ਨਸ਼ੀਲੇ ਤਰਲ ਪਦਾਰਥ ਪੀਣ ਨਾਲ ਦੂਰ ਨਹੀਂ ਹੁੰਦੀ ਸਰਦੀ-ਖਾਂਸੀ, ਮਹਿਲਾ ਡਾਕਟਰ ਨੇ ਦਿੱਤੀ ਇਹ ਸਲਾਹ...

ਸਰਦੀਆਂ ਵਿਚ ਨਸ਼ੀਲੇ ਤਰਲ ਪਦਾਰਥ ਪੀਣ ਦਾ ਰੁਝਾਨ ਵਧ ਜਾਂਦਾ ਹੈ। ਇਸ ਗੱਲ ਦਾ ਅੰਦਾਜ਼ਾ ਇਸ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਜਨਵਰੀ 2023 ਦੇ ਪਹਿਲੇ ਹਫ਼ਤੇ ਦਿੱਲੀ ਵਿੱਚ ਇੱਕ ਕਰੋੜ ਤੋਂ ਵੱਧ ਨਸ਼ੀਲੇ ਤਰਲ ਪਦਾਰਥ ਦੀਆਂ ਬੋਤਲਾਂ ਵਿਕੀਆਂ।

ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਜੇਕਰ ਤੁਸੀਂ ਇਸ ਮੌਸਮ 'ਚ ਨਸ਼ੀਲੇ ਤਰਲ ਪਦਾਰਥ ਪੀਓਗੇ ਤਾਂ ਤੁਸੀਂ ਸਰਦੀ-ਖਾਂਸੀ ਵਰਗੀਆਂ ਸਮੱਸਿਆਵਾਂ ਤੋਂ ਬਚੋਗੇ। ਇਹ ਵੀ ਇੱਕ ਕਾਰਨ ਹੈ ਕਿ ਲੋਕ ਠੰਡ ਵਿੱਚ ਬਹੁਤ ਜ਼ਿਆਦਾ ਸ਼ਰਾਬ ਪੀਂਦੇ ਹਨ। ਕੁਝ ਲੋਕ ਇਸ ਨੂੰ ਅਫਵਾਹ ਕਹਿੰਦੇ ਹਨ। ਅੱਜ ਅਸੀਂ ਡਾਕਟਰ ਤੋਂ ਇਹ ਜਾਣਨ ਦੀ ਕੋਸ਼ਿਸ਼ ਕਰਾਂਗੇ ਕਿ ਸਰਦੀ ਅਤੇ ਸ਼ਰਾਬ ਬਾਰੇ ਮੈਡੀਕਲ ਸਾਇੰਸ ਕੀ ਕਹਿੰਦੀ ਹੈ।

ਕੀ ਜ਼ੁਕਾਮ ਤੇ ਫਲੂ ਦੀ ਦਵਾਈ ਬਣ ਸਕਦੇ ਹਨ ਨਸ਼ੀਲੇ ਤਰਲ ਪਦਾਰਥ?

ਨਵੀਂ ਦਿੱਲੀ ਦੇ ਸਰ ਗੰਗਾਰਾਮ ਹਸਪਤਾਲ ਦੇ ਪ੍ਰੀਵੈਂਟਿਵ ਹੈਲਥ ਵਿਭਾਗ ਦੀ ਡਾਇਰੈਕਟਰ ਡਾ: ਸੋਨੀਆ ਰਾਵਤ ਦੇ ਅਨੁਸਾਰ, ਡਾਕਟਰ ਕਦੇ ਵੀ ਸਰਦੀ, ਖਾਂਸੀ ਅਤੇ ਜ਼ੁਕਾਮ ਨੂੰ ਠੀਕ ਕਰਨ ਲਈ ਨਸ਼ੀਲੇ ਤਰਲ ਪਦਾਰਥ ਪੀਣ ਦੀ ਸਲਾਹ ਨਹੀਂ ਦਿੰਦੇ ਹਨ।

ਨਸ਼ੀਲੇ ਤਰਲ ਪਦਾਰਥ ਪੀਣ ਨਾਲ ਕੁਝ ਲੋਕਾਂ ਨੂੰ ਜ਼ੁਕਾਮ ਅਤੇ ਖੰਘ ਤੋਂ ਰਾਹਤ ਮਿਲ ਸਕਦੀ ਹੈ, ਪਰ ਇਹ ਮੈਡੀਕਲ ਤੌਰ 'ਤੇ ਸਾਬਤ ਨਹੀਂ ਹੋਇਆ ਹੈ। ਜ਼ੁਕਾਮ ਤੋਂ ਬਚਣ ਲਈ ਨਸ਼ੀਲੇ ਤਰਲ ਪਦਾਰਥ ਦਾ ਸੇਵਨ ਘਰੇਲੂ ਉਪਾਅ ਮੰਨਿਆ ਜਾ ਸਕਦਾ ਹੈ। ਜੋ ਲੋਕ ਨਸ਼ੀਲੇ ਤਰਲ ਪਦਾਰਥ ਨਹੀਂ ਪੀਂਦੇ ਉਹ ਜ਼ੁਕਾਮ ਤੋਂ ਬਚਣ ਲਈ ਅਦਰਕ ਅਤੇ ਸ਼ਹਿਦ ਦੀ ਵਰਤੋਂ ਕਰਦੇ ਹਨ। ਜ਼ਿਆਦਾ ਤੋਂ ਜ਼ਿਆਦਾ ਗਰਮ ਭੋਜਨ ਅਤੇ ਪੀਣ ਵਾਲੇ ਪਦਾਰਥਾਂ ਦਾ ਸੇਵਨ ਸਰਦੀ, ਜ਼ੁਕਾਮ ਅਤੇ ਖਾਂਸੀ ਵਿਚ ਲਾਭਕਾਰੀ ਹੋ ਸਕਦਾ ਹੈ।

ਡਾ: ਸੋਨੀਆ ਰਾਵਤ ਦਾ ਕਹਿਣਾ ਹੈ ਕਿ ਜੇਕਰ ਕੋਈ ਵਿਅਕਤੀ ਸਰਦੀ, ਖਾਂਸੀ ਤੋਂ ਬਚਣ ਲਈ ਨਸ਼ੀਲੇ ਤਰਲ ਪਦਾਰਥ ਦਾ ਸੇਵਨ ਕਰਨਾ ਚਾਹੁੰਦਾ ਹੈ ਤਾਂ ਇਸ ਦੀ ਮਾਤਰਾ ਬਹੁਤ ਘੱਟ ਹੋਣੀ ਚਾਹੀਦੀ ਹੈ। ਇਕ ਚਮਚ ਨਸ਼ੀਲੇ ਤਰਲ ਪਦਾਰਥ ਨੂੰ ਸ਼ਹਿਦ ਅਤੇ ਨਿੰਬੂ ਦੇ ਰਸ ਵਿਚ ਮਿਲਾ ਕੇ ਪੀਣ ਨਾਲ ਤੁਹਾਨੂੰ ਲਾਭ ਮਿਲ ਸਕਦਾ ਹੈ।

ਇਹ ਦਿਨ ਵਿੱਚ ਤਿੰਨ ਵਾਰ ਅਜਿਹਾ ਕੀਤਾ ਜਾ ਸਕਦਾ ਹੈ। ਜੇਕਰ ਸ਼ਹਿਦ ਜਾਂ ਨਿੰਬੂ ਉਪਲਬਧ ਨਾ ਹੋਵੇ ਤਾਂ ਅੱਧਾ ਕੱਪ ਗਰਮ ਪਾਣੀ ਵਿਚ ਇਕ ਚਮਚ ਨਸ਼ੀਲੇ ਤਰਲ ਪਦਾਰਥ ਮਿਲਾ ਕੇ ਲਿਆ ਜਾ ਸਕਦਾ ਹੈ। ਸੌਣ ਤੋਂ ਪਹਿਲਾਂ ਅਜਿਹਾ ਕਰਨ ਨਾਲ ਤੁਸੀਂ ਜ਼ਿਆਦਾ ਰਾਹਤ ਪਾ ਸਕਦੇ ਹੋ। ਹਾਲਾਂਕਿ, ਅਜਿਹਾ ਲੰਬੇ ਸਮੇਂ ਤੱਕ ਨਹੀਂ ਕਰਨਾ ਚਾਹੀਦਾ, ਨਹੀਂ ਤਾਂ ਤੁਸੀਂ ਨਸ਼ੀਲੇ ਤਰਲ ਪਦਾਰਥ ਦੇ ਆਦੀ ਹੋ ਸਕਦੇ ਹੋ।

ਡਾਕਟਰ ਮੁਤਾਬਕ ਜ਼ੁਕਾਮ ਤੋਂ ਬਚਣ ਲਈ ਤੁਹਾਨੂੰ ਆਪਣੀ ਡਾਈਟ 'ਚ ਨਿੰਬੂ ਅਤੇ ਅਦਰਕ ਜ਼ਰੂਰ ਸ਼ਾਮਲ ਕਰਨਾ ਚਾਹੀਦਾ ਹੈ। ਅਦਰਕ ਤੁਹਾਨੂੰ ਤੁਰੰਤ ਰਾਹਤ ਦੇ ਸਕਦਾ ਹੈ। ਸ਼ਹਿਦ ਦਾ ਸੇਵਨ ਕਰਨਾ ਵੀ ਫਾਇਦੇਮੰਦ ਹੁੰਦਾ ਹੈ। ਜੇਕਰ ਤੁਸੀਂ ਖਾਣ-ਪੀਣ ਵਿਚ ਕੁਝ ਸਾਵਧਾਨੀਆਂ ਵਰਤਦੇ ਹੋ, ਤਾਂ ਤੁਸੀਂ ਆਸਾਨੀ ਨਾਲ ਜ਼ੁਕਾਮ ਤੋਂ ਬਚ ਸਕਦੇ ਹੋ। ਜੇਕਰ ਸਮੱਸਿਆ ਵੱਧ ਰਹੀ ਹੈ ਤਾਂ ਡਾਕਟਰ ਦੀ ਸਲਾਹ ਲੈ ਕੇ ਦਵਾਈ ਲੈਣੀ ਚਾਹੀਦੀ ਹੈ।