UP Election Result 2022: ਗਿਣਤੀ ਕੇਂਦਰ 'ਤੇ ਬਸਪਾ ਪੋਲਿੰਗ ਏਜੰਟ ਨੂੰ ਪਿਆ ਦਿਲ ਦਾ ਦੌਰਾ

ਉੱਤਰ ਪ੍ਰਦੇਸ਼ ਦੇ ਗਾਜ਼ੀਆਬਾਦ 'ਚ ਗਿਣਤੀ ਕੇਂਦਰ (Ghaziabad Counting Center) 'ਚ ਤਾਇਨਾਤ ਬਹੁਜਨ ਸਮਾਜ ਪਾਰਟੀ (ਬਸਪਾ) ਦੇ ਪੋਲਿੰਗ ਏਜੰਟ ਅੰਕਿਤ ਯਾਦਵ ਨੂੰ ਅਚਾਨਕ ਦਿਲ ਦਾ ਦੌਰਾ ਪੈ ਗਿਆ।

ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਉਹ ਗਾਜ਼ੀਆਬਾਦ ਸ਼ਹਿਰ ਵਿਧਾਨ ਸਭਾ ਸੀਟ ਦੇ ਗਿਣਤੀ ਕੇਂਦਰ ਦੇ ਟੇਬਲ 11 'ਤੇ ਤਾਇਨਾਤ ਸਨ।

ਦੱਸ ਦਈਏ ਕਿ ਗਾਜ਼ੀਆਬਾਦ ਸ਼ਹਿਰੀ ਵਿਧਾਨ ਸਭਾ ਸੀਟ ਤੋਂ ਭਾਜਪਾ ਦੇ ਅਤੁਲ ਗਰਗ, ਕਾਂਗਰਸ ਦੇ ਸੁਸ਼ਾਂਤ ਗੋਇਲ, ਬਸਪਾ ਦੇ ਕ੍ਰਿਸ਼ਨ ਕੁਮਾਰ ਅਤੇ ਸਮਾਜਵਾਦੀ ਪਾਰਟੀ ਦੇ ਵਿਸ਼ਾਲ ਵਰਮਾ ਚੋਣ ਮੈਦਾਨ ਵਿੱਚ ਹਨ।

ਵਿਧਾਨ ਸਭਾ ਚੋਣਾਂ ਵਿੱਚ ਗਾਜ਼ੀਆਬਾਦ ਜ਼ਿਲ੍ਹੇ ਵਿੱਚ 54.92 ਫੀਸਦੀ ਵੋਟਿੰਗ ਦਰਜ ਕੀਤੀ ਗਈ। ਮੋਦੀਨਗਰ 'ਚ ਸਭ ਤੋਂ ਵੱਧ ਵੋਟਿੰਗ ਹੋਈ, ਜਦਕਿ ਸਾਹਿਬਾਬਾਦ 'ਚ ਸਭ ਤੋਂ ਘੱਟ ਵੋਟਾਂ ਪਈਆਂ।