਾਂ ਵਿੱਚ ਵਾਧਾ ਹੋਇਆ ਹੈ। ਗਤੀਵਿਧੀਆਂ ਅਤੇ ਗੁੰਡਾਗਰਦੀ ਦੇ ਮਾਮਲਿਆਂ 'ਚ ਕਾਫੀ ਵਾਧਾ ਹੋਇਆ ਹੈ ।

    ਸਭਾ ਦੇ ਜਨਰਲ ਸਕੱਤਰ ਦੇ ਹਵਾਲੇ ਨਾਲ ਰਿਪੋਰਟ ਵਿੱਚ ਕਿਹਾ ਗਿਆ ਹੈ, "ਅਲਕੋਮੀਟਰ ਉਪਕਰਣਾਂ ਨਾਲ, ਸੁਰੱਖਿਆ ਗਾਰਡ ਅਜਿਹੇ ਸ਼ੱਕੀ ਅਪਰਾਧੀਆਂ ਦੀ ਜਾਂਚ ਕਰਨਗੇ ਅਤੇ ਉਨ੍ਹਾਂ ਨੂੰ ਹਰ-ਕੀ-ਪਉੜੀ ਅਤੇ ਨਾਲ ਲੱਗਦੇ ਘਾਟਾਂ ਵਿੱਚ ਗੰਗਾ ਘਾਟਾਂ ਵਿੱਚ ਦਾਖਲ ਹੋਣ ਤੋਂ ਰੋਕਣਗੇ।"

    ਵਸ਼ਿਸਟ ਨੇ ਕਿਹਾ ਕਿ ਪੁਲਿਸ ਪਹਿਲਾਂ ਹੀ ਗੰਗਾ ਘਾਟਾਂ 'ਤੇ ਗੁੰਡਾਗਰਦੀ ਦੀਆਂ ਕਾਰਵਾਈਆਂ 'ਤੇ ਲਗਾਮ ਲਗਾਉਣ ਲਈ ਆਪਰੇਸ਼ਨ ਮਰਿਯਾਦਾ ਚਲਾ ਰਹੀ ਹੈ। ਹਰ ਕੀ ਪੌੜੀ ਦੇ ਪ੍ਰਵੇਸ਼ ਪੁਆਇੰਟ ਜਿੱਥੇ ਅਲਕੋਮੀਟਰਾਂ ਵਾਲੇ ਸੁਰੱਖਿਆ ਗਾਰਡ ਤਾਇਨਾਤ ਕੀਤੇ ਜਾਣੇ ਸਨ, ਵਿੱਚ ਅੱਪਰ ਰੋਡ, ਕੰਗਡਾ ਘਾਟ, ਅਸਥੀਆਂ ਵਿਸਰਜਨ ਘਾਟ ਅਤੇ ਮਹਿਲਾ ਘਾਟ ਸ਼ਾਮਲ ਹੋਣਗੇ। ਇਸ ਤੋਂ ਇਲਾਵਾ, 20 ਸੁਰੱਖਿਆ ਗਾਰਡ ਵੱਖ-ਵੱਖ ਥਾਵਾਂ 'ਤੇ ਵਿਜ਼ਿਟਰਾਂ ਦੀ ਜਾਂਚ ਕਰਨ ਅਤੇ ਇਹ ਯਕੀਨੀ ਬਣਾਉਣ ਲਈ ਤਾਇਨਾਤ ਕੀਤੇ ਜਾਣਗੇ ਕਿ ਉਹ ਨਸ਼ੇ ਵਿਚ ਨਹੀਂ ਹਨ।

    Published by:Tanya Chaudhary
    First published:

    Tags: Instagram Reels, Trending News, Viral news, Viral video