Home /News /national /

Vikas Dubey Encounter: ਸਾਢੇ ਤਿੰਨ ਮਹੀਨਿਆਂ ਪਿੱਛੋਂ ਵੀ ਗੈਂਗਸਟਰ ਵਿਕਾਸ ਦੂਬੇ ਖਿਲਾਫ ਪੁਲਿਸ ਤੋਂ ਇਲਾਵਾ ਕੋਈ ਗਵਾਹ ਨਹੀਂ

Vikas Dubey Encounter: ਸਾਢੇ ਤਿੰਨ ਮਹੀਨਿਆਂ ਪਿੱਛੋਂ ਵੀ ਗੈਂਗਸਟਰ ਵਿਕਾਸ ਦੂਬੇ ਖਿਲਾਫ ਪੁਲਿਸ ਤੋਂ ਇਲਾਵਾ ਕੋਈ ਗਵਾਹ ਨਹੀਂ

Vikas Dubey Encounter: ਸਾਢੇ ਤਿੰਨ ਮਹੀਨਿਆਂ ਪਿੱਛੋਂ ਵੀ ਗੈਂਗਸਟਰ ਵਿਕਾਸ ਦੂਬੇ ਖਿਲਾਫ ਪੁਲਿਸ ਤੋਂ ਇਲਾਵਾ ਕੋਈ ਗਵਾਹ ਨਹੀਂ (ਫਾਇਲ ਫੋਟੋ)

Vikas Dubey Encounter: ਸਾਢੇ ਤਿੰਨ ਮਹੀਨਿਆਂ ਪਿੱਛੋਂ ਵੀ ਗੈਂਗਸਟਰ ਵਿਕਾਸ ਦੂਬੇ ਖਿਲਾਫ ਪੁਲਿਸ ਤੋਂ ਇਲਾਵਾ ਕੋਈ ਗਵਾਹ ਨਹੀਂ (ਫਾਇਲ ਫੋਟੋ)

  • Share this:
    ਉੱਤਰ ਪ੍ਰਦੇਸ਼ ਦੇ ਖਤਰਨਾਕ ਗੈਂਗਸਟਰ ਵਿਕਾਸ ਦੂਬੇ (Vikas Dubey Encounter) ਅਤੇ ਉਸ ਦੇ ਸਾਥੀਆਂ ਦੇ ਐਨਕਾਉਂਟਰ ਦੀ ਜਾਂਚ ਲਈ ਸੁਪਰੀਮ ਕੋਰਟ ਦੁਆਰਾ ਗਠਿਤ ਜਸਟਿਸ ਚੌਹਾਨ ਕਮਿਸ਼ਨ ਨੂੰ ਅਜੇ ਤੱਕ ਪੁਲਿਸ ਥਿਊਰੀ ਦੇ ਵਿਰੁੱਧ ਕੋਈ ਗਵਾਹੀ ਨਹੀਂ ਮਿਲੀ ਹੈ। ਪੈਨਲ ਦੇ ਸੂਤਰ ਦੱਸਦੇ ਹਨ ਕਿ ਹੁਣ ਤੱਕ ਕਿਸੇ ਚਸ਼ਮਦੀਦ ਗਵਾਹ ਨੇ ਆਪਣੀ ਗਵਾਹੀ ਵਿੱਚ ਪੁਲਿਸ ਦੇ ਬਿਆਨ ਦਾ ਖੰਡਨ ਨਹੀਂ ਕੀਤਾ।

    ਸੂਤਰਾਂ ਅਨੁਸਾਰ, "ਪੈਨਲ ਨੇ ਚਸ਼ਮਦੀਦਾਂ ਨੂੰ ਸਾਹਮਣੇ ਆ ਕੇ ਬਿਆਨ ਦੇਣ ਲਈ ਕਾਫੀ ਪ੍ਰਚਾਰ ਕੀਤਾ, ਪਰ ਉਨ੍ਹਾਂ ਨੂੰ ਇਸ ਵਿੱਚ ਕੋਈ ਸਫਲਤਾ ਨਹੀਂ ਮਿਲੀ ਹੈ।" ਜਾਣਕਾਰੀ ਲਈ ਦੱਸ ਦਈਏ ਕਿ ਇਸ ਸਾਲ 10 ਜੁਲਾਈ ਨੂੰ ਵਿਕਾਸ ਦੂਬੇ ਪੁਲਿਸ ਮੁਕਾਬਲੇ ਵਿੱਚ ਮਾਰਿਆ ਗਿਆ ਸੀ। ਵਿਕਾਸ ਦੇ ਨਾਲ-ਨਾਲ ਉਸ ਦੇ ਗਿਰੋਹ ਦੇ ਕਈ ਮੈਂਬਰ ਵੀ ਮਾਰੇ ਗਏ ਸਨ। ਵਿਕਾਸ ਦੀ ਮੌਤ ਤੋਂ ਬਾਅਦ ਸੁਪਰੀਮ ਕੋਰਟ ਨੇ ਮੁਠਭੇੜ ਦੀ ਜਾਂਚ ਲਈ ਇਕ ਪੈਨਲ ਦਾ ਗਠਨ ਕੀਤਾ।

    ਸੂਤਰ ਇਹ ਵੀ ਕਹਿੰਦੇ ਹਨ ਕਿ ਵਿਕਾਸ ਦੂਬੇ ਦੇ ਰਿਸ਼ਤੇਦਾਰ ਵੀ ਪੈਨਲ ਨੂੰ ਆਪਣਾ ਬਿਆਨ ਦਰਜ ਕਰਵਾਉਣ ਲਈ ਨਹੀਂ ਆਏ ਹਨ। ਜਿਨ੍ਹਾਂ ਨੇ ਬਿਆਨ ਦਰਜ ਕਰਵਾਏ ਹਨ, ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ ਪੁਲਿਸ ਮੁਲਾਜਮਾਂ ਨੇ ਮੁਕਾਬਲੇ ਤੋਂ ਪਹਿਲਾਂ ਵਾਪਰੀਆਂ ਘਟਨਾਵਾਂ ਦਾ ਵੇਰਵਾ ਦਿੱਤਾ ਹੈ।

    ਵਿਕਾਸ ਅਤੇ ਉਸ ਦੇ ਸਾਥੀਆਂ ਦੁਆਰਾ 2 ਜੁਲਾਈ ਨੂੰ ਪੁਲਿਸ ਟੀਮ ਉੱਤੇ ਹਮਲਾ ਕੀਤਾ ਗਿਆ ਸੀ। ਇਸ ਵਿੱਚ ਸੀਓ ਦਵੇਂਦਰ ਮਿਸ਼ਰਾ ਸਮੇਤ 8 ਪੁਲਿਸ ਮੁਲਾਜ਼ਮ ਸ਼ਹੀਦ ਹੋ ਗਏ। ਪੁਲਿਸ ਨੇ 1 ਅਕਤੂਬਰ ਨੂੰ ਅਦਾਲਤ ਵਿੱਚ ਚਾਰਜਸ਼ੀਟ ਦਾਖਲ ਕੀਤੀ। ਇਸ ਵਿੱਚ 8 ਸੈਕਟਰਾਂ ਦੇ 25 ਪੁਲਿਸ ਮੁਲਾਜ਼ਮ ਅਤੇ ਹੈੱਡ ਕਾਂਸਟੇਬਲ ਸਮੇਤ 29 ਦੇ ਨਾਮ ਹਨ। ਇਸ ਵਿਚ 7 ਪੋਸਟਮਾਰਟਮ ਅਤੇ ਹੋਰ ਡਾਕਟਰੀ ਗਤੀਵਿਧੀਆਂ ਵਿਚ ਸ਼ਾਮਲ 8 ਡਾਕਟਰਾਂ ਦੇ ਨਾਮ ਗਵਾਹਾਂ ਦੀ ਸੂਚੀ ਵਿਚ ਹਨ। ਸ਼ਹੀਦ ਹੋਏ ਪੁਲਿਸ ਮੁਲਾਜ਼ਮਾਂ ਦੀਆਂ ਲਾਸ਼ਾਂ ਦੀ ਜਾਂਚ ਦੇ ਸਮੇਂ 15 ਗਵਾਹ ਵੀ ਬਣਾਏ ਗਏ ਹਨ, ਜਿਨ੍ਹਾਂ ਵਿਚੋਂ ਬਹੁਤੇ ਪੁਲਿਸ ਮੁਲਾਜ਼ਮਾਂ ਦੇ ਪਰਿਵਾਰ ਵਿਚੋਂ ਹਨ।

    ਵਿਕਾਸ ਦੂਬੇ ਮੁਕਾਬਲੇ 'ਤੇ ਪੁਲਿਸ ਥਿਊਰੀ ਬਾਰੇ ਕਈ ਤਰ੍ਹਾਂ ਦੇ ਸਵਾਲ ਖੜੇ ਹੋਣ ਤੋਂ ਬਾਅਦ ਸੁਪਰੀਮ ਕੋਰਟ ਵਿਚ ਇਕ ਅਰਜ਼ੀ ਵੀ ਦਾਇਰ ਕੀਤੀ ਗਈ ਸੀ, ਜਿਸ ਤੋਂ ਬਾਅਦ, 22 ਜੁਲਾਈ ਨੂੰ ਅਦਾਲਤ ਨੇ ਸਾਬਕਾ ਜੱਜ ਬੀਐਸ ਚੌਹਾਨ, ਅਲਾਹਾਬਾਦ ਹਾਈ ਕੋਰਟ ਦੇ ਸਾਬਕਾ ਐਸ ਕੇ ਅਗਰਵਾਲ ਅਤੇ ਯੂਪੀ ਦੇ ਸਾਬਕਾ ਡੀਜੀਪੀ ਕੇ. ਕਮਿਸ਼ਨ ਦਾ ਗਠਨ ਕੀਤਾ ਗਿਆ ਅਤੇ ਦੋ ਮਹੀਨਿਆਂ ਦੇ ਅੰਦਰ-ਅੰਦਰ ਰਿਪੋਰਟ ਅਦਾਲਤ ਵਿਚ ਪੇਸ਼ ਕਰਨ ਦੇ ਆਦੇਸ਼ ਦਿੱਤੇ ਗਏ। ਹਾਲਾਂਕਿ ਬਾਅਦ ਵਿਚ ਅਦਾਲਤ ਨੇ ਰਿਪੋਰਟ ਪੇਸ਼ ਕਰਨ ਦੀ ਮਿਆਦ ਇਕ ਮਹੀਨੇ ਹੋਰ ਵਧਾ ਦਿੱਤੀ।
    Published by:Gurwinder Singh
    First published:

    Tags: Gangster Vikas Dubey

    ਅਗਲੀ ਖਬਰ