ਹਾਥਰਸ ਕਾਂਡ: ਪੀੜਤਾ ਦੀ ਮਾਂ ਦਾ ਦੋਸ਼- DM ਨੇ ਕਿਹਾ ਜੇ ਕੋਰੋਨਾ ਨਾਲ ਮਰ ਜਾਂਦੀ ਤਾਂ ਕੀ ਮੁਆਵਜ਼ਾ ਮਿਲਦਾ?

ਉੱਤਰ ਪ੍ਰਦੇਸ਼ ਦੇ ਹਾਥਰਸ ਵਿੱਚ ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਸ਼ਨੀਵਾਰ ਨੂੰ ਤੀਜੇ ਦਿਨ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਪੁਲਿਸ ਨੇ ਮੀਡੀਆ ਨੂੰ ਪੀੜਤ ਪਰਿਵਾਰ ਨੂੰ ਮਿਲਣ ਦੀ ਇਜਾਜ਼ਤ ਦੇ ਦਿੱਤੀ। ਜਦੋਂ ਮੀਡੀਆ ਪੀੜਤ ਪਰਿਵਾਰ ਨੂੰ ਮਿਲਿਆ ਤਾਂ ਪਰਿਵਾਰ ਨੇ ਆਪਣਾ ਦਰਦ ਜ਼ਾਹਿਰ ਕੀਤਾ। ਉਸ ਨੇ ਦੱਸਿਆ ਕਿ ਕਿਵੇਂ ਤਿੰਨ ਦਿਨ ਭਾਰੀ ਪੁਲਿਸ ਫੋਰਸ ਦੇ ਵਿਚਕਾਰ ਇੱਕ-ਇਕ ਪਲ ਬਿਤਾਇਆ...

ਸਾਰੇ ਮਾਰ ਰਹੇ ਨੇ ਮੁਆਵਜ਼ੇ ਦਾ ਤਾਅਨੇ- ਡੀਐਮ ਤਾਂ…

ਪੀੜਤ ਪਰਿਵਾਰ, ਹਾਥਰਸ ਦੇ ਡੀਐਮ ਪ੍ਰਵੀਨ ਕੁਮਾਰ ਨਾਲ ਸਭ ਤੋਂ ਨਾਰਾਜ਼ ਦਿਖਾਈ ਦਿੱਤਾ। ਪੀੜਤ ਲੜਕੀ ਦੀ ਮਾਂ ਨੇ ਕਿਹਾ ਕਿ ਡੀਐਮ ਨੇ ਉਸ ਨੂੰ ਕਿਹਾ ਸੀ ਕਿ ਜੇ ਤੁਹਾਡੀ ਲੜਕੀ ਕੋਰੋਨਾ ਨਾਲ ਮਰ ਜਾਂਦੀ ਤਾਂ ਇਸ ਦਾ ਕੋਈ ਮੁਆਵਜ਼ਾ ਮਿਲਣਾ ਸੀ? ਮੁਆਵਜ਼ਾ ਤਾਂ ਮਿਲਿਆ। ਪੀੜਤ ਦੀ ਮਾਂ ਨੇ ਕਿਹਾ ਕਿ ਸਾਰੇ ਉਸਦੇ ਪਰਿਵਾਰ ਨੂੰ ਮੁਆਵਜ਼ੇ ਲਈ ਤਾਅਨੇ ਮਾਰ ਰਹੇ ਹਨ। ਉਸਨੇ ਪੁੱਛਿਆ ਕਿ ਕੀ ਮੇਰੀ ਬੇਟੀ ਇਸ ਮੁਆਵਜ਼ੇ ਨਾਲ ਵਾਪਸ ਆਵੇਗੀ?

ਉਸੇ ਸਮੇਂ, ਪੀੜਤ ਲੜਕੀ ਦੇ ਭਰਾ ਨੇ ਕਿਹਾ ਕਿ ਸਾਨੂੰ ਸਫਦਰਜੰਗ ਹਸਪਤਾਲ ਵਿੱਚ ਲਾਸ਼ ਨਹੀਂ ਦਿੱਤੀ। ਜਦੋਂ ਉਨ੍ਹਾਂ ਨੂੰ ਉਥੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਸਾਨੂੰ ਪਤਾ ਨਹੀਂ। ਇਥੇ ਆਉਣ ਤੋਂ ਬਾਅਦ, ਸਾਨੂੰ ਪਤਾ ਚੱਲਿਆ ਕਿ ਰਾਤ ਨੂੰ ਹੀ ਸਸਕਾਰ ਕਰ ਰਹੇ ਹਨ। ਅਸੀਂ ਕਿਹਾ ਕਿ ਅਸੀਂ ਰੀਤੀ ਰਿਵਾਜਾਂ ਅਨੁਸਾਰ ਕਰਾਂਗੇ। ਇਸ ਤੋਂ ਬਾਅਦ ਵੀ ਸਾਡੀ ਕੋਈ ਸੁਣਵਾਈ ਨਹੀਂ ਹੋਈ। ਸਾਨੂੰ ਇਹ ਵੀ ਨਹੀਂ ਪਤਾ ਕਿ ਜਿਸ ਨੂੰ ਸਾੜਿਆ ਗਿਆ, ਉਹ ਸਾਡੀ ਭੈਣ ਵੀ ਸੀ ਜਾਂ ਨਹੀਂ? ਕੀ ਪਤਾ ਹੈ ਕਿ ਕੋਈ ਪੁਤਲਾ ਸਾੜਿਆ ਗਿਆ ਸੀ।