• Home
  • »
  • News
  • »
  • national
  • »
  • GOA ELECTION CAMPAIGN RAHUL GANDHI IN TALEIGAO SAID DEFECTORS WONT GET ANY SPACE IN THE CONGRESS PARTY

Goa Elections: ਕਾਂਗਰਸ ਨੇ ਗੋਆ ਵਿਚ ਦਿੱਤੀ ਪੰਜਾਬ ਵਾਂਗ ਵਾਅਦੇ ਪੂਰੇ ਕਰਨ ਦੀ ਗਰੰਟੀ

ਕਾਂਗਰਸ ਨੇ ਗੋਆ ਵਿਚ ਦਿੱਤੀ ਪੰਜਾਬ ਵਾਂਗ 'ਵਿਕਾਸ' ਕਰਨ ਦੀ ਗਰੰਟੀ (ਫਾਇਲ ਫੋਟੋ)

  • Share this:
    ਗੋਆ ਵਿਚ ਕਾਂਗਰਸ ਦੀ ਚੋਣ ਪ੍ਰਚਾਰ ਮੁਹਿੰਮ ਸ਼ੁਰੂ ਕਰਦਿਆਂ ਰਾਹੁਲ ਗਾਂਧੀ ਨੇ ਕਿਹਾ ਕਿ ਉਨ੍ਹਾਂ ਦੀ ਪਾਰਟੀ ਆਪਣੇ ਚੋਣ ਮੈਨੀਫੈਸਟੋ ’ਚ ਜੋ ਵਾਅਦੇ ਕਰਦੀ ਹੈ, ਉਹ ਸਿਰਫ ਪ੍ਰਤੀਬੱਧਤਾ ਨਹੀਂ ਸਗੋਂ ਗਾਰੰਟੀ ਹਨ। ਗੋਆ ’ਚ ਅਗਲੇ ਸਾਲ ਦੀ ਸ਼ੁਰੂਆਤ ’ਚ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ।

    ਗੋਆ ਦੀ ਇਕ ਰੋਜ਼ਾ ਯਾਤਰਾ ’ਤੇ ਪਹੁੰਚਣ ਤੋਂ ਬਾਅਦ ਦੱਖਣੀ ਗੋਆ ’ਚ ਮਛੇਰੇ ਭਾਈਚਾਰੇ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਰਾਜ ਦੀਆਂ ਵੱਖ ਵੱਖ ਧਿਰਾਂ ਨਾਲ ਗੱਲਬਾਤ ਤੋਂ ਬਾਅਦ ਕਾਂਗਰਸ ਆਪਣਾ ਚੋਣ ਮੈਨੀਫੈਸਟੋ ਤਿਆਰ ਕਰੇਗੀ ਤੇ ਵਾਤਾਵਰਨ ਸੰਭਾਲ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇਗਾ। ਰਾਹੁਲ ਗਾਂਧੀ ਨੇ ਦਾਅਵਾ ਕੀਤਾ ਕਿ ਪੰਜਾਬ 'ਚ ਅਸੀਂ ਹਰ ਕਿਸਾਨ ਦਾ ਕਰਜ਼ਾ ਮੁਆਫ਼ ਕੀਤਾ ਹੈ।

    ਉਧਰ, ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਕਾਂਗਰਸ ਦੇ ਦਾਅਵਿਆਂ ਉਤੇ ਸਵਾਲ ਚੁੱਕੇ ਹਨ। ਸੁਖਬੀਰ ਨੇ ਕਿਹਾ ਹੈ ਕਿ ਕਾਂਗਰਸ ਕੋਰਾ ਝੂਠ ਬੋਲ ਰਹੀ ਹੈ। ਉਨ੍ਹਾਂ ਮੁੱਖ ਮੰਤਰੀ ਚਰਨਜੀਤ ਚੰਨੀ ਨੂੰ ਕਿਹਾ ਹੈ ਕਿ ਕ੍ਰਿਪਾ ਕਰਕੇ ਰਾਹੁਲ ਜੀ ਨੂੰ ਅਸਲੀਅਤ ਤੋਂ ਜਾਣੂ ਕਰਵਾਓ।



    ਇਸ ਤੋਂ ਪਹਿਲਾਂ ਰਾਹੁਲ ਨੇ ਕਿਹਾ, ‘ਮੇਰੀ ਭਰੋਸੇਯੋਗਤਾ ਮੇਰੇ ਲਈ ਮਹੱਤਵਪੂਰਨ ਹੈ। ਹੋਰਨਾਂ ਆਗੂਆਂ ਦੀ ਤਰ੍ਹਾਂ ਜਦੋਂ ਮੈਂ ਇੱਥੇ ਕੁਝ ਕਹਾਂਗਾ ਤਾਂ ਮੈਂ ਯਕੀਨ ਦਿਵਾਉਂਦਾ ਹਾਂ ਕਿ ਉਹ ਹੋਵੇਗਾ। ਮੈਂ ਇੱਥੇ ਤੁਹਾਡਾ ਜਾਂ ਆਪਣਾ ਸਮਾਂ ਬਰਬਾਦ ਕਰਨ ਨਹੀਂ ਆਇਆ ਹਾਂ। ਜੋ ਵਾਅਦਾ ਅਸੀਂ ਮੈਨੀਫੈਸਟੋ ’ਚ ਕਰਾਂਗੇ, ਉਹ ਸਿਰਫ਼ ਵਾਅਦ ਨਹੀਂ ਹੋਵੇਗਾ ਬਲਕਿ ਗਾਰੰਟੀ ਹੋਵੇਗਾ।’

    ਉਨ੍ਹਾਂ ਕਿਹਾ ਕਿ ਸਾਡੀ ਪਾਰਟੀ ਨੇ ਛੱਤੀਸਗੜ੍ਹ ’ਚ ਕਿਸਾਨਾਂ ਦੇ ਕਰਜ਼ੇ ਮੁਆਫ਼ ਕਰਕੇ ਆਪਣਾ ਵਾਅਦਾ ਪੂਰਾ ਕੀਤਾ ਅਤੇ ਇਸੇ ਤਰ੍ਹਾ ਪੰਜਾਬ ਤੇ ਕਰਨਾਟਕ ’ਚ ਵੀ ਕਿਸਾਨਾਂ ਦੇ ਕਰਜ਼ੇ ਮੁਆਫ਼ ਕੀਤੇ ਗਏ ਹਨ। ਉਨ੍ਹਾਂ ਪਾਰਟੀ ਦੇ ਮੈਨੀਫੈਸਟੋ ਬਾਰੇ ਕਿਹਾ, ‘ਮੈਂ ਤੁਹਾਨੂੰ ਸੱਦਾ ਦਿੰਦਾ ਹਾਂ ਕਿ ਕਾਂਗਰਸ ਦਾ ਚੋਣ ਮੈਨੀਫੈਸਟੋ ਤਿਆਰ ਕਰਨ ਸਬੰਧੀ ਚਰਚਾ ’ਚ ਸ਼ਾਮਲ ਹੋਵੋ। ਤੁਸੀਂ ਪਾਰਟੀ ਨੂੰ ਆਪਣੇ ਸੁਝਾਅ ਦੇਵੋ।’
    Published by:Gurwinder Singh
    First published:
    Advertisement
    Advertisement