ਫਿਰ ਮਿਲੇਗੀ ਨੌਕਰੀ! ਸੀਨੀਅਰ ਸਿਟੀਜਨਾਂ ਲਈ ਸਰਕਾਰ ਦਾ ਵੱਡਾ ਪਲਾਨ, ਜਾਣੋ ਸਭ ਕੁਝ...

ਕੇਂਦਰ ਸਰਕਾਰ ਦੇਸ਼ ਦੇ ਸੀਨੀਅਰ ਸਿਟੀਜਨਾਂ (Senior Citizens) ਲਈ ਇੱਕ ਤੋਹਫ਼ਾ ਪੇਸ਼ ਕਰਨ ਜਾ ਰਹੀ ਹੈ। ਸਰਕਾਰ ਛੇਤੀ ਹੀ ਉਨ੍ਹਾਂ ਲਈ ਰੁਜ਼ਗਾਰ ਐਕਸਚੇਂਜ (Employment Exchange)  ਖੋਲ੍ਹ ਰਹੀ ਹੈ। ਇਸ ਦੇ ਜ਼ਰੀਏ ਸਰਕਾਰ ਵੱਲੋਂ ਉਨ੍ਹਾਂ ਨੂੰ ਵੱਡੀ ਉਮਰ ਵਿੱਚ ਵੀ ਨੌਕਰੀਆਂ ਦਿਵਾਉਣ ਦੇ ਯਤਨ ਕੀਤੇ ਜਾਣਗੇ। ਇਸ ਦੇ ਨਾਲ ਹੀ ਸਰਕਾਰ ਬਜ਼ੁਰਗਾਂ ਲਈ ਹੈਲਪਲਾਈਨ ਸੇਵਾ ਵੀ ਸ਼ੁਰੂ ਕਰੇਗੀ। ਫਿਲਹਾਲ, ਇਹ ਐਕਸਚੇਂਜ 1 ਅਕਤੂਬਰ ਤੋਂ ਕੰਮ ਕਰਨਾ ਸ਼ੁਰੂ ਕਰ ਦੇਵੇਗਾ।

ਇਹ ਜਾਣਕਾਰੀ ਦਿੱਤੀ ਗਈ ਹੈ ਕਿ ਸੀਨੀਅਰ ਨਾਗਰਿਕ ਜੋ ਨੌਕਰੀ ਕਰਨ ਦੇ ਇੱਛੁਕ ਹਨ, ਉਨ੍ਹਾਂ ਨੂੰ ਇਸ ਐਕਸਚੇਂਜ ਵਿੱਚ ਆਪਣੇ ਆਪ ਨੂੰ ਰਜਿਸਟਰਡ ਕਰਵਾਉਣਾ ਹੋਵੇਗਾ। ਉਸ ਤੋਂ ਬਾਅਦ ਉਹ ਨੌਕਰੀ ਦੀ ਭਾਲ ਸ਼ੁਰੂ ਕਰ ਸਕਣਗੇ। ਇਸ ਦੇ ਲਈ ਇੱਕ ਵੈਬ ਪੋਰਟਲ ਵਿਸ਼ੇਸ਼ ਤੌਰ ਉਤੇ ਸ਼ੁਰੂ ਕੀਤਾ ਜਾ ਰਿਹਾ ਹੈ।

60 ਸਾਲ ਤੋਂ ਵੱਧ ਉਮਰ ਦੇ ਵਿਅਕਤੀ ਇਸ ਸ਼੍ਰੇਣੀ ਵਿੱਚ ਆਉਣਗੇ। 1 ਅਕਤੂਬਰ ਤੋਂ, ਸਮਾਜਕ ਨਿਆਂ ਅਤੇ ਸਸ਼ਕਤੀਕਰਨ ਮੰਤਰਾਲੇ ਦੀ ਨਿਗਰਾਨੀ ਵਿੱਚ ਸੀਨੀਅਰ ਯੋਗ ਨਾਗਰਿਕਾਂ ਲਈ ਮੁੜ-ਰੁਜ਼ਗਾਰ ਦੇ ਨਾਮ ਦਾ ਇੱਕ ਵੈਬ ਪੋਰਟਲ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਕੋਈ ਵੀ ਬਜ਼ੁਰਗ ਜੋ ਨੌਕਰੀ ਕਰਨਾ ਚਾਹੁੰਦਾ ਹੈ, ਉਸ ਨੂੰ ਇਸ ਵੈਬਸਾਈਟ ਉਤੇ ਜਾ ਕੇ ਆਪਣੇ ਆਪ ਨੂੰ ਰਜਿਸਟਰਡ ਕਰਵਾਉਣਾ ਪਏਗਾ।

ਮੀਡੀਆ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਇਹ ਇੱਕ ਅਜਿਹਾ ਪਲੇਟਫਾਰਮ ਹੋਵੇਗਾ ਜਿਸ ਵਿੱਚ ਸਟੇਕਹੋਲਟਰ ਆਨਲਾਈਨ ਇੱਕ ਦੂਜੇ ਨੂੰ ਮਿਲਣਗੇ। ਦੋਵੇਂ ਇੱਥੇ ਨੌਕਰੀ ਬਾਰੇ ਗੱਲ ਕਰਨ ਦੇ ਯੋਗ ਹੋਣਗੇ। ਮੰਤਰਾਲੇ ਨੇ ਇਸ ਸਬੰਧ ਵਿੱਚ ਸੀਆਈਆਈ, ਐਪਆਈਸੀਸੀਆਈ ਅਤੇ ਐਸੋਚੈਮ ਨੂੰ ਵੀ ਲਿਖਿਆ ਹੈ। ਉਨ੍ਹਾਂ ਨੂੰ ਕਿਹਾ ਗਿਆ ਹੈ ਕਿ ਰੁਜ਼ਗਾਰ ਪ੍ਰਾਪਤ ਕਰਨ ਵਿੱਚ ਸੀਨੀਅਰ ਨਾਗਰਿਕਾਂ ਦੀ ਮਦਦ ਕੀਤੀ ਜਾਵੇ।

ਸੀਨੀਅਰ ਨਾਗਰਿਕਾਂ ਨੂੰ ਆਪਣੀ ਵਿਦਿਅਕ, ਤਜਰਬਾ ਅਤੇ ਹੋਰ ਲੋੜੀਂਦੀ ਜਾਣਕਾਰੀ ਵੈਬਸਾਈਟ 'ਤੇ ਦੇਣੀ ਹੋਵੇਗੀ, ਹਾਲਾਂਕਿ, ਮੰਤਰਾਲੇ ਦਾ ਕਹਿਣਾ ਹੈ ਕਿ ਇਸ ਗੱਲ ਦੀ ਕੋਈ ਗਾਰੰਟੀ ਨਹੀਂ ਹੈ ਕਿ ਬਜ਼ੁਰਗਾਂ ਨੂੰ ਐਕਸਚੇਂਜ ਤੋਂ 100% ਨੌਕਰੀਆਂ ਮਿਲਣਗੀਆਂ। ਇਹ ਕੰਪਨੀਆਂ ਜਾਂ ਮਾਲਕ 'ਤੇ ਨਿਰਭਰ ਕਰੇਗਾ ਕਿ ਉਹ ਸੀਨੀਅਰ ਨਾਗਰਿਕਾਂ ਨੂੰ ਨੌਕਰੀ' ਤੇ ਰੱਖਦੇ ਹਨ ਜਾਂ ਨਹੀਂ।

ਇਸ ਦੇ ਨਾਲ ਹੀ ਸਰਕਾਰ ਨੇ ਸੀਨੀਅਰ ਨਾਗਰਿਕਾਂ ਲਈ ਇੱਕ ਟੋਲ ਫਰੀ ਹੈਲਪਲਾਈਨ ਵੀ ਸ਼ੁਰੂ ਕੀਤੀ ਹੈ। ਇਸ ਦਾ ਨੰਬਰ 14567 ਹੈ। ਇਸ ਨੂੰ ਐਲਡਰ ਲਾਈਨ ਕਿਹਾ ਜਾ ਰਿਹਾ ਹੈ। ਇਸਦੇ ਜ਼ਰੀਏ ਬਜ਼ੁਰਗ ਪੈਨਸ਼ਨ, ਕਾਨੂੰਨੀ ਮਾਮਲਿਆਂ, ਭਾਵਨਾਤਮਕ ਸਹਾਇਤਾ ਸਮੇਤ ਹੋਰ ਮਾਮਲਿਆਂ ਵਿੱਚ ਸਹਾਇਤਾ ਲੈਣ ਦੇ ਯੋਗ ਹੋਣਗੇ।