ਵਾਲ-ਵਾਲ ਬਚੇ ਅਨਿਲ ਵਿੱਜ, ਚੱਲਦੀ ਕਾਰ ਦਾ ਸ਼ੌਕਰ ਟੁੱਟਿਆ, ਦੇਖੋ ਕਿਹੜੀ ਕਾਰ 'ਚ ਕਰ ਰਹੇ ਸਨ ਸਫਰ

ਹਰਿਆਣਾ ਦੇ ਗ੍ਰਹਿ ਅਤੇ ਸਿਹਤ ਮੰਤਰੀ ਅਨਿਲ ਵਿਜ ਸੋਮਵਾਰ ਨੂੰ ਕੁੰਡਲੀ-ਮਾਨੇਸਰ-ਪਲਵਲ (ਕੇਐਮਪੀ) ਐਕਸਪ੍ਰੈਸ ਵੇਅ 'ਤੇ ਯਾਤਰਾ ਕਰਦੇ ਸਮੇਂ ਇੱਕ ਵੱਡੇ ਹਾਦਸੇ ਦਾ ਸ਼ਿਕਾਰ ਹੋਣ ਬਚ ਗਏ। ਅਨਿਲ ਵਿੱਜ ਆਪਣੀ ਸਰਕਾਰੀ ਕਾਰ 'ਚ ਸਫਰ ਕਰ ਰਹੇ ਸਨ ਕਿ ਅਚਾਨਕ ਕਾਰ ਦਾ ਸ਼ੌਕਰ ਟੁੱਟ ਗਿਆ।

ਚੰਗੀ ਕਿਸਮਤ ਨਾਲ ਡਰਾਈਵਰ ਨੂੰ ਇਸ ਦਾ ਪਤਾ ਲੱਗ ਗਿਆ ਅਤੇ ਉਸ ਨੇ ਤੁਰੰਤ ਕਾਬੂ ਕਰਦੇ ਹੋਏ ਗੱਡੀ ਨੂੰ ਰੋਕ ਲਿਆ। ਇਸ ਹਾਦਸੇ ਵਿੱਚ ਸਾਰੇ ਸੁਰੱਖਿਅਤ ਹਨ। ਘਟਨਾ ਤੋਂ ਬਾਅਦ ਵਿਜ ਨੇ ਸੋਸ਼ਲ ਮੀਡੀਆ 'ਤੇ ਕਾਰ ਦੀ ਤਸਵੀਰ ਪੋਸਟ ਕੀਤੀ ਅਤੇ ਕਿਹਾ, ''ਅੰਬਾਲਾ ਕੈਂਟ ਤੋਂ ਗੁਰੂਗ੍ਰਾਮ ਜਾਂਦੇ ਸਮੇਂ ਮਰਸਡੀਜ਼ ਦਾ ਸ਼ੌਕਰ ਟੁੱਟ ਗਿਆ। ਉਹ ਦੁਰਘਟਨਾ ਵਿੱਚ ਵਾਲ-ਵਾਲ ਬਚ ਗਏ।"

Escaped miraculously while traveling from Ambala Cantt to Gurugram when shocker of my official @MercedesBenzInd E200 broke into two pieces in moving car on KMP Road pic.twitter.com/2hUHdaxPlB

— ANIL VIJ MINISTER HARYANA (@anilvijminister) December 19, 2022

ਹਰਿਆਣਾ ਦੇ ਮੰਤਰੀ ਜਿਸ ਕਾਰ ਵਿਚ ਸਫ਼ਰ ਕਰ ਰਹੇ ਸਨ, ਉਸ ਦਾ ਨਾਂ Mercedes-Benz E-Class E200 ਹੈ। ਇਸ ਕਾਰ ਨੂੰ ਭਾਰਤ 'ਚ ਪਹਿਲੀ ਵਾਰ ਕਰੀਬ 4 ਸਾਲ ਪਹਿਲਾਂ ਲਾਂਚ ਕੀਤਾ ਗਿਆ ਸੀ।

ਪਿਛਲੇ ਸਾਲ 2021 'ਚ ਕਾਰ ਦਾ ਅਪਗ੍ਰੇਡ ਮਾਡਲ ਲਾਂਚ ਕੀਤਾ ਗਿਆ ਸੀ। ਇਹ ਭਾਰਤੀ ਬਾਜ਼ਾਰ ਵਿੱਚ ਹੁਣ ਤੱਕ ਦੀ ਸਭ ਤੋਂ ਸਫਲ ਮਰਸੀਡੀਜ਼ ਕਾਰਾਂ ਵਿੱਚੋਂ ਇੱਕ ਹੈ। ਇਹ ਹੁਣ ਤੱਕ ਭਾਰਤ ਵਿੱਚ 46,000 ਤੋਂ ਵੱਧ ਮਾਡਲ ਵੇਚ ਚੁੱਕਾ ਹੈ। ਕਾਰ ਦੀ ਕੀਮਤ 73.66 ਲੱਖ ਰੁਪਏ ਤੋਂ 80.76 ਲੱਖ ਰੁਪਏ ਦੇ ਵਿਚਕਾਰ ਹੈ।

ਹੁਣ ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਇੰਨੀ ਮਹਿੰਗੀ ਕਾਰ ਦਾ ਸ਼ੌਕਰ ਜਾਂ ਸਸਪੈਂਸ਼ਨ ਕਿਵੇਂ ਟੁੱਟ ਸਕਦਾ ਹੈ? ਦੱਸ ਦੇਈਏ ਕਿ ਫਿਲਹਾਲ ਇਸ ਘਟਨਾ 'ਤੇ ਕੰਪਨੀ ਵੱਲੋਂ ਕੋਈ ਬਿਆਨ ਨਹੀਂ ਆਇਆ ਹੈ। ਹਾਲਾਂਕਿ, ਡਰਾਈਵਿੰਗ ਕਰਦੇ ਸਮੇਂ ਨੁਕਸਾਨ ਦੇ ਕਈ ਕਾਰਨ ਹੋ ਸਕਦੇ ਹਨ।