10ਵੀਂ ਜਮਾਤ ਦੀ ਪ੍ਰੀਖਿਆ ਦਾ ਪਹਿਲਾ ਪੇਪਰ ਲੀਕ, ਵਟਸਐਪ ਗਰੁੱਪਾਂ 'ਤੇ ਪੇਪਰ ਹੋਇਆ Viral

ਚਰਖੀ ਦਾਦਰੀ : ਹਰਿਆਣਾ ਸਕੂਲ ਸਿੱਖਿਆ ਬੋਰਡ ਵੱਲੋਂ ਪ੍ਰੀਖਿਆਵਾਂ ਨਕਲ ਰਹਿਤ ਹੋਣ ਦੇ ਦਾਅਵਿਆਂ ਦੀ ਪੋਲ ਖੁੱਲਦੀ ਨਜ਼ਰ ਆ ਰਹੀ ਹੈ। ਪਹਿਲੇ ਦਿਨ 10ਵੀਂ ਦਾ ਸੋਸ਼ਲ ਸਾਇੰਸ ਦਾ ਪੇਪਰ ਲੀਕ ਹੋ ਗਿਆ। ਪੇਪਰ ਸ਼ੁਰੂ ਹੋਣ ਤੋਂ ਕੁਝ ਦੇਰ ਬਾਅਦ ਹੀ ਇਹ ਵਟਸਐਪ ਗਰੁੱਪਾਂ 'ਤੇ ਵਾਇਰਲ ਹੋ ਗਿਆ। ਸਿੱਖਿਆ ਵਿਭਾਗ ਦੇ ਅਧਿਕਾਰੀਆਂ ਨੇ ਵੀ ਮੰਨਿਆ ਕਿ ਪੇਪਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਹੈ। ਵਿਭਾਗ ਦੀਆਂ ਸੱਤ ਟੀਮਾਂ ਫੀਲਡ ਵਿੱਚ ਹਨ ਅਤੇ ਆਪਣੇ ਪੱਧਰ ’ਤੇ ਜਾਂਚ ਕਰ ਰਹੀਆਂ ਹਨ।

ਇਸ ਸਬੰਧੀ ਸੂਚਨਾ ਸਿੱਖਿਆ ਬੋਰਡ ਦੇ ਚੇਅਰਮੈਨ ਨੂੰ ਈ-ਮੇਲ ਰਾਹੀਂ ਭੇਜ ਦਿੱਤੀ ਗਈ ਹੈ। ਦੱਸ ਦੇਈਏ ਕਿ ਦੁਪਹਿਰ 12.30 ਵਜੇ ਹਰਿਆਣਾ ਸਕੂਲ ਸਿੱਖਿਆ ਬੋਰਡ, ਭਿਵਾਨੀ ਦੁਆਰਾ ਆਯੋਜਿਤ 10ਵੀਂ ਜਮਾਤ ਦੀ ਸਮਾਜਿਕ ਵਿਗਿਆਨ ਦੀ ਪ੍ਰੀਖਿਆ ਸ਼ੁਰੂ ਹੋਣ ਤੋਂ ਕੁਝ ਦੇਰ ਬਾਅਦ ਹੀ ਪੇਪਰ ਦੇ ਸਾਰੇ ਸੈੱਟਾਂ ਦੀਆਂ ਫੋਟੋਆਂ ਵਟਸਐਪ ਗਰੁੱਪਾਂ 'ਤੇ ਆ ਗਈਆਂ। ਵਟਸਐਪ ਗਰੁੱਪਾਂ 'ਤੇ ਪੇਪਰ ਵਾਇਰਲ ਹੋਣ 'ਤੇ ਸਿੱਖਿਆ ਵਿਭਾਗ 'ਚ ਹੜਕੰਪ ਮਚ ਗਿਆ ਅਤੇ ਵਿਭਾਗ ਦੀਆਂ 7 ਫਲਾਇੰਗ ਟੀਮਾਂ ਨੂੰ ਫੀਲਡ ਜਾਂਚ ਲਈ ਭੇਜਿਆ ਗਿਆ।
ਅਧਿਕਾਰੀ ਦੂਜੇ ਇਲਾਕੇ ਦਾ ਪੇਪਰ ਦੱਸਦੇ ਰਹੇ।

ਹਾਲਾਂਕਿ, ਸਿੱਖਿਆ ਅਧਿਕਾਰੀਆਂ ਨੇ ਦਾਦਰੀ ਖੇਤਰ ਤੋਂ ਪੇਪਰ ਨਿਕਲਣ ਤੋਂ ਇਨਕਾਰ ਕੀਤਾ ਅਤੇ ਕਿਹਾ ਕਿ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਇਹ ਪੇਪਰ ਕਿਸੇ ਹੋਰ ਖੇਤਰ ਦੇ ਹੋ ਸਕਦੇ ਹਨ। ਫਿਰ ਵੀ ਵਿਭਾਗ ਵੱਲੋਂ ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ ਵੀ 12ਵੀਂ ਜਮਾਤ ਦਾ ਪੇਪਰ ਵਟਸਐਪ ਗਰੁੱਪਾਂ 'ਤੇ ਵਾਇਰਲ ਹੋਇਆ ਸੀ। ਵਟਸਐਪ ਗਰੁੱਪਾਂ 'ਤੇ ਪੇਪਰ ਆਊਟ ਹੋਣ ਤੋਂ ਬਾਅਦ ਖੁਫੀਆ ਵਿਭਾਗ ਨੇ ਵੀ ਆਪਣੇ ਪੱਧਰ 'ਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਕਈ ਪ੍ਰੀਖਿਆ ਕੇਂਦਰਾਂ 'ਤੇ ਨਕਲ ਦੇ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਹਨ।

ਜਾਂਚ ਕੀਤੀ ਜਾ ਰਹੀ ਹੈ ਕਿ 10ਵੀਂ ਦਾ ਪੇਪਰ ਆਉਟ ਹੋਇਆ ਹੈ ਜਾਂ ਨਹੀਂ

ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਜੈਪ੍ਰਕਾਸ਼ ਸੱਭਰਵਾਲ ਨੇ ਦੱਸਿਆ ਕਿ 10ਵੀਂ ਜਮਾਤ ਦੇ ਸਮਾਜਿਕ ਵਿਗਿਆਨ ਦੇ ਪੇਪਰ ਦੀ ਜਾਣਕਾਰੀ ਮੀਡੀਆ ਰਾਹੀਂ ਪ੍ਰਾਪਤ ਹੋਈ ਹੈ | ਕੁਝ ਵਟਸਐਪ ਗਰੁੱਪਾਂ 'ਤੇ ਪੇਪਰ ਆਏ ਹਨ। ਇਸ ਦਾ ਪਤਾ ਲੱਗਦਿਆਂ ਹੀ ਵਿਭਾਗ ਦੀਆਂ ਸੱਤ ਟੀਮਾਂ ਜਾਂਚ ਲਈ ਫੀਲਡ ਵਿੱਚ ਪਹੁੰਚ ਗਈਆਂ। ਫਿਲਹਾਲ ਇਨ੍ਹਾਂ ਵਟਸਐਪ ਗਰੁੱਪਾਂ 'ਤੇ ਦਿਖਾਈ ਦੇਣ ਵਾਲੇ ਪਰਚੇ ਦਾਦਰੀ ਖੇਤਰ ਤੋਂ ਬਾਹਰ ਦੇ ਲੱਗ ਰਹੇ ਹਨ। ਫਿਰ ਵੀ ਇਸ ਮਾਮਲੇ ਦੀ ਜਾਣਕਾਰੀ ਸਿੱਖਿਆ ਬੋਰਡ ਦੇ ਚੇਅਰਮੈਨ ਦੀ ਈ-ਮੇਲ 'ਤੇ ਭੇਜ ਦਿੱਤੀ ਗਈ ਹੈ।